1. 2000-ci idlə mark waid tərəfindən yazılmış komiks seriyasıdır.

*jla = justice league of america

super anti-qəhrəmanımız ra's al ghul jla-nı məğlub etmək həvəsindədir. komiksin ilk hissələrindən jla üzvləri ard-arda məğlub olur. bu anda məlum olur ki ras-ın qızı talia al ghul batmanın qərargahına girərək gizli sənədlər və səsyazmalar oğurlamışdır. hansı ki, bu sənədlərdə hər bir jla üzvünün necə məğlub ediləcəyi barədə məlumat var. məlum məsələ, batman super-gücü olmayan ağıllı bir dedektivdir. və günün birində nəsə baş verər də jla üzvləri dünya üçün təhlükə təşkil edərsə onları zərərsizləşdirmək üçün əvvəlcədən plan hazırlamışdır. batman dostlarını xilas etməyə çalışarkən ras onu da zəif nöqtəsindən vurur. valideynlərinin bədənlərini oğurlayır. batman üçün ailəsinin xatirəsini qorumaq dostlarını qorumaqdan daha vacib olur. jla üzvləri də onu bir növ xain kimi gördükləri üçün aralarındakı münasibətlər pik nöqtəyə çatır.

bu qırğın-qiyamətin ortasında bmt-də qurulan görüşdə türkiyənin idarəçiliyin başına keçməsi də ayrı maraqlı cəhətdir.

jla üzvlərinin necə məğlub ediləcəyinə gəldikdə isə:

wonder woman

batman təcrübələrindən belə nəticəyə gəlmişdir ki, wonder woman əsla məğlubiyyəti qəbul etmir. ona görə də bruce wonder woman-in qulağına nano-cihaz yerləşdirərək onu məğlubedilməz virtual-qəhrəmanla döyüşə çıxaracaq. gerçək olmayan virtual qəhrəman yorulmur və məğlub olmur. wonder woman da məğlubiyyəti qəbul etmədiyi üçün bədəni tab gətirənə qədər döyüşəcək. və sonda əldən düşəcək.

green lantern

kyle rayner-in super-gücü onun üzüyündən gəlir. amma bu üzükdən istifadə etmək üçün kyle-ın təxəyyülə yəni nəyisə xəyal etməyə ehtiyacı var. batman də onu kor etməyi planlaşdırır. kor olan kyle görə bilməz görmədiyi üçün də xəyal gücündən istifadə edə bilməz. ancaq batman kyle-ı gerçəkdən kor etməyi planlaşdırmır. onu öz üzüyü ilə hipnoz edərək kor olduğuna inandırır. * dahiyanə

aquaman

bilinən şeydir ki, aquaman güclərini sudan alır və yaşamaq üçün suya ehtiyacı var. lakin onu sudan uzaq tutmaq çox çətin işdir. buna görə bruce yenə dahi bir plan hazırlayıb. scarecrow-un qorxu silahlarından biri ilə aquaman-ə zəhərli qaz verir və aquaman sudan qormağa başlayır. gücləri üçün belə olsa suya yaxın durmur. (komiksin bu səhnəsində kiminsə arxadan allah deməsi də ayrı şeydi. yəqin o bmt-dəki türklərdən biridi.)

martian manhunter

martian-ın zəif yanı alovdur. batman də onu məğlub etmək üçün onu dayanmadan yandırmağı seçir. onun üzərinə nano-cihazlar göndərir. hava ilə təmas edən cihazlar yanmağa başlayır. kimsə onları xaricdən söndürənə qədər.

flash

bruce onun üçün xüsusi mərmilər hazırlayıb. bu mərmilər flash-in sinir sisteminə dəydikdə flash normalda olduğu kimi ondan xilas ola bilmir. əksinə yerə yıxılıb bir növ krizis keçirir.

plastic man

onu məğlub etmək üçün əvvəlcə dondurmaq sonra isə bərk cisimlə parçalara ayırmaq lazımdır.

superman

hamının bildiyi bir şeydir ki, supermani məğlub etmək üçün ən yaxşı vasitə kriptonitdir. lakin batman supermani məğlub etmək üçün standart yaşıl kriptonitdən deyil özünün yaratdığı qırmızı kriptonitdən istifadə etməyi planlaşdırır. bununla batman dostuna zərər vermədən onu zərərsizləşdirməyə çalışır.