+5 əjdaha
3. əfsanəvi riyaziyyatçı. riyaziyyat, fizika, fəlsəfə kimi sahələrlə məşğul olmuş insan.* nə insan a kişi. bu bildiyin tək başlı əjdahadır1906 cı ildə doğulub, uşaq yaşlarından riyaziyyat, dil və dinlərlə* gödelin ontoloji arqumenti swh maraqlanıb. 18 yaşında təhsilini nəzəri fizika sahəsində almaq üçün viyana universitetinə daxil olub amma bir semestr sonra introduction to mathematical philosophy* bertrand russell kitabını oxuması ilə bərabər fikrini dəyişərək riyaziyyat fakültəsinə keçib
bakalavrı sürətli bir şəkildə tamamladıqdan sonra elə eyni universitetdə doktorantura proqramına qəbul olub və cəmi 23 yaşında dissertasiya işini tamamlayıb. dissertasiyasında isə riyaziyyat tarixinin ən təsirli teoremlərindən biri olan əskiklik teoremini isbat edib.* xalxın uşağı sənin yaşında doktor olur, əskiklik teoremi isbat edir, sən otur sözlüyə entry gir swh
doktorluq dissertasiyasından sonra gödeldə ilk psixoloji problemlər görülməyə başlayır. amerikaya səfərləri sonrası içində olduğu mental vəziyyət daha da pisləşir. 1938 ci ildə ailəsinin qarşı çıxmasına rəğmən aşiq olduğu qadınla evlənir. ailəsinin qarşı çıxma səbəbi isə qızın xristianlığın başqa bir sektasına mənsub olması və eyni zamanda gödeldən 10 yaş böyük olması olur. ardınca məlum hadisələr baş verir, nasistlər hakimiyyətə gəlir və gödel həm yəhudi dostları səbəbilə gözüm çıxdıya salınır həm də sağlıq şərtləri imkan vermədiyi halda orduya yararlı olaraq qiymətləndirilir. yəni müharibəyə getmək ehtimalı ilə üz-üzə qalır
qısa zaman sonra gödel almaniyadan amerikaya qaçır, burda irəli araşdırmalar institutunda çalışmağa başlayır. eynşteyn ilə dostluqları da burda başlayır. həm eynşteyn həm də gödel piyada gəzməyi sevirmişlər, eynşteyn də həmişə gödeli gözləyirmiş ki, görəsən bu gün məni təəccübləndirəcək nə danışacaq pezevenk* swh necə ki təəccübləndirir də. gödel ümumi nisbilik nəzəriyyəsini öyrənməyə başlayır və sahə tənliklərini müəyyən şərtlər altında həll edir - bu gün həmin həllə gödel metriki deyirik
onu tanıyanların danışdığına görə gödel dünyadakı ən özünə qapalı insanlardan biri ola bilərmiş. tək dostu və söhbətləşdiyi adam eynşteyn imiş. evdə də həyat yoldaşı. 1955 ci ildə eynşteynin vəfatından sonra gödel daha da özünə qapanır və bütün sosial əlaqələrini kəsir. onsuz gəncliyindən bəri mental problemləri olan gödel özünü təmamilə yalnız buraxır. yay aylarında qış paltarları ilə ətrafda dolaşan, evlərindəki soyuducunun qazı ilə zəhərlənib öləcəyini düşündüyü üçün yay qış evin pəncərələrini açıq qoyan, ruhlara inanan və bir də ruhlardan qorxan, zəif, çəlimsiz və tez-tez xəstələnən, həkimlərin nə qədər tövsiyyə etməsinə baxmayaraq sözə baxmayan, düzgün yemək belə yeməyən və axırda da mədə xorası və mədə qanaxması yaşayıb ölümlə üz-üzə qalan amma son anda xilas olunan biri idi gödel.
özünə qapandıqdan sonrakı dövrdə bir də paranoyak olmuşdu, ətrafdakı pis insanların onu zəhərləyəcəyinə inanmağa başlamışdı. ən çox yediyi yeməklərdən qorxurdu, yeməklərinə zəhər qatılacağı paranoyası vardı. tək güvəndiyi insan həyat yoldaşı olduğu üçün ancaq onun bişirdiyi yeməkləri yeyirdi. 1977 ci ildə həyat yoldaşı bərk xəstələnir və xəstəxanaya yerləşdirilir, ona yemək bişirəcək heç kəs olmadığı üçün gödel həftələrlə yemək yeməkdən imtina edir, zorla xəstəxanaya yatırılsa da, xəstəxanada da yemək yeməkdən imtina edir və iki həftə sonra aclıqdan ölür. öləndə gödel sadəcə 29 kq qalmışdı
məntiq sahəsindəki ən böyük insan, rasional düşüncənin, ən böyük məntiq nəzəriyyələrinin banisi hesab olunan dahi bir insan irrasional düşüncələr və paranoyalar, məntiqsizliklər içində özünü aclıqdan öldürmüşdü. dünya gəlmiş keçmiş ən böyük beyinlərindən birini də belə itirmişdi qısacası
bu da einstein ilə həmişəki piyada gəzintilərindən birində çəkdirdikləri şəkil:
mənbə:
http://85.111.17.216/nesinkoyleri.org/makaleler/226_232_kurtgodel.pdf
https://en.wikipedia.org/wiki/Kurt_Gödel