cadugər dərviş


facebook twitter əjdaha lazımdı   googllalink

    1. Qədim zamanlarda bir kişi olur. Onun da üç arvadı olur. Bu kişi yay vaxtı öz arvadlarını yaylağa apararmış. Bir dəfə yenə yay vaxtı arvadları yaylağa qoyub qayıdır ki, onlara yemək aparsın. Geri qayıdanda bir bulağın üstündə atdan düşür ki, su içsin. Bu vaxt arvad cildinə girmiş bir ilan kişiyə yalvarır ki, onu da özü ilə aparsın. Kişi razılaşır, arvadı özü ilə yaylağa aparır. Vaxt keçir, həmin arvaddan iki oğlu olur. Bir gün kişi bir dərvişdən üç dənə üzük alıb evə arvadlarına gətirir

    Həmin arvad deyir ki, ay kişi, bu
    qızıl deyil, çürükdü. Apar onu
    yiyəsinə qaytar. Kişi üzüyü
    dərvişə qaytarır. Dərviş soruşur ki,
    ay kişi, sən bunu haradan bildin?
    Kişi deyir ki, arvadım mənə dedi.

    Dərviş deyir ki, ay kişi, sən nə
    danışırsan o, arvad deyil, ilandı. Kişi
    deyir, elə şey olmaz. Həmin
    arvaddan mənim iki uşağım var.
    Dərviş deyir ki, sən gərək onu
    öldürəsən. Əgər öldürməsən sənin özünə zərər toxunacaq.

    Kişi deyir:

    Bəs mən onun ilan olduğunu
    haradan bilim?

    Dərviş deyir:

    Bir axşam arvadın bişirdiyi
    xörəyə çoxlu düz tökərsən,
    evdəki suyun da hamısını eşiyə
    tökərsən, qapını bağlayarsan,
    ayağından bir az ət kəsib yerinə
    də duz basarsan ki, yata bilməyəsən. Qoy xörəyi arvad
    özü tək yesin, sən yemə. Bir də
    baxacaqsan ki, o arvad dirəyə
    sarmaşıb, qıvrılıb bacadan bulağa su
    içməyə gedəcək. Gördüyünü
    gəlib mənə söyləyərsən

    Kişi belə də eləyir. Bir də baxır ki,
    arvad su axtarıb tapmır, axırda
    dirəyə sarmaşıb bacadan çıxır.
    Sabahısı gün kişi gördüyünü
    dərvişə xəbər verir, ondan
    soruşur ki, arvadı necə öldürüm.

    Dərviş deyir:

    Arvad çörək bişirəndə, xəmiri
    təndirə yapan vaxt daldan itələ
    təndirə sal, ağzını da ört. Sənə çox
    yalvaracaq, amma fikir vermə,
    təndirin ağzını açma, ta mən
    gəlincə.

    Kişi arvadı təndirə salır, arvad çox
    yalvarır, amma kişi təndirin ağzını
    açmır. Dərviş gəlib təndirin ağzını
    açır baxır ki, arvad əriyib bütün qızıl
    olub. Qızılı yığır xurcununa aparıb
    gedir.


sən də yaz!