koronavirusa yoluxan yazarlar



əjdaha lazımdı   izlə   lələ   mən   googllalink

    1. dəyərlənməsini istəmədiyim başlıq.

    üst qeyd: Məlumatlandırma xarakterli başlıqdır. yoluxan yazarlardan yoluxmanın ilkin əlamətlərini yazmaları xahiş olunur. əlbəttə, tonlarla məqalə var, ancaq düşünürəm ki, o anı yaşayan şəxsin fikirləri daha da kömək olar.

    başlığın ilk yazısı mənə aiddir, ona görə də "mənim də aralarına qatıldığım yazarlar siyahısıdır" kimi tanım verə bilmirəm .

    dekabr ayından özümü qorusam da, hər kəsi spirtləsəm də (çöl qapının cəftəsini belə silirdim), dostlarının arasında belə maska taxan (iki həftə ərzində bir, yaxud iki dəfə küçəyə çıxardım) mən olsam da, sağlamlıq sənədləri toplayarkən sağlığından olan da mən idim
    .

    hər şey bir sabah sinəmin üzərində bir təzyiqlə və burnumun axıntısı ilə (düzünü desəm, 5-ci sinifdən burnum axır, ancaq bu daha fərqli idi ) başladı. bilək dərimin rənginin dəyişdiyini (tündləşmişdi), qızdırmamın isə hər keçən dəqiqə artıb, düşdüyünü görürdüm, ancaq əsla 37 dərəcədən aşağını görmədi. qoxu və dad alma qabiliyyətim hələ də yerində idi, ancaq növbəti gün çox kəskin azaldı. buna baxmayaraq, duzun dadını hələ də hiss edirəm. şəkərli qida yedikdə isə heç bir şey hiss etmir, dadını ala bilmirəm. Sanki sərt bir şey çeynəyirəm və uduram.
    2. koronavirusa yoluxub sağalmış biri kimi sizə vacib və dəyərli məlumatları verəcəm.səbirli olun axıra kimi oxuyun. bunları diqqətlə oxuyun və ciddi yanaşın. ilk növbə də virusun simptomları haqqında bir-iki kəlmə yazım.ilk əlamətlərdən biri istilikdir.əgər istiliyiniz varsa, birinci koronavirusdan şübhələnmək lazımdır. dərhal özünüzü yaxınlarınızdan izolyasiya edin. evdə çalışın heç nəyə toxunmayın və s. zəng vurun gəlib sizdən test götürsünlər. əgər sizə 2 günə kimi heç kim zəng vurmasa, deməli nəticə neqativdir. əgər sizdə pozitivdirsə, onda sizə gecə 12də, 1də zəng gələcək. və sizi aparacaqlar. bəs niyə gecə çünki fikirləşirlər ki hamı bu vaxtlar evdə olur. ona görə də elə gecə zəng vururlar. testlər 100/100 doğru deyil. ola bilər ki, test neqativ olsun. amma xəstə ola bilərsiniz. bəs necə bilməli?əgər bir müddət sonra istilikdən əlavə iy bilmə, dad bilmə, nəfəs darlığı və s. olsa təəssüf ki, yoluxmusunuz. onda yenə də zəng vuracaqsız. çox güman ki, bu dəfə pozitiv çıxacaq. bəs niyə sizdə virus ola-ola necə test neqativ oldu?çünki virusa təzə yoluxanda testlər onu müəyyən edə bilmir. yoluxandan sonra nə olacaq? hər kəs xəstəliyi bir cür keçirir. həqiqətən əgər immunitetiniz güclüdürsə və heç bir əlavə xəstəliyiniz yoxdursa, onda yüngül keçirəcəksiniz. mən də belə olmuşdu. özümü top kimi hiss edirdim. ancaq iy bilmə zəifləmişdi.yox əgər şəkər, ağciyər xəstəlikləriniz və s. varsa, böyük ehtimalla yaxşı olmayacaq. belələri ya ölürlər ya da xəstəliyi çox ağır keçirirlər.ona görə də qətiyyən özünüz evdə müalicə eləməyi, xəstəliyi gizlətməyi kimi fikirləri unudun. dərhal tədbir görün. çünki belə fikrin qurbanı olan çox adam tanıyıram. sizin immunitetiniz güclü ola bilər, xəstəliyi yüngül keçirə bilərsiniz amma virusu yaşlı və xəstəliyi olan yaxınlarınıza keçirə bilərsiniz. və onların ölümünə səbəb ola bilərsiniz.sonra özünüzü bağışlaya bilməyəcəksiniz. və gələk ən təhlükəli məsələyə. virusun varlığına inanmayan və boş şey hesab edən sikbaşlar(sözlükdə ilk söyüşüm) belə inancın səbəbi bilirsiz nədir. xəstəliyi tutanlar bunu gizlədirlər. və yaxud da ölənlərə səhv diaqnozu qoyurlar. xəstəlik var və çox təhlükəlidir.(adamına görə) xəstəxanada 30 yaşlarında özünü əla hiss edən biri ilə söhbət edirdim. qonşu otaqda qalırdı. səhərə yaxın onun ölüm xəbərinə oyandım. sən demə ürəy damarlarında problem var imiş. heç özü də bilmirdi. damar tıxanıb. beləcə ölüb. görürsünüz məqsədim qorxutmaq deyil sadəcə sözümün canı odur ki, ciddiyə alın məsələni. sizin də bilmədiyiniz belə probleminiz ola bilər. amma virusa yoluxub çox qorxmaq da bir şey deyil. çünki əksəriyyət sağala bilir. əgər bayaq dediyim kimi ciddi başqa xəstəliyiniz yoxdursa 80% 90% sağalacaqsınız. amma həkim nəzarətində. virusun gələcəyi haqqında deyə bilərəm ki, hələ bizlə bir neçə il daha birlikdə olacaq. çox güman ki hamı tutub keçirəcək. təbii ki ölənlər də çox olacaq. hələ nəzərə alsaq ki virus inkişaf edir. vəziyyət çox acınacaqlıdır.belə ki bir neçə ay əvvəl xəstəliyi tutanlar bi həftəyə sağalırdı. amma indi 2 və yə 3 həftəyə güclə sağalır insanlar. mən 18 günə sağaldım misal üçün. virusun inkişafı göz qabağındadır. bəs necə qorunmaq lazımdır?bunları özünüz məndən yaxşı bilirsiniz. sadə qaydalardı.çölə çalışın çıxmayın. əlinizi heç yerə vurmayın. ümumiyyətlə əlinizi üzünüzə çalışın heç vurmayın. tez tez əliniz yuyun. yaxşı qidalanın.heç kimlə görüşməyin və s. baxmayaraq ki mən bunlara əməl edirdim. ancaq tutdum. bu qaydalar sadəcə yoluxma riskini aşağı salır. xəstəliyin qalıcı fəsadı varmı? bunu heç kim bilmir. hələ ki, dəqiq məlumat yoxdur. bəs xəstəliyi keçirən bir daha yoluxa bilərmi? çox güman ki yox. çünki xəstəliyi keçirəndən sonra sizdə anti tellər əmələ gəlir. bu sizin xəstəliyə qarşı immunitetiniz olur. hələ ki, bir adamın ikinci dəfə yoluxma faktına rast gəlinməyib. internetdə gördüyünüz xəbərlər yalan və əsassızdır. çalışın etibarlı mənbələrə müraciət edin. belə, əlavə sualınız olsa yaza bilərsiniz. çalışacam cavablandırım.
    P.s 15 iyunda yazılıb.
    3. bacardığım qədər çalışsam da ola bilmədiyim yazar. görünür yoluxmaq üçün evdən çıxmamaq, heç kimlə görüşməmək, ocd kimi hər yeri spirtləmək , yəni immuniteti aşağı salan və ruhi sağlamlığa ziyan vuran şeylər etmək kifayət imiş.
    4. mesaj qutusunda sevişən yazarlardan yayıldığı barədə şayələr gəzir.
    get a room.
    5. Bu gündən etibarən aralarına qatıldığım yazarlar qrupu.Çox güman ki,avtobusda olan da tutuldum.Digərlərindən fərqli olaraq,mən də xəstəliyin ilk əlaməti üşümək oldu.Mən ki, qış və payız xəstəsi bir adamam.Bu günlü havada niyə soyuğum olur deyə soruşdum özümə.Sonra da məlum tempratur yüksəlməsi,nəfəs darlığı(kabus kimi çökür insana),bir də udquna bilməmə problemi oldu mən də,boğazım dəhşət çox ağrıyırdı.Nəysə yazarlar hələki xəstəliyin yüngül mərhələsindəyəm,21 gün sonra mesaja cavab verməsəm,cənazə namazımı qasim qılsın.
    6. mən. türkiyədəyəm. bu gün səhər test vermişdim və sabah bakıya dönəcəkdim. 2 saat əvvəl nazirliyin regional bölməsindən zəng gəldi ki, nəticəniz pozitiv çıxdı. onda başa düşdüm ki, neçə gündür niyə sidiyimdən və ağzımdan kəskin qoxu gəlir. bu gün də çox yorğun idim, taksidə yatırdım. dedim yəqin az yatmışam ona görə. eyni zamanda indi də böyrəklərimdə xırda sızıltılar hiss edirəm. qızdırma yoxdur. xəbəri alanda bir az həyəcanlandım deyə istiliyim artdı, amma sonra keçdi. indicə əlimi vururam, alnım buz kimidi. ağzım palçıq kimidi, bir azca boğazda qəribəlik var (ağrı yoxdu) və qəribə dad verən bəlğəm gəlməyə başlayıb 1 saatdır.

    qaldığım otel məni qanuna müvafiq olaraq ayrılmış bölmədə təcrid etdi. 10 gün burda qalacağımı dedilər. sabah da həkimlər gəlib dərman verəcəklərmiş.

    azərbaycan səfirliyinə zəng etməyə çalışdım ki, bəs məni xəstə-xəstə qəbul edirsiz? amma açmadılar telefonu.

    cavan adamam. hamı deyir ki, asan keçirəcəksən. mən də elə düşünürəm.

    həmçinin ölümdən də qorxmuram. tanrıya inanmırdım, indi də inanmıram. yalnız bir şeyə görə pis olmaq olar: ardımızda qoyduqlarımız. öldükdən sonra bu qayğının da aradan qalxacağını bilsəm də, qəbul etmək çətin gəlir.

    növbəti günlərdə nələr baş verdiyini də yazacağam.


sən də yaz!