yeni dərslik layihələri


facebook twitter əjdaha lazımdı   googllalink

    1. hamının yükləyib fikir bildirməsi vacib olan layihədir. kimin nədən başı çıxırsa, heç olmasa, mündəricatına göz atmalıdı. onsuzda internetdən istifadə azərbaycanda nə üçündü bizə tam aydındır. barı başı çıxanlar faydalı bir iş görsünlər. ən azından gələcək nəsilin formalaşmasında kiçik də olsa bir rolumuz olar.
    2. hələ də cərəyan şiddətininin sahə ədədindən artan asılılığını "avtobus qapısı böyük olduqca ordan keçən adamların sayı da çox olar, tıxac* yaranmaz" kimi təsvir edə biləcək zehniyyətlər* hazırlayırsa, deməli, sadəcə üzlük qabığı yeni olan dərslik layihələri
    (bax: cərəyan şiddəti )
    (bax: köhnə hamam köhnə tas )
    not: fizika və biologiya kitablarını gözdən keçirib məlumat verməyə çalışaram
    3. baxmamışam. ancaq köhnə fizika dərsliklərini oxumuşam. köhnə dediyim müstəqillikdən sonra dərc olunanlardı. sonralar 2000-lərdə başqa kitablar dərc olundu. belə deyim. yeddinci sinif köhnə fizika kitabı çox yaxşı idi. qravitasiya məsələn. çox yaxşı açıqlanmışdı hətta qravitasiya sabitini təyin edən kavendiş təcrübəsi belə dəqiq izah olunmuşdu. əla kitab idi. hər dərsin yanında fiziklərin həyatları və s. olurdu. sonrakı kitablarda elə çox fərqli deyildi. yəni dünyadakı high school fizika kitabları ilə ciddi fərqi yoxdur hətta geri qalmır onu deyim. məs: amerikan dərs kitabları bərbaddı. bir çox universitet kitabları belə bərbaddı.

    yəni normal kitablar idi. bunlarda normaldı deyə düşünürəm. elə böyük böyük tənqid eləməyə ehtiyac yoxdur.
    4. həyat bilgisi 9 kitabını yüklədim və qarşılaşdığım mənzərə məni təkərə saldı. adama deyərlər bütün imkanlarım qabaqcadan planlaşdırılıbsa, iradəm yoxdursa bəs mənə nə həyat bilgisi verirsən?
    --spoiler--

    Bütün səmavi dinlərdə bildirilir ki, hər şey, o cümlədən insan da Allah tərə­
    findən yaradılıb. Müxtəlif dini baxışlara görə, insanın sosial proseslərdəki
    imkanları Allah tərəfindən müəyyənləşdirilib.

    --spoiler--

    kitabda heydərin günəşin rəngi sarıdır tipli aforizmalarını da görə bilərik
    --spoiler--

    Ulu öndər Heydər Əliyev söyləmişdir: “insan hüququ hər
    bir insanın hüququdur, eyni zamanda hər bir xalqın hüququdur”.

    --spoiler--

    edit
    kitabda belə bir tapşırıq var *
    --spoiler--

    ilham Əliyevin tolerantlıq sahəsində uğurlu siyasət apardığını sübut edin.

    --spoiler--


    --spoiler--

    “Tolerantlıq Azərbaycanın vizit kartıdır” Azərbaycan Respublikasının Prezidenti ilham Əliyev

    --spoiler--
    5. dərslikləri müzakirəyə açmaqla yaxşı iş gördüklərini düşünürəm. 9-cu sinif ədəbiyyat dərsliyinə baxdım, qərb ədəbiyyatından sadəcə Ernest heminquey var. Bunu da irad olaraq bildirdim. Şagirdlər sadəcə azərbaycan ədəbiyyatını tanıyırlar orta məktəbdə. lap yaxşı, mən azərbaycan ədəbiyyatını da sevirəm. ancaq ki dünya ədəbiyyatına da önəmli yer ayırmaq lazımdır. sabah bu uşaq gedib xaricdə universitet oxuyanda biabır olacaq, çünki dünyagörüşünün nə dərəcədə qıt olduğunu kəşf edəcək. hətta mən deyərdim ki, tarix kitablarını azərbaycan tarixi və dünya tarixi deyə ayırdıqları kimi ədəbiyyatı da ayırsınlar. həm dünya ədəbiyyatı dərsliyi olsun, həm də azərbaycan ədəbiyyatı. şagird oxuyub qarşılaşdırma apara bilsin, ədəbiyyatımızın geri qalma səbəblərini öyrənsin. beləcə gənclər azad bir şəkildə düşünə biləcək, onların içindən yeni tərzdə yaza bilən yazıçılar, şairlər çıxacaq. əşi nəysə, kimə deyirəm e mən bunları? gör bu insanlar azad düşüncəli gənc istəyir heç? həqiqətən inkişaf etməyimizi istəyir? əlbəttə ki yox. mənasız-mənasız dərsliklər hazırla, uşaqların boş başını boş şeylərlə doldur, sonra da yerlərində saysınlar. heç töhfələrimi də nəzərə alacaqlarını düşünmürəm.
    6. təsadüfə bax ki dünən düşünürdüm görəsən indi orta məktəb kitabları necədi. bugün bu başlığı gördüm.
    açdım biologiya və coğrafiyaya baxım. heydər əliyevin şəkli çıxdı, elə istəyirdim bağlayım və rəy bildirim ki işə bu şəkili qoymamaqla başlaya bilərsiniz. uşaqları narahat etməyin deyə. sonra dedim sanki bu kitabları hazırlayanların gözü atırdı əliyevçün, bircə mənəm sanki sevməyən. əlbətdə ki məcburiyyətdən qoyublar, yoxsa layihənin heç üzünə baxmaz hakiymiyyət. ilham əliyevin gəncədəmiydi hardaydı yadımda deyil, atasının adı yazılmadığı üçün işçini danladığı kimi. təəssüflər olsun.

    ama baxdım kitablara, çox geniş incələməyə tutmadım, 5-10 dəq köhnə günlərin həsrəti ilə baxdım. xoşum gəldi dizayndan, tərtibindən. 10 il əvvəlkinə nisbətən zamana ayaq uyduraraq mövzuları da artırıblar, yuxu, yaddaş kimi beyin prosseslərini gördüm əvvəl yox idi.

    tam təfərrüatlı göz atmadım. ama təkamül bölməsinə baxdım məsələn, tam oxumadımsa da, darvini, lamarkı açıqlayıblar əməlli başlı. insanın atalarının digər canlılar olmasını qeyd etməyiblərsə də, heç olmasa təkamülü nisbətən ələ alıblar. bu da yaxşıdır. onsuz, istəsələr belə yəqin ki yenə insanın mənşəyi mövzusunu dilədikləri kimi yaza bilmirlər müsəlman ölkədə.

    ancaq yenə də xoşum gəldi. ən azından kimsə nəsə iş görür.
    ümid edirəm daha da yaxşı hazırlayıb rəsmi olaraq istifadəyə buraxarlar və bütün uşaqlara kitablar pulsuz olaraq gedib çatar. rayon və kənd məktəblərində bizlərə üç beş kitab verilirdi o vaxt, qalanlarını ya almalıydın ya qohum qonşunun cırıq kitabları qalırdı sənə. bir şagir üçün bu çox ağırdır həqiqətən. sahib olduğun tək şey kitablarındır, onlar da ala yarımçıq, cırıq cırıq.
    7. Təhsil həyatım boyunca məktəblərdə tədris olunan dərsliklərlə bağlı bir şeyi müşahidə eləmişəm. Fizika, coğrafiya, kimya, biologiya kimi fənnlər zəncir kimidir, bir neçə paraqrafı oxumadan keçəndə artıq yeni paraqrafları başa düşmürsən. Bizim təhsil sistemində uşaqlar hər 4-5 dərsdən bir dərsliyə baxırlar, qiymət üçün. Arada bu qədər ciddi boşluqlar olanda şagird artıq başa düşmür yeni paraqrafları, çünki zənciri öz əlləri ilə qırır, şüursuzca. Sonra da ortaya çıxıb deyirlər ki, dərsliklər qəlizdir, başa düşmək olmur. Düzdür, danılmaz faktdır ki, dərsliklərimiz mükəmməl deyil, ancaq o qədər pis də deyillər. Qaldı ki o səhvləri düzəltməyə bu problemdir. Çünki egolu kitab müəllifləri yazdıqları dərsliyə tutulan heç bir irada qoz qoymurlar.


sən də yaz!