#sendeanlat


facebook twitter əjdaha lazımdı   googllalink

    1. Türkiyədə 20 yaşlı tələbə Özgecan Aslanın zorlanaraq öldürülməsinin ardınca sosial şəbəkələrdə yaradılmış #səndəanlat haştaqına azərbaycanlı sosial şəbəkə istifadəçiləri də qoşulub.
    Qadınların həyatları boyunca özlərinə qarşı təcavüz və qısnama hallarını paylaşdığı bu haştaq diqqəti Azərbaycanda məişət zorakılığına yönəldib.
    Azərabaycanda sosial media istifadəçisi Aygül Pəncəliyeva yazıb ki, 13-14 yaşından təcavüzlə qarşılaşıb.
    "Nəyinsə düzgün olmadığını, əlinin köynəyimin altına getdiyini anlayanda durub qaçmışdım. 17 yaşımda axşam hazırlıqdan qayıdanda bığlı bir kişi qarşımı kəsib qarşımda masturbasiya etmişdi. Atam vaxtında çatdı, yoxsa ardında nə ola biləcəyini təsəvvür eləmirəm.
    19-20 yaşımda universitetdə boş otaqdaykən böyük kurslardan biri girib tanış olmaq istəyirdi, sillə vurub qaçmışam.
    IV kursda 60-dan, magistraturanın I kursunda 80-dən çox yaşı olqısm müəllimlərin təcavüzünə uğramışam. ikincisi universitetdən qovuldu və bir müddətdən sonra öldü.
    il yarım "mən kişiyəm, mənim dediyim olacaq!" deyən eks-nişanlıma dözmüşəm. Bunun da bir təcavüz növü olduğunu sonradan öyrəndim.
    24-25 yaşımdaykən axşam blokda tanımadığım adamın hücumuna məruz qalmışam. Nə etmək istədiyini bilmirəm, əlinə bol-bol ətir vurub boğmağa çalışırdı. Birtəhər qışqırdım, qonşular çıxdı, o da məni itələyib qaçdı.
    Avtobusda saysız-hesabsız sürtünmələrdən danışmadım. Əvvəllər qorxurdum, səsimi çıxarmırdım. indi inanmıram, kimsə buna cəsarət edə bilsin".
    30 yaşlı Lale Akhmedova isə bildirib ki, indiyə qədər ona bu sadalananlar edilməyib.

    "Məktəbdə oxumuşam, universitetdə, işdə də ətrafımda oğlanlar olub, müdirlərim həmişə kişi olub, oğlanlarla yola da çıxmışam, amma indiyə kimi mənə bu qızın sadaladıqlarını edən olmayıb. Ya bu qız nəyisə düzgün etməyib, ya da mən hər şeyi düzgün eləmişəm".
    O həmçinin əlavə edib ki, təcavüz təkcə Azərbaycanda olmur, bu sadalananlar məkanlıq deyil.
    Şümşad Abd cavab olaraq yazıb ki, o qızın danışdıqlarının 100-də yüzü və hətta artığı başıma gəlib.
    ""duxunuz" catırsa çıxın qabağıma və deyin ki, 9 yaşlı uşağın nəsə bir "nito" hərəkəti olub, deyin ki, ibtidai sinifdə oxuyan bir uşaq kişilərə gəl-gəl deyirdi..", Şümşad Abd qeyd edib.
    Sinar Evren adlı istifadəçi yazıb ki, ilk dəfə təcavüz 7-8 yaşlarında olmuşdu. "Babamın dostlarının qucağında oturarkən əl hərəkətlərindən anlamamışdım".
    "Daha sonra 16 yaşımda voleybolda yarışdan qayıdarkən üç maşının saxlayıb, əxlaqsız təklifləri ilə təcavüzdə qalmışam".
    "Qadınlara qarşı zorakılıq, onlara tecavüz edilməsi, onların öldürülməsi ve onların bir çox işgəncələrə məruz qalması yolverilməzdir, qətiyyətlə pislənməlidir. Təəssüf ki Türkiyədəki məlum olayın çox bənzərləri öz ölkəmizdə də yaşanıb, tədbirlər görülməsə yenə də yaşanacaq. Qadın zorakılığına son!", Hikmat Gasımzade bildirib.
    Vüqar Adıgözəl bildirib ki, "kişi olmaq elə utandırıcıdır ki..".
    Ayxan Axundov Bizim Yol qəzetinin Facebook səhifəsində paylaşılan yazıya belər bir şərh yazıb: "kaşki, valideyinlərin qızlarının namusunu qoruduğu kimi, onlara əxlaq tərbiyəsi verdiyi kimi oğlanlara da versəydilər. (Bəzilərin nəzərdə tuturam) Kaşki qızına "Qızım tərbiyəli ol. Açıq saçıq geyinmə" deyən ata oğluna da "Oğlum həyalı ol. Küçədən keçən qıza baxma. Sataşma söz atma. Onların hamısı yer üzünə rəhmət gəlib. Aldatma qızları. Hissləri ilə oynama. Əxlaqlı ol" deyən ata olaydı. Cəmiyyət gözəl olaydı... Yoxsa deməzdi "ayə gə görüm bura neçədənə qızın var? Nə? Ayə sənin vaxtında nə canlar yandırmışam"....
    Həqiqət budur. Belə bir cəmiyyətimiz var".
    ArzuHussein adlı Tvitter istifadəçisi yazıb ki, "o vaxt lisey yoldaşımın biri danışmışdı ki, qonşuları o biri qonşunun qazına təcavüz etdiyi üçün həbs olunub. Türkiyədən çox fərqimiz yoxdu".
    "Qadının cinsi ehtiyacların qarşılanması üçün yaradılmış olduğunu düşünən toplumlarda təcavüz və bu kimi suçların geniş yayılması normaldır", Ayten Aliyeva paylaşıb (c) bbc azeri


sən də yaz!