13. uzaq məsafəli olsa da bəzən yaxın məsafəli münasibətlərdən də qat-qat yaxın olan münasibətdir.
bu barədə yazılan mənfi fikirlər mənim təcrübəmlə uzlaşmır. bəzən elə olur ki, illərlə biryerdə yaşıyan iki insanın düşüncələri arasında milyon işıq illərinə bərabər məsafə yaranır. bəzən isə bunun əksi yaşanır. məsələn bizim üçün fəza bükülür, məsafələri də içinə udurdu.
hər şey 2018-də başlamışdı, bizi ilk dəfə kainat bir elmi kitab təqdimatında üz-üzə gətirmişdi. bundan sonra isə instaqramda paylaşdığımız storilərdən oxşar maraqlarımızı tapmışdıq. və sonra gecə 3-4-ə qədər çəkən tvitter mesajlaşmalarımız var. mövzular isə kinolar, musiqilər, fəlsəfə, həyat və s. idi. "doğru insan" təriflərini heç bəyənmirəm ancaq onun doğru insan olduğunu məhz o günlərdə ilk dəfə anlamışdım. bu mövzuları danışanda tezliklərimizin necə üst-üstə düşdüyünü görürdüm. ikimizdə gecəni gözlüyüb növbəti danışıqlarımız üçün həyəcanlanırdıq.
ilk görüşümüz dağüstü parkda olmuşdu və görüşdən sonra onu yola saldım və içərişəhər metrosuna qayıdanda yolda içimdə qəribə bir sevinc hissi var idi. sadəcə özümə "onu heçvaxt itirmə" dedim. bundan sonra da bir neçə dəfə görüşdük və yavaş-yavaş onun özü haqqında da bilmədiyi şeyləri mən kəşf etməyə başladım. məsələn, dodağının qırağında çıxan o şip-şirin xətlər (qəmzə yox), kofe-qoxulu saçları, badamı gözləri, qəribə şəkildə balaca olan "çeçələ" barmağı və s. bunların hamısı təxminən 2-3 ay ərzində olmuşdu və mən bu ərəfədə illərlə planını çəkdiyim xaricdə təhsilimlə bağlı qərar verməli oldum. həmin zamanlarda dostluqla-sevgililik arasında bir yerdə idik və ona həmin yay gedəcəyimi deyəndə çox sevinsə də bizi nələrin gözlədiyini təxmin edirdik.
mən gedəndə artıq biz sevgili idik. bundan sonra düz iki il çəkən uzaq məsafəli münasibət başladı. həyatımda baş verən bir neçə kəskin dəyişikliyin nəticəsində xaricdə olduğum ilk zamanlarda biraz key kimi idim və təbii ki, o bunu hiss edib "soyuqlaşmaq" sanmışdı. ancaq gələcək aylar göstərdi ki, bu sadəcə keçici bir period idi. təbii ki, münasibətin çətin olacağını ikimiz də yaxşı bilirdik ancaq onu da bilirdik ki, əgər bu iki illik "testi" keçsək həqiqətən nə istədiyimizi daha yaxşı biləciyik. bu iki il ərzində münasibətimiz çox eniş-yoxuş, qırılmalar, qırılmalara güc gələn birləşmələr gördü. fiziki görüşməyimiz mən yayda bakıya qayıdanda olurdu. bir dəfə isə o mənlə görüşmək üçün bir turla bakıdan murmanska (ilk dəfə idi xaricə çıxırdı), ordan isə sankt-peterburqa (avropada olduğum üçün ən uyğun yer bura idi) gəlmişdi. həmin görüş "qatar" görüşü idi. peterburqun qatar platformasında gözləyirdim və gələn qatarın içində bir neçə nanosaniyə ərzində mənə çox doğma olan bir cüt göz gördüm. qısa ancaq duyğulu keçən həmin bir həftə-on günün içinə ayların qucaqlaşmasını sığışdırmaq istəyirdik. sonda isə yenə moskvada bir metro qatarı həmin doğma bir cüt gözü məndən alıb apardı. mən axmaq isə moskvaya bir yerdə getdiyimiz avtobusda qayıtmaq üçün məhz eyni yeri almışdım. yəni, gedəndə yanımda o var idi, qayıdanda isə yol boyu yanımdakı boş yerə baxırdım.
ümumilikdə isə uzaq məsafəli münasibət çox şey öyrədir. netflixdə eyni kinoya eyni vaxtda baxıb, bitən kimi zəngləşib müzakirə etmək, musiqini eyni anda başladıb qulağ asmağa çalışmaq kimi şeyləri ancaq belə münasibət yaşamış insanlar bilir. həm də bu insanlar əl-ələ tutmağın, qucaqlaşmağın, metrodan çıxanda onu görməyin və saçını iyləməyin dəyərini çox yaxşı bilir. normal hallarda adiləşən belə şeylər xüsusiləşir. hər şey nə qədər çətinləşsə də həqiqətən qarşındakı insanın sənin doğman olduğunu düşünəndə bütün bu çətinliklər puç olur. yerini tezliklə biryerdə yaşamağın ümidi doldurur.
yanıma gəlmək üçün keçən il ieltsə hazırlaşmağa başladı. hər "yox edə bilmərəm", "zibil reading bezdirib lap", "heç vaxt yaxşı bal ala bilməyəcəm" yavaş-yavaş yerini "lap az qalıb, biraz da çalış"-a verdi. hər etapı ayrı dramatik roman olan universitetə qəbul prosesi də axır bitdi. və artıq bir neçə ay sonra bir yerdə olacağdıq. ancaq, covid-19 çıxdı və universitet bu il tələbələri qəbul etməyəciyini dedi. bax həmin an mən bir-iki ömür yaşıyıb-öldüm. sözün əsl və riyazi mənasında minbir əziyyətdən sonra yüzlərlə tələbənin içindən məhz onun bura gəlməsinə nail ola bildik (heç bir cığallıq olmadan, sadəcə çox əziyyət çəkib hər yerə müraciət etməklə). avqustun axırı hava limanının o sərnişinlər gələn qapısının qabağında onu gözlüyürdüm. hər qapı açılanda mənim də qəlbim açılır, bağlananda isə bağlanırdı. axır gəldi, görüşdük, öpüşdük və o artıq mənlə yaşayır. indi isə uzanıb telefonla oynurur-musiqiyə qulağ asır. birazdan da bu yazımı oxuyacaq. nə yaxşı ki, yanımdasan və yarım sənsən
umm-də olanlara: bunu sadəcə münasibətiniz üçün ağır bir test kimi görün. nəticə hər iki halda yaxşı olacaq. ya mümkün bir "xətalı münasibət"-dən qurtulmuş olacaqsınız, ya da ki sonda "o" yanınızda uzanıb telefonla oynuyacaq
30.#323808 entyrmdə 1 dəqiqə görsən 1 illik həsrətin bitər yazmışdım. Bəli sözlük, bugün biz nəhayət ki,görüşə bildik. Kavuşduk ulan, kavuşduk.
1 saat bir yerdə olmaq belə yetmirmiş, sözlük. Bir şeyi daha yaxşı anladım ki, 1ildi görüşmədən darıxmalarım bugün 1 saatlıq görüşüb ardıyca gələn darıxmalardan daha yüngülmüş..
Bu arada sevgilinizlə ilk görüşdüyünüz anda necə salamlaşırsız bilmirəm. Amma bizdə bucür oldu.
Diplomat - Necəsən kələ? (Gülümsəyir)
Sincab -yaxşıyam kələ ( gülür) (əl sıxışmadıq amma ,içimdə qaldı)
Bəli,heç unutmayacağım ilk görüş anıdır bu, Allah razı olsun səndən kələ. Gələcək nəsillərə anlatacaq yenə ibrətamiz xatirələrimiz oldu.
Hər şey qırağa, ürəyimin o sürətli atışından tutmuş, içimə qaçmış səsimlə 1 saatın yarım saatını mıyıldanmağıma necə dayandı mənədə maraqlıdı. Tam evlenilecek insan.
Nəysə biz yenə uzaq məsafiyə davam edirik, ümid edirəm universitetlər açılana kimi təkrar görüşərik və bu dəfə sadəcə 1 saat deyil,bütün gün bizim olar.
(baxma: ne yaparsan yap aşk ile yap )
37. insana çox çarəsiz hiss elətdirir...
Toxuna bilməmək, yaxınlığı hiss edə bilməmək ağırdır, ağrıdır. sevdiyinin kefi olmayanda yanında olub dəstək ola bilməmək əzabdır. gecə yatarkən birgə olmaq, görüşmək xəyalları qurulur, "kaş bu gecə yuxumda görsəm, heç olmasa yuxuda görüşək" deyə beyninə yalvarırsan. yatmazdan əvvəl çox düşünürsən ki, yuxuna girsin. yuxuda görəndə isə insan xoşbəxt olur, ayılanda yastığı qucaqlayıb içindəki boşluğu doldurmağa çalışırsan. yuxuda görüşməyin xoşbəxtliyi ilə hər şeyin sadəcə yuxu olmasının kədəri birləşir, qarışıq duyğu yaranır. vivid dreams xoşbəxtlikdir, səhər ayılanda sanki dünən görüşmüş kimi hiss edirsən. yenə də, canlı təmas başqadır.
bir də ki, "wish you were here" dinləmək daha təsirli olur...
41. Öncələr rahat kimi görünür sonra görüşürsən və it zülmünü çəkməyə başlayırsan. Əvvəl yazdığım entry'ləri görüb o zamanlar həqiqətən "pamuk şeker" zamanlar olduğunu anlayıram. Hər şeyi ilə çətindi, dözürsən hə amma bu qədər də uzaq qalmaq həm də eyni şəhərdə amma sırf bəzi məsələlərə görə imkansızlaşması boğazımı düyümlendirir. Sabah təkrar yaşanacaq eyni hal və bir neçə müddət idi ki sabahı iplə çəkirdik, amma yenə eyni problemlər yenə gözlənilməz hadisələr hərşeyi bərbad edir. Tək ümidim bir gün gələcək o gündən sonra heç ayrılmadan bir yerdə olacağımızdadı, amma o gün gələnə kimi darıxmağın yüksək həddindən aqressivləşib bir-birimizi daha çox incitməkdən qorxuram.
Hər ayında biraz daha dərinləşir hərşey, uzaq məsafə artıq 'uzaaaaa..aq' olmağa başlayır. Biz bir-birimizin əlindən ruhumuzla tutmaqdan artıq normal görüşəndə əl-ələ necə tutacağımızı unutmuş olacayıq. Təbii ki görüşə bilsək,buna da razı olaram. #328483 sonda o günkü özümə utanaraq demək istəyirəm ki, artıq 1 saat belə mümkün olmur nəinki 1 gün olsun. Dərsə gəldiyimiz vaxtlar da dərs günlərimiz heç üst-üstə düşmədi, dekanlığa yalvardım həftələrcə online 1 günü heç olmasa əyani ilə dəyişsinlər deyə ,olmadı, sonra nə zaman görüşmək istəsək ikimizdən birində bir iş problemi olub ləğv etməli olduq . indi isə ümidimiz praktika idi o da artıq yoxdu.
Sevgilərin hər zaman bir imtahanlardan keçdiyinə inanmışam amma əsla o imtahanların boş yerə olmadığına da . Həyat özü öz axarında o imtahanların nəticələrini illər sonra göstərir. Bizim əsas imtahanımız isə mənim ailəm ,işlərimiz və artıq aylarca görüşə bilməmək görüşdükdə də bir yerdə otura bilməyib metro-avtobus yollarında olmaqdı.
Bir gün həqiqətən bura uzaq məsafələrin artıq bitdiyini bu imtahandan uğurla keçdiyimizi yazmaq istəyirəm.
Uzaq məsafə münasibətinə başlamağa hazırlaşanlara isə demək istəyirəm ki, hər nə qədər canınız yansa da yandığınız şeyin kökündə gözəl hisslər durduqca ümidinizi itirməyin. Həyatın dadı olması üçün duzu da olmalıymış, bizimkisi biraz fazla duzlu oldu amma qoz ağacı yarpağı tapıb bol bol töküb o duzları əritməyə çalışıram, siz də çalışın.
14. 1 dəqiqə görsən 1 illik həsrətin bitər amma o 1 dəqiqə belə yetməz insana.
Münasibətlərin bəlkədə ən çətini amma ən gözəlidi. Mesajlaşdığınızda gülürsənsə görəsən o da gülür düşünmək, 5 dəqiqə vaxt varsa belə zəng edib danışmaq, eyni anda bir filmi başladıb onunda səninlə birgə izlədiyini bilmək, danışarkən həyatın bütün problemlərini unudub ancaq və ancaq dünyada ikinizin olduğunu düşünmək, yatarkən yastığı qucaqlayıb o deyə düşünmək, gözünü yumduğunda onun simasını görmək, hərgün danışsazda görüntülü danışanda yenə utanmaq, onunda səni düşündüyünü, onunda səni ən az sənin qədər sevdiyini bilmək ,telefonla danışarkən gözünü yumub sanki yanındadı və elə danışır deyə xəyal etmək, dinlədiyi musiqini dəfələrlə dinləyib nə hiss etdiyini anlamağa çalışmaq, ən əsası cismən yanında olub qucaqlaya bilməsəndə ruhən yanında hiss edib həqiqətən qucaqlamış kimi hiss etməkdi uzaq məsafə münasibəti.
Uzaq məsafə münasibəti yaşamayanlar üçün bəlkədə mümkünsüz kimi dursada mümkündür. Ən çətini canım cici ayından sonrakı mərhələdi, problemlərin ortaya çıxdığı, maskalanmaların bitdiyi bu dönəm məsafə ilişkisində daha çətin keçir. Yanında olsa tez tez görüşsən bəlkədə daha rahatlıqla keçər bu mərhələ amma uzaq məsafədə siz sadəcə mesajlaşaraq nəyisə həll etməyə çalışırsız. Bəzən çətin olur həlli mesajla deyil görüşməklə olmalı olanlar olur onda da yardıma zəngli danışmaq gəlir. Səsini eşitməyinlə bitir o həlli imkansız problemlərdə.
Çətindi, çox həmdə. Amma ən gözəlidə birgə bu çətinliklə mübarizə aparmaqdı, birgə zaman keçirməyə çalışıb bir işlər tapmağa çalışmaq, 1 dəqiqə belə vaxt varsa səsini eşitməyə çalışmaq bu çətinliklərlə mübarizə aparmaqdı.
Bəzən düşünəcəksən ya heç görüşə bilməsək?ya məsafələr daha da böyüsə ? Ya görüşmürük deyə kimlərsə araya girsə deyə amma içindəki o sevgi varha o sevgi deyir ki qovuşa bilməyəcəyiniz dünya yoxdu.
insan nə qədər çox səbr edərsə o qədər çox qazanır və Allah gecikdirirsə gözəlləşdirir deyirdi nənəm. Bu sözləri düşünürəm ,koronaya görə görüşə bilmirik amma görüşdüyümüzdə hərşey çox yaxşı olacaq deyirəm. Buna bütün qəlbim, ruhum beynimlə inanıram. Onunda inandığına çox əminəm.
Bəlkədə bunu oxuyan biri özü də uzaq məsafə münasibəti yaşayır , deyəcəyim odur ki, çox çətindi bilirəm, bəzən heç dözüləcək də olmur amma səbr et, sən səbr etdikcə gözlədikcə sevginin çox artdığınıda hiss edəcəksən bir baxacaqsan ki sevdiyin olan insan artıq sevdiyin deyil hərşeyin olubdu. Uşaqlığın, gülüşün, həyəcanların, maraqların və ən əsası həyatın özü olubdu.
Bağlanmaqdan çox qorxan birisi olsanız sizin üçün daha çox çətin olacaq amma siz ona inandığınızda artıq o çətinlikdə keçib gedəcək. Bütün dünyanı onun üçün qarşınıza alacaq qədər inanacaqsız ona bax ona kimi səbr edin.
Hər anınızda hərkəslə paylaşmaq istədiyiniz insanla uzaq məsafəli münasibət yaşadığınız üçün və bu münasibəti də uzun müddətdir davam etdirməyi bacardığınız üçün birbirinizlə qürur duya bilərsiz.
Sizlər kiçik şeylərin xoşbəxtliyi ilə birbirinizə bağlanan ,sevginizi ruhunuzun ən dərinliyində hiss edənlərsiz.
Ən gözəl şeylər ən çox əmək sərf etdiyiniz şeylərdi, birgün buraya artıq qovuşduğumuzu yazacağım günü iplə dartıram. Amma dartanda da indiki anımızıda hərşeyiylə sevirəm,çox sevirəm.
Hə birdə qızlara uzaq məsafə münasibəti üçün tövsiyyə verməyim lazımdırsa,süblimal mesajlardan istifadə edin. Ağ paltarda şəkillər,snapchatda fatalı effektlərlə istikbalinizi qoruyacaqsınız. Haha məzələnir deməyin burda praktika danışır.
Son olaraq sənin ruhunu sevirəm, səsini,baxışını sən oluşunu sevirəm.
31. Özünüzə və qarşınızdakına güvənə bilirsizsə o qədər də çətin olmayan münasibət növüdür.Ekstra bir şeyə ehtiyac yoxdur.Amma çalışınki sizdə hər ehtimala qarşı ilk görüşə gedəndə onun özü ilə padruqalarını gətirməsi halını nəzərə alaraq bir iki dostunuzu gətirin.siz rahat etmirsizsə qarşı tərəfdə etməsin...
indi isə keçək mənim şəxsi təcrübəmə
Bu gün görüşdük.uzaq məsafədən davam edən 10 ayın ardından görüşmək qismət oldu.Hər zamanki səmimiyyət və hörmətlə bu gün birlikdə vaxt keçirdik.Bir qədər çox həyəcanlı olması normalda bir çox şey etmək istədiyini deyən (gbax:sincab) üçün bu günün kabusu idi.Ancaq buda mənim üçün tanış mənzərə idi.odurki əsas odu birinizi yaxşı tanıyın.Türklər demiş istənilən münasibətdə əsas məsələ özveridi.Təməli sağlam olan şeylər uzun ömürlü olur.
Bu gün əyləncəli və yadda qalan oldu.Ümid edirəm girdiyimiz bu yolda heç bir an peşman olmarıq kələ.
40. Ciddən çox yorur adamı, həyatın niyə bu qədər ədalətsiz, onun məndən niyə bu qədər uzaqda olmasını beyində sorğulamaqla keçir insanın həyatı,öz yaşadığın şəhərin hətta evin belə yadlaşmağa başlayır,çünki sənin bir hissən onun yanında daimi olaraq qalır
11. Əslində yaxşı cəhətləri də var pis cəhətləri də. Yaxşı cəhətləri odu ki, narmalda oğlanlar təmas dolu münasibətlərə üstünlük verir. Bir oğlan belə şeylər olmadan da birinə bağlı qala bilirsə o qızı həqiqətən sevir deməkdir. Təbii arada güvən də ola gərək, tərəflər bir birinə də güvənirsə orataya gözəl saf münasibət çıxır. Pis cəhətidə oduki dalaşanda o gedir telefonu söndürür, ya sən söndürürsən və eləcə ordada əlaqə kəsilir. Yaxınında olsa gedib qapısına dayanarsan görüşərsən danışarsan. Həçinin telefonda dalaşanda yazışmalar narmal danışığdan daha sərt və qırıcı görükür insanın gözünə. Bundan başqa elə olur ki, çox darıxırsan yanında olmağına ehtiyyacın olur amma ola bilmir. Təbii mən belə uzaqdan münasibət söhbətlərində igdən tanış olub danışmaq, uzun illər sevgili olmaq , söhbətlərinə qarşıyam çünki bir insanla gərək eyni mühitdə olasan tanımaq üçün. Onun başqalarına da rəfdarın görəsən, hərəkətlərin müşahidə edəsən. Münasibət qurmadan əvvəl yaxşıca tanımaq lazımdır qarşı tərəfi. insan illərdi yanında olan insandan elə şeylər görür ki, nəyinki uzaqdakına yaxınındakına belə güvəni qalmır.
38. Bəzən onu gecə yuxularımda yanımda görürəm, sanki mənimlədi nəhayət amma oyandıqdan sonra yoxluğu çox çox ağır gəlir,nəfəs belə ala bilmirəm yoxluğuna
21. Uzaq məsafəli münasibət Bunu (#324007) yazmış adamın - ki, keçən ayın ən bəyənilənlərinə qədər gedib çıxdı bu entri - bu gün bu (#327783) entrini yazmasıdır.
Edit: entri silinib. Mövzu məlum yazarın*
injohny
son 4-5 ildir dəli-divanə olub sözlükdəki hansısa qızın, türklər demiş, peşinde koşması idi ki, sonu yaxşı bitməyib.
Xəyalpərəst olmaq lazım deyil. Fakt göz qabağındadır.
Əvvəla, qəbul edək ki, hər şeyi, ələlxüsus da özümüzə sərf edən şeyləri həqiqət kimi uduruq. Halbuki sorğulamırıq doğrudan da yazıldığı kimidirmi, ya yox. Əsas odur, Feyziyab eləsin, sonra da o dəqiqə bas getsin e "əjdəha"nı. Başlıqda yazılan, hələlik ən uğurlu, ən bəyənilən uzaq məsafə münasibəti belə evlilik, övlad sahibi olma ilə sözdə uğurlu sayılsa da, sən demə, azı 5 il qabaqdan fiasko öz təməlini qoyub. Yazarın 2 ayrı uzaq məsafə münasibətinin ikisinin də sonunun mənfi bitməsi*
bəziləri üçün bu, müsbət ola bilər. Amma mənim üçün evli olunduğu halda başqasının dalınca qaçmaq, daima başqasını düşünmək müsbət bir şey deyil. Konkret olaraq xəyanətdir.
hər şeyi aydın edir, məncə. Nəysə, baş verənlər haqqında çox fikir bildirmək niyyətində deyiləm, kor-kor, gör-gör. başqa şeylərə keçim.
Yazarlardan birinin*
loki laufeyson. 323942 nömrəli entri
də dediyi kimi, hollywood beyninizi yumasın, guys. Bu işlər xəyal "pompalayan" entrini bəyənməklə, filmləri, serialları izləməklə, kitablardakı qəhrəmanlardan ilhamlanmaqla olan işlər deyil. Eyni başlıqda, əvvəlki entrimdə də bildirmişdim Şekspirin sözünü. Görüşəndə insan bilmir qarşındakını tanısın, ya həsrətini ovutsun. Telefondan, skaypdan, sosial şəbəkədən danışıq, çifayda, hər iki tərəf də öz komfort zonasından çıxış edirsə. Əgər virtual seks üçün deyil də, ciddi gələcək üçün münasibət qurulubsa, maksimum fiziki yaxınlıq - ki, söhbət seksdən yox, (bax: evlənmədən öncə bərabər yaşamaq)
-dan gedir - bu işin açarıdır. insanı belə tanıyırlar. Yoxsa o ordan canım-cicim desin, bu burdan hər işə dəstək verib "yanında" olduğunu göstərsin, ay nə bilim ortaq maraqlar, 'sevgiii', ildə-ayda bir görüş - özümüzü aldatmayaq, bu cür formada insan tanımaq olmur. Necə ki, məlum yazar neçə ildən sonra hələ indi tanıdı və qəbullandı o qızın həqiqi xarakteri və ona münasibətini. Hə, bir də ki, münasibətə girdiyin adamı tanımaq kimi kriteriya yoxdursa, o ayrı məsələ. Doludur elələri, vidinə baxıb, rola bürüyüb, sevgili olub, sonra da işinə gəlməyəndə çıxıb gedir. O başqa məsələdir, mən ondan danışmıram.
Başlıqda ən çox səs almış 5 entridən 4-ü müsbət nəticəlidir. Bu isə insanın necə də ayaq üstə uyuduğunu, düşüncəmizdəki ən böyük boşluq/problemlərdən birini bir daha üzə çıxarır. Bax o problem/boşluq isə bizim 100 insandan 90-nın uğursuz, 10-nun uğurlu olduğu şeydə - söhbət tək bu mövzudan getmir - durub o uğurlulara baxıb, ondan yola çıxmağımızdır. (bax: survivorship bias)
Halbuki biz, qəbul etsək də, etməsək də, həmin o 90-nın içindəyik, bundan yola çıxmalıyıq, o 90-nın səhvlərini götür-qoy etməliyik, uğurlu olan kəsimin yox. Lazımı şərtlər altında olan münasibətlərin belə 9/10-u bitirsə (məndən kimsə rəsmi statistika istəməsin. Özünüz statistikasız elə. bu vaxtacan neçə adamdan xoşlandığınıza/münasibət qurduğunuza və hazırda yanınızda kimin olduğuna/kimlə evləndiyinizə baxın, ordan hesablayın. Ya da dost-tanışa fikir verin. Hər münasibətə "bu olacaq" deyə yanaşırsınız və əksəri uğursuz olur.) heç də sağlam olmayan təməldə qurulmuş münasibətin tutacağına inanmaq - nə bilim əşşi. Aa, bir dəqiqə ee. Bu insanlar ki asan yoldan pul tutmaq üçün çərənləyən motivatorların "heç kimdə olmayıb, amma məndə olacaq deyin" cümləsinin verdiyi yersiz özgüvən/inam ilə qaza gəlib "biz bacarıb örnək olacağıq(ardınca da "smiling face with sunglasses" emojisi) modunda davranan insanlardır. Ona görə də çox uzatmayım. ölülər diyarında da gün çıxıb artıq, səhərdir.
Qeyd: bu entri həvəs qırmaq və s. məqsədli yazılmayıb. Yazılmağında tək məqsəd realist olmanın vurulanmasıdır ki, sonda baş daşa dəyəndə çox ağrıtmasın. "etməyin", - demirəm, "etməmək məsləhətdir, - deyirəm, - xam xəyallara qapılmadan, işinizi ehtiyatlı tutun". həmçinin digərlərinə səslənirəm ki, gələn-gedənin də başını xarab edib xəyal satmayın. Mən də vaxtında bu səhvi edəcəkdim, tez geri çəkilmişdim. Özü də ki, mənə bunları deyən yox idi, təkbaşına düşünmənin gətirdiyi çətinliklə vermişdim qərarımı. Duyğu olan yerdə düşüncə arxa plana keçir həmişə. ona görə də daim şübhə ilə, ən pis variantdan yola çıxaraq yanaşılmalıdır; əminlik, inam və ən əsası isə, nəsə deyilən kimi müdafiə, içdən-içə "irağ olsun" cümləsini keçirib üzdə bəlli etməmək, mənim kimi xoşa gəlməyən, sərf etməyən şeyləri deyən adamları yola vermək üçün Yalandan deyilən "biz ən pis ehtimalı da gözə almışıq" cümləsi ilə yox. Hər halda, nə qədər umbaylanılsa da, qarşı çıxılsa da, qəbul etmək istənilməsə də, mən və digər bu fikirdə olan yazarların dedikləri doğruluq payını itirmir, nəticə isə qaçınılmazdır. 2, 3, 5 il sonra ayrılıq olanda o ki pilləkən düşəndə ayaq qəfil boşluğa gedir ha, bax o hissi keçirməmək üçün gərəkli şeylərdir bunları bilmək. Di salamat qalın. Bir insan kimi bildiyimi, təcrübəmi bölüşüb öz vicdani öhdəliyimi yerinə yetirdim. Babalı sizin boynunuza.
26. heç özü də özünə güvənməyən, nə istədiyini bilməyən və iradəsi zəif olan insanlar üçün yaxşı seçim olmayan, amma qarşısındakı çox önəmsəyən, ona hörmət edən və sevgisini göstərməkdən çəkinməyən insanlar üçün çətin olmayan münasibət növüdür. əlbəttə ki, güvənsiz, eqolu, özünü tam şəffaflığı ilə ortaya qoymayan, başqa-başqa sətiraltı məqsədlər güdən insanlar bu münasibtədə çox gedə bilməz və çox vaxt özlərini tanıyırlar, əvvəlcədən, bu münasibətə başlamırlar.
onsuz da, belə insanlarla eyni evdə yaşasanız da, alınmırsa, alınmır. uzaq məsafəli münasibətlərin üstünə atmayın.
47. onsuzda normal münasibətlər problemlə doludur. heç kəs inkar etməsin. az da olsa nəsə problem yaşanır. uzaq məsafəli münasibət lap betərdi. qarşı tərəf üçün durmadan narahatsınız, yanında olmaq istəyirsiniz və nələr etdiyi sizə maraqlı gəlir. çox detallara girməyəcəm sevgi ədəbiyyatı etməyə həvəs yoxdu. anladınız siz. bütün bunlar çox vaxt qısqanclığa və güvənsizliyə gətirib çıxarır. davam etdirmək əmək, səbr və dözümlülük tələb edir. və indi çox az sayda insan bunun üçün qurban verməyə hazırdı. bacaranlarda var sözsüz ki. qarşınızdakı insanın doğru variant olmama ehtimalı da var. nağıllarda qaldı o hekayələr. realist olun. xəyallar dünyasında yaşamayın. özünüzə yazıqdı
5. alınmayan münasibətlər. neçə alına bilər. sön biömörsön ö ördö kömlö gözör, kömlö yöxöyö gödör, kömlö durguzur. bu gün kimlə görüşdü. ya sən köçməlisən onun yanına ya da kı heçnə alınmayacaq. kişilər hamısı da eyni poxdu demişdim.
1. uzaq məsafəli münasibət. bir-birindən uzaqda yaşayan iki nəfərin (daha çox) sevgi münasibəti. münasibətlərdə adətən məsafələr problem olur, hər şey bitə də bilir, davam da edə bilir. uzaq məsafəli münasibəti davam etdirmək üçün, belə deyək də, adamda göt lazımdı. çətindi, qəlizdi, amma gözəl tərəfləri də var məsələyə başqa aspektdən yanaşsanız. it kimi darıxırsan, skype, facebook, mesajlaşmalar derken görüşəndə adama yapışırsan qopmaq bilmirsən. niyə? long distance relationship çünkü bu oğlum, addım başı ürəyin istiyəndə görüşəmmərsən. 3 ayda bir, 6 aydan bir görüşürsən. yolpulu zad problemin varsa ildə bir dəfə (ki, bu bir illiy münasibətlərə aid deyil) qısaca (baxma: ldr)
3. alınmır o münaisbətlər. necə alına bilər. sən bilmirsən o orda kimlə gəzir, kimlə yatır, kimlə durur. bu gün kimlə görüşdü. ya sən köçməlisən onun yanına ya dakı heçnə alınmıyacaq
35. Dünyanın ən faciəvi sonluqlu münasibəti. Əvvəl sosial şəbəkələrdən danışmaq sizə xoş gəlir. Sonra bunun bu cür davam etməyəcəyini bilirsiniz. Onu sevirsən lakin bunu ona göstərə bilmirsən. Əlindən tutub "mənimsən" demək kimi bir şansın olmur. Hələ bu yaxşı olandır. Daha dəhşətlisi iki tərəfdən biri platonik olandı. Düşünəndə ki, sənlə görüşə nişanlısı ilə gələcək, həmin gün dünya başına yıxıldı. Sənə heç nə haqqında məlumat verməyib, hətta özünü fərqli biri kimi tanıdıb, xəbərsizsənn ,amma sən kitablardakı sevgi ilə ona bağlısannn. Ruhunuuu sevirsən, nolar ki, adı düz deyill sdshdhjsk nə də olsa ruhun onun ruhunu tanıyır...
46. "Gözden ırak, gönülden de ırak olur " ilkesini iliklərinizə qədər hissettiğiniz münasibət tipi. Bir insanla nə qədər çok anıyı birliktə yaşarsanız, o qədər yakın olursunuz. Anıları birliktə yaşamadıkça, ihtiyaçları birliktə karşılamadıkça, sorunları birliktə yaşayıb çözmədikçə, fiziksəlliği anlamlandıramadıkça sadəcə sanal sevgi olacaktır. Ayrıca psikolojik olarak da sanal yaşam toz pembe və sorunlardan uzak göründüğü, kişiyi olduğundan daha farklı kavrattığı için ilişkinizə zərər verəcəktir.
Turaniko abimin bəstəsi ilə bitirirəm entry'mi;
Gözlerin bakamadığı yerlere düştüm
Sözlerin çıkamadığı hallere düştüm
Kurudu sevgiler, sözler tutamadığım
Sen, aşk ve ben, zorladım olamadı
Özledim dokunamadım, düşledim olmadı
Bekledim yetişemedim, saatler durmadı
Bir güldüm bir ağladım, bir tutunamadım
Sen aşk ve ben yapamadım, olamadı
2. yaxşı və pis cəhətləri çoxdu. yaxşıları sayacam. it kimi darıxırsan (təbii ki, əgər çox sevdiyindirsə deyəcəm ama onsuz da sevmədiyin biri ilə long distance relaionshipə niyə girəsən axı), dəyər bilirsən. bir də nasıl olsa sabah görəcəm könlünü alaram deyə rahatlığ olmur deyə bir-birini incitməydən mümkün qədər qorunursan. və pıxpıxın da dediyi kimi sonra görüşəndə ayrılmax bilmirsən.
pis cəhəti isə say say qutarmır. kodumun məsafəsinnən tut, saat fərqi, kefin pozulanda görülməməsi, it kimi darıxmağa kimi(bəli həm yaxşıdı həm də pisdi).
biri skype demiş de o da pisdi. görüşüb qutarannan sora daha çox darıxır adam. ha bi de işin gün sayma kısmı var.
16. Alınası şey deyil, 99/100 vaxt itkisidir. Münasibətdə olunan şəxsi həqiqətən olduğu kimi yox, öz istədiyin kimi təsəvvür etməkdir. Şekspirin "xoşumuza gələn bədənlərə axtardığımız ruhu yerləşdirib buna eşq deyirik" sözünü yadıma salan münasibət tipidir. Əgər məsafələrə rəğmən münasibət daha da ciddiləşərsə, tərəflər hər nə qədər dünyagörüşlü, müasir düşüncəli olsalar da, atacaqları addımları görücü üsulu ilə evlənməkdən bir fərqi olmayacağını da bildirim. Gerisi də ki: #323919
qeyd: bu (#320002) və bu tip halları istisna durum saymaq olar. Yəni fiziki olaraq birlikdə olunub, sonra necəsə məsafələr artıbsa, bunun üstəsindən müəyyən dərəcədə gəlmək olur. Mən dediyim şey uzaqda başlayıb uzaqdan da davam edən münasibətlərdir. Yəni hər necəsə fiziki bir yaxınlıq olmalıdır. Yoxsa xəyali varlıqla beynin içində qurulan münasibətdən bir fərqi olmur.
44. Allah alsın bu məsafələri, biz də dincələk..
Yaşadığım tək münasibət növüdür. Münasibətimin bitmə səbəbi idi. 2 gün öncə də bir yaraşıqlıyla bu səbəblə heçnə başlamamış sağollaşdıq ki, ikimiz də uzaqdan münasibət istəmirik. Mənim də qəlbimin pəncərələri ömrü boyu uzaqdakılara açılır deyə, normal əldə tutulası bir şey yaşaya bilməmişəm.
Klassik səslənsə belə məsafələr heç nəyə əngəl deyil, sevgi olan yerdə hər şey sadəcə böyük, ya kiçik ölçülü bəhanə ola bilər ancaq. iki tərəf istəsə, səbr etməyə niyyətli olsa, əla da alınar.
Amma məsafələr birini tanımağa əngəldir məncə. Birini hər gün görməyiniz şərt deyil, amma müxtəlif situasiyalarda onu izləmək, müxtəlif mühitlərdə davranışlarını görmək, üz-üzə sevinmək, üz- üzə mübahisə etmək şərtdir. Ekran arxasından baş verən hər şey ən yaxşı halıyla belə şəkil dəyişdirir, heç vaxt realda olduğu kimi olmur. Ən azından mənim kimi bütün duyğularını gözləri, qaşları, baxışı, jest və mimikaları ilə daha yaxşı ifadə edən biri üçün beləsi alınmır.
Ona görə də məncə birini tanımağa yeni başlayırsınızsa, bunu ekran arxasından etməyin, görüşün, izləməyə fürsətiniz olsun.
Həm də gənclikdir bu, birgə yaşayın, birgə gəzin, birgə əylənib, birgə üzülün.
Yenə də bacarıb, bir yerə çıxanlara eşq olsun! Sevgi varsa, hər şəkli gözəldir.
17. Mümkün şey deyil) Hollywood beyninizi yumasın, guys. Real həyatda bu mümkün deyil. Mümkün deyil dediyim, yəni bunu edib xoşbəxt olmaq mümkün deyil. Daim ağlınız bir-birinizdə qalacaq, bərabər ola bilməyəcəksiniz, bütün bunlar iş həyatınıza, kariyera həvəsinizə çox mənfi təsir edəcək, hələ canınızda 0.001% qısqanclıq varsa, onda hər gününüz zülmət olacaq. Belə edib bir-birinizin həyatını çürüdəcəksinizsə, sevgili olmağın nə mənası var? Mən bilən sevgi insanları daha da xoşbəxt etməlidir, bədbəxt yox. Ahh, nə yaxşı ki, vaxtında Stoicism fəlsəfəsi ilə tanış olmuşam
22. bəzilərinə görə yaxşı münasibət olsa da,mənə görə pis bir haldır. istədiyin zaman yanında ola bilməmək kimi çətinliyi var mənim üçün. belə bir münasibətim olub,lakin qarşı tərəfin valideynlərinin uzaq bir yer olduğu üçün icazə vermədiklərindən münasibətimdə sonlanmışdır. buna baxmayaraq heç küsmədimdə,hətta şəkillərində saxlamışam ki,darıxanda baxıb köhnə söhbətlərimizi yadıma salıb kefimi açım.
24. Hər iki tərəfin yenidən görüşənə, birləşənə qədər daimi olaraq yeni insanlarla fərqli münasibətlər (flirt, fling, relationship) qurması ilə müşayiət olunan bir zad.
Həmişə içkili olanda, lomka basanda flörtü yox, uzaqlarda olan həmin insanı yada salır.
Maraqlı təcrübəydi mənim üçün.
25. 11 saat fərqiniz varsa bərbaddır. hətta bərbaddan o yanadır. hər dəfə "uzaq məsafəli münasibət nədir e?!" deyib təkrar-təkrar bu bataqlığa düşürəm. 1 ay sonra bunun da bitəcəyindən o qədər əminəm ki. some unhinged person problems...
49. Vaxt və pul itkisidir bildiyiniz. Sən ona görə təyyarə ilə 19 saatlıq uçuşla qovuşmaq üçün həm maddi həmdə mənəvi cəhətdən böyük əziyyətlər çəkərsən, o isə 3 il yarımdan sonra mənasız bəhanələrlə səndən ayrılmağı seçib çəkdiyin maddi və mənəvi əziyyətləri sikib atar. Həyatın mənə bəxş etdiyi ən poxdan relationship təcrübəsi idi.
4. alınmır o münaisbətlər. neçə alına bilər. sən bilmirsən o orda kimlə gəzir, kimlə yuxuya gedir, kimlə durguzur. bu gün kimlə görüşdü. ya sən köçməlisən onun yanına ya dakı heçnə alınmayacaq.
29. ilk başlarda gözəl olur. Fərqli yerlərdə bir bədən kimi hərəkət eləməyə bənzəyir. Amma çox öyrəşib sonu bəlli bir yerə varmadıqda unudulması ən çətin olan münasibət növüdür.
12. alınmır o münaisbətlər. necə alına bilər. sən bilmirsən o orda kimlə gəzir, kimlə yuxulayir, kimlə oyanir. bu gün kimlə görüşdü. ya sən köçməlisən onun yanına ya dakı heçnə alınmıyacaq. Yaxsisi biryerde olasan
52. Həyatınızı korlayaraq sizə travmalar yaşada biləcək vəziyyətdir, çalışın uzaq durun belə şeydən,illər keçsə belə kədər və travma sizin yaxanızdan əl çəkmir. (bax: öldürməyib süründürən şeylər)
53. Münasibətin hər cürü çətindi. Ən salamatı münasibətinin olmamağıdı. 23 yaşım var, hələ də bir sevgili münasibətim olmayıb. Artıq tipiməmi bağlıdır, yoxsa başqa bir şey iləmi əlaqəlidir, bilmirəm. Onsuz da hər şey çətin keçir, bir də kiminsə nazını, tripini çəkməyə heç həvəsim yoxdur vallah. Başım qulağım dincdir, yəqin 30 yaşa kimi belə gedər bu.
)
də bildirmişdim Şekspirin sözünü. Görüşəndə insan bilmir qarşındakını tanısın, ya həsrətini ovutsun. Telefondan, skaypdan, sosial şəbəkədən danışıq, çifayda, hər iki tərəf də öz komfort zonasından çıxış edirsə. Əgər