14 yazar 35 başlıq və 39 entry
yenilə | gündəm | top

1 2
nhajiyev 3 reconstruction englar alheimsins the breakfast club letters to father jacob james boy yazgı bang bang you're dead lilya 4-ever god on trial dogma 95 rosso come il cielo ekskursante 2:37 the broken circle breakdown einar wegener the imitation game buda as sharm foru rikht la finestra di fronte mount and blade: with fire and sword ruhi əzablar alfred schnittke fanny edelman aurore hallelujah yazarların başına gələn maraqlı hadisələr 2 sözaltı sözlük ilham əliyev 3 qaza və elektrik enerjisinə limit əli novruzov schooldays mizantrop rapunzel sindromu böyümək qaynaqçı timidus yazarların penis boyları kargüzar mannequin challenge 4 kədər bioqaz 2 notepub.com azərbaycanlıların tələffüz səhvləri 4 köhnə sevgilinin unudulmayan sözləri 3 sözlükçülərin ən sevdiyi cizgi film personajları 3 füzuli kantatası əfsanəvi başlıqlar 2 sözlük yazarlarının dinləməkdən bezmədiyi mahnılar 3 akkord eşidilməkdən bezilən şeylər 7 şəhər əfsanələri yağışlıq üçüncü mömin vaçaqan veksel rrrrrrr!!! 2 albert einstein yenilə yeniyetməyə ən çox yaraşan maşın 3 italyan zövq verən kiçik çılğınlıqlar səyyar 2 nissan qadına ən çox yaraşan maşın 6 qaqana ən çox yaraşan maşın 2 eddie redmayne suicide squad 2 türk serialları 3 şəb-i hicran lovğa amı götü dağıtdım geldim azərbaycan dilinə tərcümə olunmuş kitablar 2 marixuana 2 qonaq gələn ailədəki uşaq 4 nizami süleymanov ən bəyənilən ekşi sözlük entryləri türkləri sevmə səbəbləri qız tutmaq minasazlıq şabalıd vikings sinəsi tüklü şair xəzərin sahilində

kitabların xülasəsi


facebook twitter əjdaha lazımdı   googllalink

    1. kitabın mahiyyəti, mövzusu, məğzi haqqında özet, summary kimi tanım vermək olar.

    məsələn,

    KiTAB
    Avropada qatarda kitab oxumağın ayrı bir rahatlığı var. Əvvəla burada kitab oxumağa pis baxmırlar və kitab oxuyanlarla telefonla qurdalananların sayı təqribən düz mütənasibdir. ikincisi də nə oxuduğunla və kim olduğunla maraqlanmırlar. Belə bir ideal şəraitdə əgər oxuduğunda fransız yazarı Andre Moruanın (1885-1967) "Yad qadına məktublar" olarsa, bu rahatlığın ikiqat artıq olur. Morua mənim üçün ən maraqlı müəlliflərdən biridir və ayrı-ayrı şəxsiyyətlərin bioqrafiyası üzərində qurulmuş əsər-kompozisiayarının əvəzi yoxdur, deyə bilərəm. Necə deyərlər, tədqiq etdiyi hər bir şəxsiyyəti kəşf edən böyük düşüncə adamı. Bununla belə, həqiqətən də müəllifin ən faydalı əsəri "Yad qadına məktublar" hesab oluna bilər. istedadlı və dəyərli dostum Mahir N. Qarayevin peşəkar tərcüməsində "Kitab klubu" tərəfindən 2014-cü ildə nəşr olunan bu əsəri təkrar-təkrar, düşünərək oxumağına dəyər. insan münasibətlərinə, həyata baxışınıza, yaradıcılığınıza, qadının və kişinin dəyər anlayışına yönəlik fikirlərinizdə sağlam düzəlişlər etmə inkanı qazana bilərsiniz. Morua bu əsərində də qeyd edir ki, şəxsən tanıyaraq ən ağıllı hesab etdiyi müəlliflər Valeri və Alendir. Məhz onun dəyərləndirməsinə görə rus dilində Alenin esselerini tapıb oxumuşam və üslubuna, təfəkkürünə heyranlığımı gizlətmirəm. Mütləq Valerinin də əsərləri ilə yaxın zamanlarda tanış olmağa çalışacağam.
    "Yad qadına məktublar"da ədəbi priyom olaraq hansısa məchul qadına məktublar silsiləsi yer alır. Ancaq hər bir məktubda həyatın və insan münasibətlərinin ən zəruri problemləri haqqlnda müəllifin fəlsəfi baxışı, fikir və tövsiyələri diqqətə çatdırılır. Əsərdən bəzi görüşləri maraq üçün diqqətə çatdırım:
    "Əgər mən yıxılmaqdan qorxuramsa, mütləq yıxılasıyam; bu başgicəllənməsi adlanır, və bütöv xalqlara xas olduğu kimi, ayrı-ayrı adamlara da xasdır. Əgər mən belə hesab edirəm ki, öz ölkəmin işlərində heç nəyi dəyişə bilmərəm, o zaman həqiqətən də heç nəyi dəyişməyi bacarmayacağam. Məsələ ondan ibarətdir ki, ilk növbədə özüm üçün, həmçinin də ətrafımdakılardan ötrü yaxşı havanı da, pis havanı da mən özüm yaradıram...Adamlarda qorxu yox, inam yaratmaq- antik dövrün müdriklərinin sirri buradadır." (səh. 127)
    "Xronofaq- yəni vaxtyeyən. Xronofaq, hər şeydən öncə heç bir işi olmayan adamdır və bu adam vaxtını nəyə sərf etməyi, necə öldürməyi bilmədiyindən, öz asudə vaxtını, daha dəqiqi, vaxtının boşluğunu sizin vaxtınızı yeməklə doldurur. Bu canlının, bu həşəratın sırtıqlığı son dərəcə ağlasığmazdır. ..Heç nə bizə vaxt qədər, vaxt dərəcəsində məxsus deyil; vaxt bizimdir. Və qarşımıza çıxan ilk adamaca imkan veririk ki, bizə məxsus olan bu yeganə və tezsovuşan var-dövlətimizi zəbt etsin!" (səh.150)
    Necə deyərlər: Harika. illərdir yaşadığımız mühitdə "vaxtyeyən" deyə tanıdığımız kimlikləri xarakterizə edə biləcəyimiz gözəl bir termin tapmış olduq. Bir işə yaramırlar, ancaq insanın enerjisini oğurlayırlar, vaxtını çalırlar, itirilmiş vaxtın məsuliyyətini daşımağa səni məhkum edirlər!!!
    Moruanı hər kəsimdən olan insan oxuya bilər. Təki düşünmək və anlamaq istəyi olsun! (c) fazil mustafa
    2. KiTAB
    Ömər Faiq Nemanzadənin "Xatirələrim" (Bakı, Xan nəşriyyatı, 2014) kitabını oxudum. Bu kitab müəllifin xatirələrinin yarımçıq qalmış variantıdır. 1936-cı ildə tamamlandığına görə Sovet rejiminin xoşlamadığı bəzi şəxsiyyətlərlə bağlı yanaşmalarda tam səmimiyyət hiss olunmur. Yəni ideoloji qadağalar nəzərə alınıb. Bununla belə, müəllifin təsvir qabiliyyəti və təhkiyə üslubu möhtəşəmdir. Hadisələri ən kiçik detallarına qədər təsəvvürdə canlandıra bilir. 19-cu əsrin sonlarında istanbul mühiti, daha sonra Şəki, Şamaxı, Tiflis həyatının maraqlı epizodları, dini cəhalətə qarşı mübarizəsi, fədakar maarifçilik fəaliyyəti diqqət çəkicidir. 1902-ci ilin 31 yanvar Şamaxı zəlzələsində yaşanan sarsıntı və Tiflisdə 1905-ci ilin noyabrında erməni-türk savaşının epizodları, "Şərqi-Rus" qəzetinin və "Molla Nəsrəddin" jurnalının ərsəyə gəlməsində bir yazar olaraq rolu dövr haqqında tarixi bilgilər əldə etmək baxımından faydalıdır. Ömər Faiq "Xatirələr"ini yazandan bir il sonra bolşevik ...-lər tərəfindən güllələnib. Ahıska türklərinin bu dəyərli aydınının keşməkeşli həyatı düşüncələrimizdə yaxşı mənada qalıcı bir iz buraxır. Oxumağa dəyər bir əsərdir. (c) fazil mustafa
    3. KiTAB
    Məşhur ingilis yazarı Çharles Dickensin (Çarlz Dikkens) "iki şehrin hikayesi" (istanbul 2012) kitabını oxudum. Maraqlıdır. Romanda 18-ci əsrin sonunda Paris və Londonun gündəli həyatının maraqlı epizodları təsvir edilir. Bu dönəm Parsidə sinfi təbəqələşməyə dörə insanların bir-birindən ayrılması və bir-birinə bəslədiyi nifrət duyğusu insanı dəhşətə gətirir. Xalq aristokrat olan hər kəsə nifrət edir. Kralın və kraliçanın kəsilmiş başları günlərlə Paris küçələrində nümayiş etdirilir. Bir-birini xalq düşməni elan etmək xəstəliyi yayğındır. Bir sözlə, inqilabın yaratdığı vəhşət iki şəhərin yaşam şərtləri içində gözəl təsvir olunur. Düşündürücü bir əsərdir. (c) fazil mustafa


sən də yaz!