+86 əjdaha
33. mənim də başımı yardığım gün. amma mənim hadisəm biraz fərqliydi. hava soyuq idi. evə də qonaq gəlmişdi. tam yadımda deyil nə yeməyiydi amma araqsız yeyilməyəcək birşey idi. dədəm dedi ki, ala pulu get araq al. mən də dedim ki, aşura günüdü almıram. atam nəvazişlə saçımı sığalladı dedi ki, bala biz qazaxlıyıq özünü niyə nardaranlı kimi aparırsan?yoxe belə demədi. şilləni qoydu qulağımın dibindən pramoy üzü kərbəlaya sarı döndüm. özümə gələndə qaçdım ee mağazaya tərəf. roberto carlos pox yeyir yanımda. (o vaxt usain bolt yoxuydu hamı sürətini carlosla müqayisə edirdi) dedim ordan maa bir arağ ver. özümə dönmüşdüm qazaxlılığıma. bu da qayıtdı ki, bugün araq satmıram. eləbil böyrüm sancdı. cəlalı ayağından vurdular. dedim kələntər dayı ürəyimi nişan al ağrıdır axı. dedi nə deyirsəne gijdıllaq? dedim qazaxlıyıq biz xalid əmi. dedi başa düşdüm. arağı rəngli salafana büküb verdi. carlos evə kubokla dönürdü. o gün bugündür dinlə aramızda məsafə var.aşura
əjdaha lazımdı
izlə
dostlar
mən
googlla
aşura günü aksiyaları - şiəlik - məhərrəmlik - 26 noyabr 2015 nardaran hadisələri - sözaltı sözlük - məhəmməd əmin rəsulzadə - əli və nino - sözaltı etiraf - ata
başlıqdakı ən bəyənilən yazılar:
+30 əjdaha
21. "qətl sınması" deyə bir şey var, bilirsiz yəqin. imam hüseyn şəhəri deyilən bölgədə, imamzadə kompleksinin 2-3 kilometrliyində yaşayan biri kimi hər il şahidi oluram ki, həmin məqamda - aşura günü saat 1-də bütün şəhərdə həyat dayanır. əvvəllər daha dəhşətli şeylər olurdu: hələ bir gün əvvəldən axşamdan səhər saatlarına kimi şaxsey deyə-deyə piayada imamzadəyə gedən gənc qrupları, başını yaranlar, kürəyi qan içində imamzadədən qayıdanlar, azyaşlı uşağını itirənlər, özünü itirənlər, ziyarətgaha soxulmaqçün fiziki mübarizədə insafını itirənlər və s. indi yollar bağlanır, polislərdən canlı sədd olur kompleksin girişində. təkcə hər il aşuradan bir gün əvvəl şah abbas məscidinin qarşısında mütləq şəkildə polis-şiə davası gedir, kərbəla yalan olur, vallah. dubinkadan ağzı əyilənlər, "allahu-əkbər", "lə ilahə illəllah" qışqıra-qışqıra ora-bura qaçışanlar, bütün il boyu hər şərəfsizliyə göz yumulan gəncədə elə bir üsyan havası yaradır ki, bir rüqəyya çatmır ağlamağa.dumanlı bir uşaqlıq xatirəsindən bəhs eləyim sizə. neçə il əvvəl olmağıyla bağlı təkcə o yadımdadır ki, çox balacaydım. aşura günü, şiə ailəmdə bir ağır əhval, kədərli sükut hökm sürürdü. qohum-əqrəba bizdəydi, ya da biz hansısa qohumun evindəydik... dəqiq xatırlamıram. dayım saata baxdı və dedi ki, yarım saat sonra qətl sınacaq. gözüm qaldı saatda. həyəcanla yarım saatın keçməsini gözlədim. qəribə və fərqli gəlirdi mənə bu qohum-əqrəbanın şirin halva ətrafında toplaşması. yarım saatın tamamında oturduğum stuldan sıçradım və "qətl sındı! qətl sındı!" deyə atılıb-düşməyə başladım. fırlana-fırlana tullanırdım yerimdə və üzüm dayıma doğru çevriləndə, sol tərəfdən yağlı bir şillə yedim. imana gəldim.
+24 əjdaha
14. aşura - ərəbcə "aşara" sözündən gəlir. aşara - on, aşura da elə on ya da onuncu deməkdir. məhərrəm ayının 10-cu günüdür. hicri tarixi ilə 61-ci ildə (miladi 683-cü il) hz hüseyn, ailəsi və tərəfdarlarının (cəmi 73 nəfər) kərbəlada yezidin ordusu tərəfindən vəhşicəsinə qətlə yetirilmişdir.bundan başqa bu gündə (məhərrəm ayının 10-da) dini nöqteyi-nəzərdən vacib olan bir neçə tarixi hadisələrin də baş verdiyinə dair yazılar, rəvayətlər vardır. rəvayətlərə görə bu gün həm də adəmin işlədiyi günahdan sonra tövbəsinin qəbul edildiyi, nuhun gəmisinin tufandan xilas olduğu, ibrahimin oda atılanda yanmayaraq möcüzə göstərdiyi, musanın qırmızı dənizi yararaq ona inananları firondan xilas etdiyi gündür. onu qeyd edim ki, aşura günü hələ islamiyyətdən əvvəl də ərəblərdə xüsusi gün idi, belə ki, hz ibrahimin vaxtından adət kimi qalmışdı. indi aşura günü oruc tutlduğu kimi, islamiyyətdən əvvəl də aşura günü oruc tutlardı. bu da bir daha göstərir ki, əvvəllər də bu gün nəsə xüsusi hadisələrin baş verdiyi bir gün olub.
göründüyü kimi aşura günü yalnız hz hüseynin və ailəsinin qətlə yetirildiyi gün deyildir, həmçinin çox vacib hadisələrin baş verdiyi gündür. bu baxımdan ilin bu vaxtının, aşura gününün dini nöqteyi-nəzərdən doğrudan da vacib olduğu, vacib olduğu qədər də əsrarəngiz olduğu görünür.
indi isə gəlin diqqətimizi kərbəla hadisəsinə yönəldək. yuxarıda qeyd olunduğu kimi, aşura günü çox müstəsna hadisələrin baş verdiyi gün kimi bilinir. belə çıxır ki kərbəlada baş verən hadisədə də nəsə müstəsna bir şeylər olmalıdır. görəsən bir ailənin qətlə yetirilməsi hansı dərəcədə müstəsna ola bilər? əlbəttə hz hüseyn məhəmməd peyğəmbərin sevimli nəvəsi və islamın birinci imamı hz əlinin oğludur və təkcə hüseynin deyil, onun ailəsinin və tərəfdarlarının toplu şəkildə amansızlıqla qətlə yetirilməsi islam dünyası üçün böyük itkidir, tarixin qaranlıq günüdür və matəm günüdür. lakin gəlin hadisələri daha yaxından öyrənək və görək bu günün vacibliyi təkcə imamın və ailəsinin öldürülməsidir, yoxsa başqa məsələlər dəmi var.
məsələni daha yaxşı izah eləmək üçün əvvəlcə istəyirəm ki, o dövrdəki vəziyyəti qısa da olsa təsvir edim. hicri 61-ci il peyğəmbərin yaşadığı dövrdən elə də uzaq bir müddət deyildir, peyğəmbərin ölümündən (miladi 632-ci il) cəmi 51 il sonradır.
həmin vaxtda məkkədə xəlifə müaviyyə vəfat edir və oğlu yezid hakimiyyətə gəlir. müaviyyə qatı islam düşməni idi və uzun sürən mübarizədən sonra hakimiyyəti ələ keçirə bilmişdi. lakin mədinə şəhərində insanlar hz hüseynə tabe olur və peyğəmbərin qoyduğu yolla getməyə çalışırdılar. hələ yezid hakimiyyətə gəlməmişdən hz hüseyn ondan və ətrafından narazı idi. çünki islam dünyasının xəlifəsi olaraq islamı gözdən salır və bütün gününü içki ilə, eyş-işrətlə keçirirdi. insanlara qarşı ədalətsiz davranır və zülüm edirdi. amma günü gündən nəinki yezid və onun ətrafı, hətta insanlar da islamın qayda-qanunlarını unutmağa, onlara laqeyd yanaşmağa başlayırdılar. hakim təbəqədə olan bu hal insanlara təsir etməyə başlayırdı. peyğəmbərin dövründən qalan səhabələr, onun nəslinin nümayəndələri səbr edirdilər və düzələcəyinə ümid edirdilər. ona görə də ortalığı qızışdırmaq istəmirdilər və heç ağıllarına da gətirmirdilər ki gələcəkdə kərbəla hadisəsi kimi bir şey ola bilər. peyğəmbər övladına, islama qarşı belə harınlıq, qudurğanlıq törədilə bilər. hətta çoxları yezidin atasından sonra hz hüseynin xəlifə olacağını və bütün problemlərin həll olunacağını gözləyirdilər. ona görə də səbr etməyə üstünlük verirdilər. amma hər şey başqa cür oldu və yezid xəlifə oldu.
yezid onsuz da hz hüseynin ondan narazı olduğunu və insanların onun xəlifə olacağını gözlədiklərini bilirdi. ona görə də ona qarşı nifrəti var idi. xəlifə olduqdan sonra da bu nifrətini davam etdirməyə başladı. artıq bilirdi ki, hz hüseyn onun xəlifə olmasından narazıdır, çünki o deyirdi ki, yezid kimi günü eyş-işrətlə keçən birisi xəlifə ola, islamın başında dura və islamı təmsil eliyə bilməz. bu qəbuledilməzdir və biabırçılıqdır. ona görə də xəlifə olan kimi hz hüseynə xəbər göndərmişdi ki, o mütləq onun hüzuruna gəlməli və ona boyun əyməlidir. onun xəlifəliyini qəbul etməlidir. lakin hz hüseyn bu təklifi bir mənalı şəkildə rədd etmişdir. bu səbəbdən yezid hz hüseyni təqib etməyə başlayır və onu öldürmə əmrini verir. artıq hz hüseyn üçün çöldə gəzmək yavaş-yavaş təhlükəli olmağa başlayırdı. o, hətta öz ailə üzvlərinə görə də narahat olmağa başlayırdı. vəziyyəti ələ almaq və ortalığı sabitləşdirmək üçün qərara alır ki yezidə qarşı çıxmalı və hakimiyyətə keçməlidir. mədinədə hüseyni dəstəkləyənlər çox idi. həmçinin kufədə də tərəfdarları az deyildi. ona görə qərara gəlir ki kufəyə getsin və orda insanlardan dəstək alsın. və öz tərəfdarları və ailəsi ilə birlikdə (72 nəfərlə) kufəyə doğru yola çıxır. lakin yolda yezidin 4500 nəfərlik (bəzi rəvayətlərə görə 30000 nəfərlik) ağır silahlanmış ordusu ilə qarşılaşır. ordu ilə qarşılaşan hüseyn və tərəfdarları geri çəkilməməyə qərar verirlər. hz hüseyn bildirir ki, onlar yezidin hakimiyyətinə qarşıdırlar və geri çəkilmək niyyətləri yoxdur. belə olan halda yezidin ordusu hüseynin düşərgəsini mühasirəyə alır və düşərgəyə gələn suyun qarşısını kəsir. bu yolla onları təslim olmağa məcbur etməyə çalışırlar. lakin hüseyn və tərəfdarları mübarizə aparmaq qətiyyətli idilər və təslim olmaq fikirləri yox idi. bir müddətdən sonra düşərgədə susuzluq başlayır və hz hüseynin xəstə oğlu imam zeynələbdin və 6 aylıq digər oğlu imam əli əsgər susuzluqdan əziyyət çəkməyə başlayırlar. hz hüseyn körpəni əllərində qaldırıb əsgərlərə göstərərək susuzluqdan əziyyət çəkdiyini və heç olmasa körpəyə rəhm etmələrini və suyun qarşısını açmağı söyləyir. lakin yezidin əsgərləri körpəni hz hüseynin əlləri arasında oxla boğazından vuraraq qətlə yetirirlər. (el arasında birisinə su vermeyende ona yezid deyilməsi burdan gəlir). və bundan sonra hz hüseyni, ailəsini və tərəfdarlarını xüsusi amansızlıqla qətlə yetirirlər, sağ qalan bir neçə nəfəri isə əsir götürürlər. təkcə hz hüseynin bədəninə 30 dənə ox və nizə vururlar. ayaqlarını, qollarını və başını kəsib şəhər-şəhər gəzidirirlər ki, hamıya dərs olsunki, xəlifəyə qarşı çıxmaq, etirax etmək olmaz. sonda hz hüseynin başını gətirib atırlar yezidin qarşısına və hirsi soyumayan yezid onun başını təpiklə vurur və çubuqla özündən kənarlaşdırmağa çalışır.
kərbəla hadisəsi əslində nədir və niyə görə vacibdir? kərbəla hadisəsi hər şeydən əvvəl bütün ümidlərin bitdiyi məqamda haqqsızlığa və zülmə qarşı bir insanın etiraz səsi və mübarizəsidir. islamın ən vacib məqamlarından biri olan haqq səsini ucaltmağın vacibliyini ifadə edən hadisədir. kərbəla hadisəsi insanları yatdıqları qəflət yuxusundan oyatmaq üçün onların üzünə vurulan şillədir. onları mübarizəyə səsləyən çağırışdır. kərbəla hadisəsi ona görə fövqəladə şəkildə vacibdir ki, o dövrdə müaviyyənin və yezidin zülmunə qarşı susan və onları görməməzlikdən gələn müsəlmanları qəflət yuxusundan oyatdı. onlara öz dinlərinə sahib çıxmalarının vacib olduğu çatdırdı. bəzilərinə görə, əgər kərbəla hadisəsi olmasaydı islam tamamilə məhv olası idi. kərbəla hadisəsi müsəlmanları yenidən dirçəltdi və onlara başa saldı ki, onlar öz dinlərinə sahib çıxmalıdırlar. hz hüseyn bilirdi ki, kərbəlada belə bir hadisə olacaqdı. o bilə bilə öz ailəsini və özünü islam və müsəlmanlar yolundə qurban verdi. kərbəla hadisəsinin vacibliyi bu baxımdan müstəsnadır və hz hüseynin özünü və ailəsini bu yolda şəhid etməsi islam tarixinə qızıl hərflərlə yazılmış bir qəhrəmanlıq hekayəsidir. buna görə də hər il məhərrəm ayının 10-cu günü, aşura günü dünya müsəlmanları tərəfindən matəm günü kimi qeyd olunur. və olunmalıdır da. kərbəla hadisəsini unutmamaq üçün. hz hüseyn mübarizəsini unutmamaq üçün. yenidən islamı unudub laqeydləşməmək üçün. zülmə və haqqsızlığa qarşı haqq səsini qaldırmağın vacibliyini unutmamaq üçün.
hər yer kərbəladır, hər gün aşuradır deyirlər. bəziləri bunu səhv başa düşür və hər gün və hər yerdə matəm saxlamlıyıq deyir. amma "hər yer kərbəladır, hər gün aşuradır" demək, hər yerdə və hər an hz hüseyn kərbəlada haqq səsini ucaltdığı kimi, haqqsızlığa qarşı səsimizi qaldırmağı bacarmalıyıq deməkdir.
+15 əjdaha
30. ağlamaq, özünü zəncirlə şapattamaq məsələlərinə haqq qazandırmaq olmur. əslində belə dini həssas məsələlərə uzaq durmağın tərəfdarıyam. cahil ilə nəyin davasını eliyəsən? şiə dost tanışa başın sağ olsun deyib keçmək istəyirəm, adam zəncirnən öz başını yara biləcək zehniyyətdədi, nə deyəsən buna?tanım olaraq isə tipik cahillikdir, başqa açıqlaması yoxdu. 1400 il əvvəl olan bir hadisə səbəbindən adam 9-cu mikrorayonda özünə zəncir vurur, adını da imam sevgisi filan qoyub...
+20 əjdaha
25. yüzillərdir kürəyimizi qançır edən dəmir zəncirləri bircə dəfə olsun düşüncəmizə çırpmış olsaydıq, o zaman üzümüzə açılan cənnət qapıları bizi cəhənnəm girdabından xilas edərdi.aşura günü kimə görəsə sıradan, bəsit bir gün kimi görünə bilər lakin bu gün ağırlığını hər birimiz çiyinlərmizdə hiss etməliyik. çünki biz inqilabı, mübarizliyi və ən əsas da idealogiya uğrunda fədakarlığı imam hüseyndən öyrəndik. və belə ki lev tolstoyun bu fikri yerinə düşür. "mən istərdim ki məni müsəlman hesab edəsiniz. çünki nə tövratın, nə zəburun, nə də incilin imam hüseyn kimi qəhramanı olmadı."
+9 əjdaha
28. yas saxlama məntiqini anlamadıqım hadisə. adamın dogmaca atası anası ölür qozuna olmur ancaq 1400 il bundan qabaq ölən biri üçün yas saxlayır özünü cırıb dagıdır. soruşanda deyirlər sən bilməzsən allah qəlbini möhürlüyüb zad. nə qədər aglayır aglasın ki bunun mənə dəxlisi yox ancaq düşünürəmki bu hadisələrə qatılıb özünü lezvalayanların böyük qismi hələ bankdakı krediti öz dərdi üçün aglayır, aşura zad qozuna deyil.+11 əjdaha
16. 19-cu əsrdə şirvani bu gün haqqda yazdırdıyar kəlləni aşura günü yar, öküz oğlu
xəncir ilə idrakını da sar, öküz oğlu.
hər millət əgər elm ilə uğraşsa da, sən get,
“ şaxsey” bağırıb böyləcə çək car öküz oğlu.
qoy molla cebin dolduraraq rövzə bağırsın,
döy gəllənə sən ağla da zar-zar öküz oğlu.
sındır qələmi, yax kitabı, ağlını susdur,
çün böylə buyurmuşdur imamlar öküz oğlu.
daim ömərə lənət oxursun gecə-gündüz,
islam kitabında beləmi var öküz oğlu?
quranı açıb bir kərə əsla oxumazsan,
bax gör necə qırmışdı da əfsâr öküz oğlu!
ol başla düşünmək gərəkirkən nədən öylə,
qan içrə batıb gör necə barbar öküz oğlu.
təxminən 100-il keçib bu şerin yazılmasından, ama hələ də qalmışıq bu öküz oğullarının əlində.
+7 əjdaha
39. Hələ də vaxtının tam müəyyənləşdirə bilinmədiyi gün. Nənəmdən soruşuram, nə vaxt? Deyir, adam var bu gün edir, adam var sabah. Belə başa düşdüm ki, hərə öz kafasına görə yaşayır bu günü. Nənəm dəmişkən. Görürəm ki, arvad nəsə youtube'dən mərsiyə zad açıb dinləyir. Ha istəyir ki, ağlasın, alınmır. Elə bil özünü bu gün ancaq ağlamağa kökləyib. Tam ürəyiycə deyil nəsə. Ağlaya bilmir. Ağlamaq istəyir. Deyirəm, nənə, nə məcbur edirsən özünü ağlamağa. Çox vacibdir? Deyir ki, bala, bu günlər ağlamaq çox vacibdir. Göz yaşlarını balaca bir bankaya yığırsan, o biri dünyada köməyinə çatır göz yaşları.Belə başa düşürəm ki, nənəm bu gün bankanın heç olmaya az bir hissəsini doldurmaq niyyətindədir, amma bu gedişlə xuy doldurar.
+9 əjdaha
2. deyir bir dəfə biri görür ki bakıda vaxsey, şaxsey vurub ağlayırlar soruşur ki bəs nolub? deyirlər ki bəs aşuradı imam hüseyin ölmüşdü 7-ci əsrdə ona ağlayırıq. o da deyir ki "ağəz rəhməttiyin o 7-ci əsrdə ölüb qızı bəs sizə xəbəri təzə çatıb?"+7 əjdaha
32. uşaq vaxtı nardarandakı pirə gedib hədiy yediyim gündür. özümlə duz da aparırdım niyəsə şit pişirirdilər. 4-5 dənə dabafka ilə yeyirdim. nəzir qutusu üstünə qoyulan pulları da oğurlayıb qayıdırdım. sonra yadıma düşürdü ki hədiydən əvvəl ciblərimə noğul, konfet doldurmuşdum axı. içindən fındığ çıxan noğulların kayfı başqa olurdu blət.orda dindarlar kağızlara imamların adlarını, fatihə və digər sürələri latin hərfləri ilə yazıb verirdilər ki öyrənərsən, uşaqlara da paylayarsan. hamısını əzbər bildyim üçün hörmətim var idi o pirdə. məktəbdən qaça bilən tək-tük cəsarətli (səhər yığıncağında döyülməyə dözəbilən) uşaqlardan biri olduğum üçün darıxanda qaçırdım pirə.
belə xüsusi günlərdə pirdə təsbeh, mineral daşlı üzük, axçin zad da paylayırdılar. bir iki dənə təsbehi məktəbdəki məllimlərə məkkədən gəlib zad deyərək sata bilmişdim.
+6 əjdaha
40. hər məhərəəm ayının 10cu (ya 9cu) günü qeyd edilən kərbəla hadisəsinin il dönümü. bir çox yer işlədiyi halda bazarlar və ticarət mərkəzlərinin çoxu işləmir ilin bu günü.deyəsən ən dindar kəsim alverçilərimizdi ölkədə.+7 əjdaha
8. din qardaşlarımın matəm günübayaq 61e minmek mümkün deyildi deye, inqilabdan sahile qeder piyada düşmeye qerar verdim. yol uzun idi, taxdım qulaqlığı, bir dene trans qoydum, pısıldada pısıldada getmeye başladım. bir az gedenden sonra, polis maşınlarının irelideki yola barikada qurduğunu gördüm içimnen
"allah allah, prezident burdan da keçir?"
deye etrafa lom baxışlar atdım, biraz gedirdim ki, baxdım yola içimdeki ses yene başladı
"ne gözel gündü, ne yaxşı eledim de gezirem, millet de gezir, millet de gezir e, dordan ala ne qeder adam var burda" deye.
hem de çoxlu polis varıydı. biraz de gedenden sonra göy mescide çata çatda
"blin bugün 4. gündü, bizde de cüme namazı qılırlar? bilmirdim ala, ne qeder adam var, bir deyge ala cüme namazında arvadların ne işi var? aha uşaxlar da var" deye düşünürdüm ki,
etrafa fikir vermeye başladım. baxdım kı hamı mene ters ters baxır, ele bele yox e emelli başlı ters ters, elacları olsa çırparlar o derece ters baxırdılar. men de lom kimi baxıram camaata gördüm 3-4ünün gözü yaşdı. hamı mene baxmağa başladı. elimi attım qulaqlığa mahnının sesini azalttım. gördüm çölden başqa ses gelir, ses mescidden gelir. deyesen mersiyedi.
"ananııı?!" bu gün aşura günüdü, mahnıya qulaq asmaq, qulaqlığım?! tez soxdum cibime, başımı aşağı saldım, addımlarmı yeyinleşdirdim, hemen paralel küçeye keçdim. o an özümü
"oruclu pişiklerin arasından keçen siçan" kimi hiss eledim. az qala döyülmüşdüm. çöndüm dala baxdım, sese qulaq asdım, millete baxdım, doğurdan da bunlar meni döyerdiler. taa eve qeder qulaqlığı cibimden çıxarmadım
bir de bugün, bezi ateistler var ki, müselmanlara bu günde hörmet isteyirler, indiden deyim ki çox sünidiler * ateistler
+6 əjdaha
41. qonşular tərəfindən halva atəşinə tutulduğum gün.+5 əjdaha
18. 680-ci il oktyabr ayının 10-u civarlarında baş vermiş hadisədir. əsaa səbəb müaviyənin beət pozub xilafəti oğlu yezidə miras qoymasıdır.hiyləgər müaviyə hələ sağ ikən oğlunun yerini möhkəmləndirmək üçün onun adına beətlər almış, bir növ sülaləsini sığortalamışdır. hz.hüseyn isə, yezidin islam ehkamlarına düzgün əməl etmədiyini bildirmişdir.
əməvilərin şam hökuməti bu dövr yalnız haşimi yox, həm də zübeyr oğullarının da etirazına məruz qalmışdır.
anma, bu iki etiraz arasında olan əsas fərq birinin tam siyasi, digərinin isə din olmasıdır. hüseynin kərbəla qiyamının hakimiyyət üçün baş verməməsinə əsas dəlil açıq-aşikar qeyri bərabər döyüşdür.
tarixi mənbələr imam hüseynin mədinədə olarkən kufədən minlərlə dəvət məktubu aldığını təsdiqləyir. imamın bu səbəbə yola çıxdığı düşüncəsiylə də hakimiyyət üçün kufəyə gəldiyi fikri də iflasa uğrayır. çünki, məhərrəm ayının 2-si kərbəlaya çatan imam hüseyn 8 gün ərzində düşmənin sayından xəbərdar olmuşdur. bu cür qeyri bərabər toqquşmada siyasi manevr heç şübhəsiz müvəqqəti beət olmalıdır.
digər məsələ aşura qabağı, o gün və aşura sonrası törədilən vəhşiliklərdir. aşura öncəsi imam hüseynin əmisi oğlu müslüm ibn əqil və iki yeniyetmə oğlunun edamı. kufədə yazılan məktub sayı ilə heç də uyuşmayan azsaylı haşimi tərəfdarlarının amansız öldürülməsi. aşura günü su fəryadı ilə qaldırılan imam hüseynin körpə oğlu əli əsğərin boğazından oxlanması, hüseynin xeymələrinə (çadır) su aparmaq istəyən ögey qardaşı abbasın (əbəl fəzl) suqabısının oxlanması, gözünün oxlanıb qollarının kəsilməsi. aşura sonrası imam ailəsinin üzləşdiyi işgəncələr, məzəmmətlər ən bariz zülm və məzlumluq nümunəsidir.
imam hüseyn o günün gecəsi könülsüzləri qaranlıqda azad buraxmaqla onun üçün tək döyüşməklə arxasında ordulu döyüşməyin fərqinin olmadığını sübut etmişdir.
bir ayrı acınacaqlı hal həm inananın, həm də inanmayanın yekdilliklə razılaşdığı ifratdır. bəli. hətta yasın və əzadarlığın da bir ədəbi, bir ölçüsü vardır. bellərə möhkəm döyəclənən zəncirlərlə kərbəla müsibətini anlamaq mümkünsüzdür.
tam əmin olun ki, onları qırağa çəkib aşuranın tarixi, bu müsibətin fəlsəfəsi haqqında soruşsan, dolğun cavab almayacaqsan. bu fanatizm və bilik darlığınnan başqa bir şey deyil.
+6 əjdaha
6. imam ölüb təəssüflənirik ama ki zəncir zad qoz qoyulası şeylər döyül.+6 əjdaha
19. mazoxistlərin meydana atılıb, şou göstərdiyi gün.+4 əjdaha
22. səhər avtobusda 2 nəfərin dialoqu:" aşura günüdüye nardarana gələcəysən də? "
" hə gələcəm. sonra günortayçun çıxıb gedəriy şəhərə gəzəriy qədeş qədeşə. "
+4 əjdaha
43. Maşında dünənə qədər tam vol səviyyəsiz mahnılarla gəzənlərin eyni şəkildə mərsiyyələrlə şəhəri fırlandığı gün.+5 əjdaha
4. Aşura günü münasibəti ilə Azərbaycan xalqını təbrik edən nənə(youtube: 
)
)+5 əjdaha
5. insanların məscidə gedib özlərinə zəncirlə min əziyyət etdiyi, əlində qara əl nişanəsi tutmuş dilənçilərin "bazar"ının artdığı, insanların qollarına qara lent bağladığı, ehsan paylanıldığı matəm günü.+5 əjdaha
1. imam hüseyinin qətl günü, matəm günü.+4 əjdaha
24. uşaqlığımdan xoş olmayan xatirələr qalıb bu gün haqqında. atam özü kifayət qədər liberal birisi olmasına baxmayaraq ailəsi haqqında eyni şeyi demək olmazdı. hər aşura günü ata tərəfin qohum-əqrəbəsi tökülüşüb gəlirdilər mir mövsüm ağa ziyarətgahına getmək üçün. məni də aparırdılar özləri ilə. indi bilmirəm necədi amma o vaxtı həmin gün millət bir-birinin üstündə olurdu. yollar bağlı. tısbağa yerişi ilə ziyarətgaha yaxınlaşmağımız saatlar çəkirdi. basabasnan axır içəri girirdik. səhər tezdən çıxırdıq evdən bir də axşamüstü gəlib çatırdıq evə. it kimi yorulurduq ala. anam da buna görə həmişə qıcıqlanırdı ki, bəs bunlar uşaqdılar heç hara, nə üçün getdiklərini bilmirlər. həm də anam sünnidü bəlkə onun da bir az təsiri var idi.* glş bu biri tərəf də deyirdi ki, qoy uşaqlar indidən görüb öyrənsinlər. belə neçə il davam elədi. axırda o həddə çatdı ki, hər aşura qabağı ölkədən çıxırdıq atam göndərirdi bizi anamın vətəninə. orda 10 gün falan nənəmlə, babamla qalıb qayıdırdıq.+4 əjdaha
35. bir defe mamayla mescide getdim, menim elime de qara eski bagladilar, ne oldugunu bilmirdim, amma çox cool gorunurdu.Her şey bir yana amma hedik çox dadli olur.
Dikkat linç içerir :
Kaşki xocali faciesi, 20 yanvar, soyqirimi gunu kimi oz olkemizin başina gelen facielere her il bele reaksiya verseydik
+4 əjdaha
7. 1400 il bundan əvvəl olmuş hadisənin indi xatırlanması.+5 əjdaha
45. inanclı olmağıma baxmayaraq qarşı çıxıram. onsuzda fikir vermişəm azərbaycanda din söhbəti açıldısa 90% əvvəl axır imamlara gedib çıxacaq söhbət. bəs tanrının varlığı üçün gətirilən arqumentlər? peyğəmbərlərin başına gələn hadisələr? tanrının kəlməsinin əsrlər boyu "dəyişilməsi"? yox lazım deyil belə maraqlı müzakirələr. ancaq imamların halına ağlayın. güclü fanatizm var imamlara qarşı. imamlara peyğəmbərlər qədər böyük hörmətim var o sözsüz. bu din uğrunda özlərini fəda ediblər, müəyyən bir rola sahibdilər. amma insanların kortəbii şəkildə ağlaşma qurması nə qədərdə mənasızdır. olan olub, keçən keçib. nədir axı məqsəd bu işdə?! tanrı qalıb kənarda, peyğəmbər qalıb kənarda imamları ilahlaşdırırlar. imamları bir kənara qoysaq belə uzun müddət yas tutma, ağlaşma onsuzda bizdə dəbdi. peyğəmbər özü belə uzun müddət yas tutmanı, ağlaşmanı qadağan etmişdi. hələ o sinələrinə döyənlər heç mənə çatmır. böyük ehtimal sürü psixologiyası və cahillikdən irəli gəlir.+7 əjdaha
46. Bəzi avtobus və taksilər gedişhaqqı götürmədi. Bir də çörək bir neçə dükanda pulsuz idi(bu haqda da qeyri adi olay oldu, o da başka entrynin konusu) Ehsan deyilən bu deyildi axı..+3 əjdaha
17. inqilabın nə demək olduğunu anlatan gün+2 əjdaha
31. keçən il sinə döymək kateqoriyasında nənəm gümüş medal qazandı.qızılı brazilyalı dilvora sançezə uduzdu+3 əjdaha
13. azərbaycanlılardan bir pox olmayacağını bir daha göstərən gün olaraq tarixə keçmişdir.+2 əjdaha
26. vaxtında çox böyük oğraşlığın edildiyi, indilərdə isə boş yerə matəm saxlanılan gündür.+3 əjdaha
9. bu gün sırf kimlərəsə inad olsun deyə şiələr ehsan zad verirlər.qaqa adamı çağırırlar ehsana tamam da yahu kardeşim bi dini söhbət zad eliyində dimi? gedib oturusan limonlu çay zad amma hərə öz kefindədi. sonrada durub sən dua verib 2 əlinlə üzünə çəkəndə baxışları yoxdumu ha orada #77257 enttryə qatılıram. elə baxırlar ki tövbə-tövbə elə bil israili biz qurub hizbullahı biz bombalamışıq.+2 əjdaha
3. hədik yemәk fürsәti.+3 əjdaha
23. hicri-qəməri təqvimdə ilk ay. bu ayın 10 cu günü aşura adlanır. bir çox rəvayətə görə dünya üçün mühüm olan bir çox hadisələr bu ayda baş verib. islamdan da əvvəl başda israiloğulları olmaqla bir çox xalq və ya qövm bu ayı və 10 gününü müqəddəs bilib, oruc tutub ibadətlər edirlərmiş və bu ayda savaşmaq haramdır. buna baxmayaraq məhərrəm ayı tarixdə savaşlarlada yadda qalıb. hz. hüseyn, ailəsi və tərəfdarları ilə birlikdə kərbəlada şəhid edilib.+2 əjdaha
34. müsəlman ölkələrin niyə bu qədər geridə qaldığını göstərən hadisələrdən biridir.+2 əjdaha
37. (baxma: hədik sevənlərin bayramı)+1 əjdaha
38. (baxma: Uçan ələm günü)+3 əjdaha
20. kafirlər* ateistlər hehe və sələfilərin şiələrlə məzələndiyi gündür.xoş deyil amma sizdə camaata material vermeyin be kardeşim.+1 əjdaha
44. Otelin restoranında belə mərsiyə dinlədilən gün.+1 əjdaha
27. zəncirləmə, şallaqlama)+1 əjdaha
42. Pulsuz çay ikramı ilə məni sevindirmişdir+1 əjdaha
12. ölənlərə allah rəhmət eləsin, atasına da böyüy-böyüy uğurlar arzuluyram.+1 əjdaha
47. Şiələr üçün matəm, sünnilər üçün bayram günü. Məhərrəm ayının 10-cu günü+1 əjdaha
36. Dini ritual kimi qəbul edirəm, amma fanatiklər xəncər, zəncirlə işin ağını çıxarırlar. islam dinini dəyərsizləşdirən səbəblərdən başlıcası bu fanatizmdir. Bir tərəfdən deyirlər ki, quranda insanın özünə zərərverici işlər etməsi günahdır, digər tərəfdən isə başlar yarılır, bədənlər zəncirlənir. Nə mənası var? Niyə insanlara və oraya götürülər uşaqlara travma verirsən?Bu il karantinə görə böyük ehtimalla olmayacaq. Eyni mənzərəni internetdən də olsa, bu il görməyəcəyik yaxşı ki.
hamısını göstər