toy mafiyası


facebook twitter əjdaha lazımdı   googllalink

    1. tanım: bəzi şadlıq sarayların özbaşınalığına verilmiş addır. əslində onlar mafiya filan deyil, olsa olsa moşennik demək olar

    aşağıdakı iqtibasla sözlərimin məğzini açıqlayıram;

    Bu gün dostlardan bəziləri zəng edib soruşurlar ki, niyə toy müğənnilərinin ölkədən çıxarılması məsələsini qaldırmısınız? Müğənnilərin içində bir çoxları bundan narahat olublar. Demək ki, bu ölkədə nəyinsə ciddi qəbul edilməsini istəyirsənsə, o zaman zarafatla söyləmən lazım. Necə ki, ötən gün bir status yazmışdım ki, toy müğənnilərini vergi borcuna görə ölkədə saxlamaq deyil, ölkədən çıxarmaq yerində olardı ki, bu toylar məsələsini soyuqqanlı müzakirə edə bilək. Bilərəkdən də mətnin adını "Yarı zarafat, yarı ciddi" qoydum ki, anlasınlar ki, zarafat hissəsi müğənnilərin ölkədən çıxarılması ilə bağlıdır, ciddi hissəsi isə soyğunçu toyların həyatımıza təsirini müzakirəyə çıxarmaqla bağlıdır. Demək ki, bu ölkədə müğənnilərin bir qismi də sadə bir mətni oxuyub, nəyin ciddi, nəyin zarafat olmasını anlamaq iqtidarında deyil. Bizim kiminsə çörəkpulu ilə işimiz yoxdur, Şadlıq evləri də, musiqi qrupları da, ayrı-ayrı texniki fəaliyyətlər də iş yerləridir və hər kəs tələbata görə çalışır. Söhbət bu cür toy adətinin insanlarımız üçün artıq zülm vasitəsinə çevrilməsindən gedir. Təsəvvür edin ki, 500 nəfərlik yeməyin, içməyin pulunu verirsən, toy tamamlanandan sonra ortada qalan heç nəyi götürmək ixtiyarın olmur. Dünyanın hansı yerində belə bir anormallıq ola bilər? Bəlkə mən toydan qalan yemək içməyi yetim evinə, ahıllar evinə göndərmək istəyirəm, öz ödədiyim pula bunları niyə götürə bilməyim? Həmin salatlar, çərəzlər, içkilər sabahkı günün toy qonaqlarına ötürülür. Bir saat keçməmiş kondisionerləri söndürüb, ürəyi dözməyənlərin çıxıb erkən getməsini təmin edirlər. Qəsdən musiqi səsini elə qulaqbatırıcı edirlər ki, masada kimsə başqası ilə söhbət edə bilmir və qışqırmaqdan boğazı tutulur. Qulluq edənlərə yetərli pul ödənmədiyinə görüb buraxırlar qonaqların üzərinə. Ardınca da yığılan pulların ən azı 60 faizi Şadlıq evlərinə qalır. Harınlıq, şöhrətpərəstlik tərəfləri başqa, lüzumsuz yerə 10-15 müğənniyə külli miqdarda pul ödəyərək imkanlarını nümayiş etdirənlər dünən də, bu gün də olacaq. Sözün kəsəsi budur ki, Toy mafiyası diri sahiblərini, Çadır mafiyası da ölü sahiblərini soyur. Ona görə də Azərbaycan əhalisinin xeyli hissəsi Məhərrəm ayının gəlişinə bu soyğunçu toylardan xilas olma məqamı kimi baxır. Ancaq yeni qurulan ailənin təməli bu cür sıxıntılarla atılırsa, sonrakı ailə münasibətlərinə də təsir göstərir. insanlara daha sadə alternativlər imkanı yaradılmalıdır ki, arzulayanlar və imkanı aşağı olanlar heç olmazsa az məsrəflərlə övladlarının xoşbəxtliyə qovuşmasına nail olsunlar. (c) fazil mustafa
    2. Şadlıq sarayları ilə yaxşı olar ki, əvvəlcədən müqavilə bağlasın toy yiyəsi. Orda hamı öz hüquq və vəzifələrin əvvəlcədən bilib razılaşandan sonra, belə anlaşılmazlıqlar da olmaz. Olanda da müraciət etsin məhkəməyə, kiv-ə biabır eləsin. Ondan sonra kimdir həmin şadlıq sarayına müraciət edən.
    3. - toy yiyəsi deyir ki bizi şikayət edəcək
    - atının başını kəsin...qalanın qatın torta
    4. elə toyun özüdür. gəlin və bəy tərəfin qohumları tökülüşüb gəlirlər toya, iki tərəfdən də 1 dənə ağıllı adam çıxıb demir ki, bu toya saldığımız, şadlıq evinin sahibinin, manıs müğənnilərin cibinə gedən pulu verək elə gənc ailənin özünə, özlərinə normal bir həyat qursunlar. toy bitdikdən sonra da toy sahibi qonaqlardan yığılan puldan 3-4 min gəlir götürəndə sevinir ki, yaxşı yola verdik, day demir ki, həmin pulun 10 qatını toya gələnlərin toylarına getməklə xərcliyəcək. kiçik, sadə, yaxın dostlar və ailə üzvləri ilə toy eləsəniz evliliyiniz keçərli sayılmır, ya necə? bir dəfə dostlarla kanadada belə bir sadə toy məclisinin şahidi olduq, ağzımız açıq qaldı, səmimilikdən, sadəlikdən. Kiçik, açıq məkanda toy oldu, bir nəfər bəy və gəlin barədə kiçik bir hekayə danışdı, gözəl musiqi, içkilər, sonra da dostları bəy və gəlini maşınla yola saldılar. gələnlər də sadə hədiyyələr alıb gətirmişdilər. yoxsa bizdə, bir də görürsən bəyin içkiləri qarışdırmaqdan beyni yanmış əmisi çıxıb ana haqqında şeir deyir. buna görə idi bu qədər lazımsız xərc?


sən də yaz!