azərbaycanlı həkimlər nədir

+7 əjdaha

2. bir türk həkim var idi başını götürüb qaçdı bizim bəzi şərəfsiz həkimlərə görə.deməli bu adam onkologiyada cərrah idi.buradan gedəndən sonra getməsinin səbəbini yazmışdı:
azərbaycanda müalicə olunacaq xəstəni əməliyyata alıb pulunu soyurlar.əməliyyat olunacaq xəstəyə isə əvvəl faydası olmayan bir müalicə yazırlar sonra yazıq xəstəyə deyirlər ki dərmanlardan düzgün istifadə etməmisən problem artıb əməliyyat olmalısan.və müalicə xərci üstə gəl əməliyyat.beləliklə xəstənin xərci 1500 manat çıxacaqdısa 5000 çıxır.hələ əməliyyatdan sonra da o qədər faydasız dərmanlar yazırlar və bu dərmanlar da sırf həmmin xəstəxananın özündə olur.dərmandan əlavə də xəstəyə bir neçə dənə lazımsız analizi tapşırırlar. və xəstənin xərci olur 10000.qısacası milləti şərəfsizliklə soyurlar.
belədir bizim həkimlərin bəziləri.
indi adama deyərlər ki sən biraz artıq pul qazanmaq istəyirsənsə(əslində bunlar az qazanır deyə belə etmir, daha çox qazanmaq üçün edir) və sənin şərəfin yoxdursa bunu nəyə görə dövlətin üstünə yıxmalıyıq?
deyirlər ki məmur o rüşvəti almasa da yerinə kimi gətirsələr sevə sevə rüşvət alacaq.axı bu həkimlik ele deyil.həkimlikdə vəziyyət fərqlidir.əgər işində mütəxəssissənsə deməli sən normal qazanacaqsan və maddi durumun yaxşı olacaq.amma bu türk həkimin dedikləri tamam fərqlidir.bunlar açıq aşkar şərəfsizlik edirlər.rayonlardan müştəriləri olanda onları daha betər soyurlar.heyf.amma deyim ki yaxşı həkimlərimiz də var.amma rüşvət almayan həkim barmaqla sayılacaq qədər azdır.

+4 əjdaha

3. qeyri-ixtiyari olaraq müasir diaqnostika vasitələrindən istifadə imkanları məhdudlaşdırıldığı üçün, təxminən 100 il əvvəlki üsullarla diaqnoz qoymağa çalışan və buna görə də 70 % hallarda tam düzgün diaqnoz qoymağı bacara bilməyən, müalicəni bir çox hallarda məcburən geniş spektrli formada aparmağa çalışan, sanki bilərəkdən xəstəni müalicə olunmasını istəməyən insanlar.

azərbaycan tibb universitetinin lazımi qaydada təhsil vermədiyi müzakirəsiz olaraq qəbul olunur. hər hansı bir tibb məzunu ixtisasda yüksək dərəcə əldə etmək üçün mütləq xaricdə təhsil almalıdır. lakin xaricdə təhsil ala bilməyən və az çox burda yığdığı savad və təcrübəsi ilə xəstəni müalicə etmək istəyən həkimlər daha çox üstünlük təşkil edir. bunlar hər kəsin bildiyi reallıqlardır. çox toxunulmayan məsələlərdən danışmaq istəyirəm. belə ki, həkim xəstədən komputer tomografiya və yaxud maqnit rezonans tomoqrafiya kimi bahalı müayinələrə getməyini xahiş etsə, 99% azərbaycanlı debil deyəcək ki, həkimin başı çıxmır ki, bizi bunlara göndərir. həkim səhvlərinə gəldikdə isə, bayaq sözügedən xəstələrin başqa formalarının dediyi kimi həkimlər heç də hər zaman savadsızlıqdan deyil, imkansızlıq, şəraitsizlik və mexaniki nöqsanlar səbəbilə səhvlər edir. biraz özümüzdən kənara maraq salsaq, statistikaya görə amerika birləşmiş ştatlarında yatrogen (hakim səhvi, nozokomial infeksiyalar, hospitalizasiyadakı problemlər və s.) səbəblərdən il ərzində 225 min ölüm halları müşahidə edilir. bununla belə vurğulamaq istərdim ki, bir çox ölkələrdə bu məsələ çox aktual bir tibbi problemdir və bunun günahını həkimlərə yıxmaqdansa, birlikdə bu cür xoşagəlməz situasiyadan çıxış yolu axtarırlar.

müalicə qarşılığında pul alınmasından əgər söhbət gedirsə, heç bir həkimin borcu deyilki, cavanlığını 6 illik tibb təhsilinə xərcləsin və 130 manat maaşla gün ərzində 9 saat çalışsın. (heç gecə növbəsi kimi əziyyətdən danışmıram). bu təqdirdə həkimin xəstədən pul almağa sonuna qədər haqqı vardır. lakin belə bir məqam da vardır ki, bu başlıqdakı entry-lərdən birində yazıldığı kimi, əgər həkim xəstədən daha çox pul almaq üçün səhv müalicə yazırsa, daha sonra əməliyyat edirsə, bir sözlə daha çox pul qazanmaq üçün xəstəyə əziyyətlər verirsə, o həkimin şəxsi alçaqlığından irəli gələn bir şeydir. bu alçaqlıq hər bir ixtisasda hər bir formada rast gəlinə bilər. bütün həkimlər şərəflidir deyə bir şey yoxdur və eyni zamanda az bir hissə alçaqlıq edən həkim üçün azərbaycanlı həkimlər başlığında ümumiləşdirilmiş mənfi rəylər bildirmək qətiyyən düzgün deyil.