əjdaha lazımdı
izlə
dostlar
mən
googlla
krisnayayoxarcunayahe
-
oqtay gülalıyev
başlıqdakı ən bəyənilən yazılar:
+22 əjdaha
17. 2009-da vəkillər kollegiyasına üzvlüyə qəbul olandan sonra, artıq cinayət işləri üzrə təqsirləndirilən şəxsləri də müdafiə etməyə başladım.
ilk işlərdən birində vəziyyət belə idi ki, müdafiə etdiyim şəxs əməli törədəndən sonra gizlənmişdi. mən gedib müstəntiqlə görüşdüm, dedim adamı könüllü gətirirəm, bir şərtim var ki, könüllü gəlməsini rəsmiləşdirin və nəzərə alaraq həbs qətimkan tədbiri seçilməsi üçün addımlar atmayın. müstəntiq dedi, qoy rəislə məsləhətləşim. gedib gəldi, dedi rəis sizi çağırır. rəisin otağına girən kimi, rəis qışqıra-qışqıra başladı ki, cinayətkarı gizlədibsiz, hələ gəlib bir şərt də qoyursunuz. rəisin otağının qapısı ilə, rəisin otaqda oturduğu yer arasında təxminən 10 metr məsafə var idi, mən o danışa-danışa hardasa 5 metri qət etmişdim ki, birdən dayandım. birincisi, şəxsin cinayətkar olması üçün məhkəmə hökmü lazımdır. ikincisi də, mən vəkiləm, mənimlə bu cür danışacaqsınızsa, mən gedirəm. siz istintaqınıza davam edin, tapanda xəbər edərsiniz, gələrəm - deyib, qapıya çatmışdım ki, rəis yumşaldı. başladı ki, müəllim niyə əsəbləşirsiniz. beləcə 10-15 dəqiqə mənə əsəbsakitləşdirici moizələr oxudu. sonra gəldik mətləbə, dedi sən adamı gətir, əgər mən onu tutsam, mənim arvadım, qızım filan-filan (ən ağır söyüşlər) olsun. dedim yaxşı.
getdim, adamı gətirdim. dindirdilər, sonra isə tutub, həbs qətimkan tədbiri üçün məhkəməyə apardılar. məhkəmə də həbs seçdi. məhkəmədən çıxanda müstəntiqdən soruşdum, bu rəisin arvad-uşağı var?. dedi, hə, necə bəyəm?
dedim, axı mənə belə söz verib. güldü. görünür, bu onlar üçün adi hal alıbmış.
heç kimin xətrinə dəyməsin, o gündən sonra, mən bu polis rəislərin namusuna inanmıram. (c) vəkil
+15 əjdaha
21. demək bir qohumun məhkəmədə işi vardı. həftədə bir neçə dəfə zəng edib məndən məsləhət istəyirdi. mən də nə deyirdisə buna cavab verirdim. bir dəfə dedi ki sən mənim məhkəməmə gedə bilərsənmi? dedim ki etibarnamə vermək lazımdır. dedi o nə qədər pul edir? dedim ki 11,5 manat. nəysə bir müddət bundan xəbər çıxmadı. bir dəfə də zəng vurdu ki mən kassasiya şikayəti vermişəm bir iş yoldaşım var o yazıb öyrən gör hansı hakimdədir. dedim ki vəkil olmayanda kassasiya şikayəti qəbul edilmir axı. dedi yox vəkilsiz yazmışam. nəysə sayta baxdım ki bu vəkil tutub işini də həmin vəkil aparır. iş birinci instansiya məhkəməsinə qayıdanda bu yenə də zəng vurdu. bəs sən mənə kömək elə. deyirəm ki nə kömək edim axı sən vəkil tutmusan get o işini aparsın. deyir ki mən sənə dedim ki işimi apar sən məndən etibarnamə istədin. etibarnamə də pulla olur. adam da heç qohumundan etibarnamə istəyər?! yaxşı qohum olsan işimi etibarnaməsiz aparardın. həmdə heş mən səni hüquqşünas kimi saymıram elə belə məsləhət alırdım ki görüm vəkilim işi necə aparır. (c)
+17 əjdaha
2. çox çətin bir şeydir. rüşvət almasan yaşamaq mümkün deyil. baş verən cinayətlərin monotonluğu, insanların hüquqşünaslara ehtiyacı olmadığını sanması, hüquqşünasların siyasi qüvvələr tərəfindən yönəldilməsi azərbaycanda hüquqşünaslığa hörməti öldürür. bu dəqiqə vəziyyət belədiki cinayət baş veribsə ya qeyrət üstündə olur ya da pul üstündə, məhkəmələrə gələn 30 dənə işdən 28-i krediti ödəmədiyi üçün bankın vətəndaşı məhkəməyə verməsidir, korrupsiya idarəsinin işi yuxarı rüşvət verməyən insanları ilişdirməkdir, savadlı vəkil olmağa ehtiyac yoxdur çünki heç kim demək olar ki vəkil tutmur hamı dövlət tərəfindən verilən vəkillə kifayətlənir. əslində hamı bilir ki məhkəmə 3 hakimiyyət orqanından biridir. yəni hakimlərin verdiyi qərarlara heç prezident belə qarışa bilməz. amma azərbaycanda icra hakimi belə hakimin qərarına təsir edə bilir. hüquqşünasın siyasi mövqeyi olmaz deyirlər amma hamısı iqtidardan aldığı göstərişlərlə hərəkət edir. bundan başqa son zamanlar heç savada belə ehtiyac yoxdur. sadəcə vaxt öldürmək üçün işləyir sanki bunlar. məsələn normalda dövlət ittihamçısı*
prokuror
və hakim məhkəmədən əvvəl bir yerdə olmamalıdırlar. amma azərbaycanda hakim və dövlət ittihamçısı məhkəmədən qabaq bir yerdə oturur və nə qədər iş verəcəklərini müzakirə edirlər. məsələn prokuror deyir ki, mən 7 il istəyəcəm sən 5 il verərsən və s. o ki qaldı vəkilə klassik hollywood kinolarına baxıb azərbaycanda vəkil olmaq istəyərsinizsə arzunuz gözünüzdə qalacaq. çünki mən gördüyüm vəkillər məhkəmədə sadəcə yatmaqla məşğuldu. hətta vəziyyət o yerə çatmışdı ki, bir dəfə vəkil qıraqda durmuşdu hakim ittiham olunan şəxsi müdafiə edirdi. bir dəfə də belə bir hadisənin şahidi olmuşam ki, məhkəmə boyu səsini çıxartmayan vəkilə axırda hakim dedi ki, vəkilin nəsə sözü var? vəkil dedi yox, onda hakim əsəbləşdi hamının içində qışqırdı üstünə ki," uje siz ağ eləyibsiniz hər dəfə sizin adını yazıram sizə saat yazılır ggəlib burda boş-boş oturursunuz heç nə də eləmirsiniz. bundan sonra adını yazmayacam sənin" yalnız bundan sonra vəkil durub bir iki dənə ağzına gələni dedi. bundan başqa notarius da ancaq puldur, eləcə də digər hüquq sahələrini aid etmək olar. düzdür savadlı insanlar da çoxdur hüquqşünas işləmək üçün onsuz savadlı olmalısan. ancaq çox təəssüf ki azərbaycan hüquq sistemində problem bu insanların öz işlərini sevməyi və ona hörmətlə yanaşmağıdır..
düzdür son zamanlarda nisbətən hər şey yaxşılığa doğru getsə də ancaq azərbaycanın hüquq sistemində hələ də çatışmazlıqlar dəhşət çoxdur. bunun da düzəltməyin ən yaxşı yolu azərbaycanın hüquq sistemini 0-dan qurmaq və hüquqşünasları öz sənətlərinə sevdirməkdir. çünki nə qədər ki, hüquqşünaslar öz sənətlərinə hörmət etməyəcək o qədər rüşvət alacaqlar və hüquqşünaslıq sənətini gözdən salacaqlar.
+12 əjdaha
16. bdu-da hüquqa başlamaqla həyatın ən böyük qələtini eləməkdir. səhv addım elə bdu-dan başlayır. onsuz da bdu-dan qıraqda da hüquq təhsili verə bilən universitet yoxdur. ora da girib, sovetin kütbeyinli elm adamlarının artıq işləkliyi dünya praktikasında təkzib edilən kitablarını oxumağa zorlanacaqsan. dil bilmədinsə, evin bəri başda yıxılıb. çünki bugün commercial law, medical law, maritime law, energy law, banking law kimi sahələr üzrə fəaliyyət göstərmək istəyirsənsə ingilis, daxildə işləmək üçün rus dillərini elmi səviyyədə bilməlisən. hüquqdan da rüşvət almadan pulu cibə endirmək istəyənlərin adını çəkdiyim tipdəki sahələrdən qıraqda bir şey tapması mümkün deyil. təbii ki, oxumaq və öz üzərində çalışmaq əsas şeydirsə, ikinci məsələ də iş təcrübəsidir. yuxarıda qeyd olunduğu kimi pulsuz da olsa, işlə. mən artıq 4-cü kursda olsam da, 2 il yarımdır ki, prokurorluq, məhkəmə, indi də özəl şirkətdə sülənirəm. rəhmləri gələndə bir az verirlər, amma umacağım da yoxdur. işdir ki, bdu-ya ilişmisən, qalan hər şey özündən asılıdır, onların sənə verəcəyi ancaq diplomdur, vəssalam. ikinci mərhələ də, xaricdə masterdir. burdakı hüquqşünaslara məsləhətim, bdu hüquq tələbə elmi cəmiyyətini təqib edin. yale, harvard, berkeley kimi universitetlərin yayınlarını, hüquq jurnallarını təqib edin. ümumiyyətlə isə, çox pul qazanmağın ən çətin yolu elə hüquqşünaslıqdır. çünki istənilən ölkədə çox güclü nəzəri və tətbiqi biliklərin olsa belə, bu sahədən qazanmaq vaxt tələb edir. təbii ki, dürüst hüquqşünas, vəkil, şirkət hüquqşünasından gedir söhbət.
+12 əjdaha
20. baxır hansı sektordasan. özəl yoxsa dövlət. hər ikisini yoxlamışam. hər ikisinin öz müsbətləri və mənfiləri var. dövlət orqanında hüquqşünas işləməyin ən böyük üstünlüyü odur ki, hər yerdə hörmətin olur. başqasına 5 manata başa gələn şey sənə 50%-na başa gəlir. əmək haqqından əlavə tez-tez mükafatların olur. qocalanda nisbətən babat təqaüd alırsan. problemləri odur ki, iş vaxtı 6-da qurtarsa da, işdən 6-da çıxa bilmirsən. iş vaxtı da diktatura rejimi olur.
özəldə hüquqşunas işləyəndə belədir ki, əmək haqqı yüksəkdir. ancaq mükafat zad olmur. iş vaxtı 6-da qurtarırsa, kimsə qal deyə məcbur edə bilməz. kollektivdə komanda birliyi və mehribançılıq olur. ancaq demək olar heç yerdə, vəzifənə görə hörmət zad etmirlər. çünki, çox güman heç işlədiyin yeri tanımırlar. bizim millət s2ci mexanizm xoşladığına görə, gərək sistemdə işləyəsən.
ümumiləşdirəndə, bu ölkədə hüquqşünas işləmək asan iş deyil. savadsıza nəyisə başa salmaq olmur. rəhbərlər də, elə bilir ki, bütün qanunsuzluqları hüquqşünas maskalaya bilər. başqa ölkələrdə qanun nəyi tələb edirsə, hüquqşünasdan onu etməyi istəyirlər, bizdə isə öz istəklərinə qanunla don geyindirməyi hüquqşünasdan tələb edirlər.
+11 əjdaha
27. yayanın əllərinə sağlıq !
dünən bakı apellyasiya məhkəməsində (sədrlik edən hakim abidin hüseynov) qəribə bir hadisə oldu.
mən iddiaçının nümayəndəsi kimi, kredit müqaviləsinin şərtlərinin dəyişdirilməsi zərurətini əsaslandırarkən dedim:
"möhtərəm hakimlər, bu gün vətəndaşlarımızın öz kredit borclarını ödəyə bilməmələrinin səbəbi sizə də məlum olan: manatın devalvasiyasıdır, yəni ölməsidir, dollar qarşısında birdən-birə, bir gecədə 34 faiz, sonra isə 100-150 faiz ucuzlaşmasıdır.
bununsa səbəkarı məzlum azərbaycan vətəndaşları deyil, cinayətkarcasına, iqtisadi qanunlara uyğun olmayan, yarıtmaz iqtisadi siyasət aparan indiki hakimiyyət və onun talançılığıdır, dövlət büdcəsinin oğurlanmasıdır, korrupsiya və rüşvət nəticəsində istehsal sahələrinin yaradılmasına törədilən maneçiliklərdir və..."
burada cavan hakim abidin hüseynov, rejimə sədaqətini nümayiş etdirərək, mənim sözümü qətiyyətlə kəsdi və dedi: "burada siyasətdən danışmayın, mahiyyəti üzrə danışın, sizin dediklərinizin iddiaya nə aidiyyatı var?"
mən nə qədər çalışsam da, gənc hakim abidin hüseynov mənim dediklərimin bilavasitə iddiaya aid olduğunu, mülki məcəllənin 556-557-ci maddələrinə aid olduğunu başa düşmək istəmədi.
bunu yazdım ki, rejim öz adamlarını tanısın.
onu da, sədaqətini (qanuna yox, rejimə) nəzərə alaraq, ali məhkəməyə üzv etmək olar, həm də vafəddin ibayev kimi ömürlük.
maşallah, tez, tam, hərtərəfli, obyektiv və çox yetişib. (c) qurban məmmədov
+9 əjdaha
18. deməli hardasa 3 il evvel məhkəməlik işim olmuşdu.ləçər bir qız komputer atmışdı mənə.bu ilim-ilim itdi.nömrələrimi qara siyahıya atdı.uzun sözün qısası inandım ona o da mənə 700 manata yaxın soxdu.getdim məhkəməyə ərizə filan da əlimdə hazır.orda vəkilfason birini tapdım.mənə deyir ki,o qızın yaşayış ünvanını öyrən.sonra nə bilim ərizə belə getdi,sənəd belə gəldi.başladı tutuquşu kimi məcəlləni mənə saymağa.dedim a xiyar evinin ünvanını bilsəm səni nə sikirəm gedib özüm başqa vasitələrlə alaram da malımı.azərbaycanda hər sahədə olduğu kimi hüquq sahəsi də dana otaranların əlindədi.obşim o komputer əldən getdi.700 manatın üstündən soyuq su içdim rahatladım...
+8 əjdaha
23. yapa üzv olmağa məcbur olmaqdır. ədalətsiz məhkəmənin qərarlarına ortaq olmaqdır.
edit: atamın ən böyük istəyi mənim hüquqşünas olmağım idi. atam öz qardaşına hüquqşünas olması (halhazırda hakimdir) üçün kömək eləmişdi (4 il ödəniş haqqını özü ödəmişdi) amma sonra naxələf olub atamın işləri pis gedəndə nəinki kömək eləmişdi hətta daha da pisləşməsi üçün yüksək faizlə borc almasına səbəb olmuşdu. amma atam bu hadisələrə baxmayaraq qardaşı haqqında nəsə pis söz demir yəni nifrət etmirdi. hətta onun kimi varlı olmağım üçün məni də hakim (hüquqşünas) eləmək istəyirdi. ancaq mən balım çatmasına baxmayaraq hüquq fakültəsini yazmadım. mən əmim kimi olmaqdan qorxmadım sadəcə ədalətsizlik eləməkdən qorxdum. günahsız insanları içəri basmaqdan qorxdum. qısaca allahdan qorxdum. bugünün azərbaycanında heç kimə hüquqşünas (xüsusilə hakim) olmağı arzulamıram.
+7 əjdaha
5. rayon-şəhər məhkəmələrində mülki işlərin aliment, bank kreditləri, socara məxsus sahələrdə qanunsuz tikililərin olması kimi dar bir çərçivədə hüquqların müdafiəsinə çalışmaq və sonunda socarın və bankın qalib gəlməsi. vəkilə isə saatına görə verilən iki manat. qəhbəlik vəkillikdən hörmətli sayılır bu ölkədə.
+6 əjdaha
19. dörd il oxuyub oxuduğun heçnəyə inanmamaq, karriyeranda yüksəlmək üçün şərəfsiz olmağı gözə alacaq qədər cəsarətli olmaq, ev yıxmaq bacarığının olması və də gözyaşı sənin üçün heçbir məna ifadə etməməlidir
+6 əjdaha
7. xəstəxananın olmadığı bir yerdə işləyən həkimə bənzəyir.
+6 əjdaha
22. tamamilə qanunsuz və absurd formada bir hüquq professorunu vəkillər kollegiyasından xaric edirlərsə, burda verilən mesaj bu dördündən birisi, ya da bunların cəmidir;
1. özünü lazımi kimi aparmırsan, yola gəl.
2. sən "etibarsız" adamsan, sabah baş ağrıda bilərsən.
3. kiminsə boğazında sümük olub ilişib qalmısan.
4. əslində ölkədən çıxıb getsən yaxşıdır. burda sənin kimilərə keçid yoxdur, liberal təfəkkür bu ölkədə marjinal qalacaq və sizin kimilər tarix muzeyində eksponat kimi qoyulacaq.
səbəbləri nə olursa olsun, nəticəsi insanı 4-cü bənddə olana sövq edir.
yaxında bütün beynəlxalq qurumlara ar vəkillər kollegiyasının anti-vəkillik siyasətini çatdıracam. tək - tək e-mail yazmaq sürəti ilə. hüququmuzu əlimizdən alıb susacağımızı gözləməsinlər. (c) professor fərhad mehdiyev
+5 əjdaha
13. əsəb xəstəsi olmaqdır.
üzünüz üzlər görür.
+7 əjdaha
1. ateizm dərnəyində molla olmaq kimi bir şeydir,vəkillərin işi ümumiyyətlə çətindir.
+4 əjdaha
26. hüquq bir sənət növüdür. həm də incəsənət növü. üstadların əlində. onun ən gözəl təcəssümünü ədalətli məhkəmə qərarlarında tapmaq mümkündüür. bu baxımdan aihm qərarları olduqça nümunəvidir. hakimin dilində qanun canlanır, qanun norması ədalətin təcəllisinə çevrilir. oxuyanı ilhamlandırır, ona ümid verir, yüksək dəyərlərə olan inancını artırır.
ölkəmizin məhkəmə sisteminin nə vəziyyətdə olduğunu görmək istəyənə sadəcə bir faktı yada salacam; - həmin bu aihm azərbaycandan demək olar heç bir hakimi öz üzvlüyünə qəbul etməyə razı olmadı. olduqça düzgün bir mövqedir. bu da hüquqşünaslığın verdiyi prinsipiallıqdan irəli gəlir. (c) fərhad mehdiyev
+5 əjdaha
3. huquqsunasliği oyun zenn edenlerin uydurduğu bir sey. adamlar dusunur ki, yaxsi huquqsunas olmaq üçün amerikadaki kimi qeribe cinayetler olmalidi, bank isine baxmaq huquqsunasliq sayilmir.
+3 əjdaha
15. elə bu sabah öyrəndim ki, azərbaycanda 900 min hüquqşünas var. hər 10 nəfərə 1 hüquqşünas düşən ölkədə bir xalq ancaq bu qeder hüququnu bilməyə bilərdi...
+3 əjdaha
31. amerikada fahişə olmaq kimidir.
(baxma: useless)
+4 əjdaha
28. bir saul goodman olmaq deyildir.
+2 əjdaha
6. (bax: aslan ismayılov)
+2 əjdaha
8. böyüksüz yerdə oturmağa bənzəyir ..
+2 əjdaha
14. bu filmlərdən ilham almaqla burada hüquqşünas olmağı motivə eləməyi düşünürəm
link 
+3 əjdaha
10. qanunlar külliyyatını tətbiq etməkdən ibarətdir. əslində bunun üçün də elə 4 il oxumaq zad lazım deyil, hər kəs edə bilər. hüquqların pozulması, sistemin rüşvətə baxması zad bir qırağa, insanlar bacardıqları qədərini də etmirlər. hüquqi düşüncə yoxdur.
+1 əjdaha
24. telekanallara çıxıb ailə-məişət problemerinə fikir bildirə bilərsən. hətta ona belə qoz qoyan olmayacaq.
+1 əjdaha
29. baş verəcək ürək xəstəliyinin xəbərçisidir.
hamısını göstər
