əjdaha lazımdı
izlə
dostlar
mən
googlla
sözaltı sözlük
-
sözaltı etiraf
-
sözaltı günlük
-
sözlükdə türkcə yazılmasına icazə verilsin kampaniyası
-
umbaylama
-
telefonla sözlüyə yazmaq
-
sözaltı sözlük üçün tövsiyələr
-
yazarı sözlükdən soyudan şeylər
-
sözlükdəki türkiyəli yazarlar
-
yalnızlıq
başlıqdakı ən bəyənilən yazılar:
+15 əjdaha
3. yazmaq öyrədici fəaliyyətdi. bunu hamı bilir. kitab yaza bilərsən, ssenari yaza bilərsən, jurnal üçün məqalə yaza bilərsən, sözlüyə yaza bilərsən. bu yazmaq fəaliyyəti hansı formada, hansı yollarla olur olsun, öyrədicidir. amma bir məsələ var. rahat yazılan yazı var, zorlama ilə yazılan var. oxuyucu çox ağıllı olur bu məsələlərdə. tez tutur söhbəti. məsələn, bir yazı oxuyursan(sözlükdə, bloqda və s.) amma getmir. sünilik var. bunu yazan bilirsiz nə eliyir. ordan-burdan - o bloqdan, bu bloqdan, facebookdan, sözlüklərdən, forumlardan, kitablardan və bunun kimi qaynaqlardan - baxa-baxa yazır. araya öz sözlərini(belə baxanda, o nöqteyi nəzərdən, məncə, fikrimcə və s.) də səpələyir. al sənə hər hansı bir fəlsəfi disiplin haqqında "ağır" məqalə. bu müəllif belə də edir: məsələn, yazısında "marksın kapital əsərindəki bu mövzu aid arqumentlər yarımçıqdır, məncə." deyir. amma bunu başqa biri yazdığı üçün deyir. yəni, bu adam heç kapitalı əlinə belə almayıb. sadəcə biri deyir, o da götürüb elə yazır. ən acınacaqlısı da, fikrin mənbəyini bildirən modal sözlərdən istifadə etməsidir. bu insanların ümumiyyətlə vizyonları çox dardır. oxuduqlarını da səthi anlayırlar. bunu hamı etmiş ola bilər nə vaxtsa. amma artıq bir yerdən sonra oxumaları artırıb, daha orginal şeylər ortaya çıxara da bilirlər. bizimkisi isə ilişib, qalır öz balaca dünyasında.
həm də bir şey yazmaq üçün, o yazılan fikir gərək yetkinləşsin. onda daha samballı bir şey çıxır ortaya.
edit: hər yerdə ola biləcəyi kimi sözlükdə də var belə yazılar. elə mənim ssrinin dağılması entrym. mənim siyasətdən başım çıxmır ki, hələ durub bir məqalə də yazam.
+11 əjdaha
8. " Danışmaq bütün insanların inhisarında olan bir şeydir, ancaq yazmaq xüsusilə mədəniyyətli insanlara xasdır. Danışıq dili ilə müqayisədə yazılı dil nəinki qismən, hətta tamamilə dünya tarixinin siyasi və dini prosesləri ilə şərtləndirilib. Bütün əlifbalar individual mədəniyyətlərdə mövcudiyyət tapıb və bu mədəniyyətlərin ən dərin məna daşıyan simvolları arasında yer alır. ... ... ... . Yazmaq uzaqlığın ən böyük simvoludur, hətta nəinki məkana xas olan uzaqlığın, həmçinin və ən önəmlisi zaman üzrə olan uzaqlığın və gələcəyin və əbədiliyə-doğru-iradənin. Danışmaq və dinləmək yaxın məsafədə və indiki zamanda baş verir, lakin əlifba vasitəsilə insan heç vaxt görmədiyi və bəlkə də, hələ doğulmamış olan insanlarla danışır; insanın səsi onun ölümündən əsrlər sonra belə eşidilir. Bu tarixə "bağışlanan ianənin" - yazının ən xarakterik xüsusiyyətlərindən biridir. Bu önəmli səbəbə görə də başqa heç bir şey mədəniyyət üçün yazının ona qarşı olan içdən münasibəti qarşısında daha səciyyəvi deyil."
qeyd. bu sözlər yazının ixtirasından ta ki, xx əsrə qədər öz aktuallığını qoruyurdu. ancaq, bugün burada səsləndirilən bir çox mülahizələr öz əhəmiyyətini itirib. bugünün yox, 100 il əvvəlin perspektivi nəzərə alınaraq gərək ki, oxuna.
+11 əjdaha
1. insana öyrədilən və ya insanın öyrənə bildiyi ən gözəl şey. hər insan həyatında bir dəfə də olsa, cızma-qara edib, fikirlərini yazıb ya da ürəyindəkiləri boşaldıb. yazmaq danışmaqdan daha önəmlidir mənim gözümdə. elə insanlar var ki, özlərini danışaraq yaxşı ifadə edə bilirlər, elələri də var ki yazaraq. danışmaqdan fərqli olaraq, yazmaq bizim üçün daha intimdir. danışdıqlarımı istər-istəməz bir çox adam eşidir, ancaq yazdıqlarımızı istəmədiyimiz təqdirdə heç kimə göstərmərik.
danışanda bir dəfə düşünürüksə, yazanda iki dəfə düşünürük. danışanda hər mövzudan danışa bilmirik, yazanda isə ən özəl hisslərimizi də yazırıq. buna görə bir çox insan günlük tutur, deyə bilmədiklərini, ürəyində dolub daşanları yazaraq boşaldır. və gizlədir həmin günlüyü, çünki əsl hisslərinin başqaları tərəfindən bilinməsini istəmir.
bütün dünya tarixini yazılanlardan öyrənirik biz. insanlar hələ daş dövründən yazmağa ehtiyac duyublar, öz hisslərini, düşüncələrini daşlara əks etdiriblər. düşünün, əgər yazı deyilən şey olmasaydı, yaşadığımız dünyanın tarixini, fəlsəfəsini, ədəbiyyatını, ümumiyyətlə, bizdən əvvəl yaşayanların nə hiss etdiyini, nə ilə maraqlandığını heç vaxt bilə bilməzdik.
yazaraq biz özümüzü daha yaxından tanıyırıq. yazmaq həm də həyatımızın hansı dövründə nəyi necə yaşadığımızı, dünyaya hansı gözlə baxdığımızı xatırlamaq üçün gözəldir. əsəbisinizsə, deyəcəyiniz şeylərə görə birinin qəlbini qıracaqsınızsa, məsləhət görərdim ki, oturub əvvəlcə deyəcəklərinizi yazasınız. yazdıqdan sonra insanın əsəbi keçir və həmin situasiyaya boş gözlərlə baxır. yaxşıdır əslində, birinin qəlbini qırmaqdansa, bütün hirsini bir kağıza boşaltmaq daha yaxşıdır. və sonda deyəcəyim odur ki, birini yaxından tanımaq istəyirsinizsə, danışdıqlarından daha çox yazdıqları ilə maraqlanın.
+9 əjdaha
9. sanki,asılılıqdır,elə ki bircə dəfə başlandınsa yazmağa, sonu olmur.kimisi danışmaqla,kimisi yazmaqla,kimisi sadəcə oturmaqla,kimisi də içməklə atmağa çalışır içindəki o düşüncə yığınını.
mənim gönlüm yazmaqdan yanadı,özüdə dəftərə.
o nap-nazik uclu qələmin qara mürəkkəbinin ağappaq dəftərin üzərində ehmalca yayılması,hərfləri sanki yenidən kəşf etmişsənmiş kimi baxmaq və yazını bitirəndən sonra üzündə yaranan qeyri-iradi bir gülümsəmə ilə şahəsərindən zövq almaq tamam başqa hissdir.
məktəbdə fizika dərsində löhvəyə çıxardıb,məsələ verən müəllimə həmişə :"veriliri yaz da,ay bala" deyərdi,"yaz,yazmasan görə bilməyəcəksən".aha! demək ki,hər şeyin məğzi elə yazmaqda imiş,bunu belə uyğunlaşdırdım:verilən məsələ bizim həyatımızı təmsil edir,məsələni başdan sonra incəliyib veriliri,yəni,əlimizdəki problemlərimizi üzə çıxarırıq,sonra ona-verilirə,uyğun düsturu tapmalı idik,elə bil,problemləri qarşımıza qoyub həll yolunu axtarırıq,həll edici hissəsini də başa vurandan sonra,nəticə 2 cür ola bilər ya uğurlu,yadaki,uğursuz.uğursuz alınan nəticə də məsələni yaxşı incələmək,həll yolunu dəqiqliklə yenidən müəyyən etməliyik,ya da tətbiqdə gözdən qacan nüanslar varolur,bilməm neçəncisə cəhd də alınır,amma fərqinə də varmalıyıq ki,bu qalın fizika kitabında sadəcə bir sual idi.hələ bunun ulduzlusu,üstündə vaxt sərf edib,"əşi yoxe,mən düzəm məsələ səhvdi" deyəcəyimiz ya da hamının 5 tapdığı cavabının əksinə sənin 225 tapdığın cavabın tutacaq olan suallar da olacaq,elə məhz ona görə də,hər suala həvəslə yanaşaq ki, o kitabı vərəqliyən də, başarılarımızla qürur duya bilək.
+8 əjdaha
7. hələ də əsas terapiya növlərindən biri olaraq qalır. təəssüf hamı bunu tam olaraq dərk etmir ya təcrübə etmir. terapistə gedib danışaraq sinəni boşaltmaqdan çox da fərqli deyil məsələn. ya da beynini boşaltmaq deməliyik çünki yazaraq bəzi şeyləri fikirləşməyi dayandıra bilirsiniz.
sözlük məsələn, ilkin hədəfi və məqsədi yazmaqdır. bəzi insanlar hələ də onu anlamır. sanırlar ki oxumaq ya yazdığının oxunmasıdır əsas. xeyr, sən heç kimi oxumasan da, heç kim də səni oxumasa belə yazaraq sən beynində ki fikirləri ipdən asmış olursan hansı ki yatarkən beynin yenilənməsi kimi bir şeydir.
və burdakı nüanslardan biri də yazarkən kiməsə ünvanlanmamaqdır. ancaq onda tam olaraq sinən boşala bilir. anonim yazmaq, ya mənim nikin timidus da məsələn ordan gəlir. və bunu oxuyacaq olanın da sizi tam tanımaması fikrlərinizi çərçivədə saxlamamış olur.
+7 əjdaha
6. it kimi darıxdığım məşğuliyyət. amma dörd ölkədə yaşadıqdan sonra heç bir dili mükəmməl istifadə edə bilməmə hissi öldürür insanı. yazdığım kitabda belə iki dildən sözləri azərbaycan dilinə tərcümə edirdim gecə gündüz.
+8 əjdaha
5. hiss və düşüncələrini yazı şəklinə alıb yazmağdır. elə şeylər varki, heç kimə deyə bilmirsən, ya da buna cəsarətin yoxdu, bax həmin şeyləri yazıya alıb yazırıq, azda olsa rahatlıyırıq. yazdığlarını heç kimin oxumayacağını bildiyindən dürüst və səmimi oluruğ. bütün ağlını-fikrini qarışdıran düşüncələri, ürəyindəki sözləri, aəni idarə eliyən hislərini, qısaca hərşeyi yazırıq. bax, budu bizim bədbəxtliyimiz, əğər yazdığlarımızı cəsarət eliyib həmin insanlara deyə bilsək bəlkədə belə olmazdı, ama deyə bilmirik. niyə? çünki qorxuruq. bəs nədən? bilmirik..
+2 əjdaha
4. aggresiyanı ya depresiyanı boşaltmağın ilkin mərhələsi. üst mərhələləri danışmaq/qışqırmaq/oxumaq musiqidə özünü göatərdiyi üçün əslində musiqiçi daha xoşbəxtdi bəlkə də.
+1 əjdaha
2. lal insanların belə öz düşüncələrini ikinci kömək olmadan bölüşdürməyə müvvəffəq olduqları əlaqə vasitəsi. görmə qabilliyyətindən məhrum olmuş insanlar belə bu keyfiyyətdən nəsibini almışdır. belə ki:
brayl əlifbası — 1821-ci ildə luis brayl tərəfindən ciddi görmə problemli insanların oxuyub-yazması üçün tərtib edilən əlifba.
"braille"nin gözdən əlillər üçün şriftlərin ixtira etməsinə səbəb müharibə olubmuş. napoleonun sifarişi ilə charles barbier relyefli şrift tərtib edir, ondan ötəri ki, gecə vaxtı əsgərlər pıçıldaşmadan, işıq yandırmadan bir toxunuşa məlumatları bir-birlərinə ötürə bilsinlər. lakin bunun praktik cəhətdən öyrənilməsində əngəllər olur. braille şriftlərlə tanış olduqdan sonra, əsas çatışmazlığı tapır, "barbier"in şrifti 12 nöqtə ilə kodlaşdırıldığından hansı simvolun nə olduğunu müəyyən etməkdə çətinlik yaranır. beləliklə, sayı 12-dən 6-ya endirilir. bununla da həmin şriftlər dünyanın hər yerində bu günəcən istifadə edilir.
hamısını göstər
