1. əsl adı howard stanton levey olan, laveyan satanizminin və şeytan kilsəsinin yaradıcısı. əslən macar olan lavey 1930cu ildə çikaqoda doğulub. 15 yaşında musiqi ilə yaxından əlaqəli idi artıq, 20 yaşında musiqini buraxıb sirkdə işə girir və qəfəslərdəki heyvanlara nəzarət edir. daha sonralar isə şirlərlə şoulara çıxırdı, yaralandıqdan sonra isə bu işi də buraxır. daha sonra morqlarda polis fotoqrafı işləməyə başlayır. müsahibələrinin birində fəlsəfi düşüncələrində morqdaki işinin çox böyük təsiri olduğunu da deyib. 1966-cı ildə hərəkətə keçən lavey, şeytan kilsəsini yaratdı və həm bu kilsə, həm də yazdığı kitablar vasitəsi ilə satanizm fəlsəfəsini cəmiyyətdə yaymağa çalışdı. laveyin düşüncəsinə əsasən, əsas olan tanrı yox, insandır. şeytanı isə "insanı azad edən üsyankar ruh" olaraq dəyərləndirir. həmçinin şeytanın, müqəddəs kitablarda yazıldığı kimi deyil, tamam fərqli bir varlıq olduğunu iddia etmişdir. belə ki, şeytan, daima müxalif olan bir varlıq kimi tanınmışdır. bu isə insan azadlığını təmsil edən, insanı sərhədləyən hər şeyə qarşı olan bir varlığın təmsilidir. lavey düşünürdü ki, müqəddəs kitablarda yazılanların əksini etmək insanların tək çıxış yoludur. lavey, insanın üstün bir varlıq olaraq qəbul etmişdir. yazdığı bir əsərdə; "yalnızca istədiyimiz zaman, istədiyimiz şəxsə qarşı yaxşılıq etməliyik. heç kim bizə, daima yaxşı ol deyə bilməz. əgər biri bizi alçaldarsa, onu əzib-yox etməliyik." deyir. 1997-ci ildə 67 yaşında infarkt nəticəsində ölüb. vəsiyyətinə əsasən məzarının üzərində "həyatdakı tək peşmançılığım, mənasız yerə yaxşı olduğum anlardır" yazılıb.