2. sovet zamanı çəkilənlər bir başqa maraqlı idi.adamı ən çox güldürən məqamlar isə ondan ibarət idi ki kinoda hamı kitab dilində danışırdı . bir nəfər dağdakı çobandan nəsə soruşardısa çoban cavabda ya bəli ya xeyr verməli idi . elə bil ki ədəbiyyat müəllimi idi.
bir digər yarıldığım hadisə də evində , işində əsəbləşən çölə çıxıb traktor sürərək sakitləşirdi . bilmirəm belə traktor sürənləri göstərməklə o vaxtki işçi sinifinin şücaətin göstərməyə çalışırdılar yoxsa kinoya rəng qatmağa çalışırdılar?
11. daha öz bozbaş iyi verən ssenarilərinin gözlənilən marağı görməməsinə görə mi deyim, maraqlı ssenari yazacaq qədər bacarığı olmayan ssenaristlər üzündən mi deyim, nə deyim, ötən əsrin şedevr filmlərinə dadanıblar indi, guya yeni versiyalarını çəkirlər.
bəzi şeylər zirvədə buraxılmalıdır, məsələn bəxt üzüyü 2 çəkdilər, baxmasam da afişasından bozbaş iyi gəlirdi.
indi də bayaq qaynana 2018 deyə bir şey oxudum, eləmiyin də belə ala, əgər film sektorundan kimsə buranı oxuyursa, qurban olum dəymiyin şedevrlərə, gedin bir iki şəmidən, şöşüdən çəkin, amma dəymiyin filmlərə.
7. (bax: park filmi)
hamı tərəfindən bilinməyən underrated olduğunu düşündüyüm və baxdığım ən maraqlı (sovet vaxtındakı) azərbaycan filmi. əslində yazmayacaqdım çünki paxılam, pis adamam. ola bilər, ama kino zordu
1. ancaq tv-də izləniləsi filmlərdir. digər filmlərdən fərqi budur. nəsə elə bilirəm youtube-u açıb baxılası filmlər deyil. youtube-da baxılanda tv-də baxılası qədər hissləri yaşatmır adama. heyf deyil bizim filmlər
18. Azərbaycan film studiyasının instagramda paylaşdığı məlumata görə hər gün 20:00-da park bulvarda azərbaycan filmləri nümayiş etdiriləcək.
Yəqin ki, böyük səhnə ekranında baş tutar nümayiş. ideya olaraq çox yaxşıdır, amma yenə də işlərini kasadlıqla görürlər. Məsələn, hansı filmin nümayiş olunacağına dair həftəlik, heç olmaya gündəlik məlumat paylaşılmır. Bir post ilə kifayətləniblər. Daha dəqiq işləsələr tutacaq layihədir.
6. bir cənub şəhərində
gün keçdi
təhminə
bizim cəbiş müəllim
bəxt üzüyü
bəyin oğurlanması
həm ziyarət, həm ticarət
dərviş parisi partladır
axırıncı aşırım
yeddi oğul istərəm
o olmasın, bu olsun
uşaqlığın son gecəsi
şərikli çörək
uzaq sahillərdə
tütək səsi
dəli kür
nəsimi
babək
ad günü
yol əhvalatı
sehrli xalat
otel otağı
bağ mövsümü
bəxtiyar
9. deyilənlərə görə pərdə filmi ilə dirçəliş göstərmişdir. bu gün saat 21:30-da 28 cinemada qoyulacaq bu film. biletlər 3 manatadır. gedib baxa bilsəm filmin başlığını dolduracam.
17. baxmaqdan heç vaxt bezməyəcəyim "pəncərə" kimi kinosu olan filmlərdir. trash komediyaların at oynatdığı meydan bu filmlərə "kölgə" salmasına baxmayaraq bu əsəri qoruyub saxlamaq mütləqdir .bir də ki o trash komediya adlandırdığım maklaturalar film yox filimdir.
5. azərbaycan mədəniyyətinin bir parçası olmuş hal hazırda inkişaf filan görməyən sahə. 20ci əsrdə çəkilən filmlərlə indikiləri heç müqayisə eləmək belə olmur. son illərdə çəkilən ən yaxşı film isə məncə hökmdarın taleyi filmidir. tvdə göstərildiyini görməmişəm hələ.
10. 1950-ci illərdən bugünə qədər yarım əsrlik dövründə bir dənə belə lgbt məzmunlu tapılmayan filmlərdi. ermənistanda da vəziyyət belədi. gürcüstandan fərqli olaraq bu 2 ölkədə də film sənayəsinin inkişafı sovetdən sonra durub.
gürcüstanda tammetrajlı lgbt filmi yoxdu amma dokumental və qısa filmlər çəkilir bu haqqda, ən əsası isə ən məşhur serialında transgender xarakter var idi. bundan əlavə verlişlərə transgender şəxsləri çağırırlar. (reytinq məqsədli olsa da)
13. Qarabağ mövzusunda çəkilmiş filmlərdə nədənsə hər dəfə erməni obrazların Azərbaycan dilində erməni aksenti ilə danışmasının şahidi oluruq. Hər cümlənin əvvəli, sonunda da ara deyib otururlar ömrümüzə (ara bu turqlarin axirina çixmaliyix) bu tip naftalin iyi verən cümlələri qoyuram bir kənara. Bu obrazları erməni dilində danışdırıb Azərbaycan dilində dublyaj formasında vermək bu qədər çətindir görəsən?. Deyəsən doğrudan da ciddi- ciddi düşünürlər ki, bunlar öz aralarında kəşfiyyatda da Azərbaycan dilində bu şəkildə danışır.
)