əjdaha lazımdı
izlə
dostlar
mən
googlla
azərbaycanda qız olmaq
-
keçən ilin ən bəyənilən entryləri
-
sağı-solu bəlli olmayan adam
-
qadına şiddət
-
sözlük təlimatı
-
azərbaycanda gənc oğlan olmaq
başlıqdakı ən bəyənilən yazılar:
+92 əjdaha
6. Hərbi xidmətə getməzdən öncə eşitdiklərimə uyğun müəyyən bir ölçü götürmüşdüm və getdikdən az bir zaman sonra anlamışdım ki, (nə qədər çətin olsa da) oradakılarla eyni zehniyyətə malik olmalı, belə desək, onların dilində danışmalıyam (təbiətinə zidd getmək çətindir, nə qədər ölçü götürsən də). Bunu ilk vaxtlarda alındıra bilmirdim, amma bir gün aşpaza "qaqa, zəhmət olmasa, bir çay ver də" deməyim (metodiki səhv) sonrası onun "get, özün süz də" cavabı və məndən başqa digərləri üçün süzməsi səbr kasamı daşıran son damla idi. Halbuki, hər kəs ona "sikil, çay gətir" deyirdi, o isə başıaşağı edirdi də, çünki onların diliylə desək, "altını vurmuşdu".
Müəyyən zaman sonra öz davranışlarımla hörmət qazansam da, anlamışdım ki, mənim sakit təbiətli olmağım və mədəni davranışım, böyük bir kəsim (xüsusən zabit heyəti) tərəfindən heç də xoş qarşılanmır, hətta bu onlarda "gey" təəssüratı yaradıb. Yaşadığım çətinliklər məni onlar kimi olmağa məcbur edirdi və yuxarıda yazdığım hadisə sonraı içimdəki ən dərin qatlardan o şeytanı tapıb çıxarmağa müvəffəq olmuşdum (aşpaza nə etdiyimi yazmayacam, bu heç lazım da deyil). Özümə inana bilmirdim, artıq mən də (o zaman üçün) onlardan biriydim, "güc" nümayişinin labüdlüyünü dərk edərək cəngəlliyin qaydalarına uyğun yaşayırdım. Necə deyərlər, bu xalq bükə bilmədiyi əli öpür. Yaltaqlananlar, bacısının nömrəsini verməyə çalışanlar və sözün həqiqi mənasında əsl "geylər" (homofobiyaya bağlamayın) yavaş-yavaş ortaya çıxırdı. O zamandan sonra tətbiq etdiyim əsl "kişi" davranışları, işimi çox asanlaşdırmışdı (hətta sonlara yaxın zabit heyəti belə çox şeyi mənə tapşırıdı). Zatən orda yaşca ən böyük əsgər mən idim (çoxu ağzından süd iyi gələn çolpalar idi) deyə işim elə də çətin deyildi.
Sözümü nəyə gətirirəm. Tərxisə yaxın o mühiti analiz etməyə başladım və bir gün anladım ki, əslində ora fərqli bir yer deyil, əksinə, azərbaycanın mülki həyatının kiçik bir modelidir sadəcə. Tək fərq isə orada qadınların olmamasıdır.
Azərbaycanda kişi olmaq çox qəliz, ağır, məsuliyyətli bir yükdür. Eləcə biraz sakit təbiətlisənsə, problemləri dava-dalaş salmadan, təmkinlə, ağıl və məntiqlə həll etməyə çalışırsansa sən artıq potensial loxsan. istər qohum-əqrəbalarının, istər dostlarının, istər qonşularının, istərsə də doğma sevgilinin belə (bildirməsə də) baxış bucağından, sən, qəbul et ki, "potensial loxsan". Dastandakı kimi gərək illa da bir qəhrəmanlıq göstərəsən ki, sənə Dədə Qorqud ad qoysun. O vaxtadək sən "adsızsan".
Burada sadəlövhlüyə, humanizmə yer yoxdu, bu səni zəif qılar. Axı Azərbaycan kişisi həmişə güclü olmalıdır. Tarix boyu zorlanmış xalqa, onu zorlayan "Şah Abbas" lazımdır, Axundovun yəhərçi "Yusif Sərracı" yox.
Ətrafınızdakı kişilərə diqqətlə bir baxın. Onlar qaraqabaq olmaqda, gözlərindən öd püskürtməkdə həqiqətən maraqlıdırlar mı, yoxsa buna məcburdular mı? Azərbaycan kişisi daim narahatdır, təşviş içindədir, bunu ailəvi restoranlarda müşahidə edə bilərsiniz. Sırf yoldaşı "əşi onsuz da loxdur" kimi səciyyələndirildiyi üçün, bilirsiniz, hər gün neçə baxımlı qadının yolu kəsilir, gic-gic təkliflərə və tacizə məruz qalır? Amma yox, nə vaxtsa haradasa "igidlik" göstərmisənsə, yaxud hansısa vəzifə sahibisinənsə, vəya ən azından şüvən birisənsə, nəinki xanımına, sənə belə pox yeyər kimsə nəsə deyər. Ona görə Azərbaycan kişisi güclü olmaq, ən azından görünmək məcburiyyətindədir. Bunu da qaraqabaq olmaqla, ağzının danışığını bilməməklə, aqressiv olmaqla doldurmağa çalışır.
Azərbaycanda bir kişi öz qadınıyla sevgi yaşamır heç, yaşaya da bilməz. Onların bir araya gəldiyi tək yer ya mətbəx, ya da ki valideyn iclasıdır. Qadınını öpmək, onu sevgi dolu sözlərlə xoşhal etmək, hansısa məclisdə tərif yağdırmaqla azərbaycan kişisi hörmətdən düşə bilər. Bu isə ona uşaqlıqdan aşılanan, yaratmaq istədiyi gücə təhdiddir. Bu ona məhlələrində, məktəbdə, universitetdə, əsgərlikdə, ata ocağında təlqin edilir və o, hərhansısa bir dəyişiklik etməkdən çox qorxur.
Evlilikdə belə bir araya gəlmirlər. Dədə-baba üsulu seks istisna (o da ayda 1), hərhansısa rənglilik (burda bdsm-ni, qamçını nəzərdə tutmuram) qəbul edilməzdir. Qadınına əlavə həzz bəxş etmək üçün oral seksi ağlının ucundan belə keçirməməlisən. Heçnə demirəm, inanın ki, öz xanımın belə müəyyən zaman sonra nə sənə kişi kimi baxacaq, nə də ki hörmət edəcək. Sən artıq onun üçün potensial "dilvuransan". Boşandıqdan sonra "yaxşı kişi olsaydın, arvadına çaldırmazdın" cümlələrini çox eşitmişəm məhkəmə salonlarında. Qadınınla içki içə bilməzsən, ona bunu təklif belə etsən qadının belə yenə sənə oğraş gözüylə baxacaq. Əxlaq mənim üçün vacibdir, anlamsız olsa belə. Amma bu sadaladıqlarımla əxlaqın nə əlaqəsi var? Bunları kənarda "saxladığım" hansısa qadınla yaşayacağıma, öz xanımım üçün əyləncəli bir insan olmağın nəyi əxlaqsızlıqdır? (xarakterimdə ki bir yanlışlıq yoxdur) Azərbaycan kişisi qadını üçün sevgi mənbəyi yox, maddi təminat mənbəyi rolunda çıxış etməlidir.
Sırf bu səbəbdən o, magistratura vəya fəhləlik adıyla başqa ölkələrə üz tutmağa çalışır, gərçəkləşdirə bilmədiyi duyğuları realizə etmək üçün.
Amma mütləq hər bir azərbaycan kişisinin başqa ölkəyə getməsinin qarşısını almaq üçün onu özünü öldürməklə hədələyən, tumanını başına çevirən bir anası mütləqdir ki, var. "Hekayəti Müsyo Jordan və Dərviş Məstəli şah" əsərindəki Şərəfnisənin təbirincə desək, "axı oralarda qızlarla, gəlinlər ilə oğlanlar bir yerdə oynuyurlar, danışırlar, gülürlər". Bu əsl rüsvayçılıq olardı, həm bir zamanlar qayınanasının ona tətbiq etdiyi "dedovşinanı" indi də gəlininə yaşadaraq içindəki əzilmişliyi basdırmaq üçün yerli məhsula ehtiyac var axı. Bunun üçün azərbaycan kişisinin anası hər vəchlə "Pariji də partlatmağa" hazırdır, yetər ki, getməyəsən.
Azərbaycanda bir kişi doğulduğu gündən həmcinsləriylə müqayisə edilir, bu müqayisə öz növbəsində rəqabət doğurur, bu rəqabət güc nümayişi istəyinə çevrilir (təkcə fiziki anlamda yox). Uşaq vaxtı qohum uşaqlar arasında "sən döyərsən, ya o?" kimi, yeniyetməlik vaxtında "o, 600 yığdı, sən yox", universitet sonrası "görürsən, o, aylıq 1000 manat alıree", yetkinlikdə "onun aldığı qız həkimdi, ömürlük çörəkdi də, oğlanda fərasətə baxee", evlənəndə "onun arvadı şuba geyinir, heç gör mən istəyirəm səndən", uşaq sahibi olanda "onun uşaqları rus bağçasında oxuyur", qocalanda "o, övladlarına gör necə toy elədi" vəs kimi cümlələrlə Azərbaycan kişisi ailəsi, xanımı, dostları tərəfindən həmişə dostlarındakı, qohumlarındakı, qonşularındakı hərhansı bir kişiylə müqayisə edilir, psixoloji basqıya məruz qalır və bu onda digərlərinə qarşı aqressiya yaradır. Bəlkə ona görədir ki, bu ölkədə kimsə kiminsə uğuruna canı-könüldən sevinə bilmir.
Ailənə, xanımına, dostlarına sənin harada çalışdığın, nə qədər qazandığın maraqlı deyil. Bu lənət olası pulu bir şəkildə haradansa qazanıb gətirməlisən. Bəlkə ona görədir ki, azərbaycandakı kişilərin böyük qismi el diliylə desək "maşşenik"dir, kiməsə 1 manat "atmağı" belə özünə qazanc bilir. Azərbaycan kişisi ayağını yorğanına görə uzatmalı deyil, yorğanı nə yolla olur olsun, uzatmalıdır. Bəlkə ona görədir ki, bu ölkədə adi orta səviyyəli bir sahibkar belə prokurorun sürdüyü maşından sürür, demək olar ki, digər ölkələrə baxanda böyük bir qismin öz şəxsi avtomobili var.
Azərbaycan kişisi maddi imkanı aşağı olsa belə, insan içinə böyük təmtəraqla çıxmağa məcburdur. Qoy hər kəs görsün ki, onun yaxşı evi var, o, yaxşı yeməklər yeyir, xanımı ondan razıdır. Bəlkə ona görədir ki, Rasim Ocaqovun "Ad günü" filmindəki Əli adlı personaj, öz oğluna necə ad günü keçirəcəyini, əslində kasıb olmasına rəğmən ailəsini necə yaxşı dolandırdığını sübut etmək istəyir, hətta mövsümə uyğun olmasa da ciddi cəhdlə "balıq" belə axtarır ki, stolun üstündə olsun...
+69 əjdaha
1. sözlükdə bu başlığı axtarıb tapmadıqda çox təəccübləndim. "azərbaycanda qadın olmaq" başlığında bir çox yazarların haqlı entry-ləri olduğunu gördükdən sonra bu başlığı da açmağa qərar verdim.
əvvəlcə ondan başlayım ki, azərbaycanda qadın olmaq çox çətindi. lakin kişi olmaq daha çox çətindi. ümumiyyətcə bu ölkədə heyvan olmaq belə çətindi (sahibsiz itlərin güllələnməsi) yəni azərbaycanda canlı varlıq olmaqdan daha çətin bu dünyada heç nə yoxdu. onu deyim ki, kişi olmağın çətinliyi "kişi olmaq" sözünə 2anlam verilməsindən başlayır : kişi cinsində doğulmaq və yazılmamış mental qanunlar ilə kişi olduğunu kütləyə sübut etmək. sizə azərbaycanda doğulmuş bir kişinin tipik həyatını təqdim edəcəm:
ailədə bir oğlan uşağı doğulur . ailə və qohum -əqraba çox sevinir. onu ovuclarının içində böyüdürlər. ata onu tez-tez çayxanaya aparıb , kişi məclislərində pivə içdirir,siqaret çəkdirir, söyüş söyməyi öyrədib "əmini söy!" deyib məsxərəyə qoyur,məcbur başqa uşaqlar ilə güləşdirib psixi təsir edir bir sözlə bu kişinin uşaqlığını məhv edirlər. bu kişi başlayır böyüməyə . düşüncələrini soruşmadan onu universitetə hazırlaşdırırlar. yeni yetməlik və gənclik illərini də beləcə məhv edirlər. adam daha da böyüyür lakin hələ də valideyinləri ilə bir evdə yaşayır. sevgilisini evinə dəvət edə bilməmə çətinliyi, həm oxuyub ,həm işləyib ailəyə pul gətirmə çətinliyi, arzuladığı həyatı yaşaya bilməmə çətinliyi hər şey qarışır bir-birinə... bu kişi 23yaşınadək təhsil alır və əsgər gedir. hərbi xidmətdə olduğu 1il həyatının ən murdar 1ili olur. bütün əzab və murdarlıqlara dözür. və əsgərlik bitir gəlir evə.25yaşı olur və anasının toy kasetindən seçdiyi , "əli oğlan əlinə dəyməmiş" bir qız ilə evləndirilir. və başlayır məişət qayğıları həyatını məhv etməyə. qul kimi işləyir ailəsini dolandırır. yəni həyatının sonunadək arzuladığı həyatı yaşaya bilmir.
bu həyat azərbaycanda tipik kişi həyatıdı. təbii insandan insana problemlərdə dəyişir. bəzən axşamüstü şəhərdə istirahət edən gənc ailələrə baxıram. qadın çox xoşbəxtdi çünki o xəyallarındakı "xoşbəxt ailə tablosu"nda xoşbəxt ana obrazındadı. amma kişilər heç xoşbəxt görünmürlər. tez-tez fikirə gedir , uzaqlara baxır, xanımı danışarkən diqqətləri yayınır. bəzən fikirləşirəm o kişi görəsən nə düşünür? yəqin yaşaya bilmədiyi həyatının xəyalını qurur ya da necə pul qazana biləcəyini düşünür. keçən günlərdə sözlüyün məsləhətxanasında bir nəfər yazıb ki, müəllimlik bitirib lakin psixioloji problemi olduğu üçün əsgər getməmək istəyir (bu onun tam haqqıdı) amma əgər bu problem ucbatından getməsə iş tapması çox çətin olacaq. bu insan hər iki seçimi etsə nəyisə mütləq itirir. bunu niyə yazdım , çünki tanış bir xanım da eyni hadisəni yaşayıb. müəllimədi həm də şizofreniyadan əziyyət çəkir amma bunu gizli saxlaya bilir. və heç kim xəbər tutmur. qadın olmaq bəlkədə kişi olmaqdan daha asandı. əslində bu gün qınaq obyektinə çevirdiyimiz kişilər öz hərəkətlərinə görə günahkar deyillər. qadınlar daha çox günahkardı. çünki o kişini bir qadın tərbiyə edib. qadınlar istəsə cəmiyyəti də , ölkəni də dəyişə bilərlər. bir kişiyə uşaq olarkən nəyi ideal deyə göstərsən o kişi o cür də olacaq. çünki kişilər ideal olmaq istəyirlər,ən yaxşı olmaq. bir söz daha demək istəyirəm. bu gün kişilərin də, qadınların da həyatını məhv edən kütlə düşüncəsinin yaradıcısı qadınlardı. kişiyə həyatı dözülməz edən qadındı. bir kişi bütün gününü iş stressi ilə keçirib evə gəlib uşaqları ilə vaxt keçirib hələ xanımın da nazını çəkməlidi. bir kişi hər nə olursa olsun insanlar içində ağlamamalıdı. bir kişi 40dərəcə istidə qara şalvar geyinməlidi çünki kütlə ona rəngli və şort geysə ləqəb qoyub "ə,bu kişi deyile" deyər. bir kişi həyatının 25ilini təhsil alıb özünü oda közə vurub iş tapıb ailə dolandırmalıdı,əks halda o kişi sayılmaz. azərbaycanda kişi olmaq incəsənətə marağın varsa bunu içində boğmaqdı. heç görmüsüz təmiz azərbaycanlı olan balerin? yox . niyə? çünki balerin olan kişi sayılmır bu cəmiyyətdə. rəngli geyinməməli,saçını normadan çox uzatmamalı, saqqalına hamının bildirdiyi iradları qəbul etməlidir. çox zaman düşüncələrini gizli saxlamalıdı. bunların heç biri qadın üçün keçərli deyil. biz "qadın haqları" "qadın hüquqları" deyib bağırarkən kişiləri unutmuşuq. bu ölkədə qadınlar qədər kişilərində hüquqları pozulur. qadınlar qədər kişilərində həyatlarına müdaxilə edilir. həmişə kontaktda olduğum fransız oğlanlar ilə bizim oğlanları müqayisə edirəm. onlar həyatda yaşamağın dadını bilirlər. 19yaşlarında bütün avropanı gəzirlər.bizimkilər nəyinki avropa heç bütün azərbaycanı gəzə bilmirlər. ən yaxşı halda xaricdə təhsil adı ilə canlarını qurtarıb bir daha geri gəlmirlər ki, burada da tam haqq verirəm onlara.kişilər həyatda daha çox iş görmək istəyir,onların arzuları daha çox olduğu halda imkansızlıqdan və ictimai qınaqdan beyinlərində və xəyallarında qalır çox şey.azərbaycanda kişi olmağın yeganə yaxşı tərəfi seçilən deyil seçən olmasıdı.cəmiyyət çox şeyi alıb,təkcə seçim hüququ verib.(onu da bəzi hallarda)
+30 əjdaha
17. lənətdir. bayaq küçədə trubuçkayla bananlı süd içdim deyə bütün qız, oğlan, sən normalni oğlan deyilsən baxışı atdı mənə. axıra kimi içə bilmədim. cındırlar.
+25 əjdaha
11. hər şeydə daşıyıcı olmaqdır: ailənin daşıyıcısı, qeyrət daşıyıcısı, nəslin daşıyıcısı, kişiliyin daşıyıcısı. Istəməsə belə Hər şeyi öhdələnməli olan insandır. Istədiyi Kimi geyinə bilməz, istədiyi kimi aksesuar taxa bilməz, istədiyi kimi saçlarına, qaşlarına, bədəninə forma verə bilməz. Çünki "camaatın anası bacısı var", çünki o, "kişi kimi" görünməlidir. Əks halda petux olaraq adlandırılacaq, Kişilikdən çıxacaq. Ona görə sərt olmalıdır, sərt olmalıdır ki, dişisini cəlb eləsin, qadını ona tabe olsun, çünki qadın onun namusudur. Ona tabe olunacaq ki, güclənsin. Onun daşımalı olduğu bir mentaliteti var dədəsindən, babasından yadigar. Sevsə də, sevməsə də vətəni üçün daim ölümə hazır olmalıdır. ona bu qaydaları qoyan insanlar üçün yeri gəlsə gözünü qırpmadan belə şəhid olmağa hazır olmalıdır. təbii, pulu varsa o başqa məsələ. Oxuyub adam olmalıdır məktəb, universitet.. sonra da 350 manat maaşla ailə saxlamalıdır. Amma şikayət yoxdur ağlaya bilməz, ağlamaq qadınların işidir. Yaxşı olar ki, az danışsın. çünki o kişidir problemlərini danışmaqla həll etməkdənsə şiddət onun üçün daha əlverişli görünür. bu şiddət bəzən fiziki, bəzən psixoloji olur. Çünki O lənətə gəlmiş Azərbaycan Kişisidir, onun öhdəlikləri var, o sərt olmalıdır..
+19 əjdaha
7. Bəladı və nə vaxta qədər ki bu kişilik söhbəti bitməyəcək bu ölkədən bir pox olan deyil. "Adam kişi olar" "kişisənsə gəl filan yerə yortum səni" kimi cümlələrlə ömür gün sikənlər var. Yəni sanki kişi olmağı bir üstünlük kimi görür. Yazır ki gəl filan tənha yerə yortum səni. Sən gedib bundan şikayət verəndə də "işverən" deyirlər. Əslində heç kimin fikri sikimdə də deyil. Mənim nəyimə lazımdı ki həyatım bir cındırın ucbatından puç olsun?. Amma deyib biraz sakitləşmək istəyirəm.
Əslində günah bu tiplərin ailələrindədi. O mafiya serialları nə bilim qancıqlar vadisi pox çuxuru kimi seriallardadı. bu cəmiyyətin özündədi problem. Uşağına insanlıq öyrətmək yerinə "kişilik" öyrədənlərdədi. Uşağına "özünə haq bilmədiyini başqasına da bilmə" demək yerinə "ə qorxma kişisən vur dağıt" deyən valideynlərdədi.
Nə vaxta qədər ki belə insanlar var belə cəmiyyət var belə mühit var biz nə qarabağı qaytaracağıq nə yüksək təhsilə nə fəxr edəcəyimiz hər hansı bir şeyə sahib olmayacağıq
+15 əjdaha
8. Düz ölənə qədər mübarizə aparmaq deməkdir, ancaq güclü olmaq məcburiyyətindəsən və emosional olmağa haqqın yoxdur, əgər ətrafındakılara zəif olduğunu hiss etdirsən səni lox sayacaqlar çünki bu ölkədə bir çox insanların düşüncə tərzinə görə nə qədər güclü olsan bir o qədər hörmət sahibi sayılırsan və yaxşı pul qazanmaq məcburiyyətindəsən ki,ailədə hörmət sahibi olasan,çünki bu qafqaz coğrafiyasında pul qazanan adam hər şeydən daha dəyərli və üstün sayılır(bax: Mədəni insanın zəif görülməsi)
+12 əjdaha
15. ölkənin ən çox oxunan xəbər saytlarında jurnalist etikasına zidd olaraq ifşa edilməkdir. bu hal dəfələrlə qarşıma çıxır. eyni qanun pozuntusunu bir qrup qadın kişi törətsə qadınlar ana-bacı olduğu üçün üzləri blurlanır. amma qariban kişilər üzləri göstərilməklə az qala yaşadıqları ünvanlara qədər ifşa edilir. nə bilim e belə çox gicbəsər mediamiz var.
nümunə: https://oxu.az/criminal/522856
not: gicbəsər medianın qadınlara etdiyi üçün (baxma: qadın sürücü qəza törətdi) . biri bu sperm israflarına başa salsın ki, hadisədə xəbər mahiyyəti daşıyan hal qəzadır sürücünün vaginasının olması yox.
+7 əjdaha
3. "azərbaycanda bir dənə kişi var".
+9 əjdaha
5. təkcə azərbaycan yox dünyaya gəlmək və yaşamaq zülmdü. istənilən yer olsun, fərq etmir. istər kişi, istər qadın.
+8 əjdaha
10. 4-5 yaşında qışqırda-qışqırda cinsi orqanıvın yarısının səndən alınmasıdır. Məktəb vaxtı hər hansı bir qızla dava etsə günahkar olan tərəfdir. Yeniyetmə vaxtı sevgiliyə 8 mart, 14 fevral, sevgili olduqları gün, novruz, yeni il və s. Bayramlarında hədiyyə alma məcburiyyətində olmaqdır. Ağlaya bilməməkdir. "Oğlanlığı" qorumağa çalışıb məhlədə, küçədə hansısa söhbətdə niprav çıxmamağa çalışmaqdır. 18 yaşdan sonra işə gedib çörək pulu qazanmaqdır. Evləndikdən sonra (çox zaman) ailəyə baxmaqdır. Bu saydığım dövrlərin hamısını kişi yaşamalıdır və gözündən bir damla da yaş axmamalıdır. Hələ mən cibindəki son qəpiyinə kimi öz uşaqlarına, ailəsinə xərcləyən ataları, ərləri demirəm.. Azərbaycanda kişi də olmaq çətindi qardaş
+6 əjdaha
13. Oğlan olmaqdan ayirsaq, kişi olmaq pul qazanmaqdır. Ailəli olub, ailəvə baxa bilməkdir. Burada bir acınacaqlı məqam var ki pul qazanılmalıdır və yolu heç kimə maraqlı deyil. Müdür səni söyə bilər pul qazanmaq üçün yaltağlana bilərsən eybi yoxdur. "Hər iş belədir" miş. Əsas odu kimsə görməsin. Sonra gəlib hirsivi ailəndən uşaqlarından çıxarsan. Olmadı yolda "standartlara uymayan" xanımlara, onların ailəsinə, qardaşına flan özünçün söyüb rahatdaşa bilərsən. Amma müdürə və ya hakimiyyətə quşdama. Zəyif birini mi gördün? Kimsə hamı tərəfindən söyülür mü? Sən də söy. Hə birdə ermənilər var heç kimi tapmasan onları söy. Paşinyanin basina peyser yaz şəklini paylaş məsələn.
Tək önəmli şey var. Pulun olmalıdır.
Ya pullu kişisən ya da..
+3 əjdaha
18. öz ayağıvın üstündə durmağa məcbursan. iş həyatında qadınlara pozitiv-ayrıseçkilik edilir kişilər isə hər şeyi özü qazanmalıdır. bir çox sahədə sırf qadınlar da işləsin deyə işi onları bacarmadıqları halda belə işə alırlar amma oğlanlar məcburdur ki hər şeyi dərinliyinə kimi bilib sonra işləsinlər. yaşanmış hadisədir, bir tanış bir vakansiya üçün müraciət etdi, flutter vakansiyası idi. dedi bilirəm bunu, təcrübəm də biraz var. onu qəbul etmədilər. amma javanı yeni öyrənmiş bir qız flutter bilməməsinə rəğmən iş axtardığını yazdıqda ona həmən yer o işi təklif etdi ki gəl flutteri öyrənə-öyrənə işlə.
Belə az-maz savad tələb edən bir ofis işində işləmək üşün gərək sahəni dərinliyinə kimi, qadınlardan 5 dəfə çox biləsən ki iş tapasan. Savad tələb etməyən iş də istəsən gərək ən ağırlarını işləyəsən, gedib tikintidə fəhlə işləyəsən, Biraz yüngülünü istəsən o vakansiyalara ancaq xanım axtarırlar.
hətta iş həyatında texniki-fiziki bir işdirsə havayı maaş yeyən qadınların da yerinə işləməlisən. bu da başıma gəlmiş bir işdir.
üstəlik əsgərlik kimi maneələr də artırırlar bu həyat yoluva.
+2 əjdaha
12. (baxma: damazlıq)
+2 əjdaha
2. əgər seçim arasında qalarsam azərbaycanda qadın olmaqdansa daha üstün tutacağım vəziyyət.zənnimcə düşünülənin əksinə sadəcə çayxana,təsbeh və qaqaş ssenarilərindən kənarda az kişisi ideal obraza daha yaxındır.savadlılıq və intelgensiyasına görə,multiinterested ola bilmə ehtimalında,qafqazlı görkəmini də üstünə əlavə etsəniz powerpuff girls kimi laborotoriyada yaradılmış təsiri bağışlaya biləcək insanlar ola bilər zati aliləri.
əlavətən xüsusi bir hal kimi,300-400 manatla 4-5 nəfərlik ailəni həyatda saxlamaq üçün sehrbazlıq edə bilmək gərəkdirən vəziyyət.
+2 əjdaha
4. azərbaycanda həqiqi kişilərin polis götünə butulka soxmaq istəyir. bəli azərbaycanda kişi olmaq çətindi. ümumiyyətlə burda insan olmaq çətindi
+5 əjdaha
16. Nə olursa, olsun möhkəm olmaq. Əgər passif-aqresiv, sakit, humanist bir kişi olsan olduğun müxtəlif kollektivdə(işdə, hərbi xidmətdə) səni əzməyə çalışacaqlar. Ailənin bütün yükü, məsuliyyəti sənin üzərində olacaq. Bunlar azmış kimi ailənin qadın fərdlərinin vaginasina kilid olmalısan. Əgər onlardan biri nikahdan kənar başqa kişi ilə cinsi münasibətdə olsa, cəmiyyət səni "peysər" adlandıracaq.
+3 əjdaha
14. azərbaycanda qadın olmaqdan çətin deyildir. bir çox sahədə pozitif ayrı-seçkilikdən istədiyi kimi bəhrələnmək deməkdir. baxmayın yuxarıdakı ağlaşmalara, dünyada kişi olmaq üçün əlverişli ölkələrdən biriyik. daha nə istəyirsiniz amk? bunun bir üst pilləsi səudiyyə ərəbistanı, iran zaddır. razıyam, insan olmaq üçün çətin ölkədə yaşayırıq. yazılanların çoxu da kişi yox insan olmaq üçün yaşanan çətinliklərdir. amma kişi olaraq bu qədər patriarxal bir cəmiyyətin bir hissəsi olub da, bu aspektdə nədənsə şikayətlənmək gülüncdür sadəcə olaraq. etməli olduğun maksimum şeylər avtobusda qadına yer vermək, ildə bir iki dəfə gül almaq, hansısa xərcləri qarşılamaqdır. qadının 5-0 geridə, hardcore zombie 2020 modeda yaşadığı ölkədə easy modeda takılırsan və hələ nədənsə şikayət də edirsən.
+2 əjdaha
9. Azərbaycandakı yaşayış səviyyəsinə baxsaq:
(baxma: çörək pulu qazanmaq)
(baxma: ailəyə baxmaq)
hamısını göstər
