hay bin yakzan


facebook twitter əjdaha lazımdı   googllalink

    1. Əvvəla ibn Sinanın Yunan əfsanəsi Salaman və Absaldan təsirlənərək yazdığı əsərin adıdır. Daha sonra isə ibn Tufeyl öz romanına eyni adı vermişdir. ikisini çox insan eyni əsərin remake'i saysa da oxuduqdan sonra ikisinin arasında zərrə oxşarlıq olmadığını görəcəksiniz.

    Dünyaya səs salmış və başda Robinzon Kruzo olmaqla bütün robinzonad cərəyanının öndəri sayılan əsər məhz ibn Tufeylin romanıdır. Əsər bir insanın kimsəsiz adada necə kamilləşəcəyindən bəhs edir. Və çox gözəl addım atılaraq iki ehtimalla başlanılır hadisələrə.
    Birincisi daha çox islam alimləri tərəfindən dəstəklənən ilk insanın yaradılışı prossesi ilə demək olar örtüşür. Torpaq qabarır. içində uyğun istilik və münbitlikdən dolayı insan yaranır. Bir sözlə torpaq Hayı dünyaya gətirir.
    ikinci ehtimal isə daha çox mədəniyyətə xitab edən, adi yolla var olmadır. Uşaq doğulur və qutuda dənizə buraxılır. O da kimsəsiz adaya düşür. Əsərin ortalarında bir az qopuqluq yaşadım. Amma davamını danışıb spoilerə yol açmaq istəmirəm. Oxumağınız məsləhətdir. Və əsərin digər gözəlliyi də nə qədər islami motivlərlə yazılmış olsa da istər dindar, istər Allahı qəbul etməyən biri üçün güclü arqumentlər çıxara bilmənizdədir. Belə ki, insan heç bir səmavi kitab və peyğəmbərlə əyani və ya qiyabi tanışlığı olmadan mərhələ-mərhələ, öz maraq və təcrübələri sayəsində kamilləşir. Allah inancına sahib biri üçün bu fitrət sayəsində Allahı tapmaq olaraq dəyərləndirilə biləcəyi kimi, Allah inancına sahib olmayan biri üçün insanın dinlərə ehtiyacı yoxdur nəticəsi verə bilər.

    Bir sözlə inancınızdan asılı olmadan oxuyun.

    Bəzi mənbələrdə 2 "y" ilə Hayy bin Yakzan olaraq yazılır.
    Azərbaycanca bilmirəm amma türkcə YKY (Yapıkredi Yayınları) nəşri kitabı tapa bilərsiniz. Kitabda hər iki əsər yer alır.


sən də yaz!