bərbər qiymətləri

11. Mərkəzlərdə yüksək olsa da, mərkəzdən uzaqlaşdıqca azalan bərbərlərə gördükləri iş müqabilində verilən məbləğ. Bakının mərkəzində 10-15 manat arası dəyişən saç kəsimi onun kəndlərində təxminən 3 manata həyata keçirilir.

12. bəzi insanlar üçün pulsuz ola biləcək bir şey
keçəl olmaq

13. məhləmizdə 3 manat idi. içəridə də 3 manatlıq söhbətlər olurdu həmişə. Sonra başqa məhlədə 5 manatlıq söhbətlərə dəyişdim bərbəri. O bərbər də köçdü 5 manatlıq söhbətlərini başqa məhlədə eləməyə. Mən də məcbur olub 10 manatlıq wifi-lı,televizorlu yerə getməyə, üstəlik də gözləmirəm.

14. hardasa 2010-dan filan bu tərəfə saçımı eyni adama kəsdirirdim. laçından olan yaşlı bir dayı idi. təzə-təzə gedəndə bir-iki dəfə soruşdu necə kəsməli olduğunu. onunla da bitdi. gedirdim heç nə demədən başlıyırdı kəsməyə. kəsim vaxtı da cavanlığından, əsgərliyindən zaddan danışıb kefimi açırdı. əvvəl uşaq idim evdən verilən pulla gedirdim. 4 manat alırdı. sonradan əlim pula çatanda həmişə iri pul verirdim ki, bəlkə qiyməti artırmaq istiyər. amma kişi həmişə 4 çıxıb qaytarırdı. arada soruşurdum ki, az deyil 4 manat? deyirdi bəsdi.
bu ilin əvvəli telefonu dəyişdim. necə bacardım bilmirəm amma həm köhnə telefondan həm də təzədən kişinin nömrəsini tapa bilmədim. backup-da bütün nömrələr çıxdı ondan başqa. dedim illərdi ordadı da. hara gedəsidi ki? növbəti dəfə gedəndə gördüm işlədiyi yeri bağlıyıblar. yandakı marketə birləşdiriblər. kişi bildiyin yoxa çıxdı. getdim biraz dolaşdım təzə bir yer tapdım. artıq 9 ay filan olar gedirəm. indi də bu qaqaş dirəşib 7-dən çox almır. deyir ki, tək saç 7 manatdı. saqqal da olsa 10 alardım. sonra başlıyır kəsməyə, arada saqqalımı da düzəldir asqsfsf. allah razı olsun nə deyim. joseph gordon-levitt tərzi, dümdüz saçım olduğundan bahalı deyil deyəsən.

Yalnız deyilsən!

Yalnız deyilsən!

Yalnız deyilsən!

Yalnız deyilsən!