saatı bir saat geri çəkdilər



facebook twitter əjdaha lazımdı   izlə   lələ   mən   googllalink

    1. və 4 il əvvəl haqqın rəhmətinə qovuşmuş vaqif cəfərli (beyləqan) nin şeiri.

    Saatı bir saat geri çəkdilər.

    Saatı bir saat geri çəkdilər,
    Vaxta öyrəşənlər gec qalacaqlar.
    Rüşvəti bir saat əvvəl alanlar,
    Rüşvəti bir saat gec alacaqlar.

    Saatı bir saat geri çəkdilər,
    Qəfil ağlayacaq güləsi adam.
    Yıxılıb bir saat əvvəl öləcək,
    Bir saatdan sonra öləsi adam.

    Saatı bir saat geri çəkdilər,
    Sanmayın göy yeri bağışlayacaq.
    Baş-beyin aparan teleşoular,
    Axşamlar bir saat tez başlayacaq.

    Əqrəblər fırlandı üzü geriyə,
    Sanki orbitindən yeri çəkdilər.
    Saatın özüylə razılaşmamış,
    Saatı bir saat geri çəkdilər,

    Saatı bir saat çəkdilər dala,
    Ürəklər həsrətdən odlanacqdır.
    Vədə verdikləri bir ilk vüsala,
    Sevənlər bir saat yubanacaqdır.

    Bir saat uzandı ömrü bir ilin,
    Ümidsizlər ümid qazanacaqdır.
    Ölüm hökmü almış neçə qatilin,
    Ömürü bir saat uzanacaqdır.

    Əqrəblər bir saat gecikdirəcək,
    Kiminsə qanına batan əlləri.
    Yubanıb bir saat bəd adamların,
    Təxirə düşəcək bəd əməlləri.

    Saatı bir saat geri çəkdilər,
    Dan yeri şəfəqə gec boylanacaq.
    Qəflət yuxusundan, deməli, qardaş,
    Bu millət bir saat gec oyanacaq...