+10 əjdaha
5. insanın təbii xüsusiyyətini vəya ehtiyacını basdırmaqda işin suyunu çıxarmış oğlandır. bir müddət əvvəl bir məqalə oxumuşdum. deməli biz tərəfləri bilmirəm amma buralarda "açıq əlaqə" deyə bir şey var. bu tip münasibətdə bir gecəlik sex`ə heç bir problem yoxdu. tərəflərin düşüncəsinə görə başqasına vurulana qədər aldatmaq olar. demək istəyirəm ki, fiziki xəyanətə icazə var amma fikri xəyanətə icazə yoxdu. nəisə qayıdım məqaləyə. deməli iki gənc sevirlər bir-birini. amma münasibətləri açıq əlaqədi. ikisi də təklikdə bir qəzet tərəfindən sorğu-sual olunub. məqaləni ilk oxuyanda iyrənmişdim sona qədər oxuya bilmədim. ikinci oxuyanda maraqlı gəldi sona qədər getdim. üstündən bir qədər keçəndən sonra yenə oxudum və düşünməyə məcbur elədi məni. bəzi iyrənc səhnələr var idi təbii ki. məsələn oğlan qızı köhnə sevgilisi ilə 2 həftəlik başqa şəhərə getməyə yola salır. deyir ki, "bilirdim ki, yatacaqlar. amma icazə verdim." sonra o iki həftəni necə cəhənnəm əzabı çəkdiyini anlatır yazıq. sonra içi yana-yana qızdan yatdığı oğlanlar barədə soruşur. deyir ki, "içimdə güclü qorxu var idi ki, birdən kimsə məndən yaxşı olar." eyni vəziyyətdə qız idi. deyir "bir müddət başqası ilə sex`ə qadağa qoyduq. və oğlan məni yenə aldatdı." deyir "məni yandıran onun xəyanət eləməyi deyildi, sözünün üstündə durmaması idi." sonra maraqlı nöqtələrdən biri budu ki, bu "başqası" qətiyyən dostlardan biri olmamalıdı. qız bura da toxunur ki, partilərin birində oğlan bunun rəfiqələrini göstərib deyibmiş ki, "onlarla bir yerdə olmaq istiyərəm." qız deyir "bu digərlərindən çox fərqli bir şeydi, qətiyyən "kruqdan" biri ilə aldatmaq olmaz." nəisə yazılarım biraz qeybət kimi çıxdı deyəsən. amma məni düşündürəni yazım sizə indi də. indi bu insanlar yaxşı-pis bir dəyişiklik eliyiblər. cəmiyyətin standartlarından kənara çıxıblar. mənim də qısqanclığın nə olduğu haqqda düşünməyimə səbəb olublar. fikrimə keçməmişdən bir nümunə vermək istiyirəm. bir cütlük düşünün. hansısa partiyə gediblər. ətrafdakı insanlar qızın dost-tanışıdı. oğlan gedib bir başqası ilə rəqs edir və qız bu müddətdə rəfiqələri ilə söhbət eliyir, havadan-sudan. oğlanın rəqsləri bir qədər uzanır. amma qız yenə də fikir vermir normal qarşılayır. elə bu vaxt rəfiqələr hərəkətə keçir. "görmürsən oğlandan əl çəkmir o qız" "səhərdən neçənci dəfədi oynuyurlar" "yaman tolerans göstərirsən ee belə şeylərə" kimi sözlərlə qızın "gözünü açırlar" "həqiqətlərə" qarşı. və qız hərəkətə keçib gəlib oğlanı geri qaytarır. * based on true story bənzər bir nümunəni oğlanlar üçün də vermək olar məncə.burdan gəlmək istədiyim nəticə odu ki, qısqanclıq müəyyən qədər ətrafdakıların reaksiyasından asılıdı. ictimai qınağın burda rolu var məncə. lap o qız ətrafdakıların reaksiyasını gözləmədən hərəkət eləsəydi də yenə də ağlında "indi gör mənim haqqımda nə fikirləşirlər" düşüncəsi olacaqdı. başqa bir faktor olaraq hamıda olan "əlindəkini paylaşmamaq" hissini görürəm. nədənsə bizə məxsus olanı başqasına verməmək kimi bir ehtiyacımız var. söhbət təkcə sevgilidən getmir. artıq bu hissi də basdırandan sonra qalır axırıncı qala egomuz. bu "açıq əlaqələrdə" olduğu kimi sex`ə bir problem olmur amma yenə də hisslərin əsas partyorunun yanında olmalıdı. tərəflər tərk edilmək istəmirlər. sevilmək, kiməsə dəyərli olmaq arzuları var. sanki öz-özlərinə "hamı ilə yatır amma məni sevir" deyərək egolarını doyurmuş olurlar. əslində hamısı ego ilə bağlıdı məncə. biri cəmiyyətdəki, normalara uymaq üçün qısqanırsa "mən özümə söz dedizdirmərəm" deyə düşünür məncə. hamısı dolayı yolla da olsa ego ilə bağlıdı. bu barədə düşünənə qədər deyirdim ki, egonu mümkün qədər basdırmaq lazımdı. amma görürəm ki, insanı insan eliyən onun egosu imiş, o da bir aclıq imiş. ego sanki bir növ güc nümayişidi. özünə və ətrafındakılara güclü olduğunu isbat eləməkdi ego. müşahidələrimə görə hər iki cinsdən şitini çıxarmamaq şərti ilə egoist olanları daha cazibədar olur.
o ki, qaldı mənə özüm də bilmirəm panpa. hərdən başqasına həddindən çox mehriban baxmasından ciddi problem yarada bilərəm. hərdən də mənə həddindən çox soyuq baxmasından. bəzən çoxları üçün problem olan şeylərə etiraz etməyə bilərəm. dəqiq bilmirəm. ona görə də qadınlara həddindən çox yaxınlaşa bilmirəm daha. həmişə münaisbətləri bitirmək üçün yer qoymaq haqqda fikirləşirəm. açıq münasibətə gəldikdə isə yorumsuz qalsın. nəysə mən gedim yatım sabah işləmək lazımdı.