mr. holmes


facebook twitter əjdaha lazımdı   googllalink

    2. fikirləşdiyimdən daha da gözəl alınmış film. digər sherlock holmes qurğularından fərqli olaraq (robert dawney jr.-nin sherlock holmesbenedict cumberbatchın sherlockunu nəzərə alıram) aksiyondan daha çox sherlockun insani tərəfinə, ağlına daha çox üstünlük verilib. hekayəsi, davamiyyəti yer-yer insanı sıxsa da, məncə, sherlock holmes sevərlərin izləməli olduğu filmlərdən biridir.

    --spoiler--

    ən xoşuma gedən səhnələrdən biri ian mckellenin sherlock holmes filminə getməsi və öz evinin əslində baker street dəki 221b deyil, onun qarşısındakı ev olduğunu, buna görə də onu yalnız müştərilərinin ziyarət etməsi ilə həddindən artıq olan fan-larından canını qurtarmasıdır. digər bir səhnə də shelockun dr. watsonun onu olduğu kimi deyil, bir nağıl qəhrəmanı kimi yazdığı üçün şikayətlənməsi idi.

    filmin digər bir özünəməxsus xüsusiyyəti, demək olar ki, sir arthur conan doylenin qurğuladığı heç bir xarakterə yer verilməməsidir. dr. john watsonun hekayədəki kiçik bir yeri və sadəcə, bədəninin görsənməsi, mycroft holmesin isə kiçik bir səhnədə yer alması, izləyənləri sherlock holmesin ruhunu anlamağa daha da sövq edir.

    --spoiler--

    filmin sonu tam gözlədiyim kimi bitməsə də, gözləntimi olduqca qarşıladı. 8/10.
    3. əjdaha deyə bilməsəm də bəyəndim. Sherlok heyranı olaraq bu filmin ironiyası, sirri, qurğusu xoşuma gəldi. Baxmayanlara tövsiyə olunur.


sən də yaz!