propaqanda


facebook twitter əjdaha lazımdı   googllalink

    1. 1900cu illərin ikinci yarısında məşhurlaşan sözdü. mənası məlumatın dövlət siyasətinə tabe olunması vəziyyətidir.
    3. (bax: nasist propogandası)

    biraz araşdıranda bütün propogandalar bir-birinə bənzəyir. məsələn nasist propogandasına baxaq;

    1936 cı ildə olimpiya oyunları almaniyada keçirilir. nasist almaniyası irqçi siyasətini olimpiya müddətində "ustalıqla" gizlədir, anti-semitist və anti-amerika çıxışlarını yavaşladır, ölkəyə gələn bir çox jurnalistə ölkəni "dostluq", "tolerantlıq" ölkəsi kimi tanıtmaq üçün bütün ikiüzlülükləri edir. avropa ölkələri və amerikada insanlar olimpiadanı boykot etmə çağrısında bulunur ancaq dövlətlər bundan imtina edir. bir çox pasifist, anti-nasist jurnalist almaniyaya buraxılmır, buraxılanlara təzyiqlər olunur. olimpiya oyunlarının berlində keçiriləcəyi qərarı alınmışdı, birinci dünya müharibəsindən sonra almanlar ilə sülhün "simgesi" olaraq keçiriləcək olimpiada bilərəkdən almaniyaya salınmışdı. ancaq qısa müddət sonra hitler hakimiyyətə keçdi, yəhudilərə və bir neçə başqa etnik azlıqlara, digər avropa ölkələrinə təhdid olacaq diktatora çevrildi. zatən o illərdə hər sahədə olduğu kimi aryan olmayanlar idmanda da sıxışdırılır, aryanların hər tərəfli -fiziki, zehni və s. gücü az qala müqəddəsləşdirilir, aryan olmayanlar isə bir kənara atılır. 32-33 cu illərdə hər sahədə aryan üstünlüyü siyasəti ilə idman klublarından minlərlə -yəhudi və "aryan" olmayanlar uzaqlaşdırılır. hətta iş o yerə çatır ki, məşhur çempion idmançı sırf yəhudi olduğu üçün klubdan qovulur.

    (bax: erich seelig)

    eyni zamanda 33 cü illərdə yenə sonralar dünya səviyyəsində məşhur olan bir çox idmançı yəhudi olduğu üçün idmandan uzaqlaşdırıldı, 35 ci ildə heç bir yəhudi olimpia komandasına buraxılmadı. nasistlər bütün bunlardan sonra gələn boykot çağırışları səbəbilə 36 cı ildə bir neçə yəhudini komandaya buraxdı və ictimaiyyətə guya müsbət obraz yaratmağa, göstərdikləri şiddəti pərdələməyə başladılar. buna qarşı amerika komandalarına əlavə yəhudi idmançılar çağırdı və bunlardan yeddisi qızıl medal aldı.

    36 cı ildə berlində bütün anti-semitist işarələr küçələrdən yığışdırılır, qəzetlər olimiya həftəsi boyunca oyunlardan başqa heçnə haqqında yazmır, olimpiadadan əvvəlki insan hüquqları pozulmaları dövlət tərəfindən titizliklə gizlədilməyə çalışılır. almaniya oyunlara xeyli vəsait xərclədi, hitler özü şəxsən tək-tək qonaqlarla maraqlandı və s. bütün bunlar düşmən ölkələrin xalqlarına "tolerant" almaniya imajı yaratmaq üçün idi. nasistlərin hakimiyyətdə olduğu illər ərzində ən çox bu oyunlara titizliklə hazırlaşdığı, böyük xərclər ayrıldığı bilinir. hitlerin əmri ilə ölkədə böyük idman kompleksləri tikilir, qonaqlar üçüü festivallar təşkil olunur, bütün berlin binaları olimpiya və nasist almaniyasının rəmzləri ilə bəzədilir. şəhərdə 800 ə yaxın dilənçi və roman berlindən uzaqda tikilmiş gettoya aparılır və burda polis nəzarətində şəhərə buraxılmırlar. yenə hitlerin xüsusi əmri ilə leni riefensthal olimpiya oyunlarına dair bir film çəkmək üçün xüsusi tapşırıq alır. almaniya bu olimpiadadan birinci olaraq ayrılır yəni ən çox medal qazanan ölkə olur. almaniya o qədər titizliklə olimpiadanı keçirirki hətta amerika qəzetləri bu olimpiadanın almaniyanın daha sülhsevər olması üçün bir işarə, bir addım olduğunu yazırdı. almanlar dünyanın gözünü dəbdəbəli komplekslər, bər bəzəkli berlin küçələri və qonaqpərvərlik ilə pərdələyə bilmişdi ancaq gettolara qovulan insanları və almaniyanın potensial təhlükə olduğunu, bu olimpiadanın haqqı tapdalanan insanları gizlətmək üçün bir vasitə olduğunu anlayan bir neçə amerikalı jurnalist var idi. olimpiadalar bitən kimi hətta cəmi dörd gün sonra yəhudilərə qarşı basqı, ölkə daxili şiddət pik səviyyəyə çatdı. olimpiada düşərgəsində işləyən bir yəhudi sırf etnik kimliyi səbəbilə işdən qovulduğu üçün intihar edir. ardınca həmin qonaqpərvər almaniya öz ərazilərini genişlətmək naminə qonşu ölkələri işğal etməyə, bütün dünyaya- insan azadlığına hücuma, yəhudi və digər etnik azlıqların soyqırımına başladı. olimpiada oyunları almaniyada olsun deuə dəridən qabıqdan çıxan hitler daha bir neçə həftə əvvəl olimpiadanın açılış mərasimində "dostluq naminə berlindəki olimpiada oyunlarını açıq elan edirəm demişdi.."

    bütün bunları niyə yazdım? bir neçə həftə əvvəl azərbaycanda olimpiada oyunlarından sonra meydan tv də biri 36 cı ildə nasist gebbelsin olimpiada zamanı işlətdiyi ifadələri yazmışdı: "Bu gün, Almaniyanin düşmənləri bizim dövlətimizə və millətimizə qarşi böyük cirkin kampaniya təşkil ediblər,cünki onlar Almaniyanin qudrətini gəbul edə bilmirlər və məhz buna görə də ilk növbədə bütün alman milləti öz fürerin ətrafinda birləşib bunlarin layigli cavabini verməlidir Əfsuslar olsun,bizim cəmiyətimizdə hələ ki satqin az deyil və biz belələrini ifşa edib, çazalandirmaliyiğ.Fürer və onun vuran əli olan NSDAP partiyasi alman millətinə vətənpərvərlik anlayişini gaytara bildi"...

    məndə gebbelsin bu fikrinə əlavə etmək istədim. indi siz azərbaycan hökumətinin olimpiya oyunları zamanı yürütdüyü propogandası, duruşu ilə nasist almaniyasından nə ilə fərqlənirdi onu mənə deyin -*

    bütün propogandalar eyni şey üzərində qurulub, bir tərəf islamı düşmən olaraq göstərərkən digər tərəf yəhudiliyə, sabah başqa bir tərəf xristianlığı, dindarlar özləri sekulyar dünyanı, bir başqası amerikanı ya da hər hansı bir dövləti, idealogiyanı və s. hədəf olaraq gpstərib, onlara qarşı propoganda apara bilər. diqqətli olun. həqiqətən neçə yüzildir dünyada çox pis oyunlar dönür və bunlar o yeniyetmələrin masonluğu, illuminatisi qədər bəsit şeylər deyil.


    edit: mələk hitler link

    hitler əmi eynən ilham əmi kimi mələk kimidir -*


sən də yaz!