əhd-i cədid



facebook twitter əjdaha lazımdı   izlə   lələ   mən   googllalink

    1. Xristian bibliyasının bir hissəsi, xristianların müqəddəs kitablarından biri.
    isa məsihin həyatından və təlimlərindən bəhs edən külliyatın (bu külliyat 27 kitabı ehtiva edir) ümumi adıdır.
    Müasir Azərbaycan dilindəki mənası "yeni əhd" deməkdir. Bizim coğrafiyada bu külliyata çox vaxt incil deyilsə də, bu cür adlandırma korrekt deyildir. Əlimizdəki ən qədim Əhd-i cədid əlyazmalarının dili yunancadır. isa məsihin dövründə bu dil indiki ingilis dilinin gücündə olsa da isanın danışdığı dilin arami dili, yaxud digər ibrani ləhçələrindən biri olduğu deyilir.

    Qeyd etmək lazımdır ki, xristianların müqəddəs kitab anlayışı ilə müsəlmanların müqəddəs kitab anlayışı fərqlidir. Məsələn, islam inancında tanrı (bəzi istisnalar xaric) öz kəlamını (vəhy) islam peyğəmbərinə mələk Cəbrayıl vasitəsilə çatdırır. islam peyğəmbəri də bu kəlamı olduğu kimi insanlara təbliğ edir. Yəni tanrı öz elçisinə "kitab" nazil edir. Müsəlmanlar arasında Dominant olan etiqadi qənaətə görə bu ilahi informasiyaya nə Məhəmməd peyğəmbərin nə digər üçüncü şəxsin bir müdaxiləsi olmur.

    Fəqət, xristianlıqda bu belə deyil. isa məsih özü tanrının kəlamıdır. Əhd-i cədiddə üçüncü bir şəxs (məsələn matta) isadan danışır. Deməli, kitab, tanrı kəlamı məfhumu xristianlarda fərqlidir. Bunu yazmağımın səbəbi bəzi müsəlmanların məsələni qavramamış xristianlara "necə allah kəlamıdır ki, üçüncü şəxs isadan bəhs edir" kimi etiraz etmələridir. Halbuki onların vəhy/ kitab anlayışı fərqlidir. Adam zatəm sənin iddia etdiyin bir şəkildə "kitab"a sahib olduğunu iddia etmir.

    (bax: Əhd-i ətiq)
    Online versiyası :
    http://yeniheyat.com/muqeddes-kitab/


sən də yaz!