əjdaha lazımdı
izlə
dostlar
mən
googlla
şizofreniya
-
winona ryder
-
alışqan oğurlamaq
-
şəhriyar del gerani
-
oğurluq
başlıqdakı ən bəyənilən yazılar:
+6 əjdaha
6. Ehtiyacı olmadığı, dərhal istifadə etməyəcəyi halda və satma düşüncəsi olmadan bir sıra əşyaları icazəsiz olaraq götürmək, onlara sahib olma şəklində bir impuls nəzarət pozğunluğudur.
Şəxsin əslində o malı satın ala biləcək kafi maddi təcrübəyə sahib olduğu, ancaq buna baxmayaraq bu davranışı reallaşdırdığı müşahidə edilmişdir. Bu davranış daha əvvəldən düşünülməmiş və planlaşdırılmamış olub, birdən həyata keçirilir. Bu davranış birindən intiqam alma məqsədiylə edilməmişdir. Fərd bu davranışın səhv və əlverişsiz olduğunun fərqindədir. Kleptomaniklər bu davranışı reallaşdırmaq üçün başqalarından kömək istəmirlər. Tarixdə Fransa kralı IV Henrix və Sardiniya kralı Viktorun bu xüsusiyyətlərə sahib olduğu bilinməkdədir.
Narahatlığın uşaqlıq yaşlarında başladığı müşahidə edilmişdir. Fərd bu davranışı reallaşdırmadan əvvəl sıx bir gərginlik hissi keçirir. Bu davranışdan dərhal sonra xoşbəxtlik, rahatlama və böyüklük hissi yaşayır.
Narahatlıq haqqında aparılan tədqiqatların azlığı, bu vəziyyətlərin insanlar tərəfindən gizlədilməsi və bu vəziyyəti reallaşdıran kəslərin sağlamlıq xidmətlərindən çox məhkəmələrə sövq edilmələri səbəbiylə gerçək sıxlığı tam olaraq bilinməsə də min adamdan altısında rast gəlindiyi müəyyən olunmuşdur. Tutulan dükan oğrularının % 5-25`ində müəyyən olunmuşdur.
Xəstələrin ümumi xüsusiyyətləri:
Qadınlarda kişilərə görə təxminən dörd qat daha sıx görülməkdədir. Gender arasındakı nisbətin bu qədər yüksək olmasının bir səbəbi də, kişilərin belə bir vəziyyətdə əksəriyyətlə xəstəxanalar yerinə həbsxanalara göndərilmələri ola bilər.
Qadınlarda ortalama olaraq 30-35 yaşda, kişilərdə 50-55 yaşda daha sıx görülməkdədir. Həm kişi, həm də qadınlarda digər impuls-idarə pozğunluqları narahatlıqla birlikdə özünü büruzə verə bilər.
Kişilərdə daha çox piromaniya (impulsiv olaraq atəş yandırıb, yanğın törətmə) və xəstəlik dərəcəsində qumar oynama, təkrar partlayıcı davranış pozğunluğu ilə bir yerdə ikən; qadınlarda trikotilomaniya (impulsiv olaraq saç və bədən tüklərini tutma xəstəliyi) ilə birlikdə görülə bilməkdədir.
Narahatlıq sosial-iqtisadi səviyyə ilə birbaşa bağlı olmayıb, bu vəziyyətdəki adamın hətta sosiomədəni səviyyəsi yüksək də ola bilər. Şəxslər bu davranışlarına mane ola bilmək üçün ictimai həyatlarını məhdudlaşdıra və ətraflarından uzaqlaşa, alış-veriş etməməyə çalışa bilərlər.
Xəstəliyə səbəb ola biləcək faktorlar:Uşaqlıq dövründə yaşanan mənfi şərtlərin nəticəsində inkişaf edən itkin həyatları əhəmiyyətli faktorlar arasındadır.Kleptomanik davranışlar da bunların təsirini aradan qaldırmağa istiqamətlidir. Şüuraltındakı bu xatirələrin şəxsi məcbur etməsi ilə meydana gəldiyi düşünülməkdədir. Bu insanların uşaqlıqlarındakı ailə həyatlarının olduqca travmatik və problemli olduğu müəyyən olunmuşdur. Bu fərdlərdə narsisistik (özünə olan sevgi, maraq) qırılmaların, özünə inam yaralanmalarının nəticəsi olaraq ortaya çıxdığı da düşünülməkdədir. insanın özünə hörmət və dəyərliliyinə istiqamətli hücumlar irəliləyən dövrlərdə adamın yetkin bir mənlik quruluşu inkişaf etdirməsinə mane olar və bu cür davranışlara zəmin hazırlayar.
Kleptomaniya hərəkətləri bir itkin həyatını izləyərək də inkişaf edə bilməkdədir.Bu vəziyyətə qadınlarda uşaqların evdən uzaqlaşması; kişilərdə andropoz dövründə rast gəlinə bilər. Qadınlarda gərginliyin artdığı mensturasiya dövrləri və hamiləlik dövrlərində bu cür hərəkətlər artmaqdadır.
Bu insanlarda cinsəlliklə əlaqədar problemlərə də rast gəlinir. Müxtəlif psixiatrlara görə uşaqda 3-5 yaş arasında müşahidə edilən və Freyd tərəfindən “fallik dövr” olaraq adlandırılan, uşağın cinsi orqanlara istiqamətli maraq və hərəkətlərində artımın olduğu dövrlərdə qarşılaşılan problemlərlə bağlı olduğu düşünülməkdədir.
Müalicəsi:Fərdin keçmişi və bu anı ilə əlaqədar zədələyici hadisələrdən yan keçərək,bunlara istiqamətli uyğun düşüncə sxemləri inkişaf etdirilməsi və ictimai əlaqələrdəki əlverişsiz müdafiə mexanizmlərinin dəyişdirilməsini hədəfləyən müalicələr, impulsiv hərəkətləri və qayğı vəziyyətini azaltmağa istiqamətli dərman müalicələri və lazım olsa hipnoz ilə müvəffəqiyyətli nəticələr alınmaqdadır.
mənbə 
+4 əjdaha
7. insanın almağa gücü çatan, dəyərsiz şeyləri oğurlayıb bunun ilə xoşbəxt olması. psixoloji xəstəlikdir. kleptomaniya sözünü eşidən kimi o saniyə ağlıma bizim sinifkom gəlir. əgər haqqında məlumat sahibi olmaq istəyirsinizsə (baxma: sinif nümayəndəsi/-376217) entrymi oxuya bilərsiniz. deməli mən bu qızın yaxşı insan olmadığını bilirdim, lakin kleptomaniya xəstəsi olduğunu heç bilmirdim, taaa ki 7-ci sinifdə 3-4 ay yanına oturanacan. deməli mən bu qızın yanına oturadanda ilk bildiyim şey o idi ki, bu qız summativ cavablarını başqa siniflərdən alıb köçürdürmüş, kağız üzərində əlaçı olsa da, əsl qiyməti 4-dür. hər şeydən qabaq bu qız mənim kimi başına kitabdan qaldırmayan uşaqların haqqına girirdi, bir növ oğurluq etmiş olurdu. 1 ay heç əşyam itmədi, ondan sonra yavaş yavaş mənim bəzi əşyalarım itirdi. qızda diqqətimi çəkən əsas şey məndən qələm kimi bəzi şeyləri yoxlamaq üçün götürüb sonra gizlim gizlim öz çantasına atmağa çalışması idi. əvvəla qələm, xətkeş, pozan kimi kiçik-kiçik ləvazimatlardan başladı oğurluğa. qələm və pozanımı "aa məndə qalıbmış, özümünkinə çox oxşuyuree" deyib verdi, lakin xətkeşi məcbur oldum özüm alım. ondan sonra riyaziyyat dərsliyini oğurladı məndən, bir insan təhsil nazirliyinin pulsuza verdiyi dərsliyi niyə oğurlayar amk demişdim içimdən, sonradan mənə "sənin riyaziyyat kitabın itib, bibim qızı riyaziyyat yarışında birinci yerə çıxdığı üçün dərslik hədiyyə ediblər, al işlət" deyib öz dərsliyimi mənə verdi. yox e bir yarışda niyə pulsuz paylanan dərslik hədiyə etsinlər axı? nəysə dedim əsas odu qaytardı. ondan sonra xətkeşdən sonraki oğurluğunu etdi bu şəxs. deməli mənim test kitabımı mən dərsə qalxarkən buna baxmadığım zaman götürüb, və tez üstünə karandaşla yazdığım adı pozub və mənə verdi ki, sənin adını kimsə pozub burdan. məndə götürdüm qələm ilə yazdım adımı, qoydum çantaya test kitabını. sonra bu hadisədən bir ay keçəndən sonra mənim bu hadisəyi unutduğumu hesab edip kitabın adım yazılan hissəsini cırıp oğurladı, mənə də dedi ki bibim qızınındı ondan götürmüşəm səninki haradadı bilmirəm. ondan sonraki gün sinif rəhbərinə yaxınlaşıb bütün əhvalatı danışdım və köhnə yerimə keçdim. test kitabını da özüm almadım. sağolsun parta yoldaşım ortaya qoyurdu, oradan baxıp işləyirdik. qısacası bu xəstəliyə sahibsinizsə, gedin psixiyatra. bəlkə düzələ bildiniz.
+2 əjdaha
1. heç bir maddi çıxar olmadan, nәyisә oğurlamaq istәyi. bu әslindә psixoloji bir xәstәlikdir vә psixoloji terapiya ilә sağaldıla bilәr. xәstәdә çox güclü oğurlama, adrenalin yaşama istәyi oyanır, oğurluqdan sonra bu tәlәbat ödәnir. ödәndiyi üçün bu dәfә dә xәstәdә peşmanlıq hissi oyanır vә hәtta oğurluq etdiyi adam tanışıdısa, bir neçә saatdan sonra әşyanı gәtirib qaytara bilәr. xәstәliyin әsasәn maddi vәziyyәti yaxşı olan şәxslәrdә müşahidə olunduğunu iddia edәnlәr var.
+1 əjdaha
2. kleptomaniya- özünü təsdiqləməyin bir vasitəsidir. biraz fərqli yoldur amma nəticədə həmin şəxs üçün keçərlidir. ondan aldığı zövq ona orqazm yaşadır. bir çox məşhurlarda rast gəlinən psixi pozuntudur.
fransa prezidenti sarkozide de olduğu bildirilir. anlaşılan arvaddan əlini üzüb əşyalara sarıb fetişist.
+1 əjdaha
5. Kleptomaniya, adətən insanın şəxsi istifadə və ya maddi qazanc xaricindəki səbəblərə görə əşyaların oğurlanmasına qarşı özünə müqavimət göstərə bilməməsidir. ilk dəfə 1816-cı ildə tədqiq olunan kleptomaniya psixiatriyada impuls nəzarət pozğunluğu kimi təsnif edilir. Pozğunluğun bəzi əsas xüsusiyyətləri kleptomaniyanın obsesif-kompulsiv spektrli bir xəstəlik ola biləcəyini, eyni zamanda asılılıq və əhval-ruhiyyənin pozğunluqları ilə oxşar xüsusiyyətlərə malik olduğunu göstərir.
Xəstəliyə tez-tez diaqnoz qoyulmur və mütəmadi olaraq digər psixiatrik xəstəliklərlə, xüsusən narahatlıq, qidalanma, alkoqol və maddə asılılığı ilə əlaqələndirilir. Kleptomaniya olan xəstələr, kleptomaniya birbaşa ilə əlaqəli deyil, digər şikayətləri səbəbiylə müraciət edirlər.
Son 100 ildə kleptomaniya üçün psixoterapevtikdən psixofarmakoloji müdaxilələrə keçid baş verdi. Koqnitiv davranış terapiyası ilə yanaşı selektiv serotonin geri alma inhibitorları (SSRI), əhval stabilizatorları və opioid reseptor antagonistləri və digər antidepresanlar istifadə olunan farmakoloji müalicələr müsbət nəticələr verdi. Bununla yanaşı, selektiv serotonin geri alım inhibitorları (SSRI) tərəfindən induksiya edilən kleptomaniya barədə də məlumatlar var. Günümüzdə uşaqların daha çox kleptomaniyadan təsirləndiyi görülür.
hamısını göstər
