15 yazar 16 başlıq və 29 entry
yenilə | gündəm | top

1 2
oliqopoliya kuba 3 sözlük yazarlarından şüarlar 2 asılılıq yaradan oyunlar 12 modernizm tərcüməçi qəzəb qüvvəsi eldamar dikanka yaxınlığında bir kənddə axşamlar azərbaycandakı həyatın demo olması kuber-pedi 2 1907 jason bourne çörəkarası saçaq pendir tantuni ahmet ümit penitente pontius pilatus 2 maitre gims yazarları düşündürən suallar 4 satıcı mizantrop 8 qara mamba 3 sözlük yazarlarından aforizmlər azərbaycanlılar üçün application ideyaları 4 deep purple 3 nova synteza teksun 2 strawbs far cry 3 2 playlist ian anderson 3 cem adrian 3 hell or high water nailə əliyeva ballda of francis alabadalejo the last of us part 2 too old to rock 'n' roll: too young to die! the jethro tull christmas album crest of a knave erik erikson wikipedia cinayət prosessual məcəlləsi suspense məsləhətli sənədli filmlər yazarlar haqqında başlıq açmağın məntiqi string driven thing yazarların başına gələn maraqlı hadisələr 3 əli mirəliyev kasıb çalğıçı fizikanın təkamülü 2 masturbasiya 6 local uncharted: the lost legacy reveal tirnidus yify the last of us 3 cinayət məcəlləsi mother of mine black hawk down gagma napiri no man's land hotel rwanda təkcə mənmi edirəm deyə düşünülən şeylər 2 4 dekabr 2015 neft daşlarında qəza 2 siyasi aktivist müptezeller yazarların paylaşmaq istədikləri musiqilər sözlükçülərin ən sevdiyi cizgi film personajları homoseksuallığın xəstəlik olmadığı gerçəyi yazarların hal hazırda dinlədikləri musiqilər booky.io favoritus.com sezen aksu 2 azərbaycan iqtisadiyyatı social media manager sosial partlayış

tanrı və postmodernist biz


facebook twitter əjdaha lazımdı   googllalink

    1. əvvəla onu demək istəyirəm ki, burada yazdıqlarımı sadəcə vecinizə almaya bilərsiniz. Bir-iki cümlə var ki, yazmışam, bir az məsləhət vermək kimi olur, sanki, vəhy gəlib də, mən sizə onu oxuyurmuşam kimidir. Amma xahiş edirəm, o çərçivədən baxmayın. Bilirəm, deyirsiniz ki, yerindən qalxan bəyənat verir. Heç bu formada yazan da deyiləm. sadəcə yazmaq istədim və bu cür alındı. Sanki, kimlərəsə müraciətlə. Təbii ki, belə alındısa, bunu dəyişəcək deyiləm. yəni, başa düşdünüz də. Sadəcə yazdım və biraz uzandı. Heç paylaşacağım normal başlıq da tapmadım. Yəni əsas demək istədiyim odur ki, bəzi cümlələr var ki, onları məsləhət verirmişəm kimi anlamayın. Məqsəd o deyil.

    (youtube: )


    Yoldaşlar! əvvəla onu demək istəyirəm ki, artıq biz yaddan çıxılmış bir əsrdəyik. informasiya çağı, pah! modernizmdən sonraki dövrdə informasiya vacibdir. Və üstəlik Boğazımıza qədər məsuliyyət, çətinlik, səfalətin içindəyik. Həm belə səfalət, həm də elə. hər şeyi yaxşı başa düşürsünüz. Həqiqətən deyirəm. bunu bəyənilmək və ya sizin o tüpürdüyüm eqonuzu* oxşamaq üçün demirəm. dinləyin, yoldaşlarım. Cəmiyyət, kütlə artıq özünü yaddan çıxarıb. Getdikcə pisə doğru gedir. Və yaxşı da olmayacaq. 2000’ sonrası romantiklərə fikir verməyin.

    Tanrı bizi yaddan çıxardı, uşaqlar. Heç indiyə qədər də yadında olmadıq. Amma o bizi - sorğulayanları məcburən cənnətinə qəbul edecək. Çünki, sorğulamayan bir dindar, sorğulayan imansızdan daha az layiqdir cənnətə, babamızın gözündə. Fikir verin, biz ortalama düşüncəyə sahib, yarı aydın deyək, insanlar olaraq bunu doğru olduğunu qəbul ediriksə, onda bu sonsuz qüdrətə sahib olan, məcburi varlıq, ilk hərəkət etdirilməyən hərəkət etdirici olan tanrı bizdən də yaxşı başa düşəcək. Tanrı axmaq deyil, əgər varsa. Sadəcə Tanrı öz təbiətinə xas olmayan bəzi vərdişlərə qurşandı. əvvəlcə tanrı dünyanı yaratdı. Bir az tələsdi. 6 gün idi deyəsən. Niyə, bu qədər tez? Tələsən təndirə düşər, deyiblər. Tanrı 15 milyard ildir elə bir təndirdədir ki, hətta onun dünyanı məhv edəcək gücü belə qalmayıb. Hər dəfə cəhd edir. Zəlzələr, tufanlar, vulkanlar, partlayışlar, ölümlər. Bunlar hamısı tanrının dünyanı məhv etmə cəhdləridir. Dinlər var ha, hamsı bir şeydir. Musa, isa, məhəmməd. 3-ü 1-də. Bunlara fikir vermə. Onlar maddi dünyanın cılızlığından, dəyərsizliyindən danışırlar. Bədəni alçaldırlar.

    “iki kəlmə sözüm var bədəni alçaldanlara. Nə yeni bir şeylər öyrənsinlər, nə də yeni bir şeylər öyrətsinlər, sadəcə öz bədənlərinə hələlik desinlər – və beləcə sussunlar” - FRiEDRiCH NiETZSCHE*

    Məncə artıq bu mövzuda deməyə bir söz qalmadı. Biz yatmışıq. Günümüz televizora baxmaqlar keçir. Sevgi romanları oxuyub, üstümüzə saxta ağırlığın çökməsinə icazə veririk. Hər gün gəzirik. Dəyəri də yoxdur, sadəcə yemək üçün, sadəcə içmək üçün. ən gözəl geyimləri almaq istəyirik və buna çox vaxt sərf edib, düşünürük. Böyük maşınlarımız olsun istəyirik, və böyük evlərimiz də. insanlara çox fikir veririk, hətta o qədər ki, həyatımız, özümüz yadımızdan çıxır.

    Bir kitabdan – chuck palahniuk’un "pygmy" kitabından bir hissə:

    “Mövcud müasir amerikan dilinin düzgün istifadəsini təsdiqləyən hörmətli müəllim, “indi artıq qazla yemək pişirirsiniz” deyir.
    Bütün işçilər öyrənmək üçün eyni şəkildə təkrarlayır və “işçilərin cənnəti” deyir. “qəlbsiz postkolonial çoxmillətli şirkətlər” deyir.
    Öyrənir və “kapitalist imperialist amerika birləşmiş ştatları’nin zəhərli gürzələri” deyir.
    əzbərləyib, öyrənir və “təzyiqkar dejenerativ qərb mədəniyyəti” deyir.”
    Məhşur yazar, adı pisə çıxmış oscar wilde’dan, beyninə yerləşmiş bir aforizm yadına salır və “ilərləmə, itaətsizliklə olur, itaətsizlik və üsyanla”

    bu arada imic də vecə alınası bir şey deyil. Bu dövrdə hər şey görünüş üzərinə qurulub və bir yerə qədər də normaldır. Yəni, heç kim görünüşünə fikir vermək istəməyən biri olmaq istəməz və biriylə olmaq istəməz. Simulyasiya anlayışı var. jean Baudrillardın 1983-də yazdığı əsərdə, günümüz postmodern dünyasının gerçək bir cəmiyyətdən əlavə, simvollarla imiclərin, gerçək və konkret olanın yerini aldığı virtual gerçəklik olduğunu deyir. Adidas, nike, reebok və s. Simvollar hər yerdə. Bunlarla eyni keyfiyyətdə olan minlərlə ucuz, tanınmayan, keyfiyyətli marka var. Amma siz birinə, cavana onu geyindirə bilməzsiniz. Ahmet cevizci öz fəlsəfə tarixi kitabında deyirdi ki, adidasın, nike’ın , levi’s’ın , reebok’un imic yaratdığı və günümüzdə insanların bir-birlərini, bir fərd olaraq görmək yerinə, geydikləri ayaqqabı və paltarların marka və ya etiketlərinə görə dəyərləndirdiklərini deyən baudrillard’ın nöqteyi-nəzərindən, imic günümüzdə hər şey olmaq məcburiyyətindədir.
    Bununla bağlı bir şey də deyim. Deməli, o gün dostlarlanam. Deyirəm ki, gəlin bir az sahilə tərəf, gəzək, yaxşı dı da insanlar da çoxdur. Bir belə deyir, “ala, yox nə var orda? Yaxşı viddə deyiəm”. deyirəm, məndən də yaxşı geyinmisən. Gəl gəzək, nə olacaq? Zorla bir-iki addım gəzib, qayıtdıq. Nə deyim.

    Bunların arasında, bunlar varkən isə ən çox lazım olan şey düşünməkdir. Hər an oxumalıyıq və yazmalıyıq da. Bir şeyi başa düşmürsünüz hə? Oxuyursunuz amma başa düşmürsünüz. Yenə oxuyun. Bir yerdə, bir an, bir şey olacaq. Sanki, bütün sirləri açığa çıxarmısınız kimi olacaq. Bu mağazaya gedərkən də olabilər, çimərkən də, çay içərkən və ya hamamda işinizi görərkən də. Epifaniya olacaq. Bax onda bir səviyyə atlayacaqsınız, bir addım irəli gedəcəksiniz gərilmiş ip üzərində, bir ip ki uzanır bir uçurumun üzərində.

    bura bizim sadəcə bizə aid olan bir-iki şeyimizdən biridir. Və ömrü uzun olacaqmı yoxsa yox, bilmirəm. bu mövzuda da çox optimist düşüncəyə sahib deyiləm. amma nə qədər vardırsa, yaşayırsa yaxşı olsun. Və o bizi fərqli fikirlər atəşinə tutmalıdır ki, bu da bizim addımlamağımıza səbəb olacaq. Amma bir şey unutmayın yoldaşlarım, yazılanlar buna səbəb olur və onlar da yaxşı olmalıdır. Yazın. Yazmaq üçün əvəzolunmaz yerdir. Biriləri ilə paylaşmaq. Bunlar varkən, niyə vaxtınız itirirsiniz lazımsız girişlərlə? Və niyə vaxtımızı alırsınız lazımsız girişlərlə? Buna haqqım yoxdur. Vecinizə də almayacaqsınız, ki bu heç də səhv deyil. Amma elə-belə deyirəm kimi başa düşün. yeganə dinimiz olan fəlsəfədən yazın. Sənətin, dünyanın, insanın ən uca təzahürlərindən olan kinodan yazın, hislərin dili olan musiqidən yazın. Özünüzü yetkinləşdirmək üçün yazın, bizi inkişaf etdirmək üçün yazın. Oxuduğunuz məqalədən bir-iki plagiat cümlə özünküləşdirib, yazmaqdansa, onu düz-əməlli tərcümə edin. inanın ki, oxuduğunuz zaman öyrəndiyiniz şeylərdən dəfələrlə çox şey öyrənəcəksiniz. iki dil istifadə edəcəksiniz və bu da beyinin fərqli tərəflərinə düşür. Və o fərqli tərəflərlə bir bilgini qavramaq, daha əlverişli olacaq. Biz öyrəndiklərimizik. Ondan da əlavə:

    “biz seçimlərimizik”j. P. sartre.

    Ona görə indi istəyirsiniz gedin hansısa bir yazar haqqında yazın, istəyirsiniz gedin anket başlığına yazın, istəyirsiniz gedin onu-bunu söyün. Bunlar sizin seçimlərinizdir. Və onlar sizi yaradır.

    Son bir şey. Satanik ayinlərdə “enokyan” dili istifadə olunur. Sanskritçə’dən də qədimdir, deyilir. Və bu dildə bəzi açarlar var. Və o açarlardan sonuncusunun – on doqquzuncusunun son abzasını paylaşıram:

    {...}
    Madariatza, torezodu!!! Oadariatza orocaha aboaperi! Tabaoari periazoda aretabasa! Adarepanu coresata dobitza! Yolacame periazodi arecoazodiore, od quasabe qotinuji! Ripire paaotzata saagcore! Umela od peredazodare cacareji aoiveae coremepeta! Torezodu! Zodacare od zodameranu, asapeta sibesi butamona das surezodasa tia balatanu. Oda cicale qaa, od ozodazodama pelapeli ıadanamada!

    Yəni,

    Cəhənnəmin qapılarını ardına qədər açın! Altınızdakı cənnətlər sizə hizmət etsin! idarə edənləri idarə edin! çoxalanları gətirin və çürümüşləri məhv edin! heç bir yer, bir yerdə qalmasın. Ulduzların sayı pozulana qədər əlavə edin və çıxardın. Qalxın! Hərəkət edin! və o’nun, öz ədalətiylə bizə and içənin ağzından çıxanlarla ortaya çıxın. Yaradılışınızın sirlərini göstərin və ləkələnmiş hikməti bizə də verin.

    Qeyd: burada kankret bir mövzu yoxdur. Artıq nə başa düşdünüzsə odur. Kieslowski haqqında bir məqalə var idi. orada deyilirdi ki, rejissorun hər filmini, sadəcə bir səhnə kimi fikirləşin. Və belə hiss edin. siz də bu yazılanları bir fikir kimi düşünün.

    qeyd2: bütün müraciət xarakterli cümlələr və ya fikirlər boşboğazlıqdır, yazarı üçün.


sən də yaz!