+47 əjdaha
68. ölkənin bəzi bölgələrində evlənmə yaşı 13-14 yaşdır, bu yaxınlarda bir xəbər çıxdı 16 yaşlı qızı 19 yaşlı yoldaşı qətlə yetirib, neftçalada insanlar prezidentə müraciət edərək neftçala yap namizədini dəyişdirməsini tələb etdi, səbəblərdən biri olaraq oğlunun toy dəvətnaməsinə ərinin yox öz adını yazmasını göstərdilər, qadına şiddətin ən az olduğu rayonda bu rəqəm 40 faizdir, bəzi rayonlarda 94 faizə çıxır, ölkədə müxalifət lideri gay olmadığını sübut etmək üçün uşaq dünyaya gətirdi, ölkənin prezidenti mentalitetin önəmindən dəm vurdu, müsavat partiyasının xələfi olan partiyanın mühacirət alveriylə məşğul olduğu sübut olundu, ölkədə rəhbər vəzifəsində çalışanların sadəcə 10.2 faizi qadındır, ölkə müxalifətində irticai fəaliyyətlə məşğul olan bir adamı dəstəkləyən insanlar var, əhalinin ciddi bir hissəsi başqa bir ölkədəki cahil bir mollanın fətvasıyla oturub durur, əhalinin 90 faizi qız övladının xaricdə oxumasını istəmir, qətiyyətlə qarşıdırlar bu vəziyyətə, əhalinin minimum 50 faizi avropanın sosial, hüquqi dəyərlərinin fahişəlik təbliğatı olduğuna inanır, ölkədə müəllimlər məmələrində bülleten gizlədir, xalqın 95 faizi güclər ayrılığının nə olduğunu bilmir, ölkənin 99 faizi ömründə minimum bir dəfə könüllü olaraq rüşvət verib, insanlar hələ də sevgililərin sevişməsini eşidəndə xaç görmüş vampirə dönürlər, bir sözlə 2020ci ildə qafqazın gözəl amma yalnız bir ölkəsində insanlar cahildirlər, avamdırlar, 21ci əsrdə elm və texnologiyanın ən yüksək həddində belədirlər. bir də 100 il əvvəli təsəvvür edirsiniz? bax bu insanların 100 il əvvəlki versiyalarının yaşadığı bir yerdə bu adam bir neçə yoldaşıyla birgə dövrünün ən demokratik respublikasını qurmuşdu. bizim indiki şəraitdə o vəziyyətə çatmağımız heç real görünmür. indi o adamlara yaxşı heçnə eləməyib demək üçün gör necə bir peysər olmaq lazımdı. axırıncı cümləyə qədər yaxşı gəlmişdim amma saxlayammadım e özümü. üzrlü sayın.məhəmməd əmin rəsulzadə
əjdaha lazımdı
izlə
dostlar
mən
googlla
məhəmməd əmin rəsulzadə ensiklopediyası - 28 may - azərbaycan demokratik respublikası - respublika günü - aztv - azərbaycansayağı türkcə - müsavat - bakı dövlət universiteti - ramiz mehdiyev
başlıqdakı ən bəyənilən yazılar:
+37 əjdaha
88. "Skvaznyak" adlı məqaləsində mükəmməl metaforadan istifidə edən şəxsiyyət. Pyotr dövründə imperiyanın əsas məqsədi qərbə açılmaq idi. Eyni zamanda, azərbaycandakı molla rejimi isə şərqə açılmaq üçün çalışırdı. Bu vəziyyəti rəsulzadə belə izah edirdi ki, hər iki tərəfdən (həm qərbdən, həm şərqdən) açıq pəncərə "skvaznyaka" səbəb olur. Və xalq, beləliklə, "xəstələnirdi".+20 əjdaha
34. "amerikanin səsi" radiosu ilə azərbaycan xalqina müraciət edən dahi ulu öndərimiz.1953-cü ilin 28 mayinda azərbaycana xitabı
--spoiler--
əziz vətəndaşlarım!
amerikanın səsi radiosunun verdiyi imkanlardan istifadə edərək bu gün azərbaycan tarixinin ən böyük günü olan 28 mayısda sizlərə xitab edirəm. 100 il sürən çar əsarətindən sonra bundan 35 il əvvəl azərbaycan şurayi-millisi, azərbaycan cümhuriyyətinin istiqlalını bütün dünyaya elan etdi. o tarixdən əvvəl bir millət olaraq varlığını isbat edən azərbaycan xalqı, bu tarixdən etibarən millət olaraq bir dövlət qurmuş və bu dövlətin istiqlalı bütün mövcudiyyətilə meydana atılmışdır. mədəni bütün bir tərəkəyə (mirasa) malik olan vətənimiz siyasət sahəsində çox böyük və dəyərli həmlələr göstərmişdir. istiqlal uğrunda yapılan tarixi savaşların ən qanlısı 19-cu əsrin başlarında rusiya çarlığına qarşı yapılmışdır. 30 ilə qədər sürən bu savaş qəhrəmanlıqlarla doludur. cavad xanın 1904-də gəncədəki şanlı qəzası dillərdə dastandır. "ölmək var, dönmək yoxdur". bu həqiqi vətənpərəstlərin tətbiq etdikləri ən müqəddəs bir şüardır.
28 mayıs 1918-də, istiqlalını elan etməklə azərbaycan tarixinin təbii bir nəticəsini fikirdən işə keçirdi. eyni zamanda, o zəmanəyə hakim olan əsrin böyük şüarından istifadə edirdi. “hər millət öz müqəddəratını özü həll etməyə səlahiyyətdardır” düsturunu xalqın ümumi rəyinə uyaraq istiqlalını elan edirdi. istiqlal elanı üzərinə qurulan milli azərbaycan hökuməti, az zamanda məmləkətdə çox böyük işlər gördü. 100 ildən bəri əsgərlikdən mənedilən (qadağan edilən) azərbaycanda bir ordu yaratdı. çarlıq zamanında dövlət idarəsinə yaxın buraxılmayan azərbaycanlılardan zabita və əmniyyət qüvvətləri vücuda gətirdi. sosial sahədə əsaslı islahata girişdi. kəndlilərə torpaq vermək üçün qanunlar hazırladı. fəhlələrin haqlarını qorumaq üçün tədbirlər aldı. xalqı az zamanda oxutmaya başladı. türkcəyi dövlətin rəsmi dili elan etdi. orta və ali məktəblər açdı. qərbi avropa demokrasiyaları tipində, xalq nümayəndələri cavabdeh bir hökumət üsul-idarəsi yaratdı. hakimiyyət, millət məclisinin əlində idi. parlamentodan etimad almadıqca heç bir hökumət iş başında qala bilməzdi. məmləkətdə tam bir azadlıq vardı. o zaman indi sovet zamanında olduğu kimi terror deyilən şeydən heç bir əsər yoxdu. şəxslər də, məskənlər də əmin və amanda idi. vətənin qapıları indi olduğu kimi bütün dünyaya qapalı deyildi. hər azərbaycanlı, istədiyi zaman hara istərsə gedərdi. qonşu və avropa dövlətləri ilə dostluq münasibətləri təsis edilmişdi. bütün millətlərlə alış-veriş vardı. bütün bunların nəticəsində idi ki, cümhuriyyətimizin istiqlalı avropa dövlətləri ilə birləşik amerika tərəfindən tanındı. onları təqibən böyük bir çox dövlətlər dəxi istiqlalımızı tanıdılar. türkiyə ilə iran, azərbaycanla münasibətə gəldilər. aralarında dostluq və qardaşlıq muahədələri (əhdnamə, müqavilə) imzalandı. 12 yanvar 1920 cümhuriyyətin dövlətlər tərəfindən tanınması günü idi. bu günü azərbaycan xalqı candan bayram etdi. bu, həqiqətən böyük bir bayramdı. çünki bu gündən etibarən azərbaycan davası, rusiyanın bir iç məsələsi olmaqdan çıxmış, millətlərarası bir məsələ olmuşdu. mədəniyyət tariximizin şanlı fikir adamları tərəfindən alqışlanan azadlıq və istiqlal fikri məmləkətimizdə yerləşdi və bu illər dünya demokrasiyası tərəfindən təqdir ilə qarşılandı. 100 ildən bəri üstümüzə çökən istibdad və istila xəyuləsi (xəyal) artıq bizdən uzaqlaşdı.
heyhat! qədər (tale) imtahanları tamam deyildi. qanlı çar istibdadının yerini bu dəfə ondan daha qanlı bolşevik istibdadı tutdu. bala azadlıq istiqlalımız qızıl istilaçıların ayaqları altında əzildi. müqavimət edən məmləkətdə qan gövdəyə çıxdı. bundan bir ay əvvəl 28 apreldə sovet propaqandaçıları bu qanlı istila hərəkətini sizə azadlıq və istiqlal hadisəsi kimi göstərdilər. sizə dünyanın ən azad və demokrat rejimi kimi kəlama verilən sovet quruluşu, işdə qəddar və ən yalançı bir istibdad rejimidir. müqayisə etmək imkanında olsaydınız bunun nə qədər doğru olduğunu gözünüzlə görürdünüz. azadlığımızı əlimizdən alanlar, millətdən qorxmurlarsa dəmir pərdəni qaldırsınlar, azadlık elan etsinlər. edə bilməzlər. çünki ağla qara meydana çıxar. onlar səptərə (yarasa) kimidilər, günəşdən qaçarlar.
azərbaycan, onunla bərabər bütün qafqasya cümhuriyyətləri həqiqi azadlık ve istiqlalına 1918-in mayısında qovuşdular. 1920-də isə bu azadlıq və istiqlal, qızıl rus ordusu tərəfindən üstün qüvvətlərlə, qanla ve atəşlə basdırıldı. faciələr və qəhrəmanlıqlarla dolu olan bu mücadilədə on minlərcə vətəndaş şəhid oldu. 1920 istilasına qarşı 1918 istiqlal haqqını müdafiə edən qafqasya millətləri indi 33 ildir ki, müxtəlif vasitələrlə mücadilə edirlər. zaman-zaman dramatik şəkillər alan bu mücadilədə vaxtı ilə yalançı kommunist şüarlarına aldanan yol azmış bəzi vətəndaşlar belə, bu gün həqiqi milliyyətçilər və vətənpərvərlər cəbhəsinə keçmişlərdir. yabançı istilası üzərinə əcnəbi məmləkətlərə çıxmış olan qafqasya mühacirləri, milli istiqlal davasını mədəni dünya əfkarı-ümumiyyəsinə (ictimai fikir) anlatmakdadırlar. bu vəzifəni ifa edərkən nə kimi müşküllərə uğradığımızdan bəhs etməyin burada yeri deyildir. bu qədər demək lazımdır ki, sovetlərdə kommunist rejiminə düşən millətlərin hər dürlü haqq və hüquqdan məhrum qullardan ibarət cəmiyyətlər halına gəldiyini azad dünyaya anlatmaq çox çətin olmamışdır. şükür ki, hadisələr bizə kömək edir. dünya sovet həqiqətini görməyə başlayır. 8 ildən bəri hərbi bitirmişkən sülhə qovuşa bilməyən dünya, artıq məsələni anlayır. bilir ki, azadlıq və insan haqlarını inkar edən kommunistlər, müəzzəm bir dövlət halında ayaqda durduqca və dünyanı inqilab atəşilə yandırmaq üçün könlü çəkdikcə yer üzündə heç bir zaman sülh və asayiş buluna bilməyəcəkdir. azadlıq, cahanşümul bir fikirdir. bir tək əsir insan, bir tək əsir millət qaldıqca, dünya həqiqi azadlıq və əmniyyət üzü görə bilməz. 1918 mayısındakı tarixi qərarları ilə azadlıq denən (deyilən) millətlər cəbhəsində yer alan qafqasya millətlərinin müqəddəratları, azad millətlərin müqəddəratları ilə bağlanmışdır. rusiyadan ayrılmanın bir irtica, başqalarından ayrılmanın bir inqilab olduğunu söyləyən sovet diktatoru stalin ölmüşdür, amma onun iki üzlü sistemi, stalinizm, hələ ayaqdadır. bu sistem gün keçdikcə dünya həqiqətləri ilə qarşılaşmaqda, haq ilə batil, yalan ilə doğru üz-üzə gəlməkdədir. şübhəsizdir ki, bir gün həqiqət parıldayacaq, azadlıq əsasını, birləşmiş millətlər prinsipini və insan haqlarını tutan tərəf qalib gələcəkdir. bu qalibiyyət günəşi, qızıl istibdad zülmü altında inləyən əziz vətənimizdə 1918-in 28 mayısı kimi yenidən doğacaqdır. buna qətiyyən şübhə etməyiniz.
vətəndaşlar! üçrəngli istiqlal bayrağını döşlərində gəzdirən buradakı vətən ayrısı bizlərdən, orada hər dürlü qorxu və təhdid altında qəlbləri istiqlal eşqiylə çırpınan azadlıq ayrısı sizlərə candan salamlar göndərir, 28 mayıs istiqlal qurbanlarının əziz ruhları hüzurunda hörmətlə əyilir və hər iki tərəfi birləşdirən milli böyük həsrəti, şairin deyişiylə dilə gətirirəm:
sən bizimsən, bizimsən, durduqca bədəndə can,
yaşa, yaşa, çox yaşa, ey şanlı azərbaycan!
--spoiler--
+15 əjdaha
50. Məhəmməd Əmin Rəsulzadənin adına artıq burs/scholarship programıda var. Amerikadaki Azərbaycanlilar Congressi terefinden desteklenir. Amerikada tehsil alan aşağı gelirli aileler üçün nezerde tutulub. Sadece mükafat bir semestr verilir ve 500-3000$ arasıdır. Daha etraflı olaraq link
melumat ala bilersiniz. Miqdar kiçik olsada daşıdığı ad böyükdür. Liderimiz deyer verilmediği memleketde atılmiş müsbet addım kimi görürem. Bunu heyata keçiren insanların ,congressin ellerinden öpurem.
+13 əjdaha
17. (bax: ingilis bayrağı)+13 əjdaha
20. əsl ulu öndər ,bəzi solçu peysərlərin faşist adlandırdığı dahi əcdadımız+13 əjdaha
54. sabah ad günüdü tam olaraq 133 yaşı tamam olacaq ölkəmizin qurucularından. ad günün mübarək.+11 əjdaha
15. öz ideyalarına sadiq olmayan insan. azərbaycanlıları "yalançı nasionalizm və utopik pan-islamizmi sinfi mübarizəyə qurban verirlər" deyə tənqid edib * 1907-ci il bakı həftəsi qəzeti sonradan tənqid etdiyi düşüncəni qəbul edən şəxs.+12 əjdaha
52. bugün sizin cümhuriyyətinizin üstünə hərəmiz daha bir kürək də torpaq atdıq. düzdür, biz sizin yaratdığınız dəyərlər qarşısında o qədər balaca adamlarıq ki, 1 əsrə yaxındır, irsinizi torpaqlayırıq, torpaqlayırıq, basdıra bilmirik. hələ də bu lənətlənmiş ölkənin üzərində "respublika" sözü qalır.amma elə qalır ki, kimsə bunun sözdən başqa bir şey olduğuna inanmır. çünki sizdən sonra hakimiyyətə gələnlər hələ də hakimiyyətdədir. 1 il fasilə verməklə, o vaxtdan bəri sizin 23 ayda qurduğunuz irsi dağıtmaqla məşğuldurlar. 2016-cı ildir, hələ də bunun öhdəsindən tam gələ bilməyiblər.
tarixi irs heç də birinci dərəcəli rol oynamalı deyil. amma bizim artıq ondan başqa heç nəyimiz yoxdur. sizdən sonra biz demokratiya, azadlıq uğrunda şəhidlər verməyə davam etdik. mübarizəmizi həmişə apardıq. bəlkə də bununla sizə layiq ola bildik.
amma bu gün... illərdir davam edən rüsvayçılığın bu pikində sizə layiq ola bilmədik. biz bir qrup quldurun qabağında sizin qurduğunuz respublikanı qoruya bilmədik. biz monarxiya olmağa susduq. müstəqil azərbaycan monarxiyası – tarixdə bir ilkdir. bu adda yalnız respublikalar olmuşdu. biz bu adın ləkələnməsinə də susduq.
elə 1920-ci ildə olduğu kimi, yenə də demokratiyanın, qərb dəyərlərinin sərhədləri bizi içinə almır. bu gün həmin qərbdən şəxsiyyətini pula, kürüyə satan deputatlar gəlmişdi. gəlib həmin dəyərləri də burada satdılar. çünki avropanın sərhəddi borçalı ilə qazağın arasından keçir, biz orda deyilik. inanırıq ki, vaxt gələcək, biz o dəyərləri bu ölkədə hakim qıla biləcəyik, biz hər nə cür olsa da, o sərhədlərin içinə girə biləcəyik.
amma əmin olun ki, heç kim siz edəni etmir, ya da edə bilmir. biz sizin hər ölkəyə gedəndə bir qəzet çıxarmağınız barədə oxuyanda bunu möcüzə hesab edirik. biz sadəcə ağzımızı açıb özümüzdən böyük iş görənlərin əməllərinə baxırıq. özümüz isə... sadəcə sosial şəbəkələrdə boş-boş yazılar yazırıq, zarafatlar edirik, respublikanın basdırılmasına elə-hey gülürük. amma bu xalqda qalan bir balaca vicdan da elə bizdədir. bu gün gənclərin çoxu içirdi. qaldıra bilmirdilər məğlubiyyətin ağırlığını.
indi isə sizin şəkliniz metrodan söküləndə, adınız cümhuriyyət abidəsinə yazılmayanda necə susmuşdularsa, yenə də elə susurlar. susmaq hüququmuza görə də, bütün digər hüquqlarımız kimi sizə borcluyuq. o möhtəşəm tarixi irsi yaradan bir qrup insana. indi bizim bir qrup quldura yaltaqlanan milyonlara qarşı bizim əlimizdə cəmi 2 arqument var – cümhuriyyət və 1992-nin milli hökuməti. vəssalam.
biz sadəcə tarixi irsimizdən asılıb qalmışıq. ola bilər ki, qopaq, düşək və itək bu qloballaşma çağında. bilmənizi istərdim ki, biz məğlub olduq. xalq olaraq, uduzduq, alçaldıq, bir neçə milyonluq yaltağa, bülletendaşıyana çevrildik. bu, elə bir günahdır ki, bunu bağışlamaq olmaz. sizin xalq sizin irsdən yapışa-yapışa bütün yaratdıqlarınızın məhv olmasına susur.
(c) meydan tv - zaur qurbanlı
+12 əjdaha
27. rəsulzadə deyiləndə mənim ağlıma ilk bizim köhnə daha doğrusu indi yaşamadığımız evimizdəki rəsulzadə şəkli gəlir. ağlımdadı böyük bir şəkil idi əmilərim atam babam evə gələn digər köhnənin kişiləri bizə belə biri lazımdı deyirdilər ilham dılğırı yox. sonra tez-tez xırdalana gedib ordakı evimizdə qalmağa başlayanda şəkil ortadan yox oldu nə olduğunu bilmədim 10 yaşım olardı hardasa, oturub ağlamışdım çünki həqiqətən haqqında çox şey bilməsəm də o mənim ağlımda əsl kişi kimi qalmışdı, öldüyünü bilirdim amma sanki şəklə baxanda hələ də onu yad edirdim, şəkil olmayanda özümü bir an boşluqda hiss etdim. özü də şəkil çox böyük idi mən gözümü açandan o şəkili orada görürdüm mənim bir növ babam kimi idi məndə həqiqətən yeri böyükdü.sonra 28 may metrosunda da illər sonra onun şəklini götürdülər yenə eyni hisləri keçirdim. böyüyəndə yaxşı başa düşməyə başladım nəyə görə hakimiyyətin onu istəmədiyini, çünki ilk azərbaycan xalq cümhuriyyətini o qurmuşdu, ancaq ulu qəhbə başa düşdü ki, rəsulzadə olan yerdə onun yeri yoxdu və yavaş-yavaş rəsulzadə gerçəyini aradan qaldırmağa başladı, 28 may da bele hətta ekranlara ulu qəhbənin şəkli qoyulur sanki o hər şeyi edibmiş kimi.
sonda onu demək istəyirəm ki əziz umbaylar yazarlar partizanlar moderatorlar çalışın bizə yedirilməyə çalışılan ulu söhbətinə aldanmayın . ulu deyə bilmərəm amma bizə öndər yol göstərə bilən şəxsiyyətlər varsa o da rəsulzadə elçibəy kimilərdi.
+12 əjdaha
26. təxminən 14 gün sonra patriot gənclərin profil şəkli olacaq şəxs.edit: gəl mənfilə blət.
+12 əjdaha
89. bu gün 139-cu doğum günü olan Azərbaycan xalq cumhuriyyətinin qurucularından biri.gəlin bu gün onun fotosunu storilərdə paylaşaq, haqqında pafoslu, gözəl cümlələr deyək, indiki hökuməti tənqid edək, ölkədəki heykəllərə "bütpərəstlik, şəxsiyyətə pərəstiş" adı altında qarşı çıxaq, amma(!) onun heykəllərinin qoyulmasını istəyək; hər işimizi korrupsiya və rüşvətlə görməyə çalışsaq da yenə də demokratiyadan dəm vuraq; savadlı, vicdanlı insan olmaqçün çalışmayaq, ancaq demokratik azərbaycan arzularımızı, səsimizin sayılma istəyini dilə gətirək və ən əsası isə, illərlə vəzifədə oturan məmuru söyək, lakin özümüzə gələndə isə nəinki dövlət və işlədiyimiz müəssisə səviyyəsində, hətta adicə məişət və günlük zəmində belə əlimizə keçən ən kiçik iqtidar, ixtiyar və güc zamanı özümüzü itirib bunu öz şəxsi mənafelərimiz uğruna xərcləyək, əlimizdən çıxmasın deyə hər yola əl ataq və başqalarının da qabağını kəsək.
+12 əjdaha
43. gözəl insan,böyük demokrat. qadınlara seçkidə iştirak hüquqi verərək avropada belə demək olar görünməmiş bir addıma imza atmışdır. haqqında bir pox bilmədən ağzına gələni danışıb,özünü fərqli göstərməyə çalışan yazıqlar isə sadəcə utanmalıdır. bəli,özlərin fərqli göstərmək istəyirlər. bunun başqa səbəbi ola bilməz çünki rəsulzadə nə diktator,nə türk irqçisi, nə də faşist olub. elədiyi tək şeysə azərbaycan xalqın müstəmləkə vəziyyətindən azad edib demokratiya gətirməsidir. bəli,rəsulzadə məhz bunlara görə vicdansızca söyülür,haqqında iyrənc şeylər deyilir...+13 əjdaha
97. Bugün ad günüdür -*
+12 əjdaha
58. azərbaycanın qurucusu. doğru və ya yanlış siyasi həmlələrindən asılı olmayaraq tariximizin ən ədalətli liderlərindən biri. əcdadı bir poxa yaranmayanların əcdadına hörmət duyanlara mız qoyması nəticəsində haqqında boşboğazlıq edilən şəxs.+12 əjdaha
7. azərbaycanlıların əsl ümummilli lideri. ulu öndər+10 əjdaha
87. ingilis agenti. bu insanın üzərinə ideologiya qurmaq istəyənlərin tarix biliyi sıfıra bərabərdir.+9 əjdaha
71. Heç bir yerdə adının çəkilməsinə icazə verilməyən, üstündə adı olan yazısı sökülən, unutdurulmağa çalışan; bizə cümhuriyyət ve demokratik dəyərlər miras buraxan insan.Buna baxmayaraq, azərbaycanda bəzi kəsimlər adını eşidən kimi “bıtlışdırırsız” deyir. iki dənə ekşidə atatürk başlığında oxumusuz yəqin, ordan deyirsiz. iki nəfər müxalif facrbookda şəkil qoydu deyə bütləşdirilmədi heç kəs.
+9 əjdaha
57. azərbaycanda müəyyən bir topluluğun sitayiş etdiyi siyasətçi. sitayiş edənlər elə davranırlar ki sanki bu gün "müstəqil" isək ona borculuyuq.+8 əjdaha
74. doğum günün mübarək, bəy.+7 əjdaha
69. azərbaycanlıların hələdə qəbrdən çıxıb onları xilas edəcəyini düşündüyü şəxs. niyəsə mənim üçün heç vaxt heçnə ifadə etməyib. bəlkə ona görə ki tanrının ya məhəmmədin olub olmaması hal hazırdakı həyatını zərrə qədər dəyişmir?+7 əjdaha
55. mənim üçün azərbaycan tarixində yaşamış 1-2 əfsanə şəxsiyyətdən biri.biz hələ azərbaycan üçün onun etdiklərinin bir faizini etməmişik ki onun harda səhv falan etdiyini müzakirə edə bilək.
yeri gəlmişkən bu gün onun ad günüdür. ad günün mübarək azərbaycan.
+8 əjdaha
93. 1902-ci ildə müsəlman gənclik təşkilatını, 1911-ci ildə azərbaycanın ilk siyasi təşkilatı olan müsavat partiyasını yaradan qurucu babamız. 1918-ci ildə azərbaycan xalq cümhuriyyəti milli şurasının sədri. dünya tarixində həm stalinlə həm də hitlerlə yaxın münasibətdə olmuş yeganə siyasətçi. "bir kərə yüksələn bayraq bir daha enməz!" ifadəsinin müəllifi. bu gün vəfatının 68-ci il dönümüdür.düşüncələrindən bir neçəsi:
1. azadlıq, cahanşümul bir fikirdir. bir tək əsir insan, bir tək əsir millət vaqii qaldıqca, dünya həqiqi azadlıq və əmniyyət üzü görə bilməz!
2. ancaq dövlətçilik uğrunda öz mübarizəsində birləşmiş xalqlar istiqlaliyyət qazanacaqlar. Çünki ancaq onlar birlik və dəyanətdən doğan ideallarına və özlərinə inama malik ola bilərlər.
3. insanlara hürriyət, millətlərə istiqlal!
4. istiqlal xanların, bəylərin, ağaların degil; azərbaycan xəlqinin, bütün millətin amalı, ən müqəddəs idealıdır.
(bax: xalq)
5. müstəqillik, azadlıq, dövlətçilik istedadı xalqımızın qanında, tarixi yaddaşımızdadır.
6. yavru quşcuğazı qəfəsə salınca haray edər, bağrı çatlar. insanın isə azadlıq günəşini kimsə əli tutunca eyni sonluq olar. azadlıq günəşinizi qaptırmayın kimsələrə, azad bir quş qədər xoşbəxti yoxdur cahanda.
7. azərbaycan davası üç-beş kişinin ( şəxsin) həyatilə ölçüləcək kiçik bir dava deyildir.
8. azərbaycan, həqiqətən, turan torpağının gözəl bir parçasıdır. Əski Albaniya, Şirvan, Arran və Bərdə ölkəsindən meydana gələn bu yeni azərbaycan, zəngin mədənlərindən başqa, təbii gözəlliklərdən də pay almış bir yamyaşıl yerdir.
9. əgər, qadın aciz, öz haqlarından məhrum və cahildirsə, deməli, millətin yarısı xəstə, iflic vəziyyətdədir.
10. haqq verilməz, alınır! Budur, türk inqilabının təsdiq etdiyi əski həqiqət!
11. millətlər ailələrdən təşəkkül edər. sağlam olmayan ailələrdən təşəkkül edən millətlər sağlam millət ola bilməzlər.
12. əqidə, amal və məsləki yolunda ölümünə hazır olub da nəfsini fəda edən kim olur-olsun böyükdür.
(baxma: fədakar)
13. nə qədər böyük məqsədlə də olsa, namus sərf olunmaz!
14. mətbuat azadlığı insan azadlığının əsas sütunudur, çünki o, əqlin, təfəkkürün əsas qüvvəsidir.
(bax: azadlıq)
ruhun şad olsun, ulu və əbədi öndər!
+8 əjdaha
40. azərbaycanı xilas etmiş şəxs. öndər! məmməd əmin rəsulzadə 1918-ci ildən əvvəl də azərbaycan tarixində siyasi rol oynamışdı.azərbaycanın həyatında vacib rol oynamamışdı rəsulzadə? o boyda imperiyanın tərkibindəki kiçik, cahil bir xalqı müstəqilliyə qovuşdurdu, da bundan artıq nə eləsin amk?! ilk universiteti açdı, xaricə 10-larla tələbə göndərdi. əgər azərbaycan xalq cümhuriyyəti qısa müddət fəaliyyət göstəribsə, bu rəsulzadə və ətrafındakılarının bacarıqsızlığı deyil, 2 ölkə tərəfindən təklənməsi idi.
cümhuriyyət qurmaq, əsas da ilk dəfə olaraq xalqın hakimiyyətinə, demokratiyaya əsaslanaraq dövlət qurmaq, xalqa bu qədər böyük bir missiya vermək elə də asan iş deyil. cəmi bir neçə ilin məhsulu idi orda yaşananlar. "molla nəsrəddin"in, rusiyada təhsil almış bəy övladları - yeni nəsil ziyalılar - ın hesabına xalqa gözüaçıqlıq gətirməyə çalışırdı bir neçə nəfər.
əgər osmanlı olmasaydı, çətin ki, cümhuriyyət bu qədər yaşayardı. qurulan bu dövlətdə onların rolu böyük idi. çünki müstəqil olmağın mənasını onlar bilirdi. azadlığın qədrini müharibə illərində onlar fərq edirdi. onların dəstəyi ilə bakı qaytarıldı, ölkəyə müvəqqəti sabitlik gətirildi.
daha sonra osmanlı məğlub olduqdan sonra azərbaycan ərazisindən çıxdı. onsuzda özünün dərdi özünə bəs eləmirmiş kimi, bir də azərbaycana köməklik etmək çətin idi. daha sonra rusya aktivləşdi, ermənilərə əlbir olaraq 28 aprel ərəfəsində ermənilərin qarabağda hücumu başlamasına səbəb oldu. azərbaycan ordusu ermənilərlə mübarizə apararkən rus ordusu bakıya girdi.
indi burda rəsulzadənin bir günahı varmı? azğın ruslar və ermənilər belə bir kin bəsləməsəydi bizə qarşı, hər şey düşünüləndən daha yaxşı ola bilməzdimi? azərbaycan xalq cümhuriyyəti dövlət xadimlərinin bacarıqsızlıqlarına görə yox, dünyəvi-tarixi şəraitə görə süqut etdi.
məmməd əmin rəsulzadə daha sonralar almaniyada azərbaycan cümhuriyyətini bərpa etməsi üçün var-gücü ilə çalışdı. hitlerə ruslardan, ermənilərdən xilas olmaq üçün dəstək oldu.
son anına qədər sevdi azərbaycanı rəsulzadə. "azərbaycan, azərbaycan, azərbaycan" dedi son nəfəsində. belə bir adamı "öndər" adlandırmamaq bir baxış açısı deyil, cahillikdir.
əlavə: indi nolsun ki, bu gün 28 mayda azərbaycan televiziyasında heydər əliyevli bayraq qoyulur, 28 may stansiyasından şəkli yığışdırılır, verilişlərdə adı çəkilmir, bu gün yolda luboy gədə-güdədən soruşanda heydər əliyevin bütün xronologiyasını deməsinə baxmayaraq, rəsulzadəni tanımır? bu da onların ayıbıdır!
əlavə 2: başa düşmək istəmirlər, anlamaq istəmirlər. lakin yenə də əlavə edəcəyəm.
mən yuxarıda nə yazdım? bir əvvəl, bir axırdan oxumaqla deyil, sözlükdaşım. mən, yəqin ki, açıq-aydın qeyd eləmişdim hər şeyi.
indi xahiş edirəm, mənim yazdığımın əksini fikirləşənlər əvvəldən axıra kimi oxusunlar. burada, tamamilə, bitərəf olacağam.
ilk öncəliklə yenə də hər 2 dövlətin tarixlərinə qeyd etmək istədiyim məqamlar var. əvvəlcə, osmanlı dövləti qurtuluş savaşı deyilən müharibədə böyük qəhrəmanlıq göstərdi. qəbul. ancaq türkiyənin o dövrdə belə mahir olmasının səbəbi 700 illik ordusunun olması idi. 700 il ərzində dövlətdə ordu mövcud olmuşdu. hər kəs hərb təlimi keçirdi və demək olar ki, ölkədəki bütün əli silah tuta bilən kişilər bir hərbçi olaraq yetişdirilirdi. bura kimi düzdürmü? düzdür.
indi isə azərbaycana toxunmaq istəyirəm. bəs azərbaycandakı hərb sənətində nə yenilik var idi? 1828-ci ildən bəri azərbaycanda rus qoşunları yerləşdirildi (söhbət azərbaycanın şimalından gedir). daha sonra onlar xalqda hərbi unutdurmağa başladılar. bunun əsas səbəbi, əlbəttə, hər böyrədilmiş camaatın onlara üsyan qaldırmaması idi. göründüyü kimi onsuzda bir neçə aydan bir köhnə xanlıqların orduları üsyan qaldırırdı. buna görə də rus dövləti qarşısına bir məqsəd qoymuşdu. xalqa hərb sənətini unutdurmaq. daha sonra bəy oğulları, imkanlı ailələr, hansı ki, nəsilləri xanlara və adlı-sanlı bəylərə gedib çıxır, oğullarını rusyaya hərb sənətini öyrətməyə göndərdilər. bu iş həm rusiya, həm də bəy ailələrinə sərf edirdi. ailələr üçün "dövlət qulluğu", ruslar üçün onlara sadiq olan qulluqçular. bu hərb təlimini öyrənən gənclər o dövr müşahidə edildiyində olduqca az idi. qalan əhali isə ancaq uzaqbaşı əlinə silah alıb adam qovalıyacaq qədər professionallıqda idilər.
digər bir problem silah problemi idi. osmanlı zəngin bir cəbhanə, azərbaycan isə kiçik bir silah anbarı kimi idi.
azərbaycanda hərb məktəbi açılmışdı, sırf düşmənlərdən müdafiə olunmaq üçün professional hərbçilər yetişdirmək üçün. lakin buna da ömür çatmadı. azərbaycan işğal olundu.
yenə qeyd edirəm ki, məmməd əmin rəsulzadə böyük öndər idi! və azərbaycan xalq cümhuriyyəti beynəlxalq siyasi vəziyyət ucbatından süqut etdi.
+6 əjdaha
24. haqqında ilham əliyevin yeni sərəncam imzaladığı şəxs:2014-cü ilin yanvar ayında azərbaycan xalq cümhuriyyətinin banilərindən biri, azərbaycan milli şurasının sədri məhəmməd əmin rəsulzadənin anadan olmasının 130 illiyi tamam olur.xalqımızın müstəqillik idealının gerçəkləşdirilməsində, azərbaycanın tarixi dövlətçilik ənənələri zəminində milli dövlət quruluşunun dirçəldilməsində, milli istiqlal ideyalarının geniş yayılmasında böyük xidmətlər göstərmiş və siyasi publisistikası ilə ədəbi-ictimai fikir tariximizə layiqli töhfələr vermiş görkəmli ictimai-siyasi xadim məhəmməd əmin rəsulzadənin 130 illik yubileyinin keçirilməsini təmin etmək məqsədilə, azərbaycan respublikası konstitusiyasının 109-cu maddəsinin 32-ci bəndini rəhbər tutaraq qərara alıram:
1. azərbaycan respublikasının mədəniyyət və turizm nazirliyi azərbaycan milli elmlər akademiyası, azərbaycan respublikasının təhsil nazirliyi və digər aidiyyəti qurumlarla birlikdə məhəmməd əmin rəsulzadənin 130 illik yubileyinə həsr olunmuş tədbirlər planını hazırlayıb həyata keçirsin.
2. azərbaycan respublikasının nazirlər kabineti bu sərəncamdan irəli gələn məsələləri həll etsin.
ilham əliyev
azərbaycan respublikasının prezidenti
bakı şəhəri, 22 noyabr 2013-cü il.
indi gəlsin bu rəsulzadənin tarixdən silinmək təhlükəsi ilə üz-üzə qaldığı barədə osturağa basan yazarlar cavab versin. bu necə silinməkdi ki, ilham əliyev onu daha da gözümüzə soxur.
+8 əjdaha
4. (baxma: bir kere yükselen bayrağın bir defelik enme hekayesi)+8 əjdaha
14. bolşeviklərə belə demişdir: kommunizm nə yaparsa yapsın, rusiya imperializmi hangi rəngə girirsə-girsin, meydanda bir həqiqət var: millətlər kəndilərini tanımışlar.şərq millətlərinin xilas və nicatına aid şüarlar ilə bolşeviklər sözdə millətlərin hüququna, hürriyyətinə və istiqlalına hörmətkardırlar. içdə isə digər imperialistlərdən heç də fərqli deyildirlər.
+5 əjdaha
23. dünən bir daha tanrı olduğuna inandığım şəxs. elə-belə deyil, bizim müxalifətçi güruhun büt kimi, allah kimi tapındığı şəxsiyyətdir, bir pox da yeməyib əslində. adama deyirəm, "o lider filan deyil", qayıdır ki, "kimdi lider? heydər əliyev?" bu cavabı eşitdinizsə durun sikdirin ortamdan, gedin avtoş dönərdə işə girin varovskoy söhbətlər dinləyin, daha çox məlumat qazanarsız dünya haqda.+6 əjdaha
72. "irəvan, Zəngəzuru verdi" deyə daşlasalar da, əslində bu verilmə fikrinə etiraz edən adam. O aralar ermənilər yenə edib ibnəliklərini. Milli məclisdə səs üstünlüyünə görə qəbul edilib qərar. Qəbri Ankarada eski mezarlık deyilən yerdədir. Gələn ay ilk dəfə qəbrinə baş çəkəcəm. Düzü qarabağ məsələsindən sonra könlüm açıq gedəcəm deyirdim. Amma indi əmin deyiləm. Dərd danışmağa gedəcəm deyən.Kim nə deyir desin, bu gün pis, yaxşı ölkəmiz olmağına, ölkənin adının olmağına səbəbiyyət verən insanlardansan, bəy!
+7 əjdaha
61. azərbaycan tarixinin ən şanlı səhifəsinin yazılmasına səbəb olan şəxslərdən biri.ruhunu moskvaya satmış,solcu görünüşlü vətən xainlərinin təhqirlərinə,böhtanlarına baxmayaraq digər əqidə yoldaşlarıyla birgə xalqın qəlbində yaşayan azərbaycanlı siyasətçi.+5 əjdaha
12. microfaşist.+10 əjdaha
84. 1999-cu ildə Rəsulzadənin Bakı Dövlət Universitetindəki büstü götürülüb.2000-ci ildə Bakı Dövlət Universitetindən Rəsulzadənin adı silinib.
2000-ci ildə Ağcabədidə büstü götürülüb.
2007-ci il Ağsudan heykəli götürülüb.
2007-ci ildə Kukla Teatrı önündə abidə ucaldılacağı barədə məlumat olan lövhə götürülərək, əvəzində fəvvarə quraşdırılıb.
2011-ci Qobustandakı heykəli götürülüb arxivə verilib.
2012-ci il Sabirabaddan büstü götürülüb.
2012-ci il Tərtərdən büstünü götürüb, yerində Yeni Azərbaycan Partiyası Tərtər Rayon Təşkilatının binası tikilib.
2013-cü ildə Bakıda 28 May metrostansiyasının təmiri zamanı qarelyefinin üzərindən mərmər kafel vurularaq üzəri örtülüb.
2013-cü il Gəncədəki abidəsi hasarlanıb.
2015-ci ildə "Bakmil" metrosu stansiyasının yanında depo ərazisində büstü sökülüb.
mənbə vikipediya
+8 əjdaha
1. azerbaycan demokratik respublikasının qurucusu ve ilk prezidenti olmaqla beraber musavat partiyasının ilk lideri.+4 əjdaha
48. (baxma: məhəmməd bibin rəsulzadə)+5 əjdaha
45. fətəli xan xoyskinin, nəsib bəy yusifbəylinin və digər dövlət xadimlərinin adını hələ də anlamadığım səbəblərdən kölgədə qoyan şəxsiyyət. fəaliyyəti haqda 2 tərəfli məlumatlar var, amma niyə hər şeyi onun ayağına yazırlar o mənə maraqlıdır.+10 əjdaha
6. heykel var-mezara gömülsün gerek,. mezar var, heykeli ucalmalıydı ... lakin ucalmadı. bağışla bizi böyük insan, uğrunda canını verdiyin bu torpaqdan sene bir mezarlıq yer bele vere bilmedik. bizden adam olmuyub, olmuyacaqda. götürek bizim milletin 80 faizini. ne qeder demek olar bulara ay oğullar, besdir yaltaqlandız, el çekin bu ikiüzlülükden, şexsiyyetsizlikden. amma artıq dna'larına işleyib, neylemek olar. indi ikiüzlüllüyün, yaltaqlığın, şerefsizliyin teze adı var milli mentalitet. bezi mentalitetlilerin tüpürürem mentalitetine. özüde ele-bele tüpürmek yox aaa, xayxıraraq tüpürürem. ehhh ama ne menası, ele bilecekler yağış yağır... islanmışında ki, yağışdan ne qorxusu...+6 əjdaha
56. azərbaycanın atatürkü.. doğum günün mübarək ulu öndər..+5 əjdaha
59. çar rusiyasındakı qarışıqlıqdan istifadə edib özünə türk dövləti quran şəxs.(baxma: separatçı) * glş
+4 əjdaha
60. 1918ci ildə azərbaycan xalq cümhuriyyətinin əsas qurucularından və ilk prezidentidir. hal-hazırdakı bayrağımızı, gerbimizi, himnimizi,dilimizi, şəhərlərimizi, ölkəmizi və s. kimi dəyərlərimizi borclu olduğumuz şəxs. hakimiyyəti dövründə indikindən 22147 dəfə çox ipək istehsal olmuşdur. azərbaycanda ilk universiteti açmış(bdu), şərqdə və türk aləmində il demokratik resbublikanı yatamışdır.azərbaycan aşiqi. bu eşq uğrunda yoldaşı ,qızı və s. qohumları sürgün edilmiş, lakin ankarada ölərkən belə- həkiminin dediklərinə görə- 3 dəfə "azərbaycan, azərbaycan, azərbaycan" demişdir.(şəkər xəstəliyindəb vəfat etmişdir, qəbri ankaradadır.
+6 əjdaha
78. doğum günü olan azərbaycan siyasi xadimi. qurucu babalarımızdan biri. qurucu babalar sözü əslində amerika birləşmiş ştatlarının yaranmasında və sonrakı tarixində müstəsna rol oynamış şəxslərə deyirlər. onlarda bu rəqəm yeddidir.(baxma: founder fathers ).bizdə neçə nəfərdir, dəqiq bir say yoxdur. Məhəmməd sözü bizim dildə zamanla özünküləşdirilərək mamed sözünə çevrilib, necə ki bu türklərdə mehmetdir. dönəminə görə müstəsna xidmətləri olmuş siyasi xadimdir.azərbaycan xalq cumhuriyyəti, qısa adı ilə axc parlamentli respublika idi. yəni əsas işi parlament və onun başında duran baş nazir həll edirdi. zamanına görə həqiqətən çox işlər görüblər, saymaqla bitməz, həm də bu qədər qısa vaxt ərzində və bütün məhrumiyyətlərə və çətinliklərə baxmayaraq. amma və lakin, düşünürəm ki, bəlkə də bizə türkiyə cumhuriyyəti kimi ilk illərdə avtoritar bir lider lazım idi, tək partiyalı, tək şəxsiyyətli siyasət ki, bütün daxili və xarici təhlükələrə anında adekvat cavab verə bilək. təəssüf.. alınmadı.bir də məhşur bir kərə yüksələn bayraq söhbətini rəsulzadədən əvvəl rus generalı edib. o da ondan götürüb böyük ehtimal. yenə də sağ olsun. və bizim ilk bayrağımız əslində indiki türkiyə bayrağı kimi olub, sadəcə səkkizguşəli və dövləti yaradan da osmalının varisi kimi özümüzü qələmə vermişik. halbuki, hələ o zamanlar osmanlı nə qədər zəif olsa da, həyatda idi və bizim tarixən osmanlı ilə işğalçılıqdan başqa heç bir siyasi, mədəni əlaqələrimiz olmayıb. yaxşı ki, vaxtında general tomson gəlib bayrağımızı dəyişdirtdi. anlayıram o zamanlar turançılıq (ziya gökalp, əhməd bəy ağaoğlu və s.) güclü ideologiya idi, amma yenə də yeni dövlət üçün hər şeyi sıfırdan yaratmaq, öz dəsti xətti ilə daha yaxşı olar.
Ruhuna rəhmət diləyirik!!! bir gün mütləq bakıda sənin də anım məzarın olacaq!!! 3-cü respublika uzaq deyil...
+4 əjdaha
94. Səməd Vurğunun "26-lar" poemasından çıxarış:1)indi xəbər verim oxucuma mən
O «millət rəhbəri» Rəsulzadədən;
Toplamış məclisdə müsəlmanları,
Yağlı vədələrə tutmuş onları;
Deyir: "Türkiyəni çağıraq gərək,
Bizə kömək olsun qılınc çəkərək.
Parlasın ədalət, mehri-hürriyyət,
Ucalsın göylərə şərəfi-millət!"..
– Şarlatan!
– Afərin!
– Rəhbərə bir bax!..
– Vətəni yadlara bunlar satacaq!..
– Bir dayan!
– Nə dedin? – O bir xaindir.
Sözünün pərdəsi millətdir, dindir…
(«26-lar» poeması, Bakı, 1986, səh. 59).
--Elirza Turan xatirelerinde qeyd edir ki , "Rəsulzadə S.Vurgunun onu xain adlandirdigi poemasini oxuyandan sonra xəyallara daldı. Ona dedilər ki, görün S.Vurğun sizin haqqınızda nələr yazıb. Sizsə onu "Çağdaş Azərbaycan ədəbiyyatında" millətçi bir şair kimi təqdim etmisiniz." Onda Əmin bəy deyir ki, "Mən yanılmamışam. Əgər, o məni bu cür təsvir etməsəydi, başqa milli mövzuda olan şeirlərini nəşr etdirə bilməzdi. Həm də o mənim adımı xatırlamaqla unudulmaz etmişdir. Zəkalı oxucu dərhal mənim kimliyimlə maraqlanacaq və hər şey ona bəlli olacaq."
2) Ağır fikirlərə dalmış Şaumyan,
Xəyalı göyləri hey yara-yara,
Əlvida söyləyir qaranlıqlara…
Onun üzündəki fırtınaya bax!
Böyük bir həsrətlə boğulmuş rəngi;
Onun baxışları alovlanaraq,
Döyünür köksündə polad ürəyi,
Böyük bir həsrətlə boğulmuş rəngi.
(«26-lar» poeması, Bakı, 1986, səh. 61)."
+6 əjdaha
79. yaşa, yaşa, çox yaşa, ey şanlı Azərbaycan....
+6 əjdaha
2. azerbaycanda çox az heykeli var barmaqla saysan 5 i keçmez demek olar ki rayonlarda heç yoxdu bildiyim qederi ile sabirabadda icra hakimiyyetinin qabağında amma helede durur heykeli.+3 əjdaha
13. bu öndər sözün əsl mənasında ürəyiydi. adr'in qurucusu və son nəfəsində belə 3 dəfə azərbaycan deyən biridir.+3 əjdaha
90. Məhəmməd Əmin Rəsulzadə "Qafqaz xatirələri"ndə 1920-ci ilin qışını Moskvada cırıq ayaqqabılarda keçirdiyini yazır.Rəsulzadəni ayaqyalın görən bir rus arvad ona "Valenka" deyilən keçə çəkmə borc veribmiş. Məhəmməd Əmin qar donanda o keçə çəkmələri, əriyəndə isə qalın yun corabın üstündən cırıq "çüst" ayaqqabılarını geyinib gedirmiş "Rumyansev kitabxanasına" Azərbaycan haqqında araşdırma aparmağa.
Nəhayət, qışın son günlərində ABŞ fəhlələri sovet fəhlələrinə bir gəmi ayaqqabı göndərirlər və Rəsulzadə cibində olan sonuncu və dəyərsiz qızıl pulun üstünə bir ədəd iynə, bir qom tikiş sapı və bir çimdik duz qoyub o gəmidən bir cüt ayaqqabı ala bilir.
-"Məhəmməd Əmin özünü demokratik artistliyə vursaydı, bəlkə də, ayaqqabını ABŞ fəhləsindən yox, ABŞ konqresindən alardı, həm də «bir ədəd iynə, bir qom tikiş sapı və bir çimdik duz” ödəmədən. Əslində elə indi də xalis demokratik düşüncə daşıyıcıları cırıq ayaqqabı ilə dolaşırlar öz məmləkətlərində.
Bunun əsl səbəbi isə yüz il keçməsinə baxmayaraq, Azərbaycan insanın bu gün də xalqı təmsil etməsidir. Demokratiya isə xalqı millətə çevirən ağır intellektual prosesin nəticəsidir.
Xalq özünün millət mərhələsinə, yəni məsələn, adət-ənənədən qanuna, şifahi ədəbiyyatdan yazılı ədəbiyyata, zahiri təmtəraqdan daxili kübarlığa, qəhrəmanlıqdan peşəkarlığa və s. keçməyibsə onun demokratiyası meymunun kostyum geyinməsi kimi bir şey olacaq. Bu gün Azərbaycanda söz və fikir azadlığı filosofu söymək üçün pusqudadır. insan haqları Azərbaycanda imtiyaz, mandat, qarın davası aparır və s. Niyə? Çünki biz hələ də xalqıq, millət deyilik. intellektual zəhmət tələb edən o möhtəşəm millətləşmə mərhələsini keçməmişik. Millət olanda bugünkü demokratik davranışlarımıza baxıb xəcalət çəkəcəyik. Necə ki, mən indi yüz il əvvəl yanlış olaraq millət olmağı yuxusunda belə görməyən xalqa tezbazar demokratiya verib özü ayaqyalın qalan Məhəmməd Əminin cırıq ayaqqabılarına baxıb xəcalət çəkirəm."
-aqşin yenisey
+4 əjdaha
5. heykeller en az xatırlanan adamlara qoyulur+3 əjdaha
16. (baxma: faşist)+3 əjdaha
44. ümumiyyətlə həyatda kiməsə lider kimi baxmaq mənə çatmır. bunu insanlar dərk etməlidir ki, həyatda sənin hansı cərəyana qoşulmağın, kiminsə yaratdığı ideologiyaya ürəkdən xidmət etməyin sənə heç nə qazandırmır. ola bilər ki sən kiməsə heyranlıq edəsən, bu başqa, ancaq siyasi liderlərin yalnız pul qazanmaq üçün hakimiyyətə gəldiyini bilib onlara bağlanmaq insanın onsuz da qısa olan həyatını puç etməkdən başqa bir amala xidmət etmir. gedin çalışın həyatınızı qazanıb rahat yaşayın bu dünyada.+3 əjdaha
35. azərbaycanın ən dahi şəxsiyyətləri siyahısında ilk 5-likdə olan şəxsiyyətlərdən biri.allah rəhmət eləsin, öndərim. rahat yat.
+3 əjdaha
91. rəsulzadənin doğum günü münasibətilə hazırlanan " ən səmimi sevgi ilə" adlı sənədli film kinoteatrlarda 8 fevraladək nümayiş etdiriləcək. aztv filmin ilk nümayişi haqqında keçirilən tədbiri yayımlamadığına görə az qala küy çıxacaqmış, amma sakitçilikdi. səbəbin isə layihə müəllifi olan hüseyn cavadzadənin filmin ilk nümayişi günü keçirilən tədbirdə istifadə etdiyi "rəsulzadə azərbaycan xalqının ən səmimi sevgisidir" ifadələri olduğu düşünülür. p.s. layihə müəllifi həmçinin aztv-də yayımlanan " yüz ilin sirləri" verilişinin aparıcısıdır.hamısını göstər