çingiz abdullayev


facebook twitter əjdaha lazımdı   googllalink
1 2 »

    1. bir çoxları Çingiz Abdullayevi tənqid edir,amma di gəl ki,mən razı deyiləm.Bir çox əsərlərinin qəhrəmanı Dronqodur.Onun "Monte-Mario təpəsində ölüm" əsərini çox bəyənirəm.Hələ "Unudulmuş Röya"sı da yaxşıdır."Yalnız özümüzünkülər" , "Manyakın idrakı" , "Alçağın üslubu" ...bu detektivləri çox maraqlıdır.Onu tənqid etmək olar,amma igidin haqqını da vermək lazımdır.Vaxtıykən yazdığı Mavi Mələklər əsəri də çox böyük əks-səda doğurub.Deyilənə görə o özü SSRi KQB-sinin agenti olub.
    Bir də mənim "Məşhər Ayağında"əsərindən xoşum gəlir.O əsərdə ABŞ və SSRi arasında gedən soyuq müharibəni görmək olar.Qısaca onu deyək ki,pis deyil.Yaxşıdır.Hətta çox yaxşıdır.
    2. mavi mələklər şah əsərlərindən biri sayıla bilər. bakıda təhsil alan vaxtlarımda şəhərdə satılan demək olar bütün kitablarını alıb oxumuşdum. bəzilərini də internetdən e-book şəklində. heyif son vaxtlar yazdıqlarının keyfiyyəti aşağı düşüb, daha doğrusu məişət mövzusunda yazdıqları bir-birinin təkrarıdır.
    3. adı ziyalıdır. yaxşı əsərləri var. ancaq ziyalı kimi xalqın yanında olduğunu görən olmayıb
    4. bütün əsərlərini eyni şablonda yazan,hiperaktiv yazar.(bax: durduramıyoruz.)
    5. haqqında oxuyanda təəccübləndiyim şəxsiyyət. bu qədər gözləmirdim;
    (youtube: )

    "Çingiz Abdullayev - 7 aprel 1957-ci ildə Bakıda anadan olmuşdur. 3 ali təhsilə malikdir. Azərbaycan, rus, ingilis, italyan, türk və fars dillərini mükəmməl bilir. Beynəlxalq təcavüz problemi barədə dissertasiya müdafiə edib hüquq elmləri namizədi alimlik dərəcəsi almışdır. Beynəlxalq cinayət problemi barədə doktorluq dissertasiyası müdafiə etmişdir. Boksla məşğul olmuşdur. Güllə atıcılığı üzrə beynəlxalq dərəcəli idman ustasıdır. Ünsiyyətə girməkdə mahirdir. Onun haqqında "Heykəli belə danışdıra bilər" deyirlər.
    Xüsusi təyinatlı şöbənin rəhbəri kimi Müdafiə nazirliyinin xətti ilə xaricdə tapşırıqlar yerinə yetirmişdir. Belçikada, Almaniyada, Polşada, Rumıniyada, Əfqanıstanda işləmişdir. Ehtiyatda olan mayordur. 1986-cı ildə Çauseskunun güllələnməsində əli olması ittihamı ilə Rumıniyadan çıxarılmışdır. Anqolalı komnadirlərin Namibiyada əsirlikdən azad edilməsi üçün ağır əməliyyatda iştirak etmişdir. Bu əməliyyatdan 4 nəfər sağ qayıtmışdır ki, onlardan biri də Çingiz Abdullayevdir.
    Çingiz Abullayevin kəskin süjetli janrda ilk əsəri "Mavi Mələklər" 3 il DTK-da əngəllənmişdir. Əsər ilk dəfə 1988-ci ildə, sonra isə dəfələrlə nəşr edilmişdir. Onun əsərləri 27 dilə tərcümə olunmuşdur. Abdullayevin kitabları bütün MDB və Baltikyanı dövlətlərdə, ABŞ, Almaniya, isveç, Norveç, Türkiyə, Serbiya, Albaniya, Fransa, Bolqarıstanda ümumilikdə 22 milyondan çox satılmışdır. Amerikanın nüfuzlu "Kriscen Sounders Monitor" jurnalı onu dünyanın ən yaxşı siyasi dedektiv yazan 5 yazıçısından biri kimi göstərmişdir. Azərbaycanın ən çox vergi verən insanı olmaqla yanaşı Azərbaycan nəşr olunan kitablarının qonorarını Qarabağ qaçqınlarına yardım fonduna köçürür. Hal-hazırda Azərbaycanda əsərlərinə görə xaricdən qonorar alan yeganə yazıçıdır. Azərbaycan Yazıçılar ittifaqının katibi, 5 dövlətin xüsusi xidmət orqanlarının fəxri zabitidir.

    Paylaşaq! Paylaşaq ki, Üzeyir Hacıbəylini yazıçı kimi tanıyan, Hüseyn Cavidin heç adını eşitməyən, tarixindən xəbərsiz olan əksər gəncliyimiz Çingiz Abdullayevi də heykəltaraş kimi tanımasın."(alıntı)
    6. Azərbaycanın ədabiyyatı tarixində ən gənc xalq yazıçısı olmuş şəxs(46 yaşında). oğlunun xalq yazıçısı olduğunu görmüş yeganə ata çingizin abdullayevin atasıdır.
    90-cı illərin sonu 2000-ci illərin əvvəlində yazdığı kitabların çoxusunu oxumuşam. o vaxt yazdığı kitabları həqiqətən maraqlı idi. oxuyanda nəsə yeni bir şeylər öyrənə bilirdin. amma son illər yazdığı kitabları elə bil candərdi yazır.
    yalnız özümüzünkülər əsəri mənə görə ən yaxşı əsəridir.
    özü də solçudu.
    (youtube: )

    (youtube: )
    7. bədii kitablar oxumağa çingiz abdullayevin əsərlərindən başlamışam. çox kitab oxumamışam. oxuduqlarım arasında çingiz abdullayevin əsərlərindən dəfələrlə yaxşı olanları var, amma heç bir obraz dronqo qədər doğma gəlmir. yaxşı əsərləri də az deyil. "mavi mələklər", "məhşər ayağında" solaxay haqqında trilogiyası, "Allahın tərəfində", "Alçağın üslubu" və s. Bütün bunların arasında bir də "Gedər gəlməz" var ki, o bir başqadır. Əfqansıtanda rus zabitini amerikanlardan geri almaq üçün xüsusi dəstə göndərilir. Plana görə dəstə sağ qalmamalıdır. Dəstəni tapşırığa göndərən generala bunu deyəndə özü dəstəyə başçılıq etmək qərarını verir. Bütün hadisələri çox gözəl təsvir olunur. indi müxalifətdəkilər bəyənmir onu, amma dəyişilməyən odur ki, kitabı ən çox oxunan azərbaycanlı yazıçı odur. əsərlərində humanizm, müharibənin insan həyatındakı izlər, və s. bir çox ideyalar var. əsərləridən də görünür ki, gənclik illərini yaşadığı böyük imperiya üçün darıxır.
    8. dedektiv əsərlər müəllifi və azərbaycan yazıçılar birliyinin sədr müavini yazıçı çingiz abdullayev "neftçi" klubunun prezidenti təyin edilib.
    10. Əgər bir gün şəxsən söhbət etmək şansı əldə etsəm "nəyə görə əsərlərinizdə pornoqrafiyaya bu qədər yer verirsiniz?" deyə soruşacağım yazıçı.
1 2 »


sən də yaz!