bəxtiyar vahabzadə

#ədəbiyyat
facebook twitter əjdaha lazımdı   googllalink
1 2 »

    1. Səadət

    Səadət nə demək?.. - bu sualla mən
    Özümü çox yordum, tapa bilmədim.
    Səadət nə demək?.. Bir tələbəykən,
    Məktəbi axıra vurmaqdır, - dedim.

    Məktəbi bitirdim, işə də girdim
    Səadət bumudur? Yox, bu deyilmiş!
    Böyük dahiləri oxuyub gördüm
    Çoxları sevgini səadət bilmiş.

    Sevdim! Gecə-gündüz yandım şam kimi
    iztirab... Göz yaşı... Min qan, min qada.
    Tapmadım yenə də səadətimi,
    Eşqin əzabları şirin olsa da...

    Evləndim, həsrətə son qoymaq üçün,
    Qurtardı o şirin iztirablar da.
    indi də, qayğılar artdı günbəgün
    Dedim: - Ay səadət, hardasan, harda?

    Bəlkə də səadət elə budur, bu:
    "Hardasan, hardasan, gəl-gəl" - deməkdir.
    Bəlkə də səadət ömrümüz boyu
    Nəyisə... gözləmək... hey... gözləməkdir.

    Tapdım səadəti dara düşəndə,
    Alıb öz gücümü xəyallarımdan.
    Kiməsə... nəyəsə... hardasa... mən də,
    Gərək olduğumu bildiyim zaman.

    Çıraq ol! Nurunu artır günbəgün
    Hər yerdə həyatın boğ zülmətini.
    Məncə, çıraq olub başqalarıyçün
    Yananlar tapıbdır səadətini!
    3. Ləyaqət adlı bir poeması var, saşa adlı uşaqdan bəhs edir. 2-3 dəfə oxuyub babat kövrəlmişdim.
    (bax: uşaqlıqda oxunan kitablar)
    4. "axı dünya fırlanır" şeirinin sahibi əjdaha şairimiz, qocalığında bütün sənətini inkar etdiyini düşünürəm. nəvəsindən imam qəzzalini tanıyaraq necib fazıl kimi bir şey olub.
    (bax: axı dünya fırlanır)
    5. Vahabzadə Bəxtiyar Mahmud oğlu (16 avqust,1925 – 13 fevral, 2009)- şair, dramaturq, ədəbiyyatşünas, 1945-ci ildən Azərbaycan Yazıçılar Birliyinin üzvü, Azərbaycanın xalq şairi (1984), filologiya elmləri doktoru (1964), professor, Azərbaycan MEA-nın həqiqi üzvü (2000), Azərbaycanın Əməkdar incəsənət xadimi (1974), Azərbaycan Dövlət mükafatı laureatı (1976), SSRi Dövlət Mükafatı laureatı (1984), M.F.Axundov adına ədəbi mükafatın laureatı (1988), Azərbaycan Respublikası Ali Sovetinin deputatı (1990), millət vəkili (1995, 2000).
    6. 'aclardan toxlara'

    Zər-ziba içində alışıb yanır
    Sərdabə, döşəmə, tavan sərasər;
    Neçə yüz ildir ki, burda saxlanır
    imamın adına gələn nəzirlər.

    Məscid başdan-başa bir xəzinədir,
    Yatır imam Hüseyn daş-qaş içində.
    Əgər imam haqsa,bu bəzək nədir?
    Bəzəyə möhtacmış, imam da, din də...

    Bu busat, bu cəlal kimin üçündür?
    Bayırda əl açıb dilənir millət.
    Ey imam övladı, de bu nə gündür,
    Məsciddə var dövlət, küçədə zillət!

    imam üçün gələn bu dövlət, bu zər,
    Nə verdi imama yalvaranlara?...
    Yerə endirmədi bir tikə göylər
    Yerə gecə-gündüz baş vuranlara.

    Dünyanın qəribə təzadları var:
    Aclardan toxlara düşərmiş nəzir...
    Daş-qaş içindədir ölü imamlar,
    Diri övladları lüt-üryan gəzir...
    7. çoxlarımızın dissident kimi tanıdığı adam. bəzilərimiz gülüstan poemasının banisi, kimilərimiz isə şeirləri ilə mövcud hakimiyyətə "poslat naxuy" çıxışlarıyla tanıyır. kimilərimiz isə, mövcud hökumətin hakimiyyətə gətərilməsində əməyi keçən bir adam kimi tanıyır. nərmin kamal bir köşə yazısında bəzi həqiqətləri gün üzünə çıxardıb. oxumaqda yarar var: http://kultura.az/articles.php?item_id=20120926091817330&sec_id=1 link
    8. dissident olmasa belə dəyişməyən odur ki, bu insanın şeirlərini çox insan sevir. #112954 entrydə verilmiş linkdəki yazılar artıq çox yazılır. aztv ilhama bir kəlmə artıq söz deyənləri vətən xaini çıxardığı kimi seymur baycan cəbhəsində olanlar da heydər əliyevə salam vermiş hər kəsi göt çıxarmağa çalışır.
    9. Ölümünə az qalmış dediyi bir söz var : birşeydən razıyam ki, özümdən narazıyam..

    Ermənicəyə tərcümə olunmuş 3 kitabı var
    10. Dünən istiqlala səs verməyənlər
    Bu gün milyonlara sahib oldular.
    "Canım azadlığa fəda" - deyənlər
    Zindanlar küncündə unuduldular.

    Azadlıq ölkəni talayan, sökən
    Əli uzunlara gərəkmiş demək.
    Qorxusuz, hürküsüz saraylar tikən
    Boynu yoğunlara gərəkmiş demək.
    Azadlıq amala, eşqə rəng çəkən
    Ruhsuz odunlara gərəkmiş demək.
1 2 »


sən də yaz!