ev heyvanının ölməsi


facebook twitter əjdaha lazımdı   googllalink

    1. Neçə illərdən sonra bu gün yenidən yaşadığım hadisədir. Düz 10 illik dostumu, ailəmdən birini, pişiyim, Nyanko-nu itirdim bu gün. Ondan əvvəl ümumilikdə 7 pişiyim olmuşdu amma Nyanko bəlkə də uzun illər bizimlə olduğu üçün yeri həmişə ayrı olacaq. Bir yerdə böyümüşdük, balalarını bir yerdə saxlamışdıq, bir yerdə yemək yemişdik, bir yerdə qızınmışdıq. Ümumi özünün yemək saatından başqa evdəki hamının yemək yemə vaxtlarını bilirdi ki, kimə nə vaxt yemək üçün yaxınlaşmaq lazımdır. Əslində yaydan bəri hiss edirdim ki, qışa qədər vəfat edəcək amma gözümün qarşısında öldüyünü görmək hər halda istədiyim son şey idi. Bu günə qədər ətrafımdaki heç bir insanı tam olaraq dost kimi görməmişəm. Çünki, gün gəlir ki, hərə gedir öz yoluna amma ev heyvanları həmişə sizinlə olur. Gözümü açandan evimizdə həmişə pişik olub, bəlkə də ona görə həmişə heyvanlarla, xüsusilə pişiklərlə aram insanlarla olan münasibətimdən qat-qat yaxşı olub.
    Bizim rəis günün müəyyən bir vaxtında gedirdi gəzməyə amma axşama yaxın qayıdırdı yanıma. Ancaq, 2 gün əvvəl həmişəkindən tez qayıtdı. bu 2 gün boyunca da demək olar ki, heç nə yemədi. Dünən axşam artıq bilinirdi ki, 1-2 günlük ömrü qalıb. Çünki, artıq güc bəla yeriyirdi. Evdə hamı gəlib, baş çəkdi ona. Axırda yanında dayanıb, başını sığallamağa çalışdım amma bir növ hiss elədim ki, onun bu halını görməyimizi istəmirdi. Həmişə anasından yan keçən balası da axşam gəlib, yanına qısıldı. Bir yerdə sonuncu dəfə yatdılar. Günorta artıq can verirdi və sonra bildik ki, artıq vəfat edib. indiyə qədər heç vaxt bu qədər şiddətli ağrı və kədər hiss etməmişdim. Mənə ağlama deyən evdəkilər özləri məndən betər ağlayırdı. Bu gün demək olar ki, bütün gün boyunca şəkillərinə baxıb, musiqi dinləmişəm və artıq gözüm ağrayır ağlamaqdan. Təkcə ona sevinirəm ki, hansısa xəstəliyə görə yox, sırf qocaldığına görə və əzab-əziyyətsiz, rahat, isti yerində vəfat etdi.
    Tam səbəbini bilmirəm amma nədənsə bu mahnı
    (youtube: )
    tam günə uyğun idi. Hər halda bundan sonra bu mahnı və 18 noyabr mənə həmişə səni xatırladacaq Nyanko-san. Ümid edirəm, indi qardaşın və anan ilə neçə illər sonra yenidən görüşə bildin. Oğullarından ötrü də narahat olma, onlar artıq çoxdan evin yeni üzvləri olublar. Bir gün yenidən görüşmək ümidiylə.
    1 gün sonra gələn edit: Kiçik oğlun Pirat səni yaman çox istəyirmiş. Dünəndən bəri bütün günü anasını axtarırdı və dünən anasının uzandığı yeri, sonrasında bir yerdə yatdığınız yerdə elə hey gəzdi. Düz 2 saat yerində dayanmamağa çalışırdı amma bədəni get-gedə sözünə baxmadı. Nəticədə 15 dəqiqə əvvəl həyatının 8-ci ayında vəfat etdi. Qaldıq mən və böyük oğlun* Kuro və ya digər adı ilə Cavan Oğlan. Bu oğluna görə narahat olma. Eşşək boydadı və kefi də yerindədi. Burada oğluna mən baxırdım amma orada ona baxmaq yenə öz boynuna qaldı. Yaxşı bax Pirata.
    さよならにゃんこーさんと海賊ーさん。私の可愛いねこ。あなたたちのことを絶対に忘れません。
    2. ad günümə yaxın anam çox istədiyim üçün 2 balıq hədiyyə etmişdi. biri hələ hamilə idi. birinci gün hamilə olmayanı vəfat etdi. çox pis olsam da digəri qaldığı üçün təsəlli olmuşdu. saxlamaq istəmədim onu,bir neçə nəfərə təklif etdim amma nəysə alınmadı,qaldı məndə. həmin gündən 2 gün sonra o da öldü. günboyu akvariumun dibinə çöküb orda tərpənirdi. sonradan öyrəndim bu üşüdükləri zaman etdikləri şey imiş. çox pis olmuşdum,həm də çox peşman. həmin gündən sonra çox istəsəm də heç bir heyvan saxlamamağa qərar vermişəm.


sən də yaz!