guernica



facebook twitter əjdaha lazımdı   izlə   lələ   mən   googllalink

    1. pablo picassonun 1937.ildə ispaniyada baş verən vətəndaş müharibəsi zamanı alman və italiyan təyyarələrinin bombaladığı eyniadlı qəsəbədə yaşananları təsvir edən, eyni zamanda rəssamın ən məşhur rəsm əsərlərindən biri. əsərlərində müxtəlif rənglərdən istifadə etmək vərdişi olan picassonun ölçüləri 3.5m və 7.8 m olan, yağlı boyadan istifadə edərək çəkdiyi bu əsərində təkcə 3 rəngdən - ağ, boz, qara - istifadə etməkdə məqsədi diqqətləri guernica qurbanlarının üstünə çəkmək idi.

    diqqətlə baxdıqda hadisələrin bir otaqda cərəyan etdiyini görmək olur. əsərin sağındakı alovlar içərisində əllərini havaya qaldıran adamın (1) yanındakı yarıaçıq qapı bunu aydınlaşdırmağa kömək edir. eyni zamanda bu adamın (1) sağ əlini təyyarəyə bənzətməklə rəssamın bombardımana diqqət çəkmək istədiyini fikirləşmək olar.
    sol tərəfində sanki başını pəncərədən çıxaran qadının (2) əlində olan (neft və ya qaz ilə işləyən) lampa tam yanında olan (elektriklə qidalanan) lampoçka ilə ziddiyət təşkil edir. ispanca "bombilla" deyə tərcümə olunan lampoçka sözünün 2.mənasının bomba olması yenə bombardımanı işarə edir. Həmçinin qadının əlindəki lampanı ümid işığını simgələdiyini düşünmək olar. Şəkilin aşağı hissəsində bu lampaya baxan qadının (3) yaralı olduğunu bir əli ilə ayağını tutduğundan anlamaq olur. Əsərin tam mərkəzində qarnının bir tərəfindən girib digər tərəfindən çıxan nizə ilə yaralandığından ağrı içində olan at (5) təsvir edilmişdir. Atın, əlində ölü körpəsini tutan qadının (7) və buğanın (8) dilinin iti olaraq təsvir edilməsindən hər 3 elementin qışqırdığını düşünmək olar. Buğanın ispaniyanın simvolu olduğu fikrini qəbul etsək quyruğunun yanmasını və tüstünü müharibəni simgələdiyini görmək olur. körpəsinin cansız bədənini qucaqlayan qadının(7) bir az aşağısında bədən üzvləri qopan biri təsvir edilmişdir. sol əlinin ovucunda olan cızıqlar işçi sinifindən biri olduğuna işarədir, sağ əlindəki qılıncın üstündən isə gül cücərməkdədir. buğanın sağ tərəfində, arxada isə təsvir olunan göyərçini (6) isə sülhün xəbərçisi kimi, bədənindən yayılan işığı isə lampanın yaydığı ümid işığı kimi düşünmək olar.

    əsərə baxan hər kəsin fərqli detallardan fərqli nəticələrə vara biləcəyini düşündükdə "anlamaq olar", "düşünmək olar" kimi ifadələrinin çox olmasının səbəbini anlamaq olur. məsələn, ən üstdə olan lampanı tanrının işığı olaraq, ya da ən sağdakı yarıaçıq qapını bir xilas yolu olaraq düşünmək mümkündür.
    2. DURING World War II Picasso suffered some harassment from the Gestapo in Nazi-occupied Paris. An inquisitive German officer, coming into his apartment, noticed a photograph of Guernica lying on a table. "Did you do that?" he asked Picasso.
    "No, you did," said Picasso. (2-ci dünya müharibəsi ərəfəsində alman əsgəri stoldakı Guernica şəklini görüb Picasso-dan soruşur. "Bunu siz mi etdiniz ?" Picasso "Xeyr , siz etdiniz..." -deyə cavab verər. )
    Yenə ətrafımız yanğın yeri. Müharibələr, böyük xaoslar, talanlar...Kin və nifrət tərkibli söyləntilər və müharibə qışqırdıcı sözlərlə gəldiyimiz son nöqtə - yenə qan - yağan yağışdan çoxdur. Yenə sakitlik və rahatçılıq yoxdur. Amma yaşamaq və nəfəs almaq istəyirik qardaşca əl-ələ. ..!
    1937-ci il Paris, Fransa " Paris International Exposition" -da iştirak etmək üçün Picasso-ya təklif gəlir. Picasso sərgi də iştirak etmək üçün çəkəcəyi şəkil haqqında mövzu fikirləşməyə başlayır. Mövzunu tapmaqda çətinlik çəkməz...
    1937-ci il 26 Aprel-də ispaniyada daxili müharibə hökm sürür. F.Franco əmri ilə ispaniyanın Bask əyalətinin Guernica adlı kəndini Nazi almaniyası günortadan sonra havadan bombalamağa başlayır. 3 saat dəvam edən bombalama nəticəsində vilayət yerlə bir olunur. 1600-dan çox insanın öldüyü bu faciəni Picasso mövzu olaraq işləməyi qərara alır.
    Picasso-nun işlətdiyi simvollar müharibənin dili olur. Şəkildə işlədilən buğa və at ispanların xüsusən-də bask vilayətinin simgəsi olaraq bilinir. Bunların şəkildə nə mənada işlədiyini soruşanda isə Picasso belə cavab vermişdir :
    "...this bull is a bull and this horse is a horse... If you give a meaning to certain things in my paintings it may be very true, but it is not my idea to give this meaning. What ideas and conclusions you have got I obtained too, but instinctively, unconsciously. I make the painting for the painting. I paint the objects for what they are. " (bu buğa bir buğadır və bu at bir atdır...Əgər rəsimlərimdəki bəlli şeylərə bir məna versəniz bu doğru ola bilər, amma bu mənanı vermək mənim fikrim olmamışdır. Sizin fikirləri və nəticələri mən də düşünmüş ola bilərəm, amma qeyri-iradi və şüursuzca. Mən rəsm çəkmək üçün rəsm çəkirəm. Rəsmini çəkdiyim obyektləri olduğu kimi çəkirəm.)
    Rəssam əsərində ağrı hissi duyan insanları, heyvanları, yıxılan binaları və xaos-u göstərməyə, anlatmağa çalışmışdır. Rəsmin ortasında nizə ilə vurulan və ağrılar içərisində yıxılmaq üzrə olan bir at vardır. Atın altında isə parçalanmış əsgər cəsədi diqqət çəkir. Diqqətlə baxsanız sol tərəfdə əlində ölmüş uşağı ilə fəryad edən bir ananı görə bilərsiz. Sağ tərəfdə isə hadisələrə kənardan baxan qorxmuş insanları simgələyən qadını görə bilərsiz. Bu rəsm əsəri həm bask əyalətinin həmdə Franco illəri ispan millətçilərin simvolu olmuşdur.
    5 Fevral 2003-cü il , rəsm əsərinin saxlandığı yerdə Colin Powell (Amerikanın sabiq xarici işlər naziri) "iraq hadisələri" haqqında açıqlama verərkən şəkil görsənməsin deyə örtülsə də bu jurnalistlərin gözündən yayınmamışdır.


sən də yaz!