saxtalıq



facebook twitter əjdaha lazımdı   izlə   lələ   mən   googllalink

    1. Sünilik, riyakarlıq, ikiüzlülük, qeyrisəmimilik. babat izahlı lüğətimiz var haa, zarafatsız. demək olar ki, hər şey yavaş-yavaş saxtalığa doğru gedir. özüdə insan əlaqələrindəki saxtalıq lap pisdi. yalandan gülmək, inanın ki, sifət əzələlərimin ağrıdığı vaxtlar olub. ya da sadəcə öz sözünü demək üçün, danışmaq sırasının özünə gəlməsi üçün dinləmək, artıq bu dinləmək yox, öz danışığına hazırlaşmaqdır. sonra yalandan tərifləmək və s. və s. məsələn, sosial şəbəkələr bir az da zibilini çıxarıb. facebook'da elə adamlarla dostluğum var ki, qarşılıqlı like'lar dan başqa demək olar ki, heçnəyik bir-birimiz üçün. düzdü, mesajlaşırıq, danışırıq, məsləhətləşirik. hətta aradabir görüşürük. amma qıraqdan baxanda bunların heç bir dəyəri yoxdu. çünki, məsələn deyirəm, onunla birgə etdiyimiz hər şeydə rahatlıqla görülən* saxtalıq var. bunu ikimizdə bilirik. son mesajımı, mənə lazım olan bir məlumatı almaq üçün yazmışdım. salamlı, necəsənli zaddı. amma məqsəd mənə lazım olan idi. yoxsa neynirəm onun necə olduğunu. o da bir başa yazmışdı ki, bilsəm deyərəm. yəni, nə salam var idi. nə də necəsən? sualımın cavabı. sonra yazdım ki, "belə özün necəsən?". düz bir gün, hər 5 dəqiqədən bir online olmasına baxmayaraq, cavab yazmamışdı. sonra isə kinayəli bir cavab vermişdi. məndə reski sağollaşdım. o da cavab yazmadı. halbuki, görüşəndə* təriflər havada uçuşur*. belə zarafatla yazsam da belə əlaqələr adama çox pis təsir edir. ürəyini bulandırır. bu gün bir neçə həftədən sonra hesaba yenidən girdim. hər yerdə, check in mek in, bəyənmələr, gedilən yerlərdən şəkillər, bir-birinə edilən təriflər. bunu görəndən sonra əl yavaşca settingsə gedib, profili yenidən deaktiv etdi.

    polşalı sosyoloq zygmunt bauman deyir ki:"Şəxsiyyət doğulduğun bir şey olmaqdan çıxdı və bir vəzifəyə çevrildi: Öz ətrafını özün meydana gətirmək məcburiyyətindəsən. Amma ətraf yaradılmaz, bir zümrəyə ya aidsən ya da deyilsən. sosial şəbəkələrin yarada biləcəyi şey, bir alternativ. cəmiyyət ilə şəbəkə arasındakı fərq budur: sən bir cəmiyyətə aidsən, amma şəbəkə sənə aiddir. bütün iplər əlindəymiş kimi hiss edirsən. Diləsən dost əlavə edirsən, diləsən silirsən. əlaqən olan insanların idarəsi sənin əlindədir. Nəticə olaraq insanlar özlərini bir az daha yaxşı hiss edir, çünki individualist çağımızın böyük qorxusu təklik, tərk edilmişlikdir. Ancaq internetdə dost əlavə edib, çıxarmaq o qədər asandır ki, insanlar küçəyə çıxdıqlarında, işə getdiklərində, məntiqli bir qarşılıqlı əlaqəyə girmələri lazım olan çox sayda insanı bir yerdə tapacaqları hər hansı bir yerdə, lazımlı gerçək ictimai bacarıqları əldə etməyi bacara bilməzlər."

    nəysə, saxtalıq saxtalıq deyirik. amma yalandan gülməyə də, danışmaya da, tərifləməyə də bilərik. hər şeyi doğru, sözü üzə deyən, dobra biri də ola bilərik. lakin bu isə tamam ayrı mövzudur.


sən də yaz!