+26 əjdaha
2. adətən həyatın nə qədər cındır olduğunun anlaşıldığı anlarda olur. onda adamın bütün olan qalan ümidləri də ölür ki, atam, həmişə bumbuz görünən, bərk adam, hər şeyi yoluna qoya bilən, qoya bilməsə də yenə bir yol tapıb dağ kimi dayanan atam ağlayırsa demək daha yol yoxdur. çarəsizlik, üzüntü o həddə çatır ki, ata ağlayır. hələ o gözünüzün qabağında durub durub söhbət sakitləşmiş, arada bir nəfər nəsə təsəlli kimi söz deyir, ata özünü saxlaya bilməyib hönkürür ha, o an həyatın ən cındır anlarındandır. balası ölümlə üz üzədir gözü görə-görə və heç bir şey edə bilmir ata, içinə atır atır, bütün yolları yoxlayır, bir yandan fikir edir, içini yeyir yeyir, nəbilim əşi atalar ağlayanda adam özünü yetim kimi hiss edir.atanın ağlaması
əjdaha lazımdı
izlə
dostlar
mən
googlla
başlıqdakı ən bəyənilən yazılar:
+10 əjdaha
18. burdaca ürəyim getsin yıxılım, amma görməyim dediyim şey.mən uşaq olanda elə bilirdim ancaq uşaqlar ağlayır. sonra bir dəfə o biri otaqdan anamın ağlamaq səsini eşitdim və dəhşətə gəldim. anamı ağladan nə idi, kim idi bilmirəm, amma dəhşət nifrət eləmişdim ona. atam isə heç ağlamazdı, çünki kişilər ağlamır. onun da bir dəfə ağlamsınan səsini eşitmişdim qaynanası ölüm ayağında olanda, amma elə bildim səhv salıram. ilk dəfə ailəvi bir məsələyə görə ağladı və mən buna səbəb olan çox sevdiyim insanı uzun müddət bağışlaya bilmədim. həm də əsəbiləşdim ki, belə zibil şeyin üstündə ağlaya bilirsən yəni? bir də babam öləndə ağlamışdı. amma çox dəhşətli bir şey idi. iki gündə beli büküldü, atasına çox bağlı idi. kimisə çağırmaq üçün həyətə çıxanda birdən gözümə dəydi, üzünü saqqal basmışdı deyə tanımadım bir an (normalda üzündə bir dənə də tük olmaz). ilahi, necə qoca imiş. həmişə kostyumda, gümrah, çevik, indi isə təkcə qoca bir kişi. bununla belə, məni görən kimi düzəldirdi özünü, qucaqlayıb öpürdü, yəni ki mən yaxşıyam, birdən ağlına başqa şey gələr. hətta yas evinə ilk girəndə anam az qala özündən gedirdi deyə qorxudan əlimdə əsmə başlayıb, mən bilməmişəm, atam görüb, əlimi tutdu ki, əlin niyə əsir, narahatsan? indicə otaqda hönkürürdü adam. ata olmaq belə bir şeydi yəqin. bunlardan savayı xatırlamıram, az qala onu öldürəcək qədər ağrı çəkib bir neçə dəfə, amma bir qram yaş gəlməyib gözündən. bizim gözümüzdə zəif görünməkdənsə asar özünü.
+7 əjdaha
9. atanın ağrıması.2-3 gündür ki,atam ağrayır.onun qollarını,ayaqlarını masaj etmək biraz rahatlatsa da onun qocaldığını görmək məni ağrıdır,ağladır. hətta yazarkən belə adamın gözləri dolur. mən hər səhər atamın ayaqqabısını təmizləməsəm rahat nəfəs ala bilmərəm. onsuz yaşamağı isə ağlımının ucundan belə keçirmirəm. onun ağlamasını bu 22 ildə 3 dəfə xatırlayıram. anası rəhmətə gedəndə yerində hönkür hönkür ağlayırdı. bizi heçvaxt qəbirsanlığa aparmazdı bir neçə il öncə ata-anasının məzarına aparanda yenə ağladığını görmüşdüm,bəlkə də biz görməyək deyə aparmırdı. mən əslində babamı görməmişəm sadəcə adını soyadımda daşıyıram. onun məzarı başında ata-bala ağlamışdıq. mənsə atamın ağlamasına görə ağlayırdım. çox çətin hisslərdi. bir kəlmə belə etmədən ağlamaq.
sonuncu dəfə isə keçən il qəza keçirib başını yaralamışdı. əməliyyatdan sonra bizi görüb ağlamışdı. onda da inanıram ki,bizi yarı yolda qoyub getmədiyinə görə ağlayırmış.
ana nənəm də 3 gündü ürək çatışmazlığından əziyyət çəkir. yaxın günlərdə bir neçə atanın və atamın ağlamasına şahid olacağımı indi düşündükcə paramparça oluram. ölüm sən nə imişsən diri-diri yandırırsan ürəyi.
+5 əjdaha
4. ən pisi atanın ağlıyaraq və sənə sarılmaq məqsədilə yaxınlaşıb 'niyə məni qucaqlamırsan?' deməsidir.o anda hər şeyi unudurmuş kimi davranıb qucağlıyırsan.bəlkə yazıǧın gəldiyin üçün bəlkə də nə bilim.ağlamağı kəsir amma səni buraxmır.bu hissi yaşasam da aydın ifadə edə bilmirəm.+5 əjdaha
20. sadəcə anamızı itirəndə qardaşımla məni qucaqlayıb ağladığını görmüşəm, sonrasında bizə bərk bərk tapşırdı heç vaxt ağlamayın, kişinin göz yaşı daha qüvvətli daha dəhşətli olur. heç bir atalar ağlamasın+5 əjdaha
8. dostum ölmüşdü bu il. atasını, ailəsini tanıyırdım. xəbəri eşidən kimi qapılarına qaçdım. atasını gördüm çox sakit, hüznlü dayanmışdı. mən də uzaqdan dayanıb baxırdım. cənazəni gətirəndə də həmin təmkinini saxlaya bilmişdi. mən də o anda ancaq atasına fikir verirdim. dəfnə gedəndə düz məzarın qabağında əllərini arxasında birləşdirib dayanmışdı. gözləri dolmuş, ama üz ifadələriylə gizlətməyə çalışırdı. dəfn işlərinə baxırdı. başa düşmürdümki nəyə görə axı özünü sıxıb saxlamağa çalışır. dəfn işləri qurtarandan sonra atasının birdən arxaya tərəf qaçdığını gördüm. qardaşının çiyninə sarılıb ağlamağa başladı. sonra arxama çönəndə gördümki digər sinif yoldaşım əllərində oğlunun şəklini gətirirmiş.+5 əjdaha
1. mümkün olduqca görülməməyə çalışılması gərəkən hərəkət. yanında olmaq məcburiyyətindəsinizsə üzünə baxmamağa çalışın, həm onun həm sizin yaxşılığınız üçün.+2 əjdaha
12. görməmişəm ama həyatda ən çox əzab çəkməyini istədiyim insandı..kaş bir gün istəyim gerçək olsa..etdiyi əzabların yarı faizini də özü çəksə+3 əjdaha
5. heç bir övlada arzulamadığım haldır.çünkü insanın arxalandığı müqəddəs qüvvənin də insan olduğunu görmək çox ağırdır.ata üçün də övladı qarşısında acizliyini istəmədən ifadə etmək bəlkə də istəyəcəyi ən son şey olabilər.+3 əjdaha
19. dədəmin gözlərində səsə və görüntüyə həssas sensorlu göz yaşı krantları olduğuna görə mənim ən azı 270 dəfə şahid olduğum hadisədir. hər şey bir yana, bu xüsusiyyət mənə də keçib, o cırır məni. lakin, bir fərqimiz var ki, adətən mən kövrəldiyim zamanlarda ağlayan birisiyəm, amma dədəm çoxu zaman əsəbindən ağlayıb. çünki uşaqlıq və gənclik dövrlərimizdə bir zibil olmamışıq, yazığı cin atına mindirməyimizə baxmayaraq bizi döyməyib özü oturub ağlayırdı. biz də söz verib səhəri günü sırtıqlığımızdan geri qalmadan yenə də bildiyimizi edirdik.+8 əjdaha
21. ata, ümumiyyətlə kişi ağlayırsa bu sözün bitdiyi yerdir. bir uşaq üçün atasını ağlayarkən görmək çox ciddi travmadı. uşaqlıqda həmişə atamı hər şeyi bacaran, çox güclü biri kimi bilmişəm. emosianal halını heç görməmişəm. ancaq bir dəfə içəndə ağladığı yadıma gəlir. bu nə qədər poetik ifadə olsada reallıqdı. kişilər də ağlayır. ama doğurdan o göz yaşı ürəkdə axır. əgər yanaqlara axırsa bu artıq çox ciddi faciədir.+2 əjdaha
3. əgər azyaşlı uşaqlarının yanında baş versə, uşaqların ehtiyacı olduğu ata fiquruna xələl gətirə biləcək hərəkətdir.ağlayanda atasının qucağında təsəlli tapan uşağı çətin vəziyyətdə qoyacaq, vaxtından tez böyüdəcək, uşaqlığını yaşamağına mane olacaqdır.məni ən çox kədərləndirən şeylərdən biridir, atanın övladının yanında pis vəziyyətə düşməsi, utanması, ya da ağlaması.+1 əjdaha
14. iki dəfə şahidi olduğum və zərrə qədər də yazığımın gəlmədiyi hadisə.+1 əjdaha
7. nenem bizi terk edende görmüşdüm atamın ağladığını. teeccüblenmişdim. sonralar anladım ataların da bizim ki götü olan, sıçan ölümlülerden olduğunu+2 əjdaha
15. artislik. özünü acındırma.hamısını göstər