zeki demirkubuz


facebook twitter əjdaha lazımdı   googllalink

    1. Türk kinosunun ən yaxşı rejissorlarından biri.Filmlərinin ssenarisi çox gözəl,həyati,içdən olur.Filmlərindəki qəhrəmanlar söyüş,təhqir,argolardan bol istifadə edir.1980-cı ildə kommunist olduğu üçün həbs olunub.Həbsdə olarkən Dostoyevskinin "Cinayət və Cəza"sını oxuyaraq ədbiyyata marağı artıb.Həbsdən çıxdıqdan sonra küçə alverçisi kimi işləyib.Sonralar məşhur türk rejissoru Zeki Ökten 1980-ci il çevrilişinə aid film çəkmək istərkən o dövrün canlı şahidləri və günahsızları ilə tanış olmaq istəyib.Zeki də bu insanlar arasında olub.Sonradan Zeki Ökten Zeki Demirkubuzu filmlərdə öz yanına asisstent kimi götürüb.Sözün düzü Zeki bəzən film setlərini yarımçıq tərk edib.Setdə olan abu-havanı sevməyib.Lakin sonradan o özü rejissor olub. Dediyinə görə rejissorluğu sevmir.ilk filmi olan "C-Blok" filmi ona o qədər də uğur gətirməyib.Amma "Masumiyet" filmi ilə Türkiyədə partlayış edib.Mən ilk dəfə Masumiyet filminə baxanda Zekini söymüşdüm,çünki film elə bil mənim uşaqlığımdan,gördüyüm mühitdən bəhs edirdi.Bir sözlə möhtəşəm filmdir.Zeki Demirkubuzun digər baxılası filmləri isə aşağıdakılardır:
    "Üçüncü Sayfa" , "Kıskanclık" , " itiraf" , " Bekleme Odası" ,"Yazgı" ,"Kader" , "Yeraltı"...
    Mənim daha çox bəyəndiyim isə "itiraf","Üçüncü Sayfa" , "Yazgı" , "Masumiyet"-dir.

    Üçüncü Sayfa- filminin ssenarisi əsl Zeki Demirkubuz imzalı ssenaridir. "Yazgı" filmi isə Alber Kamyunun "Yad" əsəri əsasında çəkilib.

    P.S Zeki Demirkubuz həm də çılğın Beşiktaş fanatıdır.
    2. Nuri Bilgənin yaxın dostu olub .
    Deyilənə görə 3 meymun əslində Zəki Demirkunuzun hekayesidir (həqiqətən kinodan anlayan lələlər Nuri Bilgenin bütün filmlərini izləyərək əmin ola bilərlər ki 3 Maymun daha çox Zəki Demirkubuz tərzidir)
    Son filmi Yeraltıda incədən incədən Nuriyə daş atır.
    iki ödül aldın diye kendini Shakespeare mi zannediyorsun
    3. lise təhsilini yarıda buraxaraq fabrikalarda fəhlə işləyən türk rejissor. daha sonra isə siyasi səbəblərə görə 3 illik həbsə məhkum olunur. bu müddətdə dostoyevski ilə yaxından tanış olur və ondan təsirlənir. özəlliklə də cinayət və cəzadan. cəzasını çəkdikdən sonra işportacılık eləyir. bir müddət keçdikdən sonra əsgərlikdən yayınmaq üçün liseni qiyabi olaraq bitirib istanbul üniversitesi iletişim fakültesinə qəbul olur. özünün dediklərinə görə özünü heç vaxt sinemada görmürdü, çörək pulu üçün isə bir müddət rejissor yardımçısı olaraq işləmişdir. ilk uzun metrajli filmi c blok olmuşdur. daha sonra ikinci filmi olan masumiyyeti çəkmişdir və bu film ilə də özünü tanıtmağı bacarmışdır. digər önəmli filmləri isə yazgı, itiraf, bekleme odası, kader, yeraltı və s.
    4. qış sezonunda gecələri sabaha qədər yazıb axşama qədər yatan insan.bəzən bütün həftə boyu sadəcə beşiktaş maçını izləmək üçün evdən çıxıb.ən sevdiyi rejissor Fassbinderdir.niyə filmlərində qapı öz özünə açılır örtülür suallarına cavab da elə fassbinderdədir.nuri bilgə son verdiyi röportajda(qış uykusundan sonra) deyəsən daş atıb zəki abiyə .belə ki böyük şəhərlə qəsəbə müqayisəsi zamanı şəhərlərdə dostluqların pratik ola bilmədiyini masa başında 5 il danışılan şeyin həyata keçirilmə anında küsüşmələr olduğunu deyib. siz deyin günahı şəhər ruhuna atıb zeytun dalı uzadır mən deyim üç maymunun kimə aid olduğunu yaxşı bilir .vəlhasılı kəlam üç maymun ortaq proje olub .Nuri və Zəki kinosunu hamısına baxan əcnəbi bir zənən (mən heç üç maymun mübahisesindən bəhs etmədən) üc maymunun zəki demirkubuz filminə daha yaxın olduğunu dedi.
    5. Keçən həftəmi filmlərinə ayırdığım rejissor. həftəmi deyəndə 3 filminə çoxdan baxdığımı nəzərə alsaq, qalan 6 filminə günə 2 film olmaqla 3 günümü ayırdığım şəxs.

    Wes Andersonun simmetriya xəstəliyi, Kubrikin bir nöqtə ətrafında fırlanan dünyası, A. Hiçkokun gözləri, i. Berqmanın güzgüləri olduğu kimi Zəki Demirkubuzun televizorları, üzbəüz qapıları, глазокları, xəyanət edən qadınları (bircə Yeraltı filmində xəyanət edən qadına rastlamırıq) və ən əsası Dostayevskisi var.

    c blok- rejissorun 1994-cü ildə çəkilmiş ilk filmi. rejissor bu filmi türk kino tarixində müvəffəqiyyət qazanmış, ancaq "Soluk Gecenin Aşk Hikayeleri" filminə senzura qoyulan və bu səbəblə filmini izləyicilərə çatdıra bilməyən Alp Zeki Heperə həsr etmişdir. film haqqında spoiler vermiyəcəm sadəcə qeyd etmək istəyirəm ki, filmə diqqətlə baxdıqda Antonioni’nin "L’eclisse filmini görmək olar. lap diqqətlə baxsaq Kieslowski’nin "Dekalog"nu görmək də olar.

    masumiyyet- rejissorun 1997-ci ildə çəkilmiş ikinci filmi. filmin hekayəsi olduqca güclüdür, amma tək sevmədiyim filmin dublajı idi. Ki 90-cı illərin yeni türkiyə kinosunun rejissorlarında bu vəziyyət böyük sıxıntılara səbəb olmuşdur.

    üçüncü sayfa- rejissorun 1999-cu ildə çəkilmiş üçüncü filmi. filmdə ilk nəzərimə çarpan Demirkubuzun baş rollara ad olaraq isaməryəm verməsidir. Bəlkə də mən çox dərinə gedirəm, rejissorun heç bir demək istədiyi bir şey yoxdur amma yenə də. və yəqinki bu filmi izləyənlərin isanın çayxanada oturub televizora baxanda "masumiyyet" filminin verilməsi gözündən yayınmayıb.

    yazqı- rejissorun 2001-ci ildə çəkilmiş dördüncü, "Qaranlıqdan hekayələr" trilogiyasının ilk filmi. bu film haqqında artıq bir şey yazmaq istəmirəm. Zekinin ən sevdiyim filmi oldu. Bircə onu qeyd etmək istəyirəm ki, Zekidən əvvəl Kamyunun Yad əsərinə Lukina Viskonti 1967ci ildə film çəkir amma uğursuz alınır. Və bu uğursuzluqdan sonra "Bu əsər ölümsüz əsərdi. Belə əsərləri film halına gətirmək mümkünsüzdür!" fikrini söyləyirlər amma Zeki bu fikri darmadağın edir.

    itiraf- rejissorun 2001-ci ildə çəkilmiş beşinci, "Qaranlıqdan hekayələr" trilogiyasının ikinci filmi. bu film mənə biraz Andrey Zvyagintsevin izgnanie, biraz da M. hanekenin cache filmlərini xatırlatdı. Bu filmlərə baxanlar məncə tutarlar hansı anlarda xatırlanır o filmlər.

    bekleme odası- rejissorun 2003-cü ildə çəkilmiş altıncı, "Qaranlıqdan hekayələr" trilogiyasının üçüncü filmi. "Bekleme Odası" filmi mənə Tarkovski filmlərini daha dəqiq Stalker filmini xatırlatdı. Bütünlüklə film yox bəzi yerləri; məsələn Ahmetin( Zeki Demirkubuz) səhv etmirəmsə, göl qırağında oturaraq suya daş atması. Və filmin sonunda da Stalker filmindən Eduard Artemyevin "Meditation" musiqisi gedir.

    kader- rejissorun 2006-ci ildə çəkilmiş yeddinci filmi. Əslində masumiyyet filmi kader filminin davamı imiş. və hətta bu filmdə də zekinin o məşhur televizorunda masumiyyet filmindən kadrlar görürük.

    kıskanmak- rejissorun 2009-cu ildə çəkilmiş səkkizinci filmi. deyilənə görə rejissorun bu filmi o qədər də uğur qazanmır, fiyaskoya uğrayır amma mənim yazqıdan sonra ikinci sevdiyim filmi oldu. bu filmdə azca theo havası gördüm. və bu filmində də zeki dotayevskiyə olan sevgisini Senihanın oxuduğu kitabla göstərməyə çalışır. (cinayət və cəza)

    yeraltı- rejissorun sonuncu- doqquzuncu filmi. və mənim sevdiyim üçüncü film. Yeraltı filmində adamın gözünə girən çox şey var. birinci bu filmində də televizorunda masumiyyet filmindən kadrlar görürük. ikinci "Kıskanmak" filmindəki özünə çirkin deyən Seniha (Nergis Öztürk) "Yeraltı" filmində gözəl qız olaraq ortaya qoyulur. üçüncü-əvvəl "Barcelona" otelinə getmək daha sonra "Madrid" otelinə gedilməsi də nəyisə ifadə edir məncə. Eləcə də o kartoşka. və ən əsası bu filmində zeki N.B. Ceylana söz soxur. Cevatla Muharram arasındakı mübahisədə babat söhbət gedir. Cevat "Dostoyevski, gerçek her şeyin anasıdır ve üstündedir, der. Zavallı egolarımızın bile" deyir, Muharram də "Dostoyevski, gerçek her şeyin anası değil babasıdır, der" deyərək kapağı qoyur türklər demiş.

    demək olar Zekinin bütün filmlərində Dostayevskini görürük.
    "Dostayevski mənim üçün şok idi. onu başa düşməyim 10 ilimi aldı. Acı bizi birləşdirən şeydir. acı hər yerdədir və biz hamımız onunla üzləşməliyik. mənim bütün filmlərim onun haqqındadır. dostayevski eyni kitabı təkrar-təkrar fərqli xarakterlə və fərqli vəziyyətlərlə yazmışdır. mən də eyni filmi təkrar-təkrar çəkməyə çalışıram. Mövzunu dəyişdirmək mənə Opportunizm kimi gəlir, sanki siyasi ya da maliyyə səbəblərdən çəkilirmiş kimi".
    6. kaderbekleme odası filmlərində tarkovskinin stalkerdə istifadə elədiyi eduard artemyevin meditation mahnısından istifadə edən rejissor. hər filmində dostoyevskidən və tarkovskidən izlər var. ən azından mənim baxdığım bütün filmlərində.
    7. bir gün əlimə pivəni alıb, uzanaraq filmlərini izləmək istədiyim rejissor. *
    8. son filminə bir qisim izləyicilərindən və kino ictimaiyətindən gələn rəyləri görüb,görəsən bu da gobadilik edib gərgədəndanlarla mı oynuyub,özünü mü buraxıb bu kişi,deye haqqında qara qara düşündüyüm və filminin torrentə düşməyini 4 gözlə gözlədiyim,(bax: böyük qardaş) rütbəsinə layiq möhtərəm
    9. bu gün bu yaşayan əjdahanın doğum günüdü. platonik sevgilimdi bu insan mənim. bu insanı görmək üçün günlərlə cihangirdəki Firuzağa kafesinə gedib gözləmişəm səhərdən axşama kimi. amma görə bilməmişdim. Sonra təsadüfən istanbul modern art muzeyində zeki həftəsi keçiriləcəyini eşitdim. onda izləyicilərinlə görüşdə gedib görə bilmişdim. amma sevgimi ifadə edə bilməmişdim. ev yoldaşımın sevgilisi gənc rejissor idi. F tipi filmini zekiylə birgə çəkmişdilər. onda deyirdi, çox sərt, söyüşkən biridir. bəlkə də ondan ehtiyat edirdim. amma yenə də mənə görə böyük adamdı. sevirik, öpürük, bağrımıza basırıq -* sonuncu filmini də gözləyirik


sən də yaz!