ilk məhəbbət

1. çox uşaqda olduğu kimi məndə də parta yoldaşına bəslənən məhəbbət idi.hehe, qara qıvrım saçları var idi, ögey ana filmindəki ismayıla bənzədirdim həmişə.2 il friendzone'dan çıxa bilmədim, 3cü sinifdə də otval aldım.son iki ili hələ də sevirdim amma.sonra 5ci sinifdə o şirin saçlarını kəsdirib, keta yerinə də uzunburun ayaqqabı geyinməyə başlayanda uzaqlaşdım ondan.

2. ilk məhəbbət daha çox sevgi deyil rəğbətləndirmə hissidi. ilk məhəbbət zamanı insan öz yoldaşlarından birinin davranış və rəftarında öz ruhuna yaxın cəhətlər tapır. bu vəziyyətdə insanlar bir-birinə rəğbət bəsləməyə başlayırlar. bu hiss qızlarda daha tez başlayır. bu səbəbsiz deyil, qızlar oğlanlara nisbətən cinsi cəhətdən daha tez yetişirlər. ilk məhəbbət əslində cinsi münasibət məqsədi güdmür. ilk məhəbbət daha çox yeniyetməlik illərində baş qaldırır və bu zaman valideynlər öz uşaqlarının hisslərinə hörmətlə yanaşsa çox yaxşı olar...

3. çox adamın başına gəldiyi kimi süleyman rüstəmin də başına gəlmiş ilk məhəbbəti ilə nakam qalmış sevgisinə həsr etdiyi səmimi və incə şeirə, musiqisi habil əliyev tərəfindən qəmgin notlar üzərində bəstələnmiş mahnı. real bir mövzunun, demək olar hər kəsin həyatında mütləq başına gəlmiş bir hadisə haqqında yazıldığından, şeirə qulaq asdıqca sanırsan ki, şair sənin hiss etdiklərini təsvir edib. ümumiyyətlə, "ilk məhəbbət" - yəni həyatda ilk sevdiyimiz şəxs, bizim həyatda ilk sevgi imtahanımız olduğundan, bir dəfə başımıza gəldiyindən və bu imtahanda heç bir təcrübəmiz və hazırlığımız olmadığına görə həmişə sonu uğursuzluqla bitir... ancaq, dadı elə damağımızda qalır ki, gözümüzdə onu o qədər böyüdürük ki, o həmişəlik yaddaşımıza həkk olunur, bundan sonrakıları daim onunla müqayisə etməyə çalışırıq, ancaq o özündən sonrakıların heç birinə bənzəmir, təəssüf... bir sənədli filmdə, bir heroin istifadəçisi danışırdı ki, heroin ən böyük ləzzəti ilk istifadə zamanı verir, ondan sonrakıları ilk dəfə aldığım həzzə çatmaq üçün edirdim, ancaq çata bilmirdim... bu da onun kimi... buna görə şair də deyir ki, "vəfası olmayan ilk məhəbbət aşiqi son mənzilədək izləyir..."

mahnıya gəldikdə isə, hər qulaq asdıqca leylinin məcnuna dediyi kimi sanki, qan saçılır insanın didələrindən, * gözdən qanlı yaş axıtmaq bağrı yarılır insanın... mənə görə ən gözəl ifaçıları arasında nərminə məmmədova, əbülfət əliyev, könül xasıyeva, aygün bəylər var. * ancaq, təəssüf ki, səsyazmaların keyfiyyəti aşağıdır

Sevib-sevilənlər çox gözəl bilir,
Olmayıb vəfası ilk məhəbbətin.
izləyir aşiqi son mənzilədək,
Şirin macərası ilk məhəbbətin.

aygün bəylər

nərminə məmmədova

könül xasıyeva

əbülfət əliyev

türk aktyor perran kutman tərəfindən də ifa olunub:

(youtube:

)

Mənim dediklərim şikayət deyil,
Ürəklər yandıran hekayət deyil,
Həqiqi aşiqə kifayət deyil –
Tükənməz cəfası ilk məhəbbətin.

Sevgisiz gül-çiçək bitməz, ey könül,
insan muradına yetməz, ey könül.
Nədəndir, bilmirəm getməz, ey könül,
Başımdan sevdası ilk məhəbbətin?!

Bu dərdə neyləsin loğmanın əli?
Əlimə dəyməmiş cananın əli,
Döydü qapımızı hicranın əli,
Budurmu mənası ilk məhəbbətin?

Mən onu sevmişəm bir ilk baharda,
O məni tərk etdi boranda, qarda.
Hər yara sağalıb, unudular da,
Sağalmaz yarası ilk məhəbbətin!

mənbə.
süleyman rüstəm, seçilmiş əsərləri, I cild
bir mahnının tarixçəsi, itv

ilk məhəbbət

Yalnız deyilsən!

Yalnız deyilsən!

Yalnız deyilsən!