15. insanların başı qələbəyə qarışıb dedik, bəlkə qadın cinayətləri ,qadınlara qarşı şiddətlər olmaz bir müddət dedik, sabirabaddan bir zırrama dəli qadın qız uşağı dünyaya gətirib deyə 17 yerdən bıçaqlayıb.
Xəbəri alan kimi bildiyim bütün xəbər saytlarına baxdım birisi belə paylaşım etməyib, tvdə də ancaq 3-4 cümlə deyilib deyildi.
Əsl qələbə bilirsiz nə vaxt olacaq? içimizdəki erməni qanı daşıyan insan həyatının təcavüzkarlarıda yer üzündən silinəndə.
Övlada olan sevgini cinsinə görə verməyi düşününlər zəhmət olmasa ailə həyatı qurmağa çalışmasın. Ən azından gələcək nəsillər normal psixologiyaya sahib insanlarla bir yaşasın bu həyatı,bizdən artıq keçib o qatar..
7. Dünən gecə bir yenisi daha qeydə alınıb.
Ailəsi tərəfindən zorla ərə verilməsinə etiraz olaraq şəmkir rayonu sakini 1999 təvəllüdlü adpu tələbəsi günel nağdıyeva bakıda yaşadığı binadan özünü ataraq intihar edib.
Bu il koronodan daha çox qadın ölümü qeydə alınıb.
Xəstəlik deyil mentalitet öldürür.
12. bir çoxunun səbəbi ayrılıqdan sonra beynin yaşadığı bugdur. nədir bu bug? ayrılıqdan sonra beyində bəzi proseslər gedir və insanların çoxu bu prosesi aşırlar, çoxları isə aşa bilmirlər və ya özlərini öldürürlər ya da qarşı tərəfi
insanlar niyə unuda bilmirlər? ayrılığın səbəbi nə olursa olsun (ölüm, məcburiyyət və s.) niyə qarşı tərəfi unuda bilmirlər? depressiya yaşayırlar, intihar edirlər, ağlayırlar, acı çəkirlər? çünki beynimiz unutmur. özünüzü unutduğunuza inandırsaz belə bir gün vitrindəki təsadüfi bir paltar sizə sevgilinizi xatırladacaq, hansısa musiqi sizə onu xatırladacaq, bütün şərtlərdə belə sizə onu xatırladacaq nəsə olmasa da, başınızı qaldırıb göy üzünə baxanda gördüyünüz random buludların əmələ gətirdiyi şəkillər pareidolia yaradacaq, o mənasız şəkillərdən bəlkə də sevdiyiniz insanın saçlarını xatırlayacaqsız. amma asanlıqla unutmayacaqsız əmin olun. helen fisher, lucy brown və bir neçə digər tədqiqatçı da beynin niyə unutmadığını anlamaq üçün fmri (funksional maqnetiz rezonans) vasitəsilə tərk edilmiş şəxslərin beyin fəaliyyətlərinə baxırlar. bunun üçün tədqiqatda iştirak edən şəxslərə onları tərk edən insanların şəkilləri göstərilir və həmin zaman beyində nələrin baş verdiyi izlənilir. qəribəsi odur ki, tərk edilən şəxslər qarşı tərəfi unutmaq istəsələr də, beyinlərindəki romantik münasibətlərdən cavabdeh olan beyin bölgəsində anormal aktivlik görülür. yəni o şəxslərə qarşı əvvəlkindən də daha çox şey hiss edirsiz. bu hiss eşq dediyimiz şeydir, bir dostunuzu və hətta ailənizdən birini belə itirdiyinizdə buna oxşar duyğular yaşamırsız, bu duyğu təmamilə fərqlidir, yaşayan onsuz da bilir. əgər belə bir şey yaşamamısızsa aşiq olduğu insandan ayrılan birini müşahidə edin və bir də dostunu ya da ailəsindən birini itirən adamı. sonra müqayisə edin. təmamilə fərqlidir. digər bir aktivlik olan beyin bölgəsi isə qazanc/və itirdiklərimizi hesablayan bölgədir. müəyyən qərarları verəndə qazanacaqlarımızı və itirəcəklərimizi hesabladığımız zaman həmin beyin bölgəsi aktivləşir. və ən qəribəsi də beynimizdə aktivləşən digər bir bölgə isə kokain və s. aslılığı olan insanlarda aktivləşən bölgədir. tərk edilmək, rədd edilmək bu bölgədəki aktivliyi artırır və bu da niyə görə ayrılan insanların acı çəkdiyini, obsessiv davranışlar göstərdiyini, hətta işin intihara, qarşı tərəfi öldürməyə qədər gedib çıxdığını göstərir.uzun zaman keçsə belə unutmağa çalışdığınız birinin şəkli, onunla bağlı hansısa xatirə, musiqi, qoxu, səs və s. yenə həmin beyin bölgələrindən birini hərəkətə keçirir və eyni acını yaşayırsız. bir çox araşdırmalara görə bu hətta uzun illər sonra da təkrarlana bilər
kokain asılılığı olan biri hansı davranışları edirsə, ayrılığı yaşayan bir insan da oxşar davranışlar edir. dünyanın ən sakit adamının belə bir qadın ondan ayrıldığı üçün ya özünü ya da gedib qadını öldürmək kimi gicdillaq hərəkətlər etdiyini görmüşük. qısacası məsələ sırf azərbaycanlılar üçün belə deyil, bir neçə il qabaq məşhur bir italyan rejissor sevgilisi onu aldatdığı üçün intihar etmişdi. halbuki zəngin və ortalama tipdə biri idi və başqa qadınlarla da ola bilərdi halbuki onu aldadan birinə görə canına qıymışdı.
məhz buna görə də dilimizdə tük çıxıb illərdir romantikanın əslində şirin kimi görünsə də altdan altdan zərərverici olduğunu, daim realist olmağın və qarşı tərəfin sevgisinin bir gün bitə biləcəyini bilərək münasibətlərə başlamağın vacibliyini, araşdırmalara görə münasibətlərin bir qisminin ayrılıqla bitdiyini və sabah, birisigün ya da bir başqa günün bunun ola biləcəyini özünüzə xatırladaraq yaşamağın əhəmiyyətini, ki ayrılmasaz nə gözəl, amma yenə də buna hazırlıqlı olmalı olduğunuzu. mədənizdə uçan kəpənəklər bir neçə il sonra əlinizə kəndir verib özünüzü asdıra da bilər, bıçaq verib qarşı tərəfi öldürdə də.
sevgi gözəl şeydir, birini sevirsizsə nə gözəl, münasibətdəsizsə bu daha da gözəl, ümidvaram heç bitməz. amma siz yenə də hər gün bir gün bitəcəkmiş kimi yaşayın, çünki sonra əlinizə balta alıb sizdən ayrılan qadınları öldürürsüz və heç bir şey bir insanın yaşama haqqından daha vacib deyil. həll olunacaq məsələlərdə problem yaşamısızsa və sevirsizsə uşaqlıq edib münasibəti də bitirməyin, necə deyərlər seviyorsan aç konuş bence
amma qarşı tərəf bundan sonra da sevginizə cavab verməyəcəksə və bitirmək istəyəcəksə edə biləcəyiniz heç nə qalmır təəssüf ki.
27. Bu gün göyçayda 2003 təvəllüdlü fatimə məmmədova dayısı tərəfindən boğularaq öldürülüb. Qızının ölümündən sonra anası da komaya düşüb.
Ölümünə səbəb dayının bacısı qızının tiktok videolarından hiddətlənməsi olub.
24. Yanvarın 17-də paytaxtın Pirallahı rayon sakini 1981-ci il təvəllüdlü Ramazanova Lalə itkin düşməsi ilə bağlı aparılan araşdırmada öldürüldüyü ortaya çıxıb.
1975-ci il təvəllüdlü Telman Mövsümzadə 17 yanvar 2021-ci il tarixdə, yaşadığı evdə Lalə Ramazanovanı aralarında yaranmış mübahisə zamanı bıçaqlayaraq öldürüb və cinayəti ört-basdır etmək üçün meyiti həmin evin həyətinə basdırıb.
Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.
Hər gün qadın cinayətləri və bunları adi bir hal kimi qarşılayan toplum
5. son günlər azərbaycanda da ortaya çıxan cinayətlərdir. bu məsələnin cinsiyyəti qalmayıb. əvvəl də olurdu. lakin mətbuat zəif idi deyə xəbər tutmurduq.
bu gün goranboyda 35 yaşlı qadını ata bağlayaraq sürüyüblər .
bundan başqa, ötən bir neçə gün ərzində də xeyli cinayət olub. belə ki;
avtovağzal metrostansiyası yaxınlığında nicat abdullayev küçədə həyat yoldaşı leyla abdullayevanı uşaqlarının gözü qarşısında 20 bıçaq zərbəsi ilə qətlə yetirib.
beyləqanda yuxarı aran kəndində yolun kənarına atılan 18 yaşlı aygün quliyeva koma vəziyyətində olduğuna görə xəstəxanada vəfat edib. döyülmə səbəbi naməlumdur.
daşkəsənin əmirvar kəndində 19 yaşlı aişə abdullayeva gəlin getdiyi evdə qayınatası və qayınanası tərəfindən döyülüb. döyülmə səbəbi isə gəlinin cehizlik qoyun gətirməməsi olub.
bakının nizami rayonunda 39 yaşlı ilham əkbərov həyat yoldaşı 36 yaşlı cəvahir əkbərovanı qısqanclıq zəminində qətlə yetirib.
tərtərin şıxarx qəsəbəsində qayınata əsəbiləşərək maşınla gəlinini əzib.
gəncədə 1977-ci il təvəllüdlü natəvan mustafayevanın boğazı kəsilib. hadisəni qadının həyat yoldaşı məhərrəm sirati törədib.
bakının nəsimi rayonunda qayın ana və qızını beyzbol dəyənəyi ilə döyərək xəstəxanalıq edib.
masazırda aynurə abdullayeva əri yaqub qurbanov tərəfindən döyülərək öldürülüb.
bakıda məhbus ramin bayramov onu ziyarətə gələn həyat yoldaşını 33 yaşlı elmira bayramovanı döyüb və kəsici alətlə ona xəsarət yetirib.
atatürk prospektində orxan və aysel adlı şəxslər 1995-ci il təvəllüdlü nurlana musazadəni döyərək onun telefonunu əlindən alıb və hadisə yerindən uzaqlaşıblar.
xətai rayonunda qardaş öz bacısını 1966-cı il təvəllüdlü bikə köçərlini döyərək ona ağır xəsarət yetirib.
nəsimi rayonunda 44 yaşlı nəzirə abbasova keçmiş əri tərəfindən döyülüb.
8. Gün keçmir ki,bir yenisi əlavə olunmasın.
Hər həftə isə fərqli epizodlar daha dəhşətli əməllər qeydə alınır.
Kürdəmirdə 24 yaşlı gənc qadın 2 dəfə əri tərəfindən yandırılıb.
Götündə butulkası əksik "kişi" 3 il əvvəl boşandığı həyat yoldaşını yandırıb.
Bu barədə TV-yə qadının ailəsi məlumat verib.
24 yaşlı Ə.Ş 4 il evli olduğu həyat yoldaşı N.H-dan 3 il əvvəl boşanıb.
O, qız övladı ilə Bakının Nəriman Nərimanov rayonunda yaşayan anasının evində qalırmış.
Ailəsi deyir ki, onların birgə evlilikdən olan 4 və 6 yaşlı iki uşaqları var.
Qız anası, oğlan isə atası ilə yaşayıb.
3 il əvvəl boşandığı həyat yoldaşı onların ayrıldığını heç cürə qəbul etmək istəməyib:
“Mütəmadi zəng edirdi. Qızı ilə danışırdı. Nə bilim, tez-tez barışıq təklif edirdi və s. Hətta sonuncu Novruz Bayramında oğlan Bakıya gəlmişdi. Qızı ilə görüşmək adı ilə uşağı götürüb anasından izinsiz aparmışdı. Yazıq qız qalmışdı ağlaya-ağlaya. Polisə vermişdi, ancaq iş hələlik, həll edilməmişdi. Qız uşaqlarının səsini eşitmək üçün keçmiş həyat yoldaşı ilə tez-tez danışmalı olurdu. Axırda uşaqlarına görə ərinin barışmaq yalvarışlarına razı oldu”.
Ailə üzvləri deyir ki, iyunun 8-də N.H qadını aparmağa gəlib. Ona Kürdəmirdə tutduğu yeni evdə yaşayacaqları vədini verib. Ə.Ş da inanaraq, ona qoşulub Kürdəmirə gedib:
“Axşamçağı getdilər. Ora çatanda qıza “səni barışmaq üçün yox, məndən ayrıldığın üçün qisas almağa gətirmişəm”, - deyib. Oğlan traktor sürücüsüdür. Bundan sonra qızı bağlayıb traktorun önünə, aparıb sahəyə. Sahədə ağzını, əllərini bağlayıb, üstünə benzin töküb, yandırıb. Qız o tərəf bu tərəfə qaçıb özünü söndürməyə çalışanda, o, kənardan durub, seyr edirmiş. Qız özünü söndürəndən sonra onu iplə bağlayıb. Sahədə sürüyə-sürüyə gətirib evlərinə. Səhər saat 5-də Ə.Ş oğlanın anasına yalvarıb, deyib: “Məni həkimə aparın”. Qadın qızı o vəziyyətdə təpiklə vurub ki, səni heç yerə aparan deyiləm”.
Valideyni deyir ki, keçmiş əri qızını ikinci dəfə evdə yandırıb. Onu hamama salıb, burada üstünə benzin tökərək odlayıb. Sonra da hamamın qapısını bağlayaraq çıxıb gedib:
“Qız burada özünü soyuq su ilə birtəhər söndürüb. Səhər saat 5-də gedən adamlar 9-da gəlib qapını açıblar. Görüblər ki, qız çox ağır durumdadır. Ondan sonra qızı Kürdəmir Rayon Xəstəxanasına aparıblar. Guya hamamda qaz partlayıb, qız yanıb. Dünən səhər Bakının 5 nömrəli Şəhər Klinik Xəstəxanasına gətiriblər”.
Ailəsi qadının vəziyyətinin ağır olduğunu söyləyirlər. Həkimlər onun bədəninin 90 faizinin yandığını deyiblər, ailəyə ümid verməyiblər:
“Nə yaşı var onun? Bir şey olsa, 2 körpə uşağı anasız qalacaq. Üstəlik, onu da deyim ki, polis bizim işimizi operativ araşdırmadı, biz də məcbur qalıb əlimiz çatan hər yerə şikayət etdik. Ondan sonra gəlib oğlanı tutub aparıblar”.
Ailə deyir ki, 5 nömrəli Şəhər Klinik Xəstəxanasında olan Ə.Ş-ya təcili qan lazımdır.
Kürdəmir Rayon Polis idarəsindən TV-yə bu barədə açıqlama verə bilməyəcəklərini, Daxili işlər Nazirliyi ilə əlaqə saxlamağı məsləhət görüblər.
Daxili işlər Nazirliyinin mətbuat xidmətinin rəisi Ehsan Zahidov TV-yə faktı təsdiqləyib. Bildirib ki, keçmiş həyat yoldaşı bu cinayəti qadınla aralarında yaranmış ailə-məişət münaqişəsi zəminində törədib:
“Polis idarəsində dərhal fakta görə cinayət işi açılıb, istintaq aparılır. Xanım da hazırda xəstəxanaya yerləşdirilib, müalicəsi davam etdirilir”.
10. vor söhbətləri ilə böyüyən azərilərin onları tərk edən qadınları qəbul edə bilməməsidir. bir tərəfdən də heçnə etməsəm camaat mənə peysər kimi baxacaq qorxusu. o din və təfəkkür ilə böyüyüb nə olmalıdırlar ki. qardaşlar belə bacılarını öldürür ki başqası ilə yatmısan, qaçmısan.
nə qədər qız tanıyıram ərlərinə nifrət edirlər ancaq qorxulardından ya çarəsizlikdən heçnə edə bilmirlər.
11. Təhsil cəhətdən şikəst bir toplumdan başqa nə gözləmək olar ki? Əminəm ki, avropalı insan bu cür mövzular haqqında müzakirə etməyi çoxdan bitirib artıq. Şəxsi olaraq bütün günahın kişilərdə olduğunu da hesab etmirəm. Qadınların, xüsusən də gənclərimizin özünü qoruması lazımdı. Bütün qadınlara aid etmirəm əlbəttə, ancaq spesifik bir qrup barədə danışacam. Bad boy, vor qaqaş sevgisi olan qızları deyirəm. Bunda təbii ki, axmaq türk seriallarının rolu çox böyükdü. Qadını zorla tutub aparan, istəmədiyi halda onunla birlikdə olmağa zorlayan tipləri görüb "ay da nə romantikdi" deyirlər. Ətrafımda da belələri var, Özü ilə insan kimi rəftar etməyən, hətta yeri gələndə aşağılayan birini, "amma məni qısqanır axı, ona görə belə eliyir" deyib müdafiə edirlər. Bilmirəm heç watpadd'də olmusunuzmu? Yazılan kitabları görəndən sonra iyrənib çıxmışam həmin saytdan. Kitabların 80 faizi mafia üzvü oğlanla, onunla öz malı kimi rəftar etdiyi sevgilisi haqqındadı. Bu kitabları yazan da cavan və yeniyetmələrdi. Xüsusən də qızlar.
Yaxın zamanda da eyni bir hadisə türkiyədə baş verdi. aleyna çakır adında gənc bir qız sevgilisi tərəfindən öldürüldü. intihar etdiyi də deyilirdi bir ara amma səbəb yenə də eynidi. Sevgilisinə baxsan bütün günü silahla şəkil qoyan, gic-gic vor başlıqlar, statuslar paylaşan biridi. Manyak olduğu hər halından bəllidi yəni. Belə bir adamdan başqa nə gözləmək olardı?
indiki qızlar (yenə deyirəm hamıya aid deyil) nədənsə öz ayaqlarları üstündə durmaq, güclü olmaq haqqında fikirləşmir, belə birinin gəlib onlara yiyəlik etməsini, öz malı kimi görməsini istəyir.
Türk toplumlarında da "qız qaçırtmaq" deyə axmaq bir ənənə var. Mən nədən danışım artıq? Onları sevdiyini sanan oğlanla qaçırlar, sonra da bədbəxt olub gedirlər. Hər şey olub bitəndən sonra Ailəsinə geri də qayıda bilmirlər.
Düzdü hələ də adət normaları ilə idarə olunan bu toplumu dəyişə bilməyəcəyik. Amma qadınlar özlərini bu tiplərdən qorumaq istəyirlərsə, onlardan uzaq olmalıdı, öz həyatları ilə bağlı mühüm qərarlar verəndə də romantikanı bir kənara qoyub, ağıllı başlı düşünməlidi.
31. Azərbaycanda son 9 gündə 4 qadın öldürülüb. Qadınlardan hər biri kişilər tərəfindən şəxsi münasibət zəminində qətlə yetirilib.
iyulun 16-sı Əli Məmmədov adlı şəxsi Aygün Mirzəyevanı oteldə şəxsi münasibət zəminində 23 bıçaq zərbəsi ilə öldürülüb.
iyulun 22-si polis serjantı Əliağa Soltanov tanışı Mübarək Ağayevanı kəsici-deşici alətlə qətlə yetirib.
iyulun 23-ü Zərbəli Quliyev Lyudmila Tataçenkonu şəxsi münasibətlər zəminində bıçaqlayaraq, öldürüb, sonra özü də intihar edib.
iyulun 24-ü Meyxoş Cəfərov ondan boşanmaq istəyən Xatirə Fərəcovanı 10 bıçaq zərbəsi ilə öldürüb. Qadın və uşaqları Meyxoş Cəfərov tərəfindən mütəmadi zorakılığa məruz qalırmış.
25. işimlə əlaqədar zorakılığa məruz qalmış çox qadın görürəm. Demək olar ki gündə 3-5 qadın. Ölkəmizdə qadınların böyük əksəriyyəti fiziki yaxud psixoloji zorakılığa məruz qalırlar. Bunun səbəbi patriarxal dövlət deyil. Özünüzü cırmaq üçün deyil ki azərbaycan Respublikası dövləti bütün bu problemlərə dırnaq arası baxır bu düzdür amma zorakılığın səbəbi sosialdır. Cəmiyyətimizdə qadınına qarşı zorakılıq etməyənə "kişi deyil arvadını döymür" deyən qadını görmüşəm mən. Cəmiyyətimiz qadını ev heyvanı kimi görür və qadınların çoxunun bundan xoşu gəlir. Yəni demək istəyirəm ki dövləti bir şeyə vadar etməkdənsə bir məhkəmədə zorakılığa məruz qalmış bir qadının hüquqlarını müdafiə edib cinayət Məcəlləsinə qadına qarşı zorakılıq maddəsi və çox ciddi sanksiya gətirilməsi üçün səy göstərilsə hökumət evinin qabağında poza verməkdən yaxud fəvvarələr meydanında qışqırmaqdan daha böyük uğurlar əldə edilə bilər. Vəl hasil kəlam qadın cinayətləri siyasi deyil sosial iqtisadidir. Gəlir yeri olmayan qadın məcbur qalıb ona qarşı fiziki yaxud psixoloji zorakılıq göstərən kişi ilə birlikdə yaşayır. Buna görə də qışqırmaqdan, poza verməkdən və Twitterda özünü göstərməkdən daha mənalı işlər görülə bilər. Yetər ki səmimi şəkildə qadınları fikirləşin. Martin əminin dediyi kimi "məsələ qadın olanda ən amansız olanlar yenə qadınlar olur"
6. Ölkəmizdə də Hər gün bir(!) yenisi daha baş verən cinayətlərdir.
Xüsusi amansızlıqla olmasına isə söz tapmaq mümkün deyil.
Liftdə 48 bıçaq zərbəsi ilə öldürülən qadının üzərindən bir həftə keçməmiş daha bir ağır cinayət ramana qəsəbəsində gözəllik salonunda Baş verib. Qısqanclıq zəmnində bu səfər ər rüstəm qasımov arvadı nurana qədimovanı bıçaqlayıb qaçıb.
41. Xanım Məmmədova ailə münaqişəsi zəminində yoldaşı, ppx əməkdaşı ismayıl Məmmədovdan 24-cü polis şöbəsinə şikayət edir. Bundan xəbər alan Məmmədov şöbəyə gələrək xidməti silahıyla atəş açıb yoldaşını qətlə yetirir. Bu da qətlə yetirilən qadının şöbədən çıxarılma görüntüsü:
28.#327179 (bax: Azərbaycana nifrət etmə səbəbləri)
Dünən öldürülən 18 yaşda qızın xəbərinin altına yazılan kommentlərin bir hissəsidi. Ən utancverici hissəsi bilirsiz nədir? Öldürən dayı ya haq verənlərin böyük əksəriyyəti qadınlar idi. Burda komment yazan qadınların heçbiri azad yaxşı həyatları yoxdur. Olarında anasını kimsə döyüb söyüb təhdit edib. Oların özünədə həmçinin eyni hərəkətləri ediblər. Ancaq buna göz yumub normal birşey imiş kimi baxırlar. Buna uyğun qaydalardada qız uşağı doğub yetiştirəcəklər. Ona görədə artıq mənim özünə qadın deyən azadlıqdan məhrum bu məxluqların gördüyü şiddətə yazığım gəlmir. Gələbilmir. insafınız olsun.
13. Dünən gəncədə saqqalına soxduğum 70 yaşlı ağsaqqal qardaşının arvadını öldürüb,36 yaşlı gəlinini,18 yaşlı qız və 14 yaşlı oğlan nəvəsini bıçaqlayıb.
Səbəb isə qardaşı qızının oğlu ilə boşanmasına dözə bilməməsi olub.
100% ağçaqqalı "18 yaşında qızı olan ana boşanar? Adımız batdı" hissi boğub.
Erkən evliliyə qol qoyanlar boşanmaya barmaq eləməsinlər bir zəhmət.
Qardaşı qızın alıb oğluna gəlin eləməyi də ayrı temadı.
Qohum evliliyi öldürür. Mentalitet öldürür.
37. Qadın cinayətinin siyasi hadisə kimi təqdimatının əsas səbəbi Azərbaycan polisinin həddini aşıb müstəqil iki fərdi barışdırmaq cəhdindən irəli gəlir. Məişət zorakılığının olduğu mühitdə "ailə dəyərləri"ni əsas gətirib zərərçəkənin haqqını qorumaq yerinə zərərverənə güc verirlər. Polis iqtidarın, o cümlədən dövlətin əlaltısıdırsa, bu qətllərin siyasi olması normal deyil?
Hökumətinizin cilalayıb, təmizləyib dünyaya təqdim etdiyi gender bərabərliyi, multikulturallıq, sekulyarlıq və s. Kimi dəyərlərin heç biri nə sizdə, nə də toplumun əksəriyyətində yoxdur. Bir neçə həftə qabaq pantural adlanan xiyarın, sevinc adlanan diqqət qəhbəsinin üzündə, danışıqlarında bu ölkənin əsl siması yatırdı, yaxşı ki, sosial mühit var və biz hər kəsin niyyətini, ört-basdır etməyə çalışdığınız cinayətlərdən xəbərdar oluruq.
son olaraq, Kaş o qrant yeyənlər qədər insan azadlığını düşünə biləsiniz. tutduğunuz tərəf bir gün sizə də zərər yetirəcək.
26. Bu aralar gündəmdə olan mövzudur. Səbəb isə həm feministlərin kiçik və təqdir etdiyim fəaliyyətləri, həm də son zamanlar daha çox eşitdiyimiz qadın cinayətləridir. insanların bir hissəsi elə reaksiya verir ki, nolub 2021-də çox qətl olur? Xeyr, həmişə belə idi, sadəcə indi eşidirsiz. Niyə qadın cinayətləri belə çox baş verir?
Çünki bizdən əvvəlki nəslin kişi anlayışı tamam fərqlidir. Bu fərq etmir, şəxs təhsillidir, ya təhsilsiz. "Kişi qadını döyər də, söyər də, hər şeydən ötrü dədə evi" zir-zibilindən, "indi atanın haqqı yoxdu, çağırıb qızına bir şillə vursun,xeyrola əzizləyəndə oluuur" cəfəngiyyatına çoxu dilə gətirməsə də belə düşünür. Hamını dəyişə bilmərik, amma heç olmaya cəmiyyətin öyrədənləri belə olmayaydı. Bu barədə heç vaxt unutmayacağım xatirəm mənə elə pis təsir edib ki...
Bir dekan universitetin ilk günü iclasda tələbə və valideynlərə dedi ki, baxın, saat 6-dan sonra tutorları narahat etməyin. Bəlkə (gülə-gülə) birini əri döyür, desin ki ay ər, gözlə cavab verim sonra döyərsən? Zalda bir mən şok oldum. Hamı gülümsədi, gənc tutorlar utandı.
Bu birinci səbəb. Şiddət aşılanır.
ikinci isə erkən və "dədəmverdi" evlilikləridir. Bunun bir nömrəli səbəbkarı dövlətdir. Sən 16 yaşlı qıza niyə nigah icazəsi verirsən? Niyə o uşaq xəstəxanaya doğmağa gələndə baxım-görümlə yaşı çox yazılır, amma təcavüzkar kef edir? (qanuna görə qız hətta o yaşda öz iradəsi ilə evlənmiş olsa belə ər və atalar cinayət məsuliyyəti daşıyır)
Bəzi şeylərə elə biz özümüz də göz yumuruq. Kim indiyə qədər ona uşaq evliliyi üçün dəvətnamə gələndə salona yox, polisə gedib? içi mən qarışıq heç kim.
29.Bu gün günorta saatlarında Yasamal rayonu ərazisində rayon polis idarəsinin əməkdaşı, 1995-ci il təvəllüdlü Həsən Osmanov qısqanclıq zəminində tabel silahından atəş açaraq, tanışı - 1996-cı il təvəllüdlü Fatimə Hüseynovanı qətlə yetirib, özü isə intihara cəhd edib. Daxili işlər Nazirliyinin mətbuat xidmətindən APA-ya verilən xəbərə görə, H. Osmanovun sağlamlıq durumu ağır qiymətləndirilir. xəbər arxiv
1. əsasən inkişaf etməkdə olan ölkələrdə yayılmış spesifik olaraq qadınlara qarşı qərəzlilik və nifərtin təzahürü kimi meydana gələn cinayətlərdir. bu tip ölkələrdə qadının rolu ikinci dərəcəli olduğuna görə və bu cəmiyyətlər maskulin, kişi gücünə dayanan, patriarxik cəmiyyətlər olduğuna görə kişi ailə münasibətlərində iki üç addım qabaqda olduğuna görə kişinin həyat yoldaşına qarşı həyata keçirdiyi şiddət cəmiyyət tərəfindən təbii qəbul olunur. sadəcə medianın tənqidi və bir sıra sosial kampaniyaların aparılması qadın cinayətlərini bəzi inkişaf etməkdə olan ölkələrdə diqqət mərkəzinə gətirdi. azərbaycanda qadınlara qarşı edilən cinayət səbəblərindən ən məhşuru namus səbəbi ilə edilən qətllərdir.
21. Yazıya hardan başlayacağımı bilmirəm,hələ də hadisənin təsirindən çıxmamışam. Bildiyiniz kimi, yanvarın 27-də Bakıda zibil qutusundan doğranmış qadın meyiti tapılmışdı. Sonradan ortaya çıxdı ki,(nə qədər dəqiq olduğunu bilmirəm) qayınatası gəlini yatdığı yerdə öldürüb. Söz tapa bilmirəm buna. Əgər namusuna xələl gəlibsə, ay kişi boşatdır oğlunu qızı da apar ver valideynlərinə sənə kim ixtiyar verir kiminsə uşağının canını alasan? Ana ata öz qızını sizə verməmişdi ki,onun doğranmış meyitini qarşılıq olaraq verəsiniz. Bir də bizim bəzi jurnalistlər bütün kriminal hadisələrə "qısqanclıq zəmində" donunu geyindirirlər. A bir araşdırın görün məsələ nə yerdədir sonra məlumatı yazın
Allah rəhmət eləsin,günahlarını bağışlasın
36.Nahid Cəfərov kimi qrant alan bir çox insanın süni şəkildə siyasi hadisə olaraq göstrəməyə çalışdığı feillərdir. Əlbəttə bir çox mövzüda iqtidarı pisləmək rahatdı, amma məntiqli təməlləndirmə olmadığında hamısı dağılır. Feministlər, nahid bəy və digərləri də bu sayaq arqumentlər irəli sürür. Məntiqdən və reallıqdan uzaq. Qadın cinayətləri siyasi deyil. Bunu əminliklə olmasa da, deyə bilərik. Bu psixoloji bir haldır. Fundamental səbəblərini araşdırmaq lazımdır, bu qədər məsələyə bəsit yanaşıb onu siyasi adlandırmaq sadəcə gülüncdür.
38. cinayət qadın da olsa kişi də olsa pisdir bu bir kənara.mənim xoşuma gəlməyən isə bu kimi dəhşətli halları siyasiləşdirən avropaya getməyə cibində pulu olmayıb oraya qaçmaq üçün hər cür şəkildə axrıncı yollara əl atan o bəzi fenomenlərdir.polis şöbəsinə hücum edib, sonra da polisin bunları heç həbs etməyiblər, qovlamalarına etirazlar edirlər halbuki o arzuladıqları abşda polis şöbəsinə hücum etmək bir kənara, polislə səs tonunu qaldırmaq ən yaxşı halda elektroşoklanıb, qandallanıb aparılmadır, şöbəyə hücum etsən yəgin gülləliyərlər. Mənə çox süni gəlir bunların "qadın,uşaq,heyvan,təbiət mələkləri" obrazları həqiqətən qarşını almaq üçün başqa şeylər etmək lazım polisə hücumla, hər yerə siyasəti qarışdırmaqla artıq öz əsl məqsədlərini bəlli edirlər əslində.dil öyrənib,pul yığıb getmək və ya xaricdə stipendiyalı təhsil qazanmaq çətin, xaricdən qrant alıb özünü axrıncı yola qoymaq rahatdı yəgin bunlara.
22. Təxmini 2-3 il əvvəl olar . Bir qadın cinayəti olmuşdu əri tərəfindən 2 uşağı yetim qalmışdı . Ölkədədə çox səs gətirmişdi hamı o qadın haqqında paylaşım edirdi Adını dəqiq xatırlamıram . Həmin vaxtı ana səhifəmdə o qadın haqqında paylaşmayan yoxidi qohumlarım dostlarım uzaq tanışlarım . Nəysə biz elə oldu həmin vaxt rayonda idik bu hadisədəndə uzağı 1 yada 2 gün keçmişdi . Əmimoğluda bu hadisə haqqında paylaşım etmişdi . Elə biz oların həyətində oturan vaxtı bir səs and aman qopdu . Dedilər adi şeydi qonşuda əri içib gəlir arvadda qışqırır dava edirlər . Çıxdıq çölə alkaş ər birtərəfdə döyülmüş qadın ağlayır aman diləyir uşaqlar bir tərəfdə ağlayır . Qonşular çıxıb deyir ay bala eləmiyin dava yazığınız gəlsin və s. Əmim oğlunun isə qozuna deyildi . Sanki 2-3 gün əvvəl o ölən qadın haqqında paylaşım edən qadına şiddətə qarşı qınaq göstərən o deyildi . indi sözümün canı Mənim əmim oğlum 1 nəfər deyil ölkədə onminlərlə insan belədir . Ailəsində qohumunda yaxınındı qapısının qabağında olan şiddətə və s. Göz yumur . Yaxınınızdaki şiddətə göz yumaraq bütün ölkədəki qadın cinayətlərini qadına qarşı şiddətin qarşısını alabilməyəcksiz heçvaxt . Yazın hadisələrə qarşı facebookdan tvvitterdən və digər yerlərdən döşəyin kef eləyin PR edin yaxşı like yığın .
23. Ölkəmizdə türkiyəyə nəzərən daha az (çoxunun üstü örtülmüş) olsa da, türkiyədəki cinayətlər bizdə olan cinayətlərə baxanda daha insancıl qalır. Deməli, bu gün səhər xeyir xəbər verməyən bir dostum sayəsində 75 yaşlı bir kaftarın 35 yaşlı bir qadını doğradığını gördüm. ilk öncə elə bildim maketdi. Sonradan məlum oldu ki, gerçəkmiş. Deyəsən, mən artıq qartal burunlu adamın "biz avropaya inteqrasiya etməyəcəyik" sözlərinə dəstək verməyə başlayacam. Əgər biz bu gündə avropaya inteqrasiya etsək, burax türkləri, bəlkə, "цыган"lardan belə daha çox nifrət görərik.
(baxma: ürəyim xaş istədi)
43. Mənim üçün boş ifadədir. Cinayət cinayətdir, burda nə qurbanın nə də qatilin kişi və ya qadın olması əsas deyil. Əsas budur ki, bu bir insanın digərini qətlə yetirməsidir.
.
)
