güclü olmaq


facebook twitter əjdaha lazımdı   googllalink

    1. güclü olmaq - özünlə razılaşmaqdır, özündən razı olmaqdır, sənə dəyər verənlərlə və dəyər verdiklərinlə xoşbəxt olmaqdır, hətta xoşbəxt olmasan belə, xoşbəxt hiss edə bilməkdir. iki cür insan var: xoşbəxtlər, xoşbəxt olmağı bacarmayanlar. nə qədər ərgən görünsə də, sən nəfəs alırsansa, yeriyə, görə, eşidə, düşünə bilirsənsə, xoşbəxt olmamağın üçün bir səbəb yoxdur. sıxıntılar görə, eşidə, düşünə bilənlər üçündür. dəli ona görə bədbəxtdir ki, düşünə bilmir, yaşaya bilmir. sıxıntılar (çətinliklər) güclülər üçündür, nə qədər güclü olduqlarını və ya nə qədər zəif olduqlarını anlamaları üçün.
    heç kimdən asılı olmamağı bacarmaqdır güclü olmaq. egon nə qədər güclüdürsə, o qədər asılı olmursan, dolayısı ilə güclü olursan. bu, təəssüf ki, belədir. güclü olmaq maddi vəziyyətlə bərabər ən azı onun qədər əhəmiyyətli olan mənəvi aləmlə bağlıdır.
    başqalarından asılılıq iki cür olur: cismani və duygusal. cismani asılılıq bədəndaxili fiziki tələbatlardan irəli gəlir, cinslərarası münasibətlərdə görünür. duygusal asılılıq ən sadə formada diqqət ehtiyacı, sevilmək ehtiyacı, nəzərə alınmaq ehtiyacıdır.
    başqalarından nə qədər asılısansa (burda artıq maddiyyat çox önəmli sayılmır), o qədər zəifsən. başqalarının sənə baxışı, sənin barədə dediyi hansısa söz, səni hansısa situasiyada saymamaqları və s. bunlar sənə nə qədər təsir edirsə, o qədər zəifsən.
    güclü insanlar birmənalı olaraq yalnız özləri və yalnız onlara dəyər verən insanlar üçün yaşaya bilənlərdir. onların xoşbəxtliyi üçün yaşaya bilənlərdir.
    bir insan tanıdım illər əvvəl. elə rahat gülümsəyirdi ki, ona baxanda doğrudan hər şeyi unudurdum. elə sərbəst və rahat danışığı vardı ki, onu duymaq bütün dərdləri unutmağa bərabər idi. o, həqiqətən güclü idi. cılız görünsə də. gözlərinin dərinliyində hansısa bədbəxt hadisənin, dərin kədərin izləri arabir özünü göstərsə də, bəzən dəqiqələrlə gözləri naməlum nöqtəyə zillənsə də, onu görə və duya bilən insanlar ondan zövq alırdı mənim kimi. mənimçün güclülük etalonu o cılız insan idi.
    o zaman hiss etdim ki, insan özünü güclü göstərməkdən çox güclü hiss etməlidir. hər şey hiss etməkdə bitirdi. bu elə bir duğudur ki, yalnız sənin daxilinlə məhdudlaşmır, yanındakılar da bunu hiss edir. səndən ilham alır, sənə bənzəməyə çalışırlar, axırda sənin kimi olurlar, güclü olurlar.


sən də yaz!