10 yazar 15 başlıq və 18 entry
yenilə | gündəm | top

1 2
4 dekabr 2015 neft daşlarında qəza 2 the last of us 2 siyasi aktivist müptezeller 2 yazarların paylaşmaq istədikləri musiqilər 2 sözlükçülərin ən sevdiyi cizgi film personajları 2 masturbasiya 2 homoseksuallığın xəstəlik olmadığı gerçəyi yazarların hal hazırda dinlədikləri musiqilər 2 booky.io favoritus.com sezen aksu 2 azərbaycan iqtisadiyyatı 2 social media manager 3 sosial partlayış 2 streptococcus mutans antediluvian manqurt sergio ramos ilham əliyev 5 yaraşıqlı olmaq 2 torrent westworld 2 tunqus meteoriti left 4 dead zövcə nihilizm şist emrah serbes şaurma yify yazarların başına gələn maraqlı hadisələr 3 extreme ways yazarların sinə ölçüləri 3 dekabr 2016 barcelona real madrid oyunu 4 sadəlövh 2 güzəran nhajiyev 3 denis villeneuve təkcə mənmi edirəm deyə düşünülən şeylər krisnayayoxarcunayahe godspeed you black emperor god on trial 2 the imitation game 2 barış qrupu füzuli kantatası reconstruction englar alheimsins the breakfast club letters to father jacob james boy yazgı bang bang you're dead lilya 4-ever dogma 95 rosso come il cielo ekskursante 2:37 the broken circle breakdown einar wegener buda as sharm foru rikht la finestra di fronte mount and blade: with fire and sword ruhi əzablar alfred schnittke fanny edelman aurore hallelujah sözaltı sözlük qaza və elektrik enerjisinə limit əli novruzov schooldays mizantrop rapunzel sindromu böyümək qaynaqçı

yazarların sevdiyi şeirlər


facebook twitter əjdaha lazımdı   googllalink
1 2 3 »

    1. yazarların sevdiyi şeirler
    3. Yolumu gözlədin hər səhər-axşam,
    Salam, Dar ağacı!
    Əleyküm-salam.
    Əcəllə ölməyə doğulmamışam,
    Salam, Dar ağacı!
    Əleyküm-salam.
    O hansı millətdir, taleyi sirdir?
    Yüz adla bölündü, yenə də birdir!
    Məni hüzuruna bu dərd gətirdi,
    Salam, Dar ağacı!
    Əleyküm-salam.
    Xəzəri, Baykalı, Aralı gördüm,
    Gördüm can üstədir, yaralı gördüm.
    Tanrını bəndədən aralı gördüm,
    Salam, Dar ağacı!
    Əleyküm salam.
    Çarxı tərs fırlanır fələk qarının,
    Turan kölgəsində budaqlarının.
    Rəngi bayrağımda yarpaqlarının,
    Salam, Dar ağacı!
    Əleyküm salam.
    Əvvəlin axırı, sonun əvvəli
    Buymuş, bilməmişəm bunu mən dəli.
    Qorxum yox! Nə olsun boyun göy dəlir?!
    Salam, Dar ağacı!
    Əleyküm-salam.
    Danış, Əmir Teymur, bu son nəydi bə?
    Boynumda ağ kəfən, dilimdə tövbə...
    Dərsini tərs bilən, mənimdi tövbə!
    Salam, Dar ağacı!
    Əleyküm-salam!
    Səni mən əkmişəm...Mənə sən qənim,
    Səni suvarmağa halaldı qanım;
    Yarpağın rəng alsın qanımdan mənim,
    Salam, Dar ağacı!
    Əleyküm-salam!
    Ey darın ağacı! Kimdən kəməm, kəm?!
    Ya səni yendirrəm, ya sənə yennəm.
    Ya da budağında yarpağa dönnəm,
    Salam, Dar ağacı!
    Əleyküm-salam.
    Qırğızam, özbəyəm, qazax, türkmənəm,
    Başqırdam, kərkürəm, elə görk mənəm.
    Sənin gözlədiyin qərib türk mənəm!
    Salam, Dar ağacı!
    Əleyküm-salam.
    Qəbul et, növbəti qurbanın mənəm,
    Mənim canım səndə, bil, canın mənəm.
    Elə qürrələnmə, hər yanın mənəm,
    Salam, Dar ağacı!
    Əleyküm-salam

    Rüstəm Behrudi
    4. Dərdlərini soyun
    gəl görüşək
    göz yaşlarını soyun

    indiki bahardır
    sən də çiçəklər kimi açıl
    dumanlı fikirləri soyun
    gəl görüşək

    Qaranlıq düşdükcə
    səni görmək arzum artır
    qaranlıq xəyalları soyun
    gəl görüşək
    5. Ulduz sayaraq gözləmişəm hər gecə yarı,
    Gec gəlmədədir yar, yenə olmuş gecə yarı.

    Gözlər asılı yox nə qaraltı, nə də bir səs,
    Batmış qulağım gör nə düşürməkdədi darı.

    Yatmış hamı, bir Allah oyaqdır, daha bir mən,
    Məndən aşağı kimsə yox, ondansa yuxarı.

    Qorxum budu yar gəlməyə birdən açıla sübh
    Bağrım yarılır, sübhüm açılma səni tarı.

    Dan ulduzu istər çıxa, göz yalvarı çıxma!
    O çıxmasa da ulduzumun yoxdu çıxarı.

    Gəlməz, tanıram bəxtimi, indi ağarar sübh,
    Qaş böylə ağardıqca, daha qaş da ağarı.

    Eşqin ki, qərarında vəfa olmayacaqmış,
    Bilməm ki, təbiət niyə qoymuş bu qərarı?

    Sanki xoruzun son banı xəncərdi soxuldu,
    Sinəmdə ürək varsa, kəsib qırdı damarı.

    Rişxəndilə qırcandı səhər, söylədi: durma!
    Can qorxusu var eşqin, uduzdun bu qumarı.

    Oldum qara gün ayrılalı, ol sarı teldən,
    Bunca qara günlərdir edən rəngimi sarı.

    Göz yaşları hər yerdən axarsa, məni tuşlar,
    Dəryaya tərəf bəllidi çayların axarı.

    Əz bəs məni yarpaq kimi, hicrində saraldıb,
    Baxsan üzünə, sanki qızıl güldü qızarı.

    Mehrabi şəfəqdə özümü səcdədə gördüm,
    Qan içrə qəmim yox, üzüm olsun sənə sarı.

    Eşqi var idi Şəhriyarın güllü çiçəkli,
    Əfsus qəza vurdu, xəzan oldu baharı

    məhəmməd hüseyn şəhriyar
    6. Verdim könül Leyliye mecnun oldum gündüz gecə.
    Məşuqum əldən gedib, səbr eyləyim bəs mən necə.
    gül içrə səni sevdim ey sevgi baxçamın gülü
    gülüşüm əldən gedib səbr eyləyim bəs mən necə
    yandı məcnunun qəlbi tərk edərkən leyli onu,
    söylədi öz rəbbinə səbr eyləyim bəs mən necə.

    bu beytlərin müəllifi bu sözləri deyərkən elə bir etiqad yaratmışdı ki, fərz etdim həqiqətən də belədir. Ama gedərkən elə getdi, sanki elə bu beytdən başqa bir şey deyilmiş...

    ey həyat nə zülmkar çıxdın sən .
    yandırdın yaxdın kül etdin məni sən.
    Aldın məşuqumu əlimdən .
    istehza etdin bununla mənə sən.
    Buda cavab olaraq mənnən sizlərə eşqlilərə gəlsin .
    7. Kulis.az saytında oxumuşşdum bu şeiri. isa ismayılzadənin "Güllələr demədi" şeiri. Təsirlənmişdim.

    Getdilər. Getdilər fit çala-çala,
    Getdilər atları çimizdirməyə –
    Bizi aparmadılar,
    Qulançar yığmağa, moruq dərməyə
    Bizi aparmadılar.

    Yalvarıb-yalvarıb, dil tökəndə biz
    onlar üstümüzə od ələdilər,
    qışqırıb-təpinib, hədələdilər:
    «Hələ uşaqsınız… nə yaşınız var…»

    Bir gün xəbər gəldi: dava başlanıb…
    Onlar əsgərliyə çağırıldılar.
    Nə tütək çaldılar, nə fit çaldılar,
    fikirli oldular, ağır oldular…

    Yola salanlara qoşulanda biz
    yalvarıb-yalvarıb, dil tökdü onlar:
    «Gəlməyin, qayıdın… geri qayıdın…
    Qayıdın atları çimizdirməyə,
    Qulançar yığmağa, moruq dəyməyə».

    Biz getdik atları çimizdirməyə,
    qulançar yığmağa, moruq yeməyə:
    düşüb arxamızca gəldi uşaqlar.
    Dilimiz gəlmədi bir söz deməyə.

    Onların yoxluğu düşdü araya,
    Oyunlar, «məclislər» qaldı yarımçıq.
    Toylar da seyrəldi, toyxanalar da,
    aşıq da havanı çaldı yarımçıq –

    Kəndimiz yamanca uralanmışdı,
    hərdən korun-korun yanırdı ocaq.
    Bir ağzıgöyçək də qaralanmışdı:
    «Deyəsən, gedənlər qayıtmayacaq» –

    Mərmilər, güllələr fit çala-çala
    Hey böyür-başından ötdü onların.
    Kətmən vura-vura, ot çala-çala
    baxdıq yollara.

    Getdilər, getdilər Berlinə sarı,
    getdilər, getdilər ölümə sarı.
    Güllələr demədi: geri qayıdın.
    Lülələr demədi: geri qayıdın,
    qəlpələr demədi: geri qayıdın,
    hələ uşaqsınız, nə yaşınız var…
    8. Sən yarımın qasidisən əylən sənə çay demişəm
    Xəyalini göndəribdir bəs ki mən ax-vay demişəm
    Ax gecələr yatmamışam mən sənə lay-lay demişəm
    Sən yatalı mən gözumə ulduzları say demişəm
    Hər kəs sənə ulduz deyə özüm sənə ay demışəm
    Səndən sonra həyatə mən şirindisə zay demişəm
    Hər gözəldən bir gül alıb sən gözələ pay demişəm
    Sənin gün tək batmağıvı ay batana tay demişəm
    indi yaya qış deyirəm sabiq qışa yay demişəm
    Gah toyunu yadə salıb mən dəli nay nay demişəm
    Sonra yenə yasə batıb ağları hayhay demişəm
    Ətək dolu dərya kimi göz yaşəma çay demişəm
    Ömrə sürən mən qara gün ax demişəm vay demişəm
    M.Şəhriyar
    təkcə bu şeiri bura yazmaq üçün qeydiyyatdan keçdim.
    9. Abbas Kiarostaminin "Hamrah ba bad" (Küləklə yoldaş) şeiri:

    Addım atıram
    Sarı və qızıl dalğaların üstündə
    Payız günbatımında.

    Gecə və gündüzün
    Sonuna inandığım qədər
    Heç bir şeyə inanmıram.

    indi haradadır?
    Nə edir?
    Unutduğum insan?

    Küləyə yoldaş gəlmişəm
    Yazın ilk günündə
    Özü ilə birgə götürəcək məni
    Payızın son günü

    Gəlirəm tək başıma
    içirəm tək başıma
    Gülürəm tək başıma
    Ağlayıram tək başıma
    Gedirəm tək başıma

    Şərq deyil
    Qərb deyil
    Şimal deyil
    Cənub deyil
    Dayandığım yer, ancaq bura aid.

    Bağırıram
    Dərin vadinin təpəsindən
    Əks səda gözləyərkən.

    Göz yaşımı saxlaya bilmirəm
    Ağlamağın yeri olmadığı zaman...

    Hər zaman biri ilə
    Görüşü gözləyirəm
    ki gəlməyəcək...
    Adını xatırlamıram.

    illərdir
    Saman çöpü kimi
    Mövsümlərin arasında
    Avara olmuşam...

    facebookda film fiction səhifəsi Abbas Kiarostami öldüyü zaman bu şeirini paylaşmışdı. bir-iki dəfə şeiri azərbaycan dilində axtardım, tapa bilmədim. yaxşı səhifəni bəyənmişəm.
    10. Badəm şərabla dolur
    Sinəm sualla dolur
    Nə üçün yazda açır gül,
    Payız gələndə solur
    Nə üçün bu dünyada
    Xeyir də, şər də olur
    Bir ömür şən olanda
    O biri ömür qəmli olur

    Düşündükcə, Bu həyat Çətin gələr insana.
    Bu həyat, Asan gələr Düşüncəsiz Yaşayana

    Kiminin baxtı naxış,
    gülür üzünə dost tanış,
    boyu var bircə qarış,
    saz yaşayır kef eliyir.

    Kiminin baxtı qara
    bir ürəkdə min yara
    əl açıb ruzigara
    tanrıdan kömək diləyir.

    Əgər ilk məhəbbətdə axır ayrılıq olur
    Nə üçün vəfalı dostum gəlib vəfasız olur
    Nə üçün insan olur getdikcə ağır olur
    Gəlir amansız ölüm axırı qara torpaq olur
1 2 3 »


sən də yaz!