montessori metodu

1. mariya montessori tərəfindən əsası qoyulmuş metodika. 1896-cı ildə tibb fakültəsini bitirən montessori universitet nəzdnindəki klinikada həkim köməkçisi olaraq işləməyə başlayır. elə orada ilk dəfə əqli geriliyi olan uşaqlar ilə qarşılşır. hansılar ki, boş otaqda, oyuncaqlarsız,kitabçalarsız, ünsiyyət olmadan saxlanırdılar. montessori onlara boş qutular, müxtəlif parça növlərindən kiçik hissələr gətirməyə başladı. yavaş-yavaş uşaqların rəftarında da dəyişikliklər özünü göstərirdi. və eləliklə montessorinin metodikasının bünövrəsi formalaşmağa başladı. deməli, istər imkanları məhdud, istərsə də tipik uşaqlara inkişafetdirici mühit lazımdır, hansı ki, bu mühit vasitəsilə onlar ətraf aləmi dərk edirlər. metodikanın fərqliliyi ondadır ki, uşaq özü nə öyrənmək istədiyini seçir. və oyuncaqlarda bu metodkada xususilə seçilir. məsələn sizə bu gün bizdə kifayət qədər baha olan və geniş çeşid azadlığı verilməyən inkişafetdirici oyuncaqlar var. siz bu oyuncaqlara bir ətək pul tökmək əvəzinə özünüz evdə əl altında olan əşyalardan da hazırlaya bilərsiniz. düzdür bu metodika uşağa həddindən artıq seçim azadlığı verir. və məhz seçim azadlığını təlqin etdiyi üçün, rusiyada stalinin,italiya mussolinin hakimiyyəti dövrlərində qadağan olunubmuş.
mənfi tərəfi də ondan ibarətdir ki, uşağa seçim azadlığı verildiyindən o məktəb rejiminə alışmaqda da çətinlik çəkir. montessorinin özü bu metodikanı 3 yaşından yuxarı uşaqlar üçün hazırlayıb. lakin dünya təcrübəsində bu gün bu metodika 2, 2.6 yaşından yuxarı uşaqlar ilə işlənilir.1929 cu ildən montessori öz oğlu ilə beynəlxalq montessori assosiyasını tərtib edib. təşkilat bu günə qədər fəaliyyət göstərməkdədir. elə bizdə də , son illərdə müxtəlif məktəbəqədər müəsissələrdə, uşaq inkişaf mərkəzlərində də tətbiq olunur.

2. Montessori təlim
Bu təlim Mariya Montessori tərəfindən yaradılıb. 26 yaşında italiyanın ilk qadın həkimi olan Montessori 1896-cı ildə universitet xəstəxanasında həkim assistenti kimi işləməyə başlayır və ilk dəfə olaraq əqli geriliyi olan uşaqlarla qarşılaşır. Uşaqlar boş otaqlarda saxlanılırdı, onlarla demək olar ki, ünsiyyət qurulmurdu, oyuncaq və kitabları yox idi.

Bir dəfə Mariya qəribə bir hadisənin şahidi olur: nahardan sonra uşaqlar çörək qabığı tapırlar və onu əzirlər. Çörək qabığı onların yeganə oyuncağı idi. Bundan təsirlənən Mariya onlara sadə əşyalar - qutular, parçalar gətirməyə başlayır, tez bir zamanda uşaqların davranışında müsbətə doğru dəyişiklik müşahidə olunur. Beləliklə, Mariya Montessorinin metodikasının əsas ideyası yaranır: istər normal, istərsə də əqli geriliyi olan uşaqların ətraf aləmi anlaması üçün onlara inkişaf etdirici mühit lazımdır.

Mariya Montessori pedaqogika, psixologiya və antropologiyanı tədqiq etməyə başlayır, fransız psixoloqları Qaspar itard (fransız həkimi) və Eduard Segenin (fransız psixiatrı) əsərlərini oxuyur, Jan Piaje (isveçrəli psixoloq və filosof), Anna Freyd (Britaniya psixoloqu Ziqmund Freydin kiçik qızı) ilə müzakirələr edir, müşahidələr və təcrübələr aparır, nəticələrin üzərində düşünür. Tədqiqatları və mütaliələri əsasında belə qərara gəlir ki, əqli geriliyi olan uşaqlar tibdən daha çox, pedaqogikanın problemidir, bu səbəbdən də onlarla xəstəxanada deyil, məktəbdə məşğul olmaq lazımdır. Beləliklə, 1907-ci il yanvarın 6-da ilk Montessori məktəbi açılır. Bu, Roma ətrafında San-Lorensoda fəaliyyət göstərən Casa dei Bambini olur.

montessori metodu

Yalnız deyilsən!

Yalnız deyilsən!