şahin növrəsli



facebook twitter əjdaha lazımdı   izlə   lələ   mən   googllalink

    1. 1977-ci il təvəllüdlü Azərbaycanlı caz ifaçısı, bir sözlə cazmen .

    Yad ellərdə keçirilən bir sıra festival və konsertlərdə çıxış edib, əsasən 2000-ci illərdən sonra parlayıb. Müasir Azərbaycan cazının təmsilçisi sayılır.

    2004-cü ildə "Jazz Dünyası" jurnalına verdiyi müsahibədə "Taleyə inanırsanmı?" sualına gənc cazmenin cavabını sizlərə təqdim edirəm:


    "Bəli, taleyə də inanıram, bəxtə də. Əlbəttə, uğur qazanmaq üçün hər kəs özü can atmalıdır, lakin hökmən ilahi qüvvənin köməyi də
    olmalıdır. Bir də insanların dəstəyi. Mənim həyatımda bir insanın xüsusi yeri var. Şəxsən mənim özümə də, neçə-neçə başqa adama da kömək edən bu
    insan - AzEuroTel şirkətinin
    prezidenti Nuru Əhmədovdur. Məhz onun köməyi sayəsində mən italiyada keçirilən
    müsabiqədə iştirak edə bildim və
    bu festivala (ABŞ-da keçirilən caz festivalı nəzərdə tutulur-red) məhz onun sayəsində gedə biləcəyəm."

    Şəxsən bu hissə mənə təsir elədi, belə nətəhər deyim; mənə təsirsiz ötüşmədi, halbuki həmin müsahibədən 11 il keçib. 11 il. (sözlükdə böyük hərflə yazmaq və rəqəmləri də böyük hərflə yazmaq olmadığından bu hissəni krupnı planda verməyimi nəzərə alın) Görən, bu 11 ildə Azərbaycanda nə dəyişib? Belə bir şablon ritorik sualla özümü də gözdən salmaq istəmirəm, amma bir fikirləşin; bu 11 il ərzində AzEuroTel şirkəti iflasa da uğraya bilərdi, adını dəyişə də bilərdi, səhmlərini sata da bilərdi, nə bilim sahibi Bandotdelə çağırıla da bilərdi, amma, ancaq, lakin qəhrəmanımız bu şirkətin adını çəkməyi özünə borc bilir və nəzərə almır ki, bu məqaləni 11 ildən sonra vətənin deşiyində xidmətçilik edən bir əsgərimiz oxuyacaq, bu da ona təsirsiz ötüşməyəcək.

    Yadıma elə 2000-ci illərdə, daha təfərrüatı ilə desək, 2009-cu ildə çəkilən "Fosfor adam" adlı Azərbaycan filmi düşdü. Filmin qurtara-qurtaracağında gördüyüm "Ləman Gəlinlik Salonu" sözləri diqqətimi özünə sarı çəkmişdi.

    (bax: Azərbaycanda sənət)


    Adamın üstündə Allah var; "Ləman Gəlinlik Salonu"dansa, "AzEuroTel" daha abırlı səslənir.


sən də yaz!