əjdaha lazımdı
izlə
dostlar
mən
googlla
sözaltı günlük
-
sözaltı etiraf
-
yazarların paylaşmaq istədikləri şeirlər
-
acı uşaqlıq xatirələri
-
yazarların ruh halı
-
həyatın nə qədər cındır olduğunun anlaşıldığı anlar
-
kişilərin ağlaması
-
darıxmaq
-
təkcə mənmi edirəm deyə düşünülən şeylər
başlıqdakı ən bəyənilən yazılar:
+17 əjdaha
27. körpə uşaqlar hələ dil açmayıblar deyə narahatlıqlarını, narazılıqlarını ağlamaqla bildirirlər. hələ dilləri nəyisə izah etməyə çatmır deyə. qışqır-bağır, hay-küy axır istəklərini əldə edib susurlar.
təxmini 1 ay əvvəl bir yuxu görmüşdüm. qızım var. qonaq otağında oyuncaqlarını töküb stolun üstünə oynayır. ətrafda da bir neçə nəfər var xatırlamıram kim olduqlarını. qızıma baxıb fikrə getmişdim. daxilimdə çox ağır kədər hiss edirdim. birdən başını qaldırıb gözümün içinə baxdı sanki hiss elədi, içərdə o qədər adam olmağına rəğmən sadəcə o gördü daxilimdəki kədəri. balaca şirin diliylə "ağlama" dedi. yanına gəlib dizlərim üstə oturub ağlayaraq bərk-bərk qucaqladım onu. əslində yuxumun səhəri elə də yüngül keçməmişdi o qayğıya ehtiyac duyduğumu hiss edirdim həqiqətən.
bu axşam yol gələndə dəfələrlə fikrə getdim gözlərim doldu, ağlamağımı tutdum. içimdən "kaş ətrafımda bu qədər insan içərisindən heç olmasa 1 nəfər gözlərimin içinə baxıb nə hisslər keçirdiyimi anlasa, ağlayaraq hisslərimi ötürsəm" dedim. bəzən hiss etdiklərimi sözlərə tökmək o qədər çətin olur ki, dilimə doğru sözləri gətirməyə çalışanda hisslərimi təhqir edirəmmiş kimimə gəlir.
terapiyam işə yaramağa başlayıb deyəsən. bu gün ailəmlə uzun müddətli aradan sonra görüş zamanı heç bir əsəb, aqressiya hissi keçirmədim. bu dəfə onları olduqları kimi çox sevirdim. çox ehtiyac duyurdum qucaqlaşmağa baş qarışıq oldu onu da doya-doya edə bilmədim.
indi isə saatlardır hər kəsdən gizlətdiyim göz yaşlarımı azad buraxıram. balaca uşaqlar kimi ağlayıb-ağlayıb yorulub yatacam. səhər tezdən durub heç nə olmamış kimi də işimə davam edəcəm.
+12 əjdaha
5. elə gözdən tökülən hər damcı deyil. için çıxacaqmış kimi, gözyaşları beyninin içindən axıb gəlirmiş kimi, nəfəsin kəsiləcəkmiş kimi olursa ağlayırsan sözün əsl mənasında. gözlərin ölçüsünün 3 dəfə böyüməsidir. bezib özünü susdurub sonra divara baxıb baxıb təzədən başlamaqdır. həm zəiflikdir həm güclülük. daha çox zəiflikdir və bu zəifliyi anladığın üçün daha çox düşünüb bitirə bilməməkdir. konkret bir səbəbə ağlamaq ayrıdır, ümumi, o içinin dolu olmağından, boğazındakı düyünlərdən gələn ağrı ayrı. o düyünlərin boğaza verdiyi ağrıyabənzər hissdir. tək olanda, xüsusi və yeni heç bir şey baş vermədiyi halda durduğunuz yerdə ağlayırsınızsa, daha dəqiq ifadə etsək hönkürürsünüzsə nə olduğunu bilirsiniz ağlamağın. elə hansısa duyğulara təsir edən hadisənin yaratdığı gözyaşlarından çox daha fərqli bir şeydir. bir də durduğunuz yerdə özünüzü tuta bilmirsiniz, buna görə heç insan içinə çıxmağınız da gəlmir, ya da gözlərinizə baxıb "ağlamısan?" sualı ilə qarşılaşmamaq üçün bütün günü divara baxaraq keçirmək. ağlamaqdan gözləriniz vasitəsilə artıq fiziki olaraq da "ağlamış" və təzyiq qalxmasının verdiyi baş ağrısını, daha dəqiq desək baş partlamasını yaşamısınızsa ağlamısınız. yaşamamısınızsa heç yaşamayın da. ağlamağın hiss və duyğulardan keçib psixologiyanızın pozulmasının göstəricisi olması ağlamağı da ağlamaqdan çıxarır. elə hər bekar, tək, fikirli olanda da oturub zırıldamaq deyil. özünü tutub tutub bir müddət sonra gələn bir şeydir. rahatladır, yüngülləşdirir, amma düzəltmir heç nəyi. gözlərdən gələn yaş niyə dupdurudur? çünki süzülüb gəlir, süzgəcdən keçə bilməyənlər qalır ürəkdə.
+10 əjdaha
1. hisslerin tesiri ile insanın boşalmasıdır. sevinc, keder, eseb ve.s
xoşbext insandır ağlaya bilen insan, içine atıb ağlamayandan yada ağlaya bilmeyenden daha yaxşıdır en azından. hemçinin temiz insandır ağlayan insan. deyir gözü sulu olmayanın üreyi quru olar, daş olar. gözyaşı insanı temizleyir bir menada da. ağlayan bir insana heç vaxt ciddi menada ağlama dememişem men, niyede deyimki? eger o gözyaşıyla rahatlayırsa? ağlamamaq daha beterdi her şeyi içe atmaq. hıçqıra hıçqıra ağlayan birini görende sözün esl menasında qısqanıram. men özümü ne qeder zorlasamda uzaq başı gözlerim yaşara biler. belkede gözyaşlarımızı ondan bundan gizlede gizlede böyüdüyümüz üçün onlar artıq yox olublar.
+7 əjdaha
23. Ağlayan insan ətrafına fikir vermədən bunu etdiyi üçün güclü olur. Daxilində hər şeyi yığıb, içdən içə özünü yeyib, psixologiyanı zibil etməkdənsə, ağlamaq yaxşıdır. Mental cəhətdən az da olsa özünə gətirir insanı
+6 əjdaha
4. kiminsə yanında ağlmaq daha pisdir.ağladığın dərd qalır bir qıraqda, bir də kimlərinsə səni aciz,əzik görməsindən ağlama müddətin artır. ama ağlamasaq ölərdik yəqin ki
+5 əjdaha
10. bir də var gizlincə səssiz ağlamaq. ağlamaqdan utanmaq. hönkürüb rahatlaşmaq istəmək, amma bacarmamaq. gizli bir yerə, məsəlçün tualetə girib ağlamaq. belə ağlamaqlar da adətən peşmançılıqdan doğur ki, burda özündən başqa heç kimin günahı olmur. özündən küsüb incisən də möhkəm görünmək üçün ortalıqda gülər üzlə gəzirsən. amma səssiz ağlamaqlar hönkürtüyə çevrilməyincə uzun-uzadı davam edər.
+5 əjdaha
3. bugün başıma gələn hadisədir. adi bir mesaj, 5-6 kəlimədən ibarət. gözləmədiyim bir şey idi bəlkə də. bəlkə də yox, gözləmirdim. artıq özümə təlqin etmişdim, siktir et demişdim. mesaj gələndə baxdım, oxudum cümləni. sonra ada baxdım, dedim siktir, səhv görürəm. refresh elədim *
facebookda idim mans
yenə oxudum. o deyil də, ağlamağı da bacarmırmışam. nəfəsim kəsilə kəsilə, hardasa 15-20 saniyə. sevincdən idimi desən, sevinc deyildi. ancaq kədər də deyildi. nəsə ortada bir şey idi. adını qoya bilmədim. nəysə, bu da belə bir anım oldu.
(bax: kişilərin ağlaması)
+3 əjdaha
18. bir də bəzən olure gözlərin dolur, dolur amma o gözyaşı oradan düşməsin deyə bağlamırsan, gülürsən. buna artıq bilmirəm nə deyirlər.
+2 əjdaha
7. körpə narazı olanda, danışa bilmədiyindən insanlarla təmas qura bilmək üçün ilk öyrəndiyi ünsiyyət yolu. bəzi alimlərin fikrincə isə uşaq hələ ana bətnində üzünü buruşduraraq, qaşını çataraq bunu öyrənir.
+2 əjdaha
11. göz yaşı 3 məqsədlə axıdılır .birincisi gözümüzü nemləndirmək məqsədiylə , ikincisi gözümüze qıcıqlandırıcı bir cisim düşdükdə ( soğan ,toz kimi ) infeksiyaya qarşı qorumaq meqsədiylə ifraz olunan refleksif gözyaşı ,üçüncüsü sosyal həyatda önəmi olan duyğusal gözyaşları. ağlamaqda olan biri qarşısındakı insana acıma duyğusuyla empati qurmağa çalışır ve istəklərinə daha qısa yoldan çatımağa cehd gösterir.
araşdırmlar göstərir ki beynimiz fərqli durumlarda fərqli fiziki və kimyəvi tərkiblli gözyaşının ifraz olmasına səbəb olur.duyğusal gözyaşlarında prolaktin hormonu daha çoxdur və hormonun ağlayaraq vücudumuzdan atılması stresi azaldır rahatlama hissetdirir
+2 əjdaha
20. gozlerden ve burundan su axmasina sebeb olan hadise. ve ya hemen hadisenin ozu. neyse, onu deyirdim ki o ki agliyanda burundan su axir ha, ba o eslinde goz yaslarinin iceriye axan hissesidi. beleki goz yasinin bir hissesi cole, diger hissesi ise iceri axir.
+2 əjdaha
14. özünden sonra yuxu getiren bir hissdir. balacalıqda yatmaq istemeyende evdekiler terefinden mitlime atıldıqdan sonra bir az zırıldayırdım. ardınca ölü kimi yuxu getirirdi. ikinci bele bir hissi yalnız orqazm vere bilir.
+3 əjdaha
26. Üzə xeyirdi dostlar. Həftədə bir dəfə skincare əvəzi istifadə edin
+5 əjdaha
22. bədəninizin endofrin hormonu sintezləməsinə kömək edən hərəkət. endofrin ağrılarınızı və depresiyanı azaldıb özünüzü yaxşı hiss etməyinizə səbəb olur. ağlamaqdan qaçmayın. buna görə də məsələn sizi ağladacağını düşündüyünüz kitab və ya filmləri oxumaq/izləmək üçün tək olmağınızı gözləyin, daha rahat ağlayarsınız.
+1 əjdaha
19. bilinənin əksinə kişilərin də edə bildiyi bir şeydir
(bax: ata)
+1 əjdaha
13. stress atmağın bir yolu.bəziləri içər-əylənər,bəziləri karaoke'yə gedər,bəziləri seks yaxud sevişər bəziləri isə stress hormonlarından qurtulmaq üçün sadəcə ağlıyar.
+1 əjdaha
24. (baxma: entrysi silinən bədəvi )
(baxma: entrysi bəyənilməmiş və silinmiş yazarın naləsi)
+1 əjdaha
12. çoxdandı ki aglamağı bacarmıram. urekdən ağlamaq kimi çox az önəmli şeylər var. sünilik artıq ruhumuzdadı.
+1 əjdaha
8. gözdən yaş gəlirsə gözəldir deyirlər.
+1 əjdaha
2. hislərin pik nöqtəsi.hansı ki,bu nöqtədən sonra insan içinə yığdıqlarını boşaldır və yenidən yığmağa başlayır əsəbi qayğını,dərdi.
və elə pis anda başlayır ki,insan ağlamağa dayana bilmir.
+1 əjdaha
25. Baltimorun qara küçələrində biədəb maddələri qəbul etmək mənasında işlədilən söz.
Ağlamayın.
Ağlamaq burun dəliyinizə ziyandır.
+1 əjdaha
16. şəxsən məni sakitləşdirən şeydir. adam içində əsla sevmədiyim hərəkətdir. ama təklikdə çox ağlıyıb sakitləşmiyim var. və an etibarı ilə etdiyim hərəkətdi. dərd orasıdı ki, ağlamadığım şey heç buna dəyməz. ama ağlıyram yenə də.
hamısını göstər
