2016-cı ildə işıq üzü görən metal albomları


facebook twitter əjdaha lazımdı   googllalink

    3. jumalten aika - tanrıların əsri moonsorrow'un 1 aprel 2016 tarixində çıxan folk metal tərzindəki albomu. epik tərtibatı həmişəki kimi nəğmələr və folk metal elementləri tamamlasa da, albomda metallaşma daha çox hiss olunur.

    albom 5 trekdən ibarətdir və tamamilə fin dilindədir. ancaq parçaların sayının az olmasına baxmayaraq, 1 saatınızı ayırıb, tam şəkildə dinləməlisiniz, çünki moonsorrow əvvəlki ənənələrinə sadiq qalaraq trekləri 10 dəqiqədən artıq bəstələyib. albomdakı ən qısa trek * suden tunti - qurdun saatı adlanır. jumalten aika çıxmamışdan əvvəl, həmin bəstəyə əjdaha bir videoklip də çəkmişdilər.
    (youtube: )
    . klipdə ovsun nəticəsində insan canavar-adama çevrilərək odinə qalib gəlir.

    albomun mimisbrunn-mimirin quyusu parçasında müdriklik tanrısı mimir ilə odinin əhvalatına istinad olunur.
    4. jomsviking - amon amarth'ın 25 mart 2016-cı ildə çıxan 10-cu albomu. jomsviking konsept albomdur, albomdakı bütün treklər bir süjet xətti üzərində - vikinq muzdluları olan yomsvikinqlərdən bəhs edərək inkişaf edir. albomun adı vaxtilə baltik dənizinin cənub sahili-hazırki pomerania ərazisindəki vikinq məntəqəsinə - jomsborga dəlalət edir. albomun özünə gəldikdə isə, amon amarth'ın ilk konsept albomu olmasından başqa, elə bir yenilik yoxdur. yenə johan'ın (bax: johan hegg) ölüm ulartıları, asan başa düşülən liriklər və melodik vikinq ab-havası var. ancaq albom pürüzsüz olduğundan qrup çuluğunu sudan rahat bir şəkildə çıxarır. məhz buna görədir ki, albom tənqidçilərdən pozitiv rəylər alıb.

    albomdakı parçalar haqqında qeydlər:
    - albomdakı 1-ci və 7-ci parçalara kliplər çəkilib, uyğun olaraq ''first kill"
    (youtube: )
    və ''at dawn's first light
    (youtube: )
    . ağıl öyrətmək kimi olmasın, bir qədər çətin görünsə də treklərdən təşkil olunan * 20 dəqiqəlik qısametrajlı film çəkmək olardı. bir halda ki, bu konsept albomdur. yoxsa iki klip bütün albomu tam əks etdirə bilmir.
    - "wanderer'' parçasını favori seçdim. sadəcə bunu deyə bilərəm.
    - ''one 1000 burning arrows'' parçasında belə bir bənd var:
    --spoiler--

    Two ravens on the longship
    They spread their pitch-black wings
    And lift up to the burning sky
    A send-off for a king!

    --spoiler--
    burada two ravens deyilməklə, odinin huqin və munin adlı elçi quzğunları xatırlanır.
    -"Vengeance Is My Name" trekində 3 nəfərə qarşı tək vuruşan yomsvikinqi öz qələbəsini təsvir edir. burada maraqlı məqam, yomsvikinqlərin şərəf məcəlləsi ilə bağlıdır. belə ki, döyüş meydanını qorxaraq tərk etmək qadağandır, əgər say lap çox olarsa, geri çəkilməyə icazə verilir. ona görə də, yomsvikinqli 3 nəfər hazırlıqlı və güclü döyüşçü ilə sona qədər vuruşur.
    5. for all kings - anthrax'ın 26.02.2016 tarixində çıxan thrash metal albomu. anthrax xülasə olaraq möhtəşəm bir iş çıxarıb, albomdakı bütün parçalar qulağa xoş gələn gitara rifləri ilə doludur.

    "you gotta believe" treki drum, gitara baxımından tamamlayıcı bir təsir bağışlayır; "breathing lightning"
    (youtube: )
    isə albomdakı ən gözəl parçadır, nəqarət hissəsi sadəcə superdir. albomun ilk sinqlı olan "evil twin"
    (youtube: )
    tərz baxımından ən oturuşmuş parçadır. digər parçalarda az hiss olunan aqressiya burada öz sözünü deyir, thrash metala məxsus sürət isə həmişəki kimi öz yerindədir. "evil twin" ilə bu baxımdan bənzərlik təşkil edən digər bir parça "zero tolerance"dır. "evil twin"in mövzusu da maraqlıdır. söhbət keçən ilin yanvar ayında charlie hebdoya silahlı basqın edən (bax: 7 yanvar 2015 paris silahlı hücumu) kouaçi qardaşlarından gedir. buradan ayrıca albomun ümumi məğzinə istinad olunur - bütün krallar üçün hər kəsin özünü kral kimi * görmək istəməsi müzakirə olunur. yeri gəlmişkən, "evil twins"ə klip çəkilsə, çox maraqlı olardı əslində. albomdan yalnızca bir trekə klip çəkilib: blood eagle wings
    (youtube: )
    . klip gözəl alınıb, çünki modern metal kliplərindən fərqli olaraq qrup üzvləri univermaq kuklaları kimi klipin əvvəlindən axırına kimi görüntünü zəbt etmirlər, bunun əvəzində konkret mövzusu olan klip təqdim edirlər.

    nə isə.... slayermegadethdən sonra anthrax da öz işinin öhdəsindən gəlmiş kimi görünür. ancaq əlbəttə ki, metallicanı da gözləmək lazımdır ki, böyük dördlüyün (bax: big four) illər ərzində thrash metalda hansı fəzilətə yetişdiyini müəyyən edəsən.


sən də yaz!