sözaltı yazarları üçün tövsiyələr

#sözaltı
facebook twitter əjdaha lazımdı   googllalink

    1. sözaltı yazarlarından umacaqlarımızı yazacağımız başlıqdır.

    əvvəlcə qeyd edim ki, artıq 3 ildən bəridir bu kiçik virtual ailənin üzvüyəm. burada olmağıma kömək etmiş, təmənnasız yardımlar etmiş bütün yazarlarımıza təşəkkür edirəm. bu sözlük vasitəsilə tanıdığım və həyatda mənə olduqca fayda vermiş qiymətli insanlar var. özləri bilir, anonimliklərini qorumaq xətrinə adlarını qeyd eləmirəm. sanki, daşlar və qumlar arasından tapılmış brilliant kimi insanlardır bu şəxslər. sosial yöndən insan nə qədər təmənnasız və göstərişsiz olarmış, ilahi? həqiqətən də belə insanlarımızla fəxr eləyirəm. onların bir ortaq cəhəti var -göstərişi, riyakarlığı sevməzlər. və sözlükdə uzun müddətdən bəri var olmaqlarına rəğmən, elə də ciddi paylaşımlar eləmirlər. niyə?
    bu başlığı açmağımın səbəblərindən biri də məhz bu "niyə"dir
    mənim başa düşdüyüm qədərilə, istənilən insan əməyinin nəticəsini görmək istəyir. bunu təqdir olunmaq, tanınmaq hislərindən ayırmaq gərəkdir. bəli, məhz əməyinin bəhrəsini görmək.
    mən bu insanlarla tamamilə təsadüfi hadisələr zənciri ilə tanış olmuşam * * və bu şəxslərin xətrinə, yaddaşım və gücüm nisbətində sözaltını heç vaxt unutmayacağam.
    bu bir iki insanla tanışlıqdan sonra, anlaya bildiyim qədərilə sözaltıda sırf hesabı olan amma aktiv yazarlıq eləməyən olduqca dəyərli, potensiallı və çevrəsi üçün təmənnasız işlər görə biləcək insanlar var. amma sözlükdə bunu eləmirlər. əsas qayğım və narahatlığım budur. bir düzinə tərbiyəsiz və görməmiş ergen bütün sözlüyü həm səviyyəcə, həm də kontent baxımından zibilxanaya döndərib və buna bütün sürəti ilə davam edir. onların qara qışqırıqları bütün platformanı səs küylü, səviyyəsiz bazara çevirib. halbuki nə cövhərlərimiz var idi küsüb getdilər və nə potensiallar var ki, çoxdan buradan üz döndərib.

    çox uzatmağımı üzrlü saymanızı və nəsihət tonundan danışmağımı da bağışlamağınızı xahiş edirəm. nə də olsa, bineyi qədimdən qocaların işi deyinmək və öyüd nəsihət verməkdir.

    mənim yazarlardan gözlədiklərim nələrdir;

    bəri başdan deyirəm bir az hirsli yazmışam, məsləhətdir ki oxumayasınız. oxumaq istəyənlər sakit və şən əhvalda olduqları zamanı seçsinlər.

    1- öz fikrinə sahib olaraq, düşüncə və hislərini uyğun, adekvat şəkildə bildirmək qabiliyyəti
    2- publikaya oynamağı entrilərin fikir və bədii gücünə buraxmaları, sözlərlə meymunluq eləməmələri
    3- sözlük pessimist, melanxolik, ergen entriləriylə aşıb daşır, "öz töfhənizi" lütfən başqa cür edin. hamının dəsmal götürüb ağlaşma qurması, depressiv, nihilist, bədbin emosiyalarla buranı doldurması gərək deyil. loserliyi oynamaqdan əl çəkin. erkəklər, kişi olun. qadınlar, vüqarlı olun
    4- entri yazmaq mırtlaşmaq deyil. hə olar, 100 entridən birində nəsə zarafat edəsən, nəticədə hamımız insanıq, istirahətə ehtiyac var. amma mottosu #92514 bilik gücdür #199149 * olan yerdə 100`dən 99`u qeyri ciddi , şit, şablon entri girmək lazım deyil
    5- sırf informativ entriləri həmin bilgini həzm edə bilməmək, idraksızlıq, düçüncəsizlik səbəbilə mənfiləmək. adama deyərlər ay ağılsız, sənin münasibətin ancaq səviyyəni göstərir, bilgi yönündən bir qoz qədər qiyməti yoxdur.
    6- sözlüyü kakoy nibud porno saytın sözlük branşına çevirməkdən əl çəkin. bəlkə azərbaycan oxucusunu bura yığa bildik. əgər sözlüyün məqsədi ölkədə sex inqilabına töfhə verməkdirsə, onda sözlüyün adını freesexsözlük filan eləyin #179657 işimizi bilək. ya da biryolluq, murdar seksual acgözlüyünüzlə camaatı buradan iyrəndirməyin. hamının bu dövrü olub. başa düşürük. amma bunu durmadan bütün dünyaya car çəkərək edənlər ancaq xəstələrdir. çarəsi evlənməkdir. ya da oruc tutmaq. yaxud da gedin özünüzü psixanalitikə. kar eləməsə psixiatra filan göstərin
    7- həmişə demişəm və deyirəm. bir məsələyə münasibətin fərqlidirsə öz bildiyini yaz. kiməsə cavab verməyə gərək yoxdur. bura forum deyil. sözaltı, interaktiv ensiklopediyadır. #3879 və heç kimin , elə mənim özümün də kimsəyə sərhəd çəkməyə, ağıl verməyə, bildiyimi yeritməyə haqqım yoxdur. istisna, hamının qəbul elədiyi qaydalar və kavramlaradır. qaydalar olmasa işlər yürüməz. baxırsan bir entriyə 18 əjdaha 28 umbay. tamam anladıq ki, bəyənirsən yaxud tənqid edirsən. adama deyərlər, bəs sənin bildiyin nədən ibarətdir? burada yazar olaraq qeydiyyatdan keçmisənsə, hanı sənin bildiyin? sənin fikrin? sənin mövqeyin? ömrü boyu ona buna yamaq olaraq gəzməkdən utanmırsanmı?

    xahiş edirəm, konkret heç kim özünə götürməsin. kimsəylə alıb vermədiyim yoxdur. əksəriyyətinizi tanımıram, tanıma şansım çox azdır və ya tanımaq arzum da yoxdur. mənim münasibətim sözaltıdakı avatarlara və entrilərədir. ola bilsin ki, tənqid olunan şəxslər həyatda məndən qiymətli insanlardır və yaxud əksinə mənim kimi "ağıllı ağıllı" entrilər yazanlar bərbad insanlardır. tamamilə mümkün haldır. ona görə də bu, böyük qardaşınızın hirsli entrisini çox da ürəyinizə salmayın, qədərindən artıq fikir verməyin, amma ağıllı olun. sizləri qiymətləndirməsəydim, bu qədər uzun entri yazmazdım. deyirlər ki, uman yerdən küsərlər. sizin necə potensiallı kimsələr olduğunuz yazdığınız səviyyəli entrilərdən bəlli olur zatən. öz qədrinizi bilin.

    (bax: sözlüyün azərbaycanda tutmamasının səbəbləri)
    2. Sevgili moderatorlar,əziz partizanlar,uca yazarlar.əvvəla hamınızı salamlayıram.bura yazmağımın yəni bu başlığa entry girməyimin səbəbi odur ki,bilgi gücdür! Devizindən uzaq entrylər yazan bir yazaram.və həmisə bilgi dolu entrylər yazın deyiləndə elə bilirəm mənə söz soxurlar.əslində mənə demədiklərini bilirəm amma yenə də cavab verməyi özümə borc bilirəm.əvvəla bilgi gücdür sözüylə razılaşmadığımı bildirmək istərdim.çünki mənə görə (bax: yada hardasa oxumuşam) bilgi istifadə ediləndə gücə çevirilir.burda ancaq bilgi dolu entrylər yazılsa bura bilgi kirliliyi yaşanar.nitekim bir neçə gün əvvəl verterin yazdığı entry ətrafında xeyli söz söhbət oldu.hətta bunu fürsət bilən bir neçə yazar mənə görə 5.ci nəsil yazarlar arasında ən yaxşı yazar olan verterə kinlərini qusdular desək yeridir.ona görə gəlin birlik və bərabərliyə ən çox ehtiyac duyduğumuz bu günlərdə bir birimizin işinə burnumuzu soxmayaq.xoşumuz gəlmirsə umbay etmək haqqımızdan istifadə edək.yalnız birşeyi də demədən keçmiyim.böyük şairimiz sinəsi tüklü şair ayın ən bəyənilənləri başlığında çox gözəl vurğulayıb.ayın ən bəyənilənləri arasında neçəsi bilgi entrysidi?o siyahı sözlüyün iç üzüdü.xahiş edirəm bu gerçəklə üzləşin.sağlun salamat qalın.
    3. söyüş söyməyin. yaxşı deyil. ayıbdır.
    4. real həyatda yığılan aqressiyanızı gəlib burda hansısa yazardan çıxarmağa çalışmayın.


sən də yaz!