nəsiminin dindar olması



facebook twitter əjdaha lazımdı   izlə   lələ   mən   googllalink

    1. imadəddin nəsiminin "istəmə" rədifli qəzəlində qarşılaşdığım bir hissədən gədiyim nəticə.

    Həqqə münkirdir fəqih, inanma ol şeytana kim,
    Yoxdur ol cinxilqətin zatında iqrar, istəmə!

    Bir də öz çərçivəmdə tərcümə etdiyim versiyanı yazıram.

    həqqə (tanrıya) münkirdir (qarşıdır) fəqih (elm), inanma ol şeytana kim,
    yoxdur ol cinxilqətin (cin xilqətli) zatında iqrar (iman), istəmə!
    2. həqqə münkirdir fəqih, inanma ol şeytana kim,
    yoxdur ol cinxilqətin zatında iqrar, istəmə!

    fəqih elm deyil, islamla bağlıdır. yəni yuxarıdakı qəzəldən nəsiminin dinə qarşı OLDUĞUNU anlamaq olar məncə.
    3. ümumiyyətlə, ən çox dartışılan məsələlərdən biridir. yuxarıda qeyd olunan beytdə isə fəqih sözünün açılımında yanlışlığa yol verib yazarımız. fəqih fiqh elmi ilə məşğul olan adamdı. fiqh isə ərəbcədən mənası anlama, dərk etmə, başa düşmə deməkdir. fiqh elmi ibadət və sair şəriət hökmlərindən bəhs edən elmdir.

    bu məqamdan çıxış edərək, yuxarıdakı beytdən belə nəticəyə gəlmək olar ki, nəsimi şəriətə, şəriət alimlərinə qarşı çıxır, nəinki dindar olub
    4. Hürufiliyin özünün də inanc kimi bir şey olduğunu nəzərə alarsaq, nəsiminin dindar olduğu doğru təsbitdir. Dindarlıq elə ancaq müsəlmanlara aid bir şey deyil ki. Nəsimi öz inancının dindarı idi.
    5. Müzakirə olunması mənasız məsələ. Nəsiminin inancı hurufilik olmuşdur ki, bu da din deyil, fəlsəfi axımdır. Hurufilik haqqında bir az məlumatı olanlar da bilir ki, hurufilik islamın məzhəblərindən biri olmuşdur və müqəddəs kitablarda ki hərflərlə, kodlarla insanın yaradılışını əlaqələndirir, insanı Tanrının bir parçası olaraq görürdülər. ( məsələn onlara görə ərəb əlifbasındaki hərflərin bəziləri insanın müəyyən üzvlərini təmsil edirdi. ) Nəzərə alsaq ki hurufilik dini məzhəbdir( fəlsəfi axım) və Nəsimi bu inanc üçün dərisinin soyulmasına belə razı olub onda Nəsimi əsl dindardır. Dindar deyəndə ağlınıza saqqal uzadıb ərəb paltarı geyinən adamların gəlməsi doğru deyil. Onlara dinci
    demək daha doğrudur.
    6. ələviliyin 7 ulu ozanından birisi olması və ələviliyin də islamın şiəlik məzhəbinin bir qolu olması bunu təsdiq edir. lap olmasa belə bu heç kimi narahat etməməlidir.
    7. peyğəmbər aşiqi olmuşdur. nəsiminin peyğəmbərimizə həsr etdiyi şeirlərini oxuyub təsirlənməmək mümkün deyildir.
    8. şəriətə kor koranə inananların zındıq, inancsızların filosof, ilahi eşqi tərənnüm edən sufilərin isə ustad gördükləri şəxsiyyət.
    9. amerikanı müsəlmanların kəşf etməsi qədər təbii hadisədir.


sən də yaz!