17. Ölümünə çox təəssüfləndiyim nadir şəxslərdən biri. Amma mən burda ölümündən sonra gözəl insan idi zad yazmaq istəmirəm. Əgər həqiqətən dəyər versəydim ölməmişdən əvvəl ən azından bir dəfə görüşünə gedər, dəstək olardım. Ancaq heç birini etməmişəm onun üçündə pafoslu nəsə yazmağa utanıram. Bayram öldü səbəbi istər hökümət olsun,istərsə də ehtiyatsızlıq ancaq biz Bayrama layiq olmadıq.Nə şəklini paylaşacaq qədər nə də ölümündən sonra pafoslu statuslar paylaşacaq qədər.Artıq bu ölkədə kiminsə siyasi bir aktivlik göstərdiyin görəndə heyifin gəlir o gəncə. Vallah biz bunlara layiq deyilik ki, kimsə bu ölkədə haqq uğrunda mübarizə aparıb ona görə həbsə girsin. Bayramların qatili dövlət yox vətəndaşdı. Susduğumuz, səs vermədiyimiz, haqqımızı tələb etmədiyimiz vaxta qədər də biz olacayıq. Bayrama nə oldu bilirsiz?
Bayram savadsız və hüquq tanımıyan cəmiyyətin qurbanı oldu bu qədər.
5. Qiyasdan fərqli olaraq demək olar ki, ortalarda görünmürdü. Səhv etmirəmsə, neçə vaxtdır da Türkiyədə yaşayırdı, bura ilə bağlarını qoparırdı. Heyif oldu sadəcə, 20-li yaşlarının başında boş bir şey üstündə həbsə girib bütün həyatını alt-üst edəsən, tam hər şeyi yoluna qoymuşkən (intihardırsa, yolunda deyilmiş demək) 26 kimi bir yaşda bu həyatdan köçüb gedəsən.
Ağır gəlir insana.
Not: rest in peace! Biz-siz-hamımız heç kimin vecinə deyilik, nə qərblilərin, nə şərqlilərin.
8. Yaşadığı işgəncələrdən sonra psixoloji pozuntuları yaranan, işgəncələrlə bağlı məhkəmədə ifadə verəndə hakimin "sən neynəmişdin ki, səni döydülər?" sualını verdiyi mərhum aktivist. cavanlığı əlindən alınmış, 26 yaşında həyata gözlərini yummuş insan. yeni bayramlar yetişməsin, onların da qeydinə qalan deyilik biz onsuz da...
9. Parlament seçkiləri zamanı təşviqat üçün bayıla gəlmişdi. Leysan yağırdı. evə dəvət etdim gəlmədi. Həyətdə çay içdik. Cibimizə doldurduq cevizdən-çərəzdən düşdük bütün bayıldakı evləri gəzdik. Üzümüzə qapı bağlayan kim, evə dəvət edib yemək yedirtmədən çay içirtmədən buraxmayan kim.
Əvvəllər cavanların meyidi moskvadan gələrdi, indi isə istanbuldan...
4. Türkiyədə dənizdən cəsədi tapılan keçmiş *heykəl məhbusu*.
(bax: qul bayramı)
Edit: indi yadıma düşür, səhv eləmirəmsə 3 il əvvəl *məmməd Əzizov*, manqurt və bayramla oturub kofe içmişdik. Təəssüratım "aa, osduraxçı olmayan müxaliflər də var imiş" olmuşdu.
10. ölümü ilə məni dərindən üzən şəxs. həqiqətən bütün günü onu düşünmüşəm. yadımdadır onların heykələ yazı yazmaq "teması" çıxanda necə həsəd aparırdım. kimsə bacardı deyirdim, kimsə cəsarət etdi belə bir etiraza. hər həmin heykəlin yanından keçəndə də onu düşünürdüm. 10 il həbs aldığını biləndə də çox pis olmuşdum. insan öldürməyə belə daha az iş verilir. azadlığa çıxmağına sevinmişdim. amma sanki çıxandan sonra səsi gəlmirdi daha. özünün də dediyi kimi kütlələri qorxutmaq istəmirdi. müsahibələrindən də içəridə ağır işkəncə gördüyü hiss olunurdu. ən əsası öz əqidəsindən dönməmişdi. müharibə oldu deyə az qala atasının ölümünə səbəb olan adama rəis deyib ürəklər qoymamışdı. (bax: nigar həzi )
ya da əvvəlcə "fuck president" deyib öz ailə üzvlərini polis şöbəsinə çağırtdırıb təhdid etdirən şəxsə sonradan "boss" demirdi. (bax: paster )
hazırda isə türkiyə polisinin dediyinə görə ölüm səbəbi, ayaqqabıları suya düşüb, onları götürmək üçün suya düşüb və boğulub. dostları onun üzə bildiyini deyir. həm də şansdan(şanssızlıqdan) həmin ərazidə kamera yoxdu.
necə öldüyündən asılı olmayaraq çox ağır itkidir. mənim üçün Azərbaycanda 21-ci əsrin ən önəmli gənclərindən idi. ruhu şad olsun.
14. gecə yarısı bu dəhşətli xəbər, ardıyca heç bir istintaq işi başlamamış yandaş xəbər portallarının "narkotik, içki, intihar" iddiaları. sonra kadıköy polisinin rəsmi açıqlaması: "terlik yüzünden boğulma". yalanın bu qədər absurdluğu yandırır məni eşitdiyimdən bəri. p*x uğruna,boşu-boşuna 25 yaşında dünyadan köçməsi.. xəbəri aldığımdan bəri tək düşündüyüm bunlardır və düşündükcə özümə yer tapa bilmirəm, mən niyə yaşayıram deyə içim içimi yeyir. heykəl məsələsi yaşananda baxa-baxa ürəyimin fərəhdən qabardığı o günü düşünürəm, o cəsarətə apardığım həsədi yada salıram, e bəs biz nə etdik? var idi elə cəsarətli gənclər,bəs biz nə etdik? beləcə itiririk,gedir əlimizdəki cəsarətli gənclər. bu boyda bir cəsarətə sahib ol, onun sayəsində xalqı boş bir bayramdan və boş milyardlarca xərcdən qurtar amma axırda sənin ölüm səbəbini və xəbərini bir "terlik yüzünden boğuldu" başlığı altına sığışdırsınlar, ona layiq bilsinlər. düşmənin belə gərək ləyaqətli olsun, həqiqətən.
11. Millət, Twitterdə Bayram Məmmədovun polisin iddia etdiyi kimi özünü suya düşən başmağı götürmək üçün dənizə atdığının video görüntülərinin yayılması üçün kompaniya başladılıb
Aşağıdaki formatda mətn(lər) paylaşaraq daha çox yayılmasına dəstək ola bilərsiniz.
"#Videokayıtistiyoruz #BayramaNeOldu
istanbul’da denizde cesedi bulunan Azerbaycanlı aktivist Bayram Mammadov’un, iddia ettiğiniz üzere "terliğinin arkasından denize atlaması"nın kamera görüntülerini talep ediyoruz!
Gənc solçu anarxist fəal Bayram Məmmədov istanbulda vəfat edib, onun cəsədi dənizdən çıxarılıb. Bayram Məmmədov 2016-cı il mayın 10-da Heydər Əliyevin heykəlinə “Qul bayramınız mübarək” və “Fuck the system” sözləri yazdıqdan sonra saxta ittihamlarla həbs olunmuş, 3 il həbsdə qaldıqdan sonra azadlığa buraxılmışdı.
Bayram proletar inqilabçısı idi, Azərbaycanda sinfi müqavimətin təşkilinin qabaqcıllarından idi. Vəfatıyla bağlı şəffaf istintaq aparılmayacaqsa, bütün şübhələrin həqiqət olmaq ehtimalı var. Hər nə olursa olsun, Bayramın gəncliyindən 3 ilini oğurlayan, ona işgəncələr verən, ölkədən didərgin salan sistem onun ölümündə bir nömrəli səbəbkardır.
Bayram Məmmədovun inqilabçı mübarizəsinin qarşısında baş əyirik. Söz veririk ki, bu mübarizə dayanmayacaq, ardı-arası kəsilməyəcək. Söz veririk ki, Bayram yoldaşın mübarizəsini böyüdəcəyik, Bayramın qatillərinə layiq olduqları cəzanı verəcəyik.
Ulduzlar yoldaşın olsun, Bayram! Sən bütün heykəllərdən ucasan! Bir an da olsa kapitalın faşist diktaturasına qarşı mübarizədə qorxu bizə qalib gəlsə, büdrəsək, mübarizən bizə haram olsun. Mübarizən mübarizəmizdir!
23. "Bileği güçlü ve gözüpek avcılar mıydı onları kuşatıp yeryüzü cennetinden atan
Yoksa kendini tüketen hüzünler miydi vurulup düştükçe ışığını karartan
O serüvenlerin günlüğü tutulmadı yazılmadı o insanların destan şiiri
Parça parça ettirilseler bir kartala (ki sanırım böyle oldu sonları)
Fışkırır yüreklerinden başarısız ihtilallerin yangınları"
Faşizm üzərində qələbə gününüz mübarək.
26. Keçmiş heykəl məhbusu Bayram Məmmədovun ölümü ilə bağlı HDP izmir deputatı Murat Çepni Daxili işlər Naziri Süleyman Soyluya suallar ünvanlayıb. 9 sual:
16. Belə bir çağırış: Xahiş edirəm, mətni kopyalayıb mümkün qədər paylaşıb yaymağa çalışaq!
Yoldaşlar, bir neçə dostun Twitterdə mayın 5-də başlatdığı kampaniya xeyli sayda insanın diqqətini çəkə bildi və beləcə, Türkiyədən də bir neçə məşhur isimlər kampaniyaya dəstək oldu.
Sizdən xahişimiz budur ki, Bayram Məmmədovun ölüm hadisəsinin obyektiv araşdırılması və həmin ərazidəki kamera görüntülərinin təqdim olunması üçün bu kampaniyanı görüntülər təqdim olunana kimi hər gün, saat 21:00-da (axşam, 9 tamamda) hər birimiz tvitter hesabımızda
#Videokayıtistiyoruz #BayramaNeOldu
həştəqləri ilə türk dilində (əsasən) tvitlər paylaşmaqla davam etdirək.
Aşağıdakı mətn nümunə üçündür, ancaq, eyni mətni çox "copy-paste" paylaşmaq tvitinizi spam edə biləcəyi üçün daha çox öz sözlərinizlə yazmağınız xahiş olunur:
"
#Videokayıtistiyoruz #BayramaNeOldu
istanbul’da denizde cesedi bulunan Azerbaycanlı aktivist Bayram Mammadov’un, iddia ettiğiniz üzere "terliğinin arkasından denize atlaması"nın kamera görüntülerini talep ediyoruz!
Bundan başqa edə biləcəyimiz, məşhur isimlərin (dövlət rəsmiləri, qurumlar, jurnalistlər və b.) tvitlərinə "reply" edib, eyni həştəqləri istifadə edərək fərqindəlik yaratmaq, məsələyə diqqətini çəkməkdir.
27. Türkiyə işçi Partiyasının sədri, millət vəkili Erkan Baş Türkiyə Milli Məclisində Bayram Məmmədovun ölümünü gündəmə gətirərək bu hadisənin istintaqını partiya olaraq da izləyəcəklərini bildirib. https://m.youtube.com/watch?v=FkvsWBDip2Q&feature=share
28. "Merdiven Nöbeti", Bayram Məmmədovun xatirəsinə və hadisəyə diqqət çəkmək üçün etirazlarının 31-ci günündə Faşizm əleyhinə Özünümüdafiə seminarını keçirib.
)