əjdaha lazımdı
izlə
dostlar
mən
googlla
ifadə edə bilmədiyimiz hisslər üçün yaradılan sözlər
başlıqdakı ən bəyənilən yazılar:
+11 əjdaha
26. Gözümün altındakı yaraya bənzər izdir. 1-ci sinifdə oxuyanda uşaqlara valideynləri gəlmədən məktəb həyətində gəzməklərinə icazə verilmirdi. Mən isə yeni tanış olduğum adaşım ilə qaçdı-tutdu oynamaq istəyirdim. Ona görə də balaca boyumuz ilə aradan çıxdıq və həyətdə yorulub əldən düşənə qədər bir-birimizin dalınca qaçdıq. Son dəfə məktəb həyətini turlayanda bir sinif yoldaşım digər sinif yoldaşıma şam qozası atacaq ikən mən qabaqlarından keçəndə mən bədbəxtin gözünün altına dəydi. Ona görə bütün məktəb başıma yığışdı. Məni evimə apardılar falan filan və uzun müddət gözüm sağalmadı. indi də çox kiçik bir iz kimi qalıb. Yaxından baxmayınca başa düşülmür.
Not: gözümə qoza atan uşağı keçən il çırpdım
Yenə not: qorxur məndən
Yadıma düşmüşkən yenə not: o uşaq gözümə qozanı atdıqdan sonrakı gün məktəbdən çıxmışdı. Ona görə keçən il çırpdım
+10 əjdaha
27. qaşımın üstündəki çapıq izidir.
Çoxları belə bir yarasının olması üçün kosmetik vasitələrə əl atıb, plastik cərrahiyyə əməliyyatı keçirsələr də(hətta qaşının üstündən ülgüc izi qoyanları da şəhərdə çox görürük), məndə bu iz təbii yollarla əmələ gəlib.
deməli 1-ci sinifdə oxuyuram. məhlədə böyük torpaq bir stadion var. onun ortasında ilk öncə çubuqla sonra isə biznesi daha da böyüdərək əsgərlərin zirzəmiyə yığdıqları bel və külünglərlə qazıntı işləri aparırıq. bir müddət keçdikdən sonra isə meydançanın tam ortasında böyük bir çuxur əmələ gətirməyi bacarmışdıq..
yenə bir gün çiynimizdə inşaat vasitələrimizlə gedərkən(mən arxada , dostum isə qabaqda), sağ tərəfdə oynayan uşaqlara baxırdım. Öndə gedən dostumun əlindəki belin dəmir tərəfi mənə baxırdı və mən bunu görmürdüm. Birdən-birə gözümün üstündə bir qaraltı və ağrı, ağrı ilə birlikdə soyuq nəsə hiss elədim. Əlimi gözümə qoydum, gözümü təkrar açıb əlimə baxdığımda isə əlim qanlar içindəydi.
Sən demə bu ağıllı*
dırnaq içində
getdiyimiz yerdə qəflətən dayanıb ayaqqabısının ipini bağlamaq üçün əyilirmiş, həmin an da mən bilmədən bel ilə kəllələşmişəm.
Nə isə, gözümdən qanlar axa-axa, ağlaya-ağlaya qaçdım evə. Üstündən yarım saat falan keçəndən sonra uşağın anası iynə-dərmanla gəldi(həkim idi) mənim qaşımın üstünə kompress falan qoydu.
Həmin gündən mənə qalan bir yaşadığım şok, bir də gözümün üstündə paralel şəkildə uzanan iki çapıq oldu..
+9 əjdaha
28. sinəmdə olan həzrəti əli qılıncına oxşar yara izidir ki, uşaqlıq vaxtımdan birlikdəyik.
məhlədə (baxma: dondurdu) oynayırdıq. elə bil əl üstü atırdıq axıra qalan 2 nəfər uşaqları bir-bir dondurmağa çalışırdı. dondurulan adamı qərargah adlanan yerə gətirirdilər bir nəfər qoruyurdu digəri də düşürdü qalanlarının canına. nəsə mən də vəhşi kimi oynayıram bu oyunu. belə tutulmamaq üçün hər cürə təhlükəylə üzləşməyə hazıram da. nəsə uzun bi dənə elektrik dirəyi var idi, üstündə də yuxarı dırmaşmaq üçün armaturlar. nətər oldusa qaçanda sürətnən gedib girdim armatura. sinəmə baxdım qan içində. çox az bir fərqnən ürəyimdən yan keçib. mən gijdıllağın da o vaxtlar qozuna deyildi yaraya infeksiya keçər, ölərəm zad. heç nə olmamış kimi davam elədim qaçmağa. (bləə canımdan çox sevirmişəm e oyun oynamağı). nəsə evə gedəndə anam gördü, perkis zad qoydu dəri öz yerini tutdu.
bir gün yaranın silinib gedəcəyindən qorxuram, amma, çətin ki silinə.
+10 əjdaha
21. 4-5 yaşım olardı məhlədə tikinti gedəndə daşın üstünə çıxıb hepsi1-in mahnısı oxumağımla yıxılmağım bir olmuşdu. Həmin gün çənəm , qaşım qan yara bere içində idi. Amma heç ağrımırdı ,evə gələndə qanlı üzümü görüb tabi birdə evsayağı dayak yemişdim amma hər güzgüyə baxanda çənəmdəki yara izini görüb özümlə qürur duymuram deyil. Mamam həmişə bayquş kimi ulama dediyindən içimdə qalırdı mahnı oxumaq, ilk dəfə həyətdə yaşıtlarıma konsert verməyimlə özümü çox yaxşı hiss etmişdim. uşaq olandan bəri sevirdim bu yaramı, yadımdadıki mamam çox dərd eləmişdi üzümdəki kiçik çapıqları maz falan çəkirdi dəri həkiminə də aparmışdı. Çəkilən kimi mazı silirdim çənəmdən amma üzümdəkilərə dəymirdimyaxşıki dəyməmişəm. Uşaqdı deməyin hər yaşda azadlıq belirtiləri insana həzz verir. Canım çənə çapığım i love youu.
+9 əjdaha
25. biləyimdən biraz yuxarıda dərin kəsik izi var. 13 yaşım olardı, evdə pəncərəni örtmək istəyəndə çərçivədən yox, şüşədən möhkəm itələmişdim. o da sınıb qoluma tökülmüşdü, dərin kəsmişdi qolumu. o çapıq izini mənə sevdirən isə, vena ilə arasında uzağı 1mm qədər fərq olmasıdır. həmin gün evdə tək idim, vena kəsilsə öləcəkdim yəqin. hər dəfə baxanda ölümdəm 1mm ilə döndüyümü xatırlayıram, çalışıram heç olmasa yaşamağa dəyər nələrsə edim.
bir də sol əl baş barmağımda yara izi var. təzə doğulan vaxtlarımda anamın saçı dolaşıbmış barmağıma, günlərlə fikir verməyiblər. saç da dərimi kəsib ətimə giribmiş bayaa. indi yeri aydın görünür. bütün həyatım boyu yanımda olub, olacaq deyə bu yara izini də sevirəm elə.
+11 əjdaha
20. uşaqlıqda şüşəli televizor altlığını ayağımla divara çırpıb qırmışdım. hər yer qan olmuşdu uşaq olsam da çox xoşuma gəlmişdi. o qədər qan itirsəm də ətrafimdakilər qorxsa da mən heç ağrı hiss eləmişdim. indi o tikiş izlərinə baxanda uşaqlığım yadıma düşür
Sonra evdəkilər görər deyə qol yox, ayaq biləklərimi lezvayla kəsməyim onların da izi qalıb, amma onlara baxanda yaxşı hisslər keçirmirəm.
hə bir də qardaşım sağ olsun məni itəlyəndə başım divara dəymişdi ordan da saç çıxmır indi (o vaxtlar keçəl idim deyə başım yarılmışdı). hamısı pis yaxşı mənə nəsə yaşadığımı xatırladır sevirəm onları. nə demişləər səni öldürməyən şey daha da güclü edər
+7 əjdaha
22. 5 yaşım olanda həyətdə danayla oynayırdım. boğazına ip keçirib mıxa bağlamışdıq deyə rahat əsəbiləşdirə bilirdim heyvanı. (bax: uşaqlıqda heyvanlara verilən işgəncələr)
üstünə gedib arxaya itələyirdim, sonra o mənim üstümə gələndə arxa-arxaya qaçırdım. bu hərəkəti 5-6 dəfə təkrarlayandan sonra gördüm dana özündən çıxdı, üstümə şığıdı. elə bildim ipini qırıb, qorxumdan arxa-arxaya necə qaçdımsa, dizim boyda olan başqa mıxa ilişdim, dizimi çox dərin çərtib keçdi. o qədər dərin idi ki, dümağ sümük görünürdü, qan çıxmırdı..
sağalma müddəti çox uzun və ağrılı keçsə də, sağalandan sonra yaramın da başına oyun açmağa başladım. sol dizimin bir az sağ tərəfində balıq formasında 2-3 sm-lik yara idi. "balığ"ın üstünə üzgəc, qəlsəmə, pulcuq, göz, dodaq və s. bir də qırağına çoxlu balıq çəkib özüm üçün dizimdə "su dünyası" qurmuşdum. həqiqətən suyun dibindəymişəm kimi hiss edirdim özümü və dizimdəki dünyaya baxmaqdan doymurdum. iş orasındadır ki, çəkilmiş digər balıqlar onun qədər mükəmməl görünmürdü. ona görə ayrı sevirdim həmin balığımı*
yaramı
.
getdikcə yaranın forması dəyişsə də, hələ də üstündə nələrsə yaratmaq üçün çoxlu alternativlərim var. bir də gördün gəmi olub dənizdə üzür, ya da quş olub göydə uçur. olmadı göy qurşağının sevdiyim rənginə çevrilir. üstündə natürmort çəkilən molbert ayağı olmuşluğu da var...
+4 əjdaha
17. dizimdeki çapıq izi, mehlede futbol oynadığım zaman olmuşdu, topu maşının altından çıxarmaq isteyerken maşının qulişiteli dizimi kesmişdi, her defe dizimdeki izi görende o qayğısız günlerim yadıma düşür.
+5 əjdaha
11. məsələn mənim alnımda biri var ,çox bəlli olmur amma var yəni.neçə il qabaq bir hündür yerdən yıxlıb yerdə balaca bir daşa girmişdi.xəstəxanaya aparanda ,binanın koridorunda güzgüdə gördüm özümü.lan sanki alnım yarılmışdı beynim görünürdü.üz göz qan içində.tam gözün yuxarısında .bir sm aşağı olsa gözü deşəcəkmiş .dəqiq yadıma gəlmir amma deyəsən 12 tikiş atdılar.
illər keçib üstünnən. bəzən baxıram ,çox çətin seçilir.başqası diqqətlə baxmasa görə bilməz.o ki əlimi izin üstünə qoyuram sanki qayıdıram keçmişə.elə sızlayır ki elə bil 5 dəq qabaq açılıb.yox əslində sızlamır .sızlıyan mənim beynimdə bir yerdi.xatirələr olan yer.bax ora .ora elə sızlıyır ki .dəymə deyir mənə .qayıtma bura.əl dəymə ,fikirləşmə.yoxsa incidəcəm ,ağrıdacam.amma necə qayıtmıyım? axı əsl mən ordayam.əsl məni tapmaq üçün qayıtmalıyam.əsl məni görmək üçün.çox darıxmışam onun üçün.
pardon ,daldım söhbəti unutdum.sevilən yara izimi demişdik?bəli mən o yara izini sevirəm amma o məni sevmir.
+3 əjdaha
19. biləyimdəki kəsik izləri. 16-17 yaşlarımdan qalıb. mənə çox şeyi xatırladır, heçnəyin yaxşı olmayacağını, istədiyim şeylərin istədiyim kimi alınmayacağını, insanların heçbir işə yaramadıqlarını və s.
+11 əjdaha
23. Uşaq vaxtı çox yıxılmışam,çox uçmuşam bir yerlərdən ancaq elə bir yara izim yoxdu.görəsən niyə belədi.Bircə yara izi var oda əlimin,ovcumun içindədi 3 xəttdir və gəlir tam ovcun ortasında birləşir.Buda setka üzərindən aşmaq istəyəndə setkaya ilişib ağac kötüyü üzərinə yıxıldığıma görə olub.Ağacın kötüyü həmin yerə batmışdı.
+3 əjdaha
8. biləyimdəki bıçaq izi. sabir bağında bir qrup emo gədələr məni hərifliyib telefonumu fırlatmaq istəyirdilər ki, lazım olmuyan anda gələn qeyrət hissi ilə gədəyə cumub telefonu alarkən bıçağı biləyimə batırdı. belə də gözəl anım oldu.
+2 əjdaha
5. usaq vaxti mehle mehleye futbol oynuyanda topa kelle vurmaq yerine o biri qaqasin kellesine kelle vurmusdum qasim acilmisdi indiye kimi durur
+4 əjdaha
18. qolumun üst hissesindeki balaca iz, diqqetle baxmasam seçilmir, uşaq vaxtl dayım oğlu ile bir birimizi öldürürmüş kimi döyerdik, hemişe men daha berk ve pis döyürdüm onu, hemin döyüş anlarından birinde yerden mismarı götürüb qoluma batırmışdı, bizi ayırana kimi döymüşdüm onu, duranda ele bilmişdim adi cızıqdı ama qolum qan içinde idi.
en sevdiyim izdi, her baxanda o gün ibneni nece berk döydüyümü xatırlayıram, yene olsa yene döyerem, worth it.
+1 əjdaha
4. sağ əlimdə, barmağımın üstündə yara izi var. hardasa 5sm uzunluğunda, ancaq ilk 2 sm iz yaxşı qalıb, ortalar silinib, bir də sonda 1sm falan qalıb iz. ilk baxanda elə bilmişdim yüngülvari sıyrılıb, sonra əlimlə araladım, bir də onu gördüm ki, barmağım qıp-qırmızıdı *
swh
hər görəndə o an yadıma düşür.
+1 əjdaha
6. çənəmin altındakı çapıq.5-6 yaşımdan mənimlədi.üzü üsdə yıxılıb çənəsini çapan neçə insan var gorəsən bu dünyada.
+1 əjdaha
24. Sevib sevmədiyimi tam bilmirəm ama təxmini 1 yaşım olanda nənəm məni atıb tuturmuş, sözün əsil mənası ilə atıb amma tutanmayıb. Dırnağı üzümə ilişib tutma cəhdi məni yıxılmağdan daha betər edib. 1 yaşımda üzümün yarısı boyda olan yara indi gözümün yanında balaca çapıq kimi iz buraxıb. Allah üzmə baxıb ölməmişəm nə demm vallax
+1 əjdaha
1. ayağımda uşaqlıqda pillekanın çapmasıyla qalan yara izidir. her baxanda uşaqlığımı xatırladır. lezzet edir
hamısını göstər
