k vitamini


facebook twitter əjdaha lazımdı   googllalink

    1. Əslində K vitamininin çatışmazlığı az hallarda olur. Çünki, gündəlik qəbul edilən yaşıl yarpaqlı bitkilərin hamısında K vitamini kifayət qədər mövcuddur. Həm də bağırsaqlardakı “yaxşı” tipli bakteriyalar özləri bu vitamininin yaranmasında rol oynayırlar. Lakin antibiyotik qəbulu, öd kisəsi və ya öd yolları xəstəlikləri, qaraciyər xəstəlikləri, qan duruldan dərmanların qəbulu, ciddi yanıqlar və hemodiyaliz müalicəsi və s. bu vitamininin çatışmazlığına səbəb ola bilər.
    2. Hemostazisdə- orqanizmin daxili mühitinin stabilliyində, daha dəqiq Qanın laxtalanmasında rol oynayan ən önəmli maddələrdəndir. Yağda əriyə bilən və ya lipofilik 4 vitamindən biridir (K, A, D, E, vitaminləri). Yeni doğulmuş uşaqlarda k vitaminin deposu olmur, həmçinin bağırsaq mikroflorası hələ formalaşmadığı üçün, vitamin sintezi mümkün deyil. Bu səbəbdən də yeni doğulan uşaqlara K vitamini proflaktikası tətbiq olunur.
    3. üç qrupu var: k1, k2, k3. k1 yaşıl bitkilərdə olur, k2 bağırsaq bakteriyaları tərəfindən yaranır, k3 isə k vitamininin sintetik versiyasıdır. bağırsaqlarda olan bakteriyaların daimi bu vitamini sintez edə bildiyi üçün k vitamini əksikliyi nadir hallarda müşahidə olunur. antikoaqulyantlar (varfarin və s.) və antibiyotiklər k vitamini əksikliyi yarada bilər. doğulacaq uşaqlarda k vitamini əksikliyinə meyillilik olduğu üçün doğuşdan əvvəl hamilə qadına, sonra isə uşağa k1 vitamini verilir. danimarkalı elm adamı henrik peter dam tərəfindən kəşf olunub. kimyəvi tərkibi isə edward dolsy tərəfindən kəşf olunub. hər ikisi 1943-cü ildə nobel tibb mükafatı ilə təltif olunub.


sən də yaz!