bugün wiki təsadüfi son
sözaltı sözlük
məsləhət postlar mesaj Profil

dəli kür



facebook twitter əjdaha lazımdı izlə dostlar   mən   googlla
tövsiyə olunan kitablar - cahangir cahangirov - ismayıl şıxlı - azərbaycandakı insan modelləri - sol frame - mirzə babayev - məlik dadaşov - bəxt üzüyü - kür çayı - səsli kitab
başlıqdakı ən bəyənilən yazılar:

+9 əjdaha

3. Yəqin ki bu filmə baxmayanlar olsa da, adını eşitməyən yoxdur. Kitabı da orta məktəb dərsliklərində ixtisarla olur və oxudular. Sözün açığı, Cahandar ağa obrazına antipatiya duyduğumdan heç vaxt əsəri tam oxumamışam, filminə də biraz əvvəl baxdım. Kitabla nə dərəcədə əlaqəsi var bilmirəm, amma Cahandar ağa konkret dövrümüzün qeyrət dağarcığıdır. Tamahına qalib gələ bilməyərək, ağalıq səlahiyyətlərindən istifadə edib, Allahyarın arvadını qaçırır. Deyə bilərsiniz ki, Mələyin canında da az yoxdur, onsuz da yüngül əxlaqlıdır və s. Bəs o cür ağır, ciddi, əxlaqlı kişi Allahyarın qeyrətini heçə sayıb, səviyyəsizin birini niyə gətirib evinə xanım edir, elə ordaca güllələyərdi də. Digər bir tərəfdən də subay bacısına göz açmağa imkan vermir. Nə var nə var məclisdə əylənib deyə, onu özünü öldürməyə vadar edir. Xalxın arvadını qaçırmaq adına ləkə deyil, bacısının əylənməsi böyük qəbahətdir. (bax: Ana-bacı söhbəti edənlər)

Filmdə gənclərin təhsildən geri qalması, dünyagörüşünün darlığı da təsvir olunub. Bəlkə də əsas məğzi ondan ibarətdir ki, təhsilsizlik cəngəllik qanunlarının hökm sürməsinə səbəb olur. Filmin sonluğu kəsilib çıxarılmış və dəyişdirilmiş olsa da, eyni qalsaydı da məğzi dəyişməzdi. Rus işğalçılığı məsələsi çox güman ki, kitabda da təhsilsizlik, dilini başa düşmədən, tutuquşu kimi əzbərlədilən quranla və sadəcə quranı oxuya bilənin savadlı hesab olunması ilə əlaqələndirilib.
indi baxıram ki, illər keçib, insanların geyimi, özünü aparmağı dəyişib, amma xislətləri dəyişməyib. Qadınların hüquqsuzluğu, kişilərin üstünlüyü, adı böyük, səlahiyyəti geniş, pulu çox olanın istədiyi kimi at oynada bilməsi heç vaxt dəyişmir.

+6 əjdaha

2. Senzuraya düşmüş, kəsilib çıxarılmış finalına baxmaq üçün:
(youtube: )

+3 əjdaha

4.
bir-iki il əvvəl kür qapımıza dirənmişdi, daşacaq deyirdilər və ətrafındakı kəndlər tərk edilirdi. bizim küçədəkilərin də yarısı çıxıb getmişdi. papagillə danışdım, özüm tikdiyim evi qoyub hara gedirəm deyirdi. klassik insan ürəyi.
kilometrlərcə uzaqda illərdir odyyseus kimi evinə qayıda bilməyi gözləyən mənsə necə hiss etməli olduğumu başa düşmürdüm. bir gün geri qayıdarkən böyüdüyüm evin yox olduğunu görməyəmi kədərlənsəm, yoxsa ailəmin bir gecə sellər içində oyanıb evsiz qalmasınamı.
özünü kifayət qədər yüksək səda ilə xatırlatdıqdan sonra çıxıb getdi kür.

sonra təkrar öz eqosunu da götürüb quruyuram adıyla geri gəldi ölü balıqlarıyla. mamayla danışıram, deyir suyunu çox işlədiblər, quruyub.
təkrar necə hiss etməli olduğumu bilmirəm, geri qayıdarkən uşaqlıqda dəfələrlə boğulduğum tək əyləncəmiz olan axar dənizimizin yox olmuş olduğunu görəcəyimə heyfslənirəm. bizim dənizimiz yox idi. çirkli arxlarımız var idi içini görə bilmədiyin.
sonra kür təkrar diri balıqları və köhnə mənliyiylə geri gəldi.
gedib də geri gələ bilməyən hələ ki yenə də poseidonun lənətinə tutulmuş odysseus idi.

hər şeyi uzaqdan izləmək çox qəribədir, bir nöqtədən sonra hamısının xəyal olduğunu sanırsan.




hamısını göstər

dəli kür