əjdaha lazımdı
izlə
dostlar
mən
googlla
söz6 yazarlarının ev heyvanlarının adları
-
yazarların çəkdikləri pişik şəkilləri
-
pişikdən qorxan qız
-
pişiklərə həddindən artıq hörmət edilməsi problemi
-
keçən ayın ən bəyənilənləri
-
sözaltı etiraf
-
uşaqlıqda heyvanlara verilən işgəncələr
-
sözaltı günlük
-
sözaltı roman
başlıqdakı ən bəyənilən yazılar:
+54 əjdaha
45. kainatın bizə gözəl bəxşlərindən daha biri. son zamanlar, haradasa 1 aydan çox zehnimi məşğul edən hadisənin başqa qəhrəmanı. yaşadığım binanın həyətində adi bir küçə pişiyi peyda olmuşdu. ama ondan da əvvəl cinsə oxşayan, boyunluğu olan kök, rıjıy bir bazilyo. bu dombul pişiyi yemlədiyim günlərin birində cılız, arıq olan da gəlib qıraqdan baxmağa başladı. qısası elə onnan sonra hər axşam evə qayıdanda bu arıq, yassarça pişik məni liftin qabağında qarşılayırdı, mən də sevincərək olmuşdum ki, axır ki kmsə gəlişimə sevinir, öz də sevinən ən eqoist canlılardan biridi.. başladım bunu yemləməyə, qış gəlirdi artıq dözməyib özümlə blokumuza qədər çıxarırdım. gəl-get zaman bu ləçər hamilə qalır, 10+ mərtəbəni qalxıb qapıya gəlirdi, mən də qapıdan yemləyirdim. günlərin bir günü, gecə saat 3də qardaşım durğuzur ki, dur pişik gəlib, qonşular səsə şikayət edəcək. yuxunun ən şirin anında insannıx, heyvan sevgimin çezdirdiyi momentdə pişik zad vecimə deyildi. səs getdikcə artırdı və artıq yatmağa da mane olurdu, durub qapını açdım ki, pişik özü və bir balasıyla qapının ağzındadı, balanın da səsi aləmi götürüb. balaya əl vurmaq istəyəndə pişik cırmaq atdı və qorxub evə girdim. yatan tanış-bilişi oyadıb məsləhət almağa başladıx və son qərarla gecənin bir vaxtı pişiklə balanı isti olduğunu hesab elədiyimiz qaraja apardıx, ana pişik üçün olan yemlə qayıdıb rahat yatdıx. səhər durub evdən çıxanda qapını açdım və təz bağladım..orada idi, pişiyin balası. ölü yatırdı. təzədən açıb gördüyümün həqiqət olub olmadığını yoxlayıb tez bağladım. evdən çıxmaqdan çox qorxurdum. o qədər müddət bəslədiyim ana pişiyin intiqamı idi sanki bu. ananın mənə "gəəla gördün noldu?" deyiş şəkli idi. onlara yaxşı baxmadığımın üzümə vuruşu idi, ana pişik üzümə vururdu başına gələni, günahkar da mən idim. cəsarətimi yığıb leşin yanından barmaq ucumda keçmək anım neynədiyini cianyətdən sonra anlayan qatil qorxusunda idi. qardaşıma mesaj yazıb yalvarmışdım ki, leşi atsın ya basdırsın mən gələnə kimi. 1 saat sonra isə qapının qabağında leşin olmadığı cavabıydı. hələ də o balaca canı oradan kimin ya nətər apardığını tapa bilməmişəm. bəlkə də anası, buna belə laqeyid olduğumu düşünüb kor-peşman aparmışdı, bilmirəm.
indi aramız yavaş-yavaş düzəlir. ana pişik yenə gəlib binanın girişində dayanır, mənə baxır. həmin hadisədən sonra nə vaxt görsəm utanc-qorxu qarışıq hisslərimlə pişik olan tərəfə baxammırdım.
hələ ki sadəcə yemini verir ama əl vurub sevə bilmirəm , nə də oynada.
edit: apreldən etibarən yoxdu
+36 əjdaha
69. özlərini xəstə ya narahat hiss edəndə mədələrinin bitki həzm edə bilmədiklərini bildikləri üçün qusmaq və mədələrini təmizləmək üçün bilərəkdən bitki yeyən varlıqlar. ölərəm.
neçə gündür xəstədir, getdim gördüm güllərin yanında oturub sakit, arada bir yarpaq yeyir.
edit: sabah həkim randevusu var idi ama dözə bilməyib gecə təcili yardıma getdik, ürək döyüntüsü və istiliyi normaldır, səhər tam baxılacaq. (ərəfdəqalmışmiqrant'a xəbərdarlıq üçün təşəkkürlər)
![]()
+30 əjdaha
70. bundan hardasa 6 ay əvvəl kursumuzun həyətində ağ bir pişik var idi və hamilə idi. Havalar yavaş-yavaş soyuqlaşdığı üçün ona isti bir yer tapmaq istəyirdim ki birdən doğum başlasa küçədə soyuğda, yağışda qalmasın balalar. Beləcə kursumuzda icazə vermədiklərinə görə yandaki gözəllik salonu ilə danışdım və işlətmədikləri mərtəbədə ona ev düzəltdim. Dərsim olmasa da hər gün gedib yemək verirdim, su qoyurdum. Bir gün gəlib gördüm ki 4 bala doğulub, ikisi dişi ikisi erkək. Balaların gözləri əvvəl tez-tez tutulurdu ona görə dərmannan hər gün silirdim ki, durduq yerə görmə qabiliyyətlərini itirməsinlər. Süddən kəsiləndən sonra balaların ikisini sahibləndirdim, ikisi hələ durur. Hər şey normal davam edirdiki bir gün dərsə gələndə mənə dedilərki böyük pişiyi veterinara aparıblar və o deyib ki bu pişik xərçəng xəstəsidir(mədə-altı vəzi) və sağalması mümkün olmadığı kimi cəmi 2 ay ömrü qalıb. Necə pis olduğumu danışmağa ehtiyac yoxdu hərhalda. indi havaxt görsəm ya uzanır yada özünü pis hiss elədiyi üçün ordaki bitkilərdən yeyir.
![]()
![]()
![]()
![]()
+21 əjdaha
56. Mənə görə digər heyvanlardan fərqlənən heyvan. Digər heyvanlar ya çox qorxulu, vahiməli ya da çox şirin görsənir amma pişiklərin görünüşü türklər demiş "asil" görünüşdür. Həmişə baxışları ilə yarğılayırlarmış kimi görsənirlər mənə aq. Sirr dolu baxışları var ya da mənim pişiyim elədir.
Həyətimiz böyükdür deyə həyətə çıxdıqda həyətdə həmişə pişik görmək mümkündür. Pişik cənnətidir bizim həyət yəni. Adətən heç bir heyvanla işim olmaz. Pişiklərlə hələ heç olmaz. Heyvan sahiblənsə idim bu heyvan böyük ehtimalla it olardı deyə düşünürdüm. Ta ki o günə qədər.
Yay fəsli idi və gecə saat 12 zad olardı. Həyətdə oturmuşdum ki xalam mənə çən dolduqda ona xəbər verməyimi tapşırdı. Çünki gecələri oyaq qalan lox həmişə mən olmuşam. Adətim gərəyi qulaqcıqlarımı taxıb həyətdəki skamyada oturaraq mahnıya qulaq asırdım. Mahnı da ki mahnı ola da aq. Gedib metal seçmişəm ona da full səslə qulaq asıram. Yanıma mahnını açmamışdan qabaq bir pişik gəldi. Qara pişik idi və yemək verməyim üçün miyoldayırdı. Mən əvvəl vecimə almadım çünki deyirdim ki gedər yəqin amma pişik getmədi. Hər dəfə ayağımın altına gəlirdi ki neçə dəfə yıxılacaqdım. Axır bezdim və evdə pişiyə vermək üçün nə tapa biləcəyimə baxdım. Evdə uşaqların yeməyindən ət qalmışdı nə qədər. Mən də onları bir qaba yığıb pişiyə verdim. Çox vaxt bu pişiklərə yemək verdikdə yarımçıq qoyub gedirlər. Ona görə də hamısını yeyib qurtarması və bir də yanıma gəlib miyoldayanda o artıq qalmış yeməkləri göstərdiyimdə yeməməsinin qarşısını almaq üçün pişik yeyərkən başının üstündə durub onu izlədim. Pişik yeməyi yeyib qurtardıqdan sonra getmədi. Qonşunun damına dırmaşıb orda özünü yalayaraq təmizlədi. Sonra bir az ətrafı müşahidə etdi. Mən də qulaqcıqlarımı taxıb mahnıya qulaq asmağa başladım. Yenə heç nə eşitmirəm təbii ki. Bir müddət sonra pişik yenidən gəldi və qabağımı kəsməyə başladı. Dedim ki bu pişik məndən nə istəyir aq? Evdə olan yeməkləri də verdim doymadı? Mən pişiyin əlindən bezib həyətdəki skamyada oturdum. Pişik bu səfər miyoldayırdı. Dedim hayda işə düşmüşük də. Axır pişik üstümə cumdu və türklər demiş "neye uğradığıma şaşırdım". Əsəbləşib qulaqcıqlarımı çıxardım və cəld ayağa durdum. Pişik mən ayağa duran kimi hərəkətə keçdi və
mən də nə qədər belə şeylərə inanmasam da pişiyin dalınca düşdüm. Pişik məni elə bil harasa aparırdı. Axır gələ-gələ pişik məni çənin yanına gətirdi. Çən artıq nə qədər daşmışdı. Mən tez gedib xalama xəbər verdim və çəni bağladıq zad. Aq normalda insanları səhv başa düşdükdə olayı üzr istəmədən bağlayıram amma bu pişiyin yanında üzrxahlıq edəsim gəldi mq. Yazıq heyvanı səhv başa düşmüşəm kül mənim başıma aq. Nəysə o gündən bəri o pişik hər gecə bizim həyətimizə gələr və mən də ona yemək, su verərəm. Fav heyvanımdı artıq o pişik.
Bu gün isə ondan daha az qəribə bir hadisə oldu. O gün yapon şəhər əfsanələrini oxumuşdum deyə 2 gecədir qorxuram. Ona görə də saat 1 olanda evə gedirəm. Saat 1 olana qədər də pişik gəlir və ona yemək vverirəm. Bu gün isə bunu etmədim. Saat 12 idi və pişik hələ də gəlməmişdi. Mən də bu yanda qorxuram deyə evə keçdim ki yatım. Səhər yəni bu gün oyananda gördüm ki pişik həyətdə məni gözləyir. Deməli bu pişik gecə məni görmədən heç yerə getmirmiş aq. Məni gördü, bir az onunla oynadım sonra getdi. insanlardan görmədiyim qayğını pişikdən gördüm aq
+22 əjdaha
47. dünən bir park kimi yerdə çay içirdim. səhərin gözü təzə açılıb, mənim gözlərim səhərdən də təzə. oturmuşam, çay içirəm, gün içində eləməli olduğum şeyləri fikirləşir, fikirlərşir, fikirləşir, fikirləşir, beləcə lomkaya düşürəm. quşların ağacdaki cikkiltiləri başıma düşür, çay dilimi yandırır, çayla bərabər yediyim xəmir məlumatından un tamı gəlir. karoçe lomka üstünə lomka. bir də baxdım çox qəşəng, ağ rəngdə, quyruğu boz bir pişik mən xəbərim olmadan düz ayağımın altında uzanıb...
heyvanlarla aram o qədər də yaxşı olmayıb. yaxşı olmayıb deyəndə nəzərdə tutduğum nifrət deyil. hamı sevimli, şirin heyvan videolarını paylaşanda mən həmişə kənar qalmışam. gülməli gəlməyib mənə məsələn hər hansısa bir itin, pişiyin hərəkətləri. `onlar da canlıdır, onlara yaxşı davranmaq lazımdır` fikrinə yem verərək, maşınla gedəndə yanımdakinə `ala pişik/it var` deyərək riayət etmişəm. nə başınızı ağrıdım, uzaqdan bir ünsiyyət, davranış şəklini mənimsəmişəm onlara qarşı.
bir evdə pişik varsa əməlli başlı narahat olmuşam ki gələr, sürtüşər mənə. və tərslikdən də həmişə belə olub –on nəfərin içində gəlib imenni mənə sürtüşüb. bu narahatçlığın adına qorxmaqmı deyirsən, hürkmək, çimtişməkmi deyirsən nə deyirsən de qısası uzaq durmuşam. işin qəribə tərəfi, istisnalar arasında at var. at gördüm minirəm, çapıram zad. halbuki at vurub hər an götbaş eliyə də bilər.
pişiklərə qayıdaq... arada estetik cəhətdən gözəl gördüklərimə toxunmaq, bu öz-özümə qoyduğum səddi aşmaq istəmişəm. oğlan xeylağısan da ala qıznan oturmusan məsələn pişik gəlir əməlli palit eliyirsən özünü ki narahatsan, ləzət vermir axı.
dəfələrlə olub ki niyyət eliyib əlimi yaxınlaşdırmışam amma nə bilime belə bir təhər duyğu kimi gəlib mənə bunlara toxunmaq. ümumiyyətlə bu beş duyğum arasında ən seçici duyğumdur bu duyğu. birbaşa bədənlə yəni sənin bədəninlə, biraz daha materyalist desək, məninlə birbaşa təmas var çünki burada. insanda belədir bəli, toxunmaq və onun bir uzantısı olan dadmaq duyğusunda seçici olmaq. amma baxırdım ki yox hey, məndə nəsə daha seçicilik var bu mövzuda. millət nəyə gəldi toxunur, nəyi gəldi yeyir. ala mən belə deyiləm də! vasvası sözün ünvanıma eşitməkdən yorulmuşdum uşaq vaxtı.
nəisə, oturmuşam, çay içirəm, gün içində eləməli olduğum şeyləri fikirləşir, fikirlərşir, fikirləşir, fikirləşir, beləcə lomkaya düşürəm. quşların ağacdaki cikkiltiləri başıma düşür, çay dilimi yandırır, çayla bərabər yediyim xəmir məlumatından un tamı gəlir. karoçe lomka üstünə lomka və yanımda da pişik var.
o an bilmirəm hansı fikir, hansı duyğu məni sövq elədi buna amma yenə 100-cü dəfə elədiyim hərəkəti eləməyə başladım: əsə-əsə əlimi uzatdım, buna toxundum. toxundum ki, təzədən reski dala çəkəm. amma çəkmədim. o qədər möhtəşəm bir hiss gəldi ki mənə. o vaxta qədər heç vaxt yaşamadığım bir hiss. və bu pişik o qədər möhtəşəm bir reaksiya verdi ki mənə. bu vaxta qədər çox az canlının mənə yaşatdığı bir reaksiya. semimi şekilde "ala, hə, davam elə, sən öl yeri var" deyirmiş kimi (kimi deyirəm nəticədə yadam bunlara) gülmeye benzer hərəkətlər elədi. davam elədim, pişik gəldi oturdu düz qucağımda. yenə biraz fikirləşdim ki `ala birinci dəfə üçün bu çox deyil mi? bəlkə biraz yavaşlıyaq?` yavaşlamadım dedim davam eləyee.... bir uzanmaq uzandı qucağımda. məsum-məsum, o qabaqdaki iki incə ayaqlarını çarpazladı və mənə sığındı körpə uşaq kimi. bu təsvirin pişiklərə yaxın olan insanlar üçün heç bir mənası yoxdu çünki çox-çox tanış səhnələrdi. amma mənim kimilər üçün çox-çox yad səhnələrdi. toxunmağa, sığallamağa, davam elədim. toxunaraq tanımağa, onu öyrənməyə başladım. (birgə oturduğum tanış mənə ona necə davranmağı öyrədirdi o da var) tanıdıqca necə yaxın olduğumuzu, bənzədiyimizi əyani şəkildə gördüm. özümdə yatmış olan, keyitdiyim bir hissi təcrübə elədim-sevgini! özümüzü qorumaq üçün çəkdiyimiz səddlər, güvənsizlik nəticəsində içimizdə üstünü toz-torpaq bağlayan cövhəri.
birin bir parçası olduğumuzu təfəkkür elədim. ən ləzət eliyən yeri də boğazına toxunmaq imiş onu gördüm. fiziki olaraq o mənə pişik sevərlərin bəhs elədiyi faydalı enerjini hiss elədim.
dəyişdi elə bil hər şey. ağacdaki quşların cikkiltiləri ləzzət elədi, ikinci istədiyim çay pramoy qana işlədi, çayla bərabər yediyim xəmir məlumatının söhbətə dəxli yox imiş, həqiqətən də keyfiyyətsiz imiş onu fərq elədim. yad elədim gəlmiş keçmiş məxluqatın ən gözəlini, libasında yatan pişik narahat olmasın deyə əvvəlcə gözləyib sonra libasın o hissəsini kəsəni. mənə biri, birliyi, birdən bir parça olduğumu öyrədəni.
və dünenden harda pişik görürəm sığallayıram. hətta evə pişik belə almağı düşünürəm. madam bu qədər yazdım, bir mesaj da verim mənim kimi olanlara. demək istəyirəm ki, qorxmayın, əmin olun dişləmir! əmin olun çox-çox faydalı bir şeydir. çox sağ olun.
+17 əjdaha
87. yeni uşaq sahibi olmuş valideyn eyforiyası kimi iki ildir həyatımı dəyişmiş varlıqlar demək istədiyim yeməlilər fəsiləsi. sakit, yavaş, öz dünyalarında, nəzakətli. düşünürdüm ki insanlar uşaq sahibi olmadan əvvəl hansısa ev heyvanını sahiblənsələr məsləhətdir. çünki nəyinsə qayğısına qalmağı öyrənirsən məsələn. vaxtında yeməyini suyunu verirsən. təmizləyirsən. həkimə aparırsan və.s.
ama bundan əlavə, başqa şeylər də öyrənirsən. məsələn tutub qucağına götürmək istəsən pişik istəmirsə, getməsinə icazə verməlisən. digər insanlarla münasibətdə də eyni şeyləri yaşayırıq. itlər üçün də keçərlidir yəqin.
ürəyini yumuşaldır pişiklər. sonra məsələn söhbət edirsən onlarla. necəki yazmaq terapiyadır, danışmaqda elədir. ama yazarkən qarşı tərəfdən cavab gəlmir, gəlməməlidir. heyvanlarla danışmaq da elədir. terapiya kimi. necə ki bəzən heç kimin fikrini ya mimikasını cavab olaraq eşitmək istəmirsən.
əvvəllər yeni amerikan həyat tərzi/trendi olan 40 yaşlı yalnız və 5 pişiklə yaşayan qadınlara feminist deyib zarafata salırdıqsa, bəzən doğrudan da hamıdan uzaq ama hansısa canlı varlıqla yaşamaq daha yaxşı hiss etdirə bilir. hamıdan və onların fikirlərindən.
(baxma: cəhənnəm başqalarıdır/-295754) - ilk anlaşılan mənada yox* - siz onlar üçün həmişə onların təfəkküründəki siz olaraq qalacaqsınız mənasında.
elə.
*ragnar və mocha. daddysinin balası.
![]()
![]()
https://www.instagram.com/ragnar_mocha/
+16 əjdaha
65. bəzən mənəvi olaraq o qədər tək hiss edirsən ki gedib gəlib pişiyi qucaqlayırsan. o səni qucaqlamayanda da pis olursan.
ailədən uzaq ya dərviş kimi o səhra sənin bu çöllük mənim tərzi köçəri həyat yaşayanda insan qabağına gələn hər şeyi qucaqlamaq istəyir sevgi aclığından.
+12 əjdaha
54. Dünyanın 8-ci möcüzəsi.
Baş ağrısınından həyətə düşməyə qərar verdim atamla. Nəysə, binadan çıxanda qapının qarşısında pişik oturmuşdu. Bi gözgözə gəldik. Sonra bisetkaya doğru keçdik. Birdə baxdım ki, gəlir yanımıza. Çağırmadan,pisi-pisi,abucubu etmədən həmdə. Nəysə,mənimdə valideynlərim heyvanlarla çox da yaxşı yola getmədiklərindən atam pişiyin gəldiyini görüb qovmağa çalışdı. Amma pişik gəlməkdən imtina etdimi? Əsla. Mənə tərəf baxa-baxa gəldi düz yanıma. Ata da yenə qovalamağa çalışsada durmadı. Bu arada bunu yazarkən yanımızdan keçən qadın pisi-pisi edib çağırmışdı. indi təzədən yanıma gəldi daha yaxınıma gəlib üstümə çıxmağa çalışdı. Patisini ayağıma qoyunca da atam yenə qovalamaq istədi, ammaa sadəcə patisini çəkdi. (isti-isti emosiyalar)
Nəysə, pişik birinci yanımda olanda ata dediki, pişiklər ağrını hiss edir gəlir. indidə üstümə çıxmaq istəməsi məni məndən almış haldadı. Ağrıma gəldikdə azalır. Həqiqətən azalır.
Uzun sözün qısası şuan baxışırıq pişiklə və çox yaxşı hiss edirəm. Mənim üçün dünyanın 8-ci möcüzəsidir.
+12 əjdaha
64. həyatı gözəlləşdirən şeydi, doğrudan deyirəm.
ən bomba anti-stress varlıqdır. götürürsüz küçədən bir bala. xəstə və bitli, ac, pis gündədirsə, lap yaxşı. götürün, çimizdirin, veterinarına aparın, yedizdirin, həm o balanı qurtarmış olun, həm də özünüzə bala qazanın.
aylıq xərciniz ilk vaxtlar bir az çox ola bilər, çünki qurd dərmanı, bit dərmanı, hətta lap balacadırsa, süd içə bilmirlər deyə daha fərqli şeylər almalı olacaqsınız. bir də ilk 1-2 peyvəndi pul aparacaq, amma ondan sonra hər şey qaydasına düşür.
mənim bu balam ilk balam olduğu üçün və pişiklər haqqında daha əvvəl heç bir fikrim və biliyim olmadığı üçün qorxurdum. həm qorxurdum ki, ona yaxşı həyat təmin edə bilmərəm, həm də qorxurdum ki, infeksiyası daha da ciddiləşər və sairə.
bina blokundan tapdığımız bu balacanı anası atıb getmişdi, həmişə oynadığı bir bacısı gedib gəlməmişdi, qardaşını isə başqa qonşulardan biri götürübmüş.
yəni tək tənha o qaranlıq blokda tanımadığı insanları görə-görə yaşamalı olub bir müddət. sonra qrup yoldaşım onu tapdı və sahibləndirmək istədi, mən də könüllü oldum.
ilk dəfə qrup yoldaşımdan götürüb veterinara aparmaq üçün çantama qoyanda o qədər qorxurdum ki, birdən incidərəm, birdən ağrıdaram deyə, ifadə edə bilmərəm.
sonra veterinara getdik. gördüm ki, gələnlərin hamısı cins pişiklər, cins itlər. sahibləri varlıqlı insanlar, hamısı qəşəng markalı maşınlardan düşüb girirlər içəri. sonra başa düşdüm ki, doğrudan, bu bala ilə bizim çox ortaq nöqtəmiz var.
ikimiz də sadə ailələrdən gəlib sonradan belə yarım-yarımçıq qoyulmuşuq. çox emosional və qeyri-rasional yanaşmadır, bilirəm, amma doğrudan o moment həmin düşüncələrdən az qala oradaca oturub ağlayacaqdım.
nəysə, mənim balacam həm məni 15 dəqiqə idi ki, görürdü, ətrafdakı insanları da qəribə-qəribə izləyirdi, yəqin ki, ağrıları da var idi. çantam kifayət qədər rahat deyil idi, yalnız hava alsın deyə üstünü aça bilirdim.
evdə də onunçün yer düzəltmişdim. biri qumu üçün, biri də özü otursun, yatsın deyə (heç vaxt orada yatmır hələ də).
nəysə, artıq 4 aydır bu balaca mənimlədir. keçən ay pasportunu aldıq, illik peyvəndlərini tamamladıq. 1-2 aydan bir bit dərmanı və qurd dərmanı verməli olacağıq.
özü xasiyyətcə soyuqdu deyə yalnız yatmaq istəyəndə və oyananda yaxınlaşır, özünü sığalladır. bir də mən evdə kompüter başına oturub oyun oynamaq istəyəndə klaviyaturanın yanında oturub oyunuma baxmağı çox sevir.
belə bir varlığın olması sakit, səssiz evdə tək yaşayan adam üçün ilk başlarda çox qəribə gəlir. çünki öyrəşmisən tək əlin, tək başın. öyrəşmisən evdə sakitlik olsun. amma doğrudan da, balaca uşaq kimidi. adam evə getməyə tələsir, qucaqlamağa, öpməyə tələsir.
yemək bişirirsən, gəlir stolun üstündə dayanıb diqqətlə baxır. bişirdiklərini yaxınlaşdırırsan ki iyləsin, iyləyib bəyənməyəndən sonra çıxıb gedir -*
bir sözlə, cins pişiklər gözəldilər, razıyam. amma küçə pişiklərinin üzərində olan naxışlar hətta, bəlkə də, cins pişiklərdən belə gözəl gəlir mənə. anayam, mən obyektiv yanaşa bilmirəm, məni qınamayın.
bir sözlə, pişik sahiblənmək istəsəniz, facebookda, instagramdakı səhifələrdən yardıma möhtac pişikləri götürün, xahiş edirəm. ilk təcrübəsi olan insanlar məsləhət axtarsalar, sevə-sevə bildiyim şeyləri onlarla bölüşə bilərəm.
+11 əjdaha
92. Bayaq içərişəhərdə skamyada oturarkən narıncı bir pişik sanki belə də olmalıymış kimi çıxdı oturdu qucağımda. Yerin rahlayıb üstümü iylədi, başladı hoodie'nin yaxasını yalamağa. Ciddi-ciddi dəqiqələr boyunca durmadan yaxamı yaladı, özümə də qəribə gəldi ki, niyə belə edir. Bəlkə də, vurduğum ətirə görə idi, bilmirəm.
![]()
Sonra da başın qoyub 1 saatdan çox yatdı qucağımda, mən də söhbət edə-edə sığalladım.
Hər zaman ağızdan-ağıza "pişiklər ağrını hiss edirlər. gəlirlər ki, o ağrını alsınlar" sözün eşidirdim, digər tərəfdən də narahatlığı, stress və anxiety'ni azaltdıqlarını oxuyurdum. Dekabrın ortalarından bəri bir tərəfdən gördüyüm yuxularım, bir tərəfdən də fiziki ağrılarım gündüzlərim cəhənnən, gecələrimə də, bildiyin, təcavüz edirlər. 4-5 saat yuxu yatanda papağımı göyə atıram. həkimin biri o yandan məni heç bir müsbət reaksiya vermədiyimçün artıq stasionar müalicə almağımı təklif edir, o biri də oturub gözləyir ki, haçan gedib təzədən yoxlanışdan keçib müalicə kursu götürəcəm. Bütün bunlar olarkən heç gözləmədiyim anda bunun olması, ibnənin mışıl-mışıl uzanması, onu sığallamağım bütün dərmanlardan çox daha effektiv təsir göstərdi.
Çoxdankı arzumdu pişik sahiblənmək. deyəsən, artıq vaxtıdı.
(bax: günü gözəlləşdirən anlar)
+10 əjdaha
16. 1 - pişiklər süd sevər: məcbur olmadıqca heç bir pişik, ana südündən kəsildikdən sonra inək südü içmək istəməz, çünki içindəki laktoz nisbəti çox yüksəkdir və onların həzminə uyğun deyil, amma aç və susuz isə nə etsin, önünə başqa bir şey qoyulmazsa məcbur olaraq içəcək, ancaq hər qurtum inək südü pişiklərdə ciddi həzm problemlərinə gətirib çıxarır. çox pişik əslində su içməyi seçir.
2 - pişiklər siçan yeyər: hərhalda bu da tom və jerrynin yaradıcılarının bir fantaziyası olaraq həyatımıza yerləşmiş bir vəziyyət; pişiklər, siçanlarla oynamağı və oynayarkən onları öldürməyi sevərlər. bu, ana menyuda siçan seçdikləri mənasını verməz. pişiklər onun yerinə, əgər tuta bilsələr dovşan, soxulcan və çəyirtkələri yeməyi seçərlər. çox çətin vəziyyətdə qalmadıqca siçan yeməzlər.
3 - pişiklər yuyunmağı sevməzlər: bir çox pişik cinsi, suyu çox sevər. pişiklərin sevmədiyi şey, insanların onları suya girməyə məcbur etməsidir
4 - pişiklərin mırıldanması keflərinin yerində olduğunu göstərər : buyurun bu da bir səhv inanış, pişiklər qorxduqlarında ya da bir yerləri ağrıdığında da mırıldanarlar . mırıldanmanın mənası əslində: "heey sən, hər kimsənsə, mənim adım pişik, mənə bir az daha əlaqə göstərərsənmi ?" deməkdir. məsələn yeni doğulmuş və daha gözləri açılmamış pişiklər də analarının özlərini tapması üçün mırıldanaraq ona səslənərlər.
5 - pişiklər qaranlıqda yaxşı görə bilərlər : pişiklər qaranlıqda biz insanlar nə qədər yaxşı görürüksə o qədər görə bilər. ancaq pişiklərin retinalarının arxasında, tapetum licidum adı verilən bir retina vardır. bu təbəqə gələn işığı əks etdirər. beləcə işıq retinaya öndən və arxadan olmaq üzrə iki dəfə əks olunar, və daha təsirli şəkildə iş görmüş olar. buna əlavədən retinalarında uvuladan (rəngləri görmələri təmin edici) daha çox qəbuledici (görmə qüvvətini artırıcı) vardır. beləcə alaqaranlıqda nisbi olaraq daha yaxşı görə bilərlər.
amma düzü bu heyvana alışa bilmirəm heç cürə. qoxrxudan deyil, sadəcə ətim ürpəşir.
+11 əjdaha
79. albert camus'nün pişiyinin adı "cigarette" imiş, jean paul sartre'ınkinin isə "nothing".
+10 əjdaha
57. Azərbaycanda dünyaya gələnlərini görüb məyus olduğum canlılar. insan nə dəyər gördü ki bu dilsiz ağızsız canlılar dəyər görüb, dərdini deyə bilsin burda? Şükür son vaxtlar xüsusən də Türkiyədə təhsil alan, gedib gələnlər sayəsində insanımız bu canlıların dünyaya, bir yerine " zırpaket" qoyub partlatmaq üçün vəya görən kimi qovmaq üçün, harasınınsa kəsilməsi üçün gəlmədiyini öyrənir. Mütləq istisnalar olub ancaq ümumi olaraq xüsusən çöl heyvanları həmişə əziyyət görüb burda. Əslində çöldə olmalıdırlar mı olmamalıdırlar m? Müzakirə mövzusudur. Ancaq çətin şəhər həyatında, səs-küy, maşınlar və tərbiyə edilməyən balaca uşaqlar ( yekə eşşəklər də az deyil) gördüyü yerdə vəhşi kimi vurmaq, boğmaq, quyruğundan tutub fırlatmaq və s. ilə işgəncəsi bol həyat yaşadıb bu heyvana(itlər də bunun kimi). Ya da hələ balaca cılız pişik və balaca vəhşi, tərbiyə görməyən balaca uşaq. Yazıq o pişik..
Öldüyünü anladığında isə bir kənara çəkilib sakitcə ölümü gözləyən canlıdır pişik...
Hə bəziləri isə ev peşiyi olma xoşbəxtliyini yaşayır . Ooh dəyməyin onların kefinə.
Ümumi olaraq isə ən maraqlı xüsusiyyətləri isə nə istədiklərini yaxşı bilmələri və əsasən təkliyi sevmələridir. Bir də insan kimi aqressiv və mülayim deyə xarakterinə görə fərqlənirlər. Çox xüsusiyyətlərinə görə qadınlara bənzədilir *
glş
birdə dəhşət çox yatırlar
+10 əjdaha
1. pişiklər fəsiləsinin evdar olanı
bir alex değil sözündən yola çıxaraq bir it deyillər demək istəyirəm.
ama pişiklər fəsiləsinin digər heyvanları möhtəşəmdir. pələng bəbir və.s
+8 əjdaha
63. Dəhşətli dərəcədə şeytan tükü olan varlıq. Anamın "mən pişikdən tiksinirəm", "evdə nə heyvan saxlamaq?", çox dirəşəndən sonra "blokda saxlayarsan" deməyinə rəğmən indi anam evə girəndə "a pisi pisiii, salam. Evdə tək darıxmışdın?" deyə salam verir, hətta sığallayır. -*
Bu arada uşaq kimidirlər. Sahiblənəndə sizi yuxusuz qoymaq ehtimalını, xəstələnəndə xərclərini, oyunbazlıqlarına görə ətəyinizdən yapışma ehtimalını nəzərə alın. Mənim pişiyim mənlə yatır, qucağımda gəzir. Demək olar ki, bqşqa heç kimin qucağına getmir.
+7 əjdaha
55. oyuncaq əvəzi alınıb sterilizasiya edilib evdə saxlanılan küçə heyvanı, müasir kölə.
pişiyin ehtiyacı olan tək şey yəqin ki başqa pişiklərdir küçədə zibil də yesə. sənin sevimli qucağın yox. təkamüli olaraq hər canlının ilkin məqsədi/zövqü çoxalmaq ya da cütləşməkdir.
it ya pişiyi sənin xarabandan iy gəlməsin deyə sonsuzlaşdırıb axşama qədər selfi çəkdirmək sikilmiş beyin sahibi olmaqdan başqa heç bir şey deyil. soxum sahib olmadığınız empatiyaya.
*həyət evində ya digər pişiklərlə birlikdə saxlanılan, sonsuzlaşdırılmayan it/pişiklərdən söhbət getmir.
+7 əjdaha
73. Pişiklər haqqında belə bir məlumat çıxdı qarşıma; Pişiklər itlərdən fərqli olaraq hələ də tam "ev heyvanı" olmayıblar, bizi öz sahibləri, insan olaraq yox onlar üzərində basqı quran və ya liderlik edən böyük pişik hesab edirlər.
+7 əjdaha
74. Daha bir neçə gün əvvəl pişiyim bilmədiyim səbəblərə görə fəlc oldu. Öz baxımını edə bilməyəcək halda idi. Daha sonra yoxa çıxdı.
Açıqcası onu elə vəziyyətdə görmək mənim üçïn heç yaxşı vəziyyət deyildi.
Birlikdə çox zaman keçirmişdim. Və ilk dəfə evcil pişiyim olurdu.
Həqiqətən sevgi göstərsəz çox cana yaxın ola bilirlər. Yetərki sevin və qayğı göstərin. Və burdan da demək istəyirəm. Balım üçün çox darıxmışam
+8 əjdaha
84. M: ay da o qızlara bax. Hamı onlara çönüb baxır- aa pişik
D: hansı qızla- aaa pişik!
Dünyanın estetik olaraq ən gözəl heyvanı ola bilərlər*
itlərdən sonra
+9 əjdaha
75.
![]()
![]()
![]()
![]()
![]()
![]()
+6 əjdaha
78.
![]()
+6 əjdaha
15. pişiyin əcdadı kimdi bilmirəm, amma keçirdiyi təkamülü sikim. adam kişi olar blə. pişik olurdun olurdun, heç olmazsa götdü başdı pişik olardın. mart ayında bütün pişikləri birləşdirib, hamısını stolba yerləşdirmək istəyir adam. yolda gedəndə qabağıma çıxanda az qalıram moşnu bir təpiy vurum. belə adam yanından qovanda da qandon adamın üzünə elə baxır ki, başa düşsə deyəsən gə çal blə.
özü kimi mındar, cındır heyvan yoxdu. başqası bir az yekə tikə versə, adamı cırığa qoyub gedər. özü də pişikləri sevib evində 20-30 dənə saxlayanları da başa düşmürəm. bu yaşıma qədər ağlınıza gələcək bütün üsulları yoxlamışam pişiklərə qarşı qanım isinsin deyə. yox da, qardaş, alınmır. zebra saxlıyaram, amma pişik yox.
+6 əjdaha
66. pişik elə gözəl bir varlıqdır ki, evə qoymurlar deyə özüm gətirə bilmirəm. amma pişiyi olan dostlarımın canına düşüb bütün gün maraqlanıram. godfather kimi hiss etdirir, bir gün o pişiklərlə canlı görüşəndə mənə hörmət etmələrini ummaya bilməyəcəm.
+6 əjdaha
91.
![]()
+7 əjdaha
39. 2-ci dünya müharibəsi zamanı evlərə bomba düşmək riski artdığı zaman ilk olaraq evlərdən ilk qaçan ev heyvanı .
bu cür hallara bütün müharibə olan ölkələrdə rast gəlinib. insanlar onun şahidi olublar ki, bombanın yaxınlaşdığını göstərən cihazdan qabaq bunu pişiklər görüb, hiss edirlər.
pişiklərinin bir az da olsa narahatlılıqlarını görən ev sahibləri tez zirzəmilərə gedib gizlənirdilər.
müharibə zamanı avropada ən çox insan həyatını xilas edə bilmiş pişiklərə medallar da verilirdi. medalın üzərində “biz də vətənə qulluq edirik!” sözləri yazılırdı.
+7 əjdaha
9. "heyvansevərlərin(.) birlikdə çəkdirib profil şəkili elədiyləri heyvan
qız tutmaq vəya sikmək üçün istifadə edilirlər
buna görə də pişiklərin müdafiyəsi mühafizəsi hisləri ilə oynanmaması isdifadə olunmaması təşkilatı yaratmaq da mümkündü
+6 əjdaha
59. rayonda olanda pişiyim var idi, deməli keçən yay yox, ondan əvvəlki yay əmimoğlu bir bala pişiyi yoldan tapıb bizə gətirmişdi. kənd yerində pişiydən bol nə var ki? evdə əvvəlcə pişik təbii olaraq istənmədi, ancaq evə izah verdim ki, onsuz da bağda qalacaq. nəsə qaldı. pişiyin adını da "rıjık" olaraq qoyduq. mənası "kürən" demək imiş. mən bilmirdim. nəsə mən buna baxdım, südlə qidalanırdı, kartondan soyuq olmasın deyə ev də düzəltmişdim onun üçün. hətta pambıq ilə də doldurmuşdum ki, rahat olsun. teras da oturub kitab oxuyurdum, srazu uzanırdı qucağımda, yatıb qalırdı. süd alırdım bir balon, evdə qoymurdum içsinlər, ona verirdim. nəsə günlər keçdi, ay dolandı. 3 aydan sonra artıq şəhərə dönmə vaxtı gəldi. amma bu dəfə evdəkiləri pişiyi aparmağa razı sala bilmədim. evdə 1-2 kilo ət var idi. onun qabağına qoyub getdim. guya öz ağlımca acından ölməməsi üçün tədbir görürdüm. nəsə qayıtdım şəhərə. 3 gün 5 gün, insan təbiətidir- unutdum pişiyi də.
keçən il. pandemiyaya görə martdan avqustadək kənddə oldum. nəsə bir gün pəncərədən pişik səsi eşitdim. baxdım, gördüm, aha, həmin pişik- "rıjık". həddən çox sevindim. həm vicdanım rahatladı ki, bəs pişik ölməyib. həm də ki, pişik də buranı unutmamışdı. xeyli böyümüşdü. qarnı da şişik idi. hamilə ola bilərdi. çünki day qucağımda oturmurdu. sığal çəkməyə də qoymurdu. özü də səhər gedir, axşam yatmağa, yeməyə gəlirdi. keçən il də 1-2 ay qaldı. sonra yenə biz şəhərə qayıtdıq.
indi bu il də kəndə gəlmişəm, yolunu gözləyirəm. ümid edirəm ki, sağdır, çox gözlətməz məni.
+6 əjdaha
67. Sovet kart postalı 1955 ci il
![]()
+5 əjdaha
80. Bu yaxınlarda izlədiyim videoya göre"Pişiklər körpələrin ağlama sesi səviyyəsində səslər çıxarmaq üçün təkamülləşiblər. Beləliklə, biz pişikləri sevdiyimiz zaman və ya onlar yatmazdan əvvəl, çıxardıqları səs insanlarda analıq instinktini oyadır." Təbii ki, bu məlumatın nə dərəcədə doğru olduğunu bilmirəm.
+6 əjdaha
13. vaxtilə 1 qonşumuz var idi 9cu mərtəbədə.evlərinə pişik girmişdi necəsə.bu da "pişiklər 2 ayağı üstündə yerə düşər" prinsipinə əsasən onu balkondan aşağı atmışdı.pişik həm də hamilə imiş. yerə atanda qarnı da partlamışdı.o mənzərə yadımdan çıxmır. insan necə də geri zəkalı ola bilərmiş..
+7 əjdaha
52. Saat,qolbaq,üzük kimi aksesuarları dişləmək, çəkişdirmək,cırmaqlamaq, boş divara sanki maraqlı nəyəsə baxırmışcasına saatlarla baxa bilən,xiyarların görünüşündən, tozsoranın səsindən çox qorxan və bu kimi bir çox qəribə hərəkətlərə sahib olan sevimli ev heyvanları.
+6 əjdaha
37. yaltaq olmayan heyvanlardı. itә yemәk versәn ömrünün axrına kimi başıva fırlanar. pişiyә nә qәdәr versәn qoz qoymaz sәnә. asil heyvanlardılar.
+5 əjdaha
27. itdən fərqli olaraq sona kimi insana tabe olmayan biridir. heç kim "bu mənim pişiyimdir" deməsin. çünki istədiyi vaxt götünü çevirib gedə bilər. çörəyi kimdən çıxırsa, onun qapısındadır. amma köpeyoğlunun heyvanı şirindir. hələ sığallayanda mur mur çıxartdığı səs ləzzət eləyir.
+5 əjdaha
85. dünyanın ən şirin və eyni zamanda ən gijdıllağ heyvanı
+5 əjdaha
18. sanıldığının əksinə nankor olmayan heyvandır. necə yaşayacağına yalnız özü qərar verər. hamısı özündə öldürməyə proqramlaşdırılmış. bir insana çox çox yaxınlıq qura bilər. tamamilə hissləriylə hərəkət edər. zadəgan heyvandır
+5 əjdaha
81. Ən cilvəli, özünü sevdirməyi bacaran heyvan. Adamın heç heyvan deməyə də dili gəlmir. Niyəsə əvvəllər pişiklərin hamısının dişi, itlərinsə hamısının erkək olduğuna inanırdım. -*
+4 əjdaha
60. Son bir ayda pişiklərin də xasiyyəti olduğunu öyrəndim. 2 il əvvələ qədər himayəmdə olan pişikdən sonra onun xatirəsi korlanmasın deyə başqa pişik istəmədiyim qərarına gəlsəm də, yeni övladımı günün altında ac susuz görəndə qəlbim onu orda qoymağa əl vermədi və sahibləndim. Və gördüm ki bu pişiyin xasiyyəti əvvəlki pişiyimdən çox çox fərqlidi. ilk pişiyim hiperaktiv, çox yeyən və özünə çox toxundurtmayan bir pişiy idi. Amma təzə qızım təmas bağımlısı, tənbəl rejimi varmış kimi gündə 3 dəfədən artıq yeməyən asil bir pişiydi. Yəni bir pişiyi sevməməyiniz və ya sevməyiniz ikincisini də sevməyəcəyiniz və ya sevəcəyiniz mənasına gəlmir.
+4 əjdaha
50. qadınlardan(insan) daha zərif və nankor olmayan*
insanlar daha nankordur çem pişiklər
heyvandır. ola bilsin itlə müqayisədə oynamaqda zadda biraz soyuqqanlı və passivdir. amma nankor və vecsiz deyil. məsələn bizim məhlə pişiyimiz hər gün həyətdə gəlib ayağıma sürtünür, hardasa oturanda üstümə çıxır, məhləyə gələndə qabağıma qaçır. qeyd edim ki itləri də fərq qoymadan eyni dərəcədə sevirəm.
+5 əjdaha
53. illərdi insanlar tərəfindən ilahi bir qüvvə kimi görünən heyvan. Hələ qədim misir dövründən pişiklər tanrının elçisi sayılırdı bunun səbəbi isə əkinçiliyə keçmiş topluluqların ən böyük bəlası siçanlar idi. Taxıl anbarlarına girir və ərzaqlarını məhv edirdilər. Bununla yanaşı pişiklər də onları ovlayan təbii vasitə idi. itlərdən fərqli olaraq pişiyin insana ehtiyac olmayıb insanın onlara olub. Buna görə də hələ də pişikləri əhilləşdirə bilməmişik. Harda sa onlar bizi əhilləşdirir. Nə də olsa bizə eyni evi bölüşdüyümüz böyük pişik gözüylə baxırlar. Bunlara görə misirdə pişik müqəddəs idi, hətta evin pişiyi öləndə yas saxlanır, pişik öldürən insan isə edam belə olunurdu. Hətta mumyalanmış pişik sarkofaqları belə var (yanlarında oyuncaqları ilə). Səmavi dinlərdə isə pişik şeytanla iblislə əlaqəli sanılıb. Qaranlıqda hərəkət etməsi, məkirli olmasına görə. Qara pişik söhbətidə buna görədi. Hətta orta dövürlərdə cadu ovu dövründə cadugərləriyin ilk göstəricisi pişik saxlamaq idi. Və qadnıları pişiklərli ilə bərabər öldürürdülər. Buda öz növbəsində siçanların artmasına vəbanın əsas yayıcısı da onlar olduğu üçün (üstündəki bitlərələ yayırdılar) qara vəba dahada sərtləşir din xadimləri bunları cadugərlərin üstünə atır insanlar nə qədər dinə sarılsa da çarə olmadığını görüb dindən uzaqlaşıb elmə yaxınlaşır. Bir növ elmin inkişafında pişiklərin rolu böyükdü.
Pişiklər həm özündən kiçikləri ovlayan və özündən böyüklərə ovlanan olduğu üçün mükəmməl təkamül olunub. Sakit, səsiz və çox çevik heyvanlardı. Körpücük sümüyü olmadığına görə də başının keçdiyi hər yerdən keçə bilir. Çox elastik olduğu üçün 20 sm-dən belə atsanız ayaqları bədənindən öndə fırlanaraq 4 ayaq üstünə düşür. Ev pişikləri insanları isə özünün rəqibi amma dostu kimi görür. Ona görə ovladığı heyvanı bizə gətirir bilir biz onu yeməyib saxlayacayıq. Özü də ona görə yemir ki dadı bərbatdı. Sosika kolbasa ola ola kimdi leş yeyən. Ovçuluq isə genetikasında olduğuna görə nə qədər yeməyi də olsa zövq üçün ovlanır.
Bir də pişik istədiyi vaxtı sığallana, istədiyi vaxtı yatar, istədiyi vaxtı gəzər ona məcbur heçnə etdirmək olmur. Və siz nəqədər sadiq olsanız belə kefinə düşəndə gedib aylarla başqasının yanında yaşayıb qayıda da bilər.
(baxma: Pişiyin dili olsa soruşulacaq suallar)
+5 əjdaha
6. osturaqçıdır.
görəsən bu pişik sevərlərin neçəsi son dərəcə dəhşətli olan o pişik osturağına məruz qalıblar?
+6 əjdaha
14. bir satanistin şam yeməyi *
swh
+5 əjdaha
7. pişiklər soyunun üz qarası.
itlərin əksinə olaraq uşaqlığımdan bəri sevmədiyim,üzündə bir sinsilik gördüyüm heyvan.
itlərdəki şirinliyi duymuyub,pişikləri sevən insanları kin kidürət hiss etməyimə səbəb olan heyvan növü.
+4 əjdaha
68. Axır vaxtlar etdiyim müşahidələrə əsasən, siçan görəndə siçan deşiyinə girən canlılar. Siçanların qənimi olduqları günlər deyəsən artıq pişiklərin üçün sadəcə xoş bir xatirədir
(baxma: əks təkamül)
(baxma: təkamülü səhv çıxaran pişik)
+6 əjdaha
44. dünyanı yaşamağa dəyər hala gətirən heyvan.
+3 əjdaha
22. qədim misirdə pişik ali bir heyvan sayılırdı. əgər hansısa ailənin pişiyi ölərdisə o ailənin bütün üzvləri qaşlarını təmiz götürürdü və yerinə gələnə qədər ölən pişikləri üçün yas tutardı.
+4 əjdaha
38.
+3 əjdaha
30. sevilməsi gərəkən qədər nifrət ediləsi bir canlıdır. canı istədiyi vaxt çükünü götürüb gedər, yəni. qızardılmış halda daha şirin olan heyvandır.
+4 əjdaha
48. bu soyuq havalarda yaddan çıxmaması gərəkən canlı. sadəcə bir qutu yemək. o qədər sevindirirki bu məsum canlıları.
əclafdılar ama. özləri istəməsə sığallatmaz, oynatmazlar *
glş
+4 əjdaha
72. (bax: peysər)
+3 əjdaha
3. pisikkimilerin en keyfiyyetlisi , menim evimde 4 denedi -*
hamısını göstər
