cyberpunk 207x



əjdaha lazımdı   izlə   lələ   mən   googllalink

    1. tezliklə efirdə
    2. 1980lərdə Yaponiyanın yüksəlişi qarşısı alınmaz olmuşdu. Texnoloji inkişafın da yardımıyla yaponlar o vaxtlar zəifləmiş SSRi-ni işğal etdilər. Bir müddət sonra Çini də öz torpaqlarına qata bilib nəhəng imperiya qurdular. Növbəti hədəfin özləri olacağını anlayan qərb ölkələri ittifaq qurdular və indiyə kimi davam etməkdə olan soyuq müharibə başladı. Amma bizim hekayəmiz tam başqadır...



    (youtube: )


    Bakı - 2070ci illər. 20 yanvar metrosu tərəf. Cavan bir oğlan yağışdan qaçarkən axşamın qaranlığında neon işıqlarla "dönər 1 manat" yazısıyla diqqəti cəlb edən yapon dönərçiyə yaxınlaşır. Sifarişini verir və ayaqüstə yemək üçün gözləyir. Türkiyədən oxumaqdan qayıtmış Timidus adlı gənc ətrafdakı insanlara baxır : qarınlı taksavat cyborg dayılar, "yetim" kepkalı androidlər, gəlmə yapon civiləri, ərəb turistlər və işdən qayıdan digər insanlar. Ağlından bakıda həyatın necə ağır olmasıyla bağlı fəlsəfi düşüncələr keçirdi ki, dönərçi yapon aksentli azəricəylə "hazırdı qaqa" deyə səslənir.

    Timidus suşili (dönərçi iyokiya ustanın iddiasıdır) dönəri yeyərkən gözü dönərxananın tv-sindəki xəbərə sataşır : "Gizli umbayçı yenə can aldı!". Qanı qaralmış iyokiya usta kanalı xəzər xəbərə dəyişir : "eşşək 2 götlü doğuldu! kənd sakinləri bunu sevinclə qeyd edir!".
    - Gizli umbayçı kimdir belə?
    Usta çaşqın halda sualı verənə baxır.
    - Bir müddətdir ki, azərbaycanda deyildim. - Timidus xəbərsiz olmasını belə açıqlayır.
    iyokiyo usta köks ötürüb sözə başladı :
    - 1 aya yaxındır ki, bir mərdimazar 4 adamın...artıq 5, 5 adamın yaddaşını zədələyib onları yararsız vəziyyətə gətirir (Həmin illərdə yapon işğalında yaşayan insanlar beyin yerinə yapon məhsulu sd kartlardan istifadə edirdilər. Beləcə hökümət "aşağı irq"ləri nəzarəti altında saxlaya bilirdi).
    - Terroristdir deyəsən?
    - Məqsədi nədir hələ də tapa bilməyiblər. Çox danışmaq istəmirəm bu haqda. Sən hardan gəlirdin dedin, cavan oğlan?
    - Türkiyəyə oxumağa getmişdim 1 aydır. Sd kartıma tibb ixtisası yazdıracaqdım. Amma rentgen sonrası bunu edə bilməyəcəklərini deyib rədd etdilər. Səbəb falan da göstərmədilər.
    - Qəribədir.

    Timidus bu vaxt dönərin içindən kağız parçası tapdı. Qatdalanmış kağızı açıb içindəki yazıya baxdı : 真実
    Yapon dönərindən fal çıxdığını bilirdi, dönərçilər müştərilərə tezliklə yazılana qovuşacağını deyirdilər, amma yaponcası olmadığından nə yazıldığını oxuya bilmədi və kağızı cibinə atdı.

    1 saat sonra Timidus taksidən düşüb məhlələrinə girdi. Burda bir evi kirayə götürmüşdü. Məhlədəki qaqabotlar maşında oturmuş, başlarını usb-ylə maqintafona qoşmuş, beyin sd-lərinə yazdıqları kazbek temalı mahnını oxudurdular. Timidus onlara ikrah hissiylə baxıb (bloka girib elə baxdı ki görməsinlər) "bunlar kimi köhnəbaş avaralar ucbatından yaponların əsarətində yaşayırıq" deyə öz-özünə gileylənir. Gözünü qapının yanındakı skanerə yaxınlaşdırıb evinin qapısını açır.

    içəri keçib işıqları yandırır. Otağın ortasında stulda biri oturub ona baxırdı! Timidus gizli umbayçıyla qarşılaşdığını zənn edib qorxdu və geriyə dönüb qaçmağa çalışdı. Amma qapını tutan başqa birisi olduğunu gördü.
    - Siz kimsiz belə?
    - Timidus sənsən?
    - Hə mənəm.
    - Qorxmağa ehtiyac yoxdu. Biz dövlət agentiyik.

    Elə bu vaxt Timidus huşunu itirərək yerə yıxılır. Stuldakı agent əlindəki silahı cibinə qoyub yerə yıxılmış bədənə yaxınlaşır.

    Biraz sonra Timidus stula bağlanmış şəkildə gözlərini açır.
    - Səninlə belə rəftar etdiyimizə görə bizi bağışla.
    - Nə etmək istəyirsiz mənə? Ümumiyyətlə günahım nədir axı? Siz əslində kimsin...
    - Sakit ol. Dediyim kimi biz agentik. Sən bizə lazımsan çünki gizli umbayçıyla əlaqən olduğunu düşünürük.
    - Nə danışırsan?! Yanılırsız. Mənim o qatillə heç bir əlaqəm yoxdur.
    - Türkiyəyə təhsil almağa getmişdin amma rədd edildin. Səbəbi yəgin sənə deyilmədi. izah edim səbəbini. Bütün insanlarda beyin yerinə sd kart var. Beləcə onların həyatını izləyə bilirik. Amma səninki...Səninki fərqlidir. Sən bilmirsən ancaq sənin beynin bu bədəndən əvvəl başqasına aid olub. Həmin şəxsin yaddaşı isə bizi umbayçı qatilə götürə bilər. Ona görə səndən bizə kömək etmək üçün sakitcə oturmağını gözləyirik.
    - Əgər onun xatirələri məndədirsə mən necə olub onları görə bilməmişəm anlamadım.
    - Birazdan anlayacaqsan. Hazırsansa başlayırıq.

    Agent bunu deyib aftyorkayla Timidusun başını açdı. içindən maqintafon kasetkası çıxarıb digər üzünə çevirdi və yerinə taxdı.

    ardı var...
    3. 1ci epizodun özeti :
    2070ci illər. Yaponiya işğalında olan Azərbaycan. Timidus adlı gənc Türkiyəyə oxumağa gedir amma naməlum səbəbdən qəbul edilmir. 1 ay sonra Bakıya qayıdır və dönərçidə olarkən şəhərdə "gizli umbayçı" adlı seriyalı qatilin dolaşdığını öyrənir. Evinə girdikdə onu dövlət agenti olduqlarını deyən 2 nəfər qarşılayır. Onlar Timidusun beyni - yaddaşının əvvəllər başqa birinə məxsus olduğunu və həmin xatirələrin gizli umbayçını tapmaqda kömək edə biləcəyini deyirlər. Timidusun başından maqintafon kasetkası çıxarılıb digər üzünə çevrilərək taxılır...


    Episode 2
    "Oba Market" korporasiyası - 2070lərdə Azərbaycanın ən böyük şirkətlərindən biridir. Hətta "s society" adlı haktivistlərin yaydığı sənədlərə inansaq şirkət prezidentinin Yaponiyanın güclü siyasətçiləriylə möhkəm əlaqəsi belə var. Asiyanın böyük qisminə sahib imperiyanın hər məhləsində bir şöbə aça bilməsi də bunun göstəricisidir.

    Oba-nın prezidentinin sağ qolu haillucifer telefon danışığını bitirib müdirinin otağına girir :
    - Türkiyədəki adamlarımız axtardığımız oğlanın dünən oranı tərk etdiyini deyirlər.
    - Deməli bugün ya sabaha bura çatacaq. işi tez həll edin ki, o da gizli umbayçının əlinə düşməsin.
    Elə bu an haillucifer-ın telefonundan bildiriş səsi gəlir. haillucifer gələn mesajı oxuyub :
    - Artıq ölkədədir! 20 yanvardan taksiyə minən yerdə görüblər. Adamları evinə yollayım?
    - (biraz duruxsayır) … təhlükəli ola bilər. Hər ehtimala qarşı dalınca o cyborg gədəni yollayın.
    - Mcmurphy-ni? Yaxşı.
    - Nə edəcəyi haqda təlimat verməyi unutma.

    Timidusun evi. Agentlər Timidusun başına kabel qoşub gətirdikləri mini kompüter-ə bağlamışdılar. Agent injohny kompüterlə qurdalanıb Timidusun yaddaşını ekrana verməyi bacardı. Ekranda ağ xalatlı biri vardı. Agent Qaqulya çox dala getdiklərini anlayıb kasetkanı yerindən çıxartdı. Aftyorkanı içinə salıb lenti qabağa sardı. Yenidən yerləşdirib nəticəni gözlədilər. Bu dəfə ekranda maşın pəncərəsindən görünən Miami-nin palmalı yolları vardı..

    (youtube: )

    (youtube: )


    1980ci illərin Miamisi. Timidus maşında Əsgər (timidusun əsgəri) deyə çağırdığı biriylə hərəkət edirdi. Söhbətləşdikləri yerdə birdən Əsgərin nəhəng telefonuna zəng gəldi. Biraz danışdıqdan sonra Timidusa "Kluba sür. Bakirfikir bizi çağırır" deyir. 20 dəqiqə sonra onlar klubdan içəri girirlər. Rəqs edən adamların arasından keçib barda oturub qəndlə çay içən Bakirfikirə yaxınlaşırlar * link . Bakir 2 boş stəkana onlar üçün çay süzərkən sözə girişir :
    - Azərbaycandan təzə mallar gəlib. Bu gecə limana gedib ordakı müştərilərə təslim etməlisiniz.
    - Niyə belə tələsik satırıq ki? - Əsgər maraqlandı.
    - Niyə görə? Yoxsa keçən dəfə o lənətə gələsi polislərin bizi iş üstündə tutduğunu unutmusan? 5 milyon dollar zərərə uğramışdıq.
    - Məncə keçən dəfəki müştərilər polisin adamıydı - Timidus sözə qoşulur.
    - Ağdamlı elə fikirləşmir. Onun fikrincə aramızdan biri polisə xəbər ötürür - Bakirfikir ikisini şübhəli baxışlarla süzür.
    - O paranoyak da ağdamda oturub burda baş verənlərə bir şey uydurur - Əsgər çayından son qurtum alıb Timidusa döndü - dur gedək çeşkaları aparıb sataq.

    2070lərdəyik. Timidusun məhləsinə uçan maşın enir. Oba-nın yolladığı cyborgdur. 87 model vinçestrını paltosunda gizlədib maşından çıxır. rentgen Gözləriylə binanın içinə baxıb gedəcəyi mənzili tapır. içəridə 3 nəfər var imiş. Mcmurphy-nin gözləri qırmızı işıq saçıb normala dönür.

    ardı var...
    4. yeni bölüm tezliklə efirdə
    5. 2ci epizodun özeti :
    Timidusun yaddaşına girən agentlər onun 1980ci illərdə miamidə azərbaycan mənşəli çeşka karteli üçün işlədiyini öyrənirlər. Son zamanlardakı uğursuzluqları kartel üzvlərinin aralarında köstəbək olduğunu fikirləşməsinə gətirib çıxarıb. Timidus və iş yoldaşı Əsgər mal satmağa gedir. 2070lərdə güclü "oba market" korporasiyasının prezidenti Timidusu umbayçıdan qorumaq üçün dalınca cyborg yollayır.




    Episode 3
    Timidusun xatirələrindəyik. Klubdan çıxarkən Əsgər Timidusa tualetə baş çəkəcəyini deyir. Timidus maşına oturub radyonu açır.
    (youtube: )

    Biraz sonra Əsgər də gəlib maşına əyləşir. ikisi şəhər kənarındakı köhnə anbara gəlirlər. içərdə qanunsuz yolla ölkəyə gətirilmiş çeşkalar saxlanılırdı. Mallar çoxdan tıra yüklənmişdi. Tıra minib yola çıxdılar.

    Yarım saat yol getdikdən sonra limana çatmışdılar. Müştəriləri malları burdan alıb karqoyla başqa şəhərə aparacaqdılar. ikisi tırdan düşüb dənizə qarşı siqaret çəkirlər.

    - Gələcəklə bağlı plan qurmusan? - Timidus soruşdu.
    Hardan gəldiyi məlum olmayan sual Əsgərə təəccüblü gəlmişdi.
    - Gələcək? Bu işdən təqaüdə çıxmağı soruşursan?
    - Hə.
    - Sırf son vaxtlar anti-çeşka qanunları sərtləşib deyə indidən ayrılma haqqında düşünürsən?
    - Nə olur olsun insanın bir b planı olmalıdır. Məsələn bu işdən sağ-salamat ayrılsam Azərbaycana qayıdıb şadlıq evi tikdirəcəm. O işdə babat qazanc olur.
    - Narahat olma. Ağdamlı dünyanın ən varlı adamlarından biridir. Gec-tez bu problemi də həll edəcək. Şadlıq evinə gəldikdə isə...pis fikir deyil.

    Elə bu vaxt limana karqo gəmisinin yaxınlaşdığını görürlər. Gəmidən Harukasan adlı biri çıxıb satıcılarla görüşdü. Malları nəzərdən keçirdi. Saylarından əmin olduqdan sonra pul dolu çamadanı Əsgərə verib adamlarını malları yükləməyə çağırdı. Elə bu vaxt polis maşının siqnal səsləri eşidildi. Hamı biranlığına özünü itirdi. Əsgər Timidusu səsləyib qaçmağa başladı. Timidus da qaçarkən arxadan güllə səslərini eşidirdi. Dönüb baxdı və 5-6 maşınla gəlmiş polislərin gəmidəkilərlə atışdığını gördü.

    ikisi qaçaraq yola çıxdılar. Bir əlində çamadan saxlayan Əsgər digər əliylə silah tutub yoldan keçən bir maşını saxlatdı. Sürücü çıxıb qorxuyla qaçarkən ikisi maşına mindilər. Timidus sürərkən Əsgərsə Bakirə zəng eləyib olanları danışdı.
    - Bakir ayrılmağımızı istəyir. Məni qabaqda düşürt. Özün isə çamadanla Bakirin evinə get - Əsgər telefon danışığını bitirdikdə dedi.

    Timidus biraz sonra Bakirfikirin qaldığı binaya çatdı (bu vaxt agent qaqulya çöldən səs eşidir amma gedib baxmır). Binadan içəri girib onun qaldığı 5ci mərtəbəyə qalxdı. Qapıda əvvəllər heç vaxt görmədiyi yekəpər biri dayanmışdı. Badiqard olduğu məlum olan kəs onun üstünü və çamadanı axtardı. Silahını aldıqdan sonra içəri buraxdı. Timidus içəri girdikdə Bakirfikiri qarınlı biriylə söhbət edərkən tapdı. Həmin kişi Timidusu görüb gülümsədi. Qızıl dişli biriydi.
    "Yaxşı adamlar sözün üstünə gələr. Biz də bakirlə xainləri necə cəzalandırmaq olar deyə söhbət edirdik..."

    Agentlər çöldən gələn səsə diksindilər. Pəncərəyə qaçdılar və məhlədəki qaqabotun qarnında deşik açıldığını gördülər. Qarşısında əlində tüstülədən vinçestr tutmuş bir cyborg idi. injohny cəld hərəkətlə Timidusun kasetkasını normal yaddaşına gətirib, kabelləri çıxartdı. Ayılan Timidusa "umbayçı sənin üçün gəlib! Biz onun qarşısını alacayıq. Sən isə bir yerdə gizlənməlisən!" deyir. Yaddaşı dəyişilmiş Timidusdan windows yüklənmə səsi eşidilir sonra isə ayağa qalxıb cəld götürülür.

    ardı var...
    6. bu zalım dünyaya uşaq gətirə bilmərəm deyərək, sözlük problemləri həll olunana kimi ssenarisin yazmayacağım serial. həştəq boykot time
    *
    7. tezliklə dalğa tv-də dublyajla!


sən də yaz!