xıdır nəbi nədir

kiçik çillə

ederlezi

başlıqdakı ən bəyənilən yazılar:

+1 əjdaha

3. suyun, küləyin və havanın himayəçisi Xızır peyğəmbərlə eyniləşdirilən bir bayram. el arasında əsasən böyük çillə ilə kiçik çillə qarasında qeyd olunur ki, bu da fevral ayının birinci ongünlüyünə təsadüf edir. Anadoluda keçirilən Xıdırellez bayramı isə Xızırla ilyasın bir araya gəlib dirilik suyu axtarmasına həsr olunmuşdur. hər il may ayının 5-dən 6-na keçən gecə insanlar bütün diləklərini bir kağıza yazıb gül ağaclarının altına basdırır və ya həmin ağaclardan asırlar. inanışa görə bütün diləklər bir il içərisində qəbul olunur.
eyni zamanda xızır insanlar arasında and yerinə çevrilmişdir. bəzi bölgələrdə "xızır haqqı", "xızıra and olsun", "xızır köməyinə yetişsin", "xızıra rast gələsən" kimi ifadələr var.

+2 əjdaha

1. el arasında "xıdır ilyas" kimi də tanınan qədim bayramdır. xıdır nəbi bayramının keçirilmə tarixi ərazilərə görə fərqlənir. azərbaycanda xıdır nəbi əsasən qışın hardasa 45-ci günündə (yarılanan qış-5-6 fevral) xıdır nəbi günləri hesab edilir. yaşlı nəslin nümayəndələri "xıdır nəbi çıxdı, daha soyuq olmaz o qədər də. " deyirlər.
bəzi yerlərdə xıdır nəbinin vaxtı yaz gecə gündüz bərabərliyindən 5 həftə əvvəl kimi göstərilir. anadoluda isə 6 may xıdır nəbi günüdür. qeyri dəqiqlik bayramın başlanğıc tarixinə də sirayət edir. xıdır nəbinin 3 gün olduğunu nəzərə alaraq da dəqiq ilk günü haqqında konkret məlumat yoxdur.
qədim təfəkkürə əsasən təbiətin oyanışı xızır və ilyas peyğəmbərlərin bir araya gəlməsi ilə bağlıdır. bu günlərdə torpaq ot-ələfdən təmizlənir, isti mövsümə bir növ hazırlıq görülür.
nəticə etibarilə xıdır nəbi (ruzi xızır) da folklorun bir hissəsidir.

hamısını göstər